怒茶巷 (已結業)

喺葵涌廣場當然係要搵小食嘢飲啦，今次就去咗3樓搵咗一間好好味嘅飲品店，呢度有好多各式各樣嘅小食，食飽飽大家就可以去到3樓搵摩登世界嘅門口就會見到呢間飲品舖「怒茶巷」！佢嘅飲品種類都十分之多，有純茶飲品、果茶飲品、奶類製品同埋芝士配搭，令你可以有唔同嘅選擇睇吓自己想飲乜嘢種類，仲有多款配料俾你加落去！Oreo芝士朱古力（$35）成日飲杯朱古力就有啲厭倦，今次叫咗Oreo做配搭，飲落去仲有粒粒嘅口感增加朱古力嘅甜味，佢嘅芝士奶蓋十分之濃郁仲配有Oreo嘅粒粒碎，你係飲呢個奶蓋嘅同時都有朱古力嘅感覺，兩種濃郁嘅口感加起來十分之合適！鳳梨四季春（$25）朋友另一杯就叫咗果茶系列，佢嘅四季春茶味都好足夠，唔會好苦澀令到一杯嘢飲好奇怪，然後生果味好香濃又唔會搶走茶味，鳳梨配搭四季春真係一個好選擇，慢慢飲就先飲到鳳梨啲鮮果味然後就有淡淡的四季春香味係個口中都徘徊！

建議：葵廣好多茶飲店揀，位於3樓既怒茶巷絕對值得一試👍 係之前都有講過發現到葵廣有間比較隱藏既茶飲店。新年時睇艾豬發現，佢地換左新 menu，今日去葵廣 3樓掃街點可以唔去先 😂今次試左：▫️芝士宇治抹茶 (HK$32)▪️四重朱古力 (HK$28)之前飲開既芝士三重抹茶 (HK$29) 已經無左，所以今次揀番宇治抹茶。整體中規中矩，唔知係咪茶底轉左？ (請指教) 飲落無以前甘驚喜🤔如果想飲濃朱古力，揀四重朱古力唔錯 👍，不過點樣四重就唔係好飲得出 😂 新Menu 芝士系列多左野揀，下次再黎試其他。

周不時都會約朋友行葵廣，睇吓衫同掃下街，咁就係一個愉快嘅day off啦~ 有行開葵廣嘅都知，3樓有一條食街，咁岩今日都行過，但係大部份響嗰度食店我哋都試過晒，但朋友好眼利，發現咗呢間要轉入少少嘅飲品店位置一啲都唔起眼，但見未試過, 就一於望吓個Menu啦~ 一見到黑糖珍珠鮮奶$25一杯! 我就二話不說買咗，因為而家出面閒閒地都賣$30+一杯，雖然鍾意但我成日都唔捨得飲，見佢$25咁抵就嗱嗱臨買返杯試吓! 最正嘅係呢度仲有得揀少甜少冰，出面好多都固定咗甜度~ 朋友好鍾意芝士奶蓋，所以就叫咗杯芝士四季春茶走甜少冰~ 黑糖珍珠鮮奶令我好驚喜奶味好香，珍珠香甜，軟硬度啱啱好，杯嘢飲拎上手嗰陣，珍珠仲係少少燙手，鮮奶就凍冰冰，撞埋一齊好正! 咁嘅價錢完全係超水準發揮至於芝士四季春茶都好好飲, 茶味濃郁微甘，芝士奶蓋香滑唔會太漏，呢個價錢同呢個質素，建議大家嚟到葵廣都一定要試吓

同朋友去咗葵廣掃街，食咗唔少熱氣嘢，買翻杯茶飲吓。怒茶巷唔係顯眼嘅位置，不過皇天不負有心人，揾到當然要試吓！我叫咗紅柚四季春(微糖)(去冰)($25)，係叫嘅時候店員態度好好，會特意提醒去冰可能會減少左份量，而且微糖有機會令到茶澀。好快就拎到杯飲品，紅柚味好fresh同幾出，茶味唔錯，不過叫咗微糖真係有啲澀，下次唔會再叫微糖，有啲後悔。

去開葵芳呢個美食天堂，點可以唔飲台式飲品😆😆 飲住野，再去其他舖頭食下小食，真係好鬼正，簡直係平民版放題丫🤤二人行，叫左兩杯野飲，分別係芝士三重朱古力$32，同埋芒果大馬士革$25芝士三重朱古力，估唔到兩樣野甘夾。面頭係一層厚厚嘅咸咸甜甜嘅芝士，好似喜x嘅奶蓋甘，幾足料！ 朱古力味都好濃郁，唔係超甜嗰種。成杯野好creamy, 唔會太甜。芒果大馬士革就走清新路線。芒果味好濃郁再加類似梳打氣水係底？甜甜地，好解渴，夏天飲一流。呢隻飲品仲可以揀少甜👍👍 忍唔住一啖一啖咁飲曬舖頭細細間，係摩登xx入囗好易搵，舖頭好整潔，整野飲兩位哥哥都好有禮貌好pro甘。😁😁呢間舖頭仲有好多野飲選擇，下次我會再嚟。😁

呢日同朋友嚟到葵廣行街，葵廣手搖鋪真係多到眼花撩亂，行到嚟三樓摩登世界個頭，就俾呢間隱世啲嘅鋪頭吸引咗。佢冇好花巧有好多gimmick嘅產品，都係有普遍嘅純茶同芝士奶蓋咁。我同朋友分別叫咗杯芝士四季春同黑糖珍珠鮮奶。先講我個杯四季春，我係叫咗無糖嘅，所以更加飲到茶底嘅甘醇，而面頭嘅芝士奶蓋都好濃厚，係飲落鹹鹹甜甜嘅濃郁芝士味，唔係有啲鋪頭嘅奶粉奶蓋，我好喜歡💕配上清新嘅四季春，飲落唔會膩！朋友個杯黑糖珍珠鮮奶飲落都好香滑，鋪頭用咗奶味重嘅鮮奶，雖然係黑糖飲唔冇得轉甜度，以我平時飲嘢會走開糖嚟講飲落都唔會好甜，而且珍珠都好煙韌，唔會一pat嘢咁。呢間鋪頭雖然少啲人提，但絕對有驚喜，價錢都比較適中，值得去懲罰懲罰💛

另一間黃黃的奶蓋茶飲店💛位於3樓top世界旁邊巷仔，不過我去幫襯嘅時候成間舖都冇人幾靜下，大家可以去支持下💛茶飲店飲品種類都幾多，有芝士奶蓋配上各款茶底、果茶、清茶、鮮奶飲品。見到門外佈置已經值得衝過去幫襯💛👓芝士炭焙烏龍茶 $26奶蓋比較重奶味，少少鹹香，可以再重手鹹香味一點。茶底帶甜味，唔鍾意飲太甜嘅朋友建議可以叫少甜。👓鳳梨四季春茶 $25味道比較似菠蘿汁，有鳳梨味，不過叫咗少甜都係偏甜左少少。整體味道似鳳梨果汁配上茶底。建議打開蓋就咁品嚐下奶蓋先，然後再插飲管飲埋個茶底～

建議：葵廣3樓，位置可能難搵啲，不過真心值得一試👍作為逢奶蓋必試既#試伏專員，今日終於一試三樓既怒茶巷🤭 價錢唔貴，仲有好多款揀 (餐牌見圖2)今次試左：芝士三重抹茶 $29 甘既價錢飲到好飲既抹茶係不可思議既事😯 仲要有埋奶蓋。 前幾個post 仲講緊點解奶蓋通常都係咸。終於！怒茶巷既奶蓋係甜架，仲要係微甜，不得了! 好好味呀 (味公主mode) 飲完唔會全口糖，抹茶仲要好濃郁💚 會 Encore item 😋黑糖珍珠鮮奶 ($25)正常味道，雖然無得揀糖度，但都唔食暴甜👍

怒茶巷，比佢個名吸引左，甘岩佢又係係巷入面。所以我同朋友就決定幫襯。見到舖面有好多飾品，都係一啲support香港人既標語字句。餐牌方面，雖然款式唔多，但係大路既野都有齊，好處唔洗睇甘耐，岩晒我呢啲選擇困難既人。而且除左大路飲品，仲會有啲佢地既飲品。我同朋友各自點左芝士黑糖鮮奶同芝士oreo曲奇朱古力。2杯都有芝士，芝士好綿密幻細，唔會覺得好似食左陣風甘，而且芝士味道濃郁。Orea曲奇同朱古力味都夠重，雖然mix埋一齊，但又出奇地唔會膩。黑糖鮮奶夠奶味，而且黑糖珍珠唔係死甜，岩我呢啲怕太甜既人飲。另外最值得一讚既係，佢地仲有紙巾提供，十分細心！

間鋪頭嘅位置唔係喺平時大街度 位於摩登世界轉角位，唔留意嘅話會有啲難搵。葵廣咁多選擇真係好易就miss左，唔係淨係得美食世界先有嘢飲架，行多幾步就可以去呢間值得支持嘅鋪頭！ 要左百香芒果四季春（＄25）本身覺得好普通嘅配搭，飲到有芒果味，同百香果兩個幾夾。有百香果籽可以咬下。就咁飲第一啖會飲到百香果同芒果味，細心啲咁dap就會飲到四季春嘅茶味。本來以為佢會同一般而飲咁畀果汁蓋過茶味但估唔到居然係餘韻飲到四季春嘅甘甜同清香。幾解渴，係葵廣食完油膩嘅食物就最啱喇。另一杯揀咗有芝士奶蓋黎試下。芝士宇治抹茶凍（＄32）熱（＄34） 芝士奶蓋都幾厚下，佔一杯嘅四分之一，抹茶亦都做到有層次感，打卡出黎效果幾好。 芝士奶蓋面頭滲咗啲抹茶粉，飲落去奶蓋嘅芝士味同鹹香平衡得好好，唔會話太厚似牙膏，又唔會稀到好快比啲冰溝淡哂咁。 般若要左少甜 飲落去抹茶味都出 唔會太膩，估唔到芝士同抹茶都幾夾，鹹鹹地嘅芝士配上抹茶，好似食緊抹茶芝士蛋糕咁 。值得一讚嘅係佢個蓋除咗可以插飲管落去，一下飲到最底嘅抹茶之外。仲有一個個蓋仔可以畀你轉開飲奶蓋+茶。所有飲品一律都係500cc夠曬大杯 ，仲要價錢幾平，平均＄25，最

朋友推介葵廣懲罰系列，必點芝士奶蓋，飲完下次真心可以encore。芝士碳焙烏龍茶$26（少冰微甜）芝士非常豐厚，芝味濃郁奶蓋堅正，茶味亦清淡，飲得出淡淡既烘焙味道，最佳飲法係先轉開杯蓋，斜斜地45度角先飲芝士奶蓋加烏龍茶，再用飲管，咸mix清茶的確幾特別。其實覺得最好味係直接飲，唔用飲管。鳳梨四季春$25（少冰微甜）四季春茶底青香，有粒粒真材實料鳳梨，甜度剛剛好，入口解渴清新。收銀姐姐都好貼心咁提醒，記住搞勻先飲哦！

手搖飲品店開到成行成市但值得一去既唔好呢一間直頭可以令我可以大叫一聲：「我地真係好L鍾意怒茶巷」鋪仔細細，但麻雀雖小，五臟俱全，除左常見既飲品之外，仲有唔少幾有特色既飲品OREO芝士朱古力、紅柚四季春呢個OREO芝士朱古力認真夠晒誠意睇下上面Ｄ　ＯＲＥＯ碎多到滿瀉你以為又ＯＲＥＯ又芝士又朱古力，三樣咁ＨＥＡＶＹ既野飲落會好ＨＥＡＶＹ好膩？佢又唔會喎你可以飲到濃濃既朱古力香，仲有陣陣既芝士味，加上滿滿既ＯＲＥＯ碎令佢口感都有埋層次成杯野可以話係滿分呢杯紅柚四季春亦都正到痺首先不得不提四季春呢款茶先係茶飲店真係好少見到呢隻茶呢隻茶茶味有明顯花香，而且甘甜好入喉，就算怕茶味既朋友都岩飲最正係佢既紅柚落得好足紅柚亦好新鮮又唔會苦，甘甘地咁令紅柚可以同茶香合而為一好值得一飲

前幾日約左朋友黎葵涌廣場行街，辦下年貨。行行下佢拉左我入黎買怒茶巷既手沖飲品。睇到餐牌，當然要點我既至愛芝士奶蓋系列啦第一眼吸引到我既係芝士奶蓋三重抹茶，沖出黎都幾大杯，芝士奶蓋既味道好濃郁，而且食到有軟綿綿既口感，夠厚同夠份量，唔係得一層泡。抹茶味道更是濃郁，撞埋芝士真係好好飲，非常之推介朋友就點左黑糖珍珠鮮奶，見到係用鮮奶沖，唔似其他飲品店用奶粉沖，始終鮮奶沖出黎個奶味都會香濃啲，而且有奶既厚感,所以我朋友每次黎都會必點

係葵廣兜嚟兜去尋尋覓覓行左好多個圈都唔知買邊間既清茶好，想飲杯烏龍茶啫，都咁多選擇太難揀喇😭😭最後揀左呢檔喱埋係三樓兩大間超平「果汁」隔離巷口既FuryTea，主要係想幫襯下冇咁多分店既品牌，而且佢門面裝飾得太靚喇😍題外話，嗰兩間「果汁」，Literally幾蚊就有一杯，究竟入面有冇生果真係心照啦，當飲料係ok既，想飲番啲真係健康RawFood既飲品就搵番呢類茶飲店😁😁呢杯烏龍個茶底水準一啲都唔曳，冰茶都飲得到烘焙茶葉既香味，抵讚👍🏻👍🏻亦都希望再有機會嚟飲下其他野🔥🔥🔥

/葵廣奶蓋飲品推介💛/又一間黃店推介啦❣️想飲野飲洗乜幫襯藍店😊更何況葵芳多選擇甘多😃依間小店新開張.芝士宇治抹茶 $32芝士控既你點可以錯過奶蓋🤣奶蓋整得好好🤩鹹香味好夠😋綠茶味好濃❣️我中意飲到底都有奶蓋🧋所以無攪佢地🤣最尾係肥肥既奶蓋，美中不足係太好飲🤩想要大杯啲😂.鳳梨四季春 $25奶蓋飲品出色好多🤣茶底都唔算太濃😊唔洗怕飲完訓唔到教😇杯野飲唔係得糖漿味，得個甜字.⚠️強烈推介🤩芝士奶蓋茶