思想共鳴 (已搬遷) 新店位置

第一次經過思想共鳴，最吸引眼球嘅，肯定係店外面嗰幅畫有 Pepe 嘅外牆，可惜，再次經過嘅時候，幅牆已經被消失，據聞係小店受壓，被迫清除☹️。幾時開始，香港連一幅 graffiti 都容不下，想想也覺悲哀。冇咗 Pepe，迎賓嘅責任就落喺門口嘅口罩 Lego 狗身上😆。睇睇餐牌，我迅速就決定 order 日式海膽煮蟹肉意大利飯配酥炸軟殼蟹，意大利飯嘅海膽味比想像中淡，醬汁亦唔算太 creamy，不過調味尚算唔錯；除咗蟹肉，飯入面仲有本菇，洋蔥粒同節瓜粒，味道同口感都頗為豐富；面頭嘅軟殼蟹好大隻，亦好滋味，可惜較為油膩，唔夠鬆脆。對面位叫咗菠菜忌廉汁烤雞螺絲粉，雞嘅份量好多，肉質亦算嫰滑；菠菜忌廉汁調味不俗，有少少青醬風味，係我鍾意嘅味道，如果螺絲粉再煮得彈牙些少就更理想。

周末午餐：12點左右到店，成為第三檯客，裝修跟上手沒很大分別，加了膠片分隔食客群，門外有酒精供食客消毒雙手，如入座前需先量體溫會更安心。日式海膽海鮮意大利飯 - 有少少海膽味，材料跟配料豐富，口感不錯，蝦尤其爽口。美中不足是青口及沙律菜不太新鮮，但以$78一個餐好抵食！卡邦尼意粉 - 煮法幾正宗，個人認為醬汁濃稠度適中，味道好。意粉煙韌度亦掌握得不錯，整體值得推介。餐飲配熱茶，有數款選擇。我們則補差價揀了鹹檸七（這飲品有個好名，值得留意 🤣）及卡布奇諾，兩款杯品都很讚 😋👍🏻下次想試下午茶 😍

思想共鳴開咗之後，一直都好想黎試下，但見到Menu唔係Risotto就係Pasta，都唔太啱食，直至見佢Lunch加咗Salad，就去試下啦！不過下午茶咁抵食，就無叫到Salad午餐啦，哈哈！芝士煙肉焗大啡菇 配焗西蘭花椰菜花($40)呢個茶餐最啱芝士控，真係好多芝士，大啡菇上面除咗煙肉，仲有啲蔥頭，都幾香口。西蘭花方面就淨係得芝士焗，如果有啲忌廉味會更香。龍蝦汁海鮮意粉($78) *食咗一啖*龍蝦汁味道好香，意粉偏幼，但都煮得好爽口。海鮮方面有兩隻大蝦，青口同蜆，食咗一隻蜆，都幾新鮮無苦味。

今次介紹呢間係一間今個月新開張嘅黃店，叫思想共鳴，呢個名嘅由來係同路人經過呢場運動搵到思想同行嘅手足，亦都感受到聲音共鳴嘅美好，所以就叫「思想 共鳴」。餐牌有意粉有Risotto有鰻魚飯有生蠔，如果唔係林鄭嘅話佢哋仲有wine賣，照顧晒唔同喜好嘅手足🥰 我哋今次先試吓呢個鰻魚炒飯，原本無睇清楚唔知係炒飯，上菜嘅時候見到個飯咁足料真係幾驚喜🤩 飯入面有粟米有洋蔥有冬菇仲有啲瓜粒，幾有咬口，啖啖都有唔同嘅配料入到口，唔怕悶😗 條鰻魚唔係勁厚肉勁煙韌嗰隻，有啲似小編之前喺大阪食嘅鰻魚，薄薄地但燒得好香。98蚊有杯茉莉花茶飲仲要唔收加一，算係幾高質素😛 .一路食飯嘅期間好似聽咗個方皓玟演唱會咁，餐廳個喇叭由如果想我哭播到人話😂

叫外賣都預咗無咁大份同正常但係當你啤$120 唔計運輸收到呢個兒童餐 真係把幾火跟餐飲 話係熱伯爵茶 但係我冇估過佢會淨係畀一個茶包連杯都冇 佢係expect我直接咬住個茶包到熱水入去飲 真係大開眼界講明係意大利飯risotto 但係一食就已經知道係普通香米 係正常屋企食嘅飯 少少硬身殼都冇 好明顯係違反商品說明條例啲龍蝦汁係真係包勻曬每粒飯 海鮮有青口 蝦 同蜆 都普通啦堂食可能好啲但係外賣千祈唔好 因為佢個廚房已經delay咗三次張單 最後等咗額外成粒鐘先到

呢間店係正Mikki對面, 4月初新開, 係呢個逆市&疫市開店真係要好大決心! 趁住五一假過黎試試, 佢既lunch set價錢由5十幾起都OK, 難得黎試我睇中menu入面既日式海膽煮蟹肉意大利飯配酥炸軟殼蟹, 另外再要杯玫瑰鮮奶咖啡 & 美式炸薯條配黑松露醬. 😋點完餐之後見佢寄賣有五一限定既可愛小花束, 揀咗個返去送俾媽媽! 😘遇著黃金週優惠送咗個前菜柚子蟹肉沙律, 蔬菜都新鮮既, 柚子汁配蟹肉好清爽. 玫瑰鮮奶咖啡甜度&濃度剛好, 重有淡淡玫瑰好啱我口味. 👍🏻美式炸薯條配黑松露醬呢個正! 薯條炸得香脆, 重點個黑松露醬好好味! 好夠黑松露味, 加分!😋日式海膽煮蟹肉意大利飯配酥炸軟殼蟹(個名好長..) 賣相一流, 全隻炸軟殼蟹炸得好酥好脆, 而個意大利飯都整得好好味, 醬汁濃厚有淡淡海膽味, 意大利飯裡面除咗蟹肉有好多菇類,洋蔥粒,節瓜粒(?)等, 全部都係我中意食既配料! 😋而佢既份量都好夠! 因為好食又唔想浪費我食晒成碟飯, 但食完飽到去晚餐都食唔到.. 😆 老實, 我本來諗住當新餐廳即管去試試既心態, 但真係比預期既好味, 起碼好啱我口味先! 呢間有機會會再去!👍🏻

感受到好用心製作食物，賣相、味道唔錯，小店只有一個女仔在招呼客人，但仍然好溫柔同好有禮貌，令人好舒服，值得支持嘅小店，有義賣物品同免費postcard❤️❤️❤️

新蒲崗新開既黃店，梗係要繼續撐啦今次有得食西餐，仲要有牛舌🤤·試左鮮茄牛舌螺絲粉喂，牛舌好得👍🏼淋得黎又有口感同事都話好食，鍾意食牛舌既記得試下！唔好見外賣盒好似好細咁，其實分量十足，食到我好飽😆同事仲話我一定食唔晒，講中左😂本身跟餐有Breakfast Tea, Earl Grey 同Jasmine Tea，不過我補左差價飲FlatWhite，到底有幾鍾意FlatWhite 😂估唔到咁大杯，都算唔錯👍🏼

「思想共鳴」因為店名 ，所以同同事Lunch hour去試。環境okay，等待食物時間大概要15-20分鐘，可以接受。同事叫左龍蝦汁海鮮意大利粉，我叫左菠菜忌廉汁烤雞螺絲粉。但一次之後，不了。原因係當我食第2啖時發現螺絲粉內有陰毛，同職員講完佢話可以換過碟，無奈個陣已經1點40分，我無時間再等佢煮，加上衛生問題都冇咩胃口......所以拒絕左。最後成張單有比左9折我地，但之後應該唔會再幫襯。***希望店家可以認真留意一下***

呢幾日不約而同見到唔同嘅社交平台page and group 都介紹呢間係新蒲崗越秀廣場嘅餐廳，喺近Mikiki and KFC 嗰邊。門口有寄賣不同嘅嘢，枱同枱之間又有從天而降嘅透明膠隔著，抗疫之下都食得安心。只係睇鋪名都覺得好有個性，有陣黃店味。好彩唔駛等位就有位坐。午餐有set揀，有意粉, risotto 同 鰻魚炒飯。海鮮意粉好足料，個汁亦都啱啱好，夠濃但唔會太咸太杰！鰻魚炒飯仲係原條鰻魚上，每粉飯都沾滿鰻魚汁，正！

    星期三在家工作至過了午飯時間，便和朋友找個地方吃下午茶。之前經過位於越秀廣場旁邊的這間餐廳——「思想共鳴」，覺得它的名字挺有意思，便想找機會試試。加上當天看到餐應在下午茶時段只有一枱客人，符合避開人流的抗疫原則，而且枱與枱之間均設有透明膠幕隔開，減低病菌傳播的風險，所以我們就入座了。    言歸正傳，我們點了「日式海膽煮蟹肉意大利飯配酥炸軟殼蟹」($108)及脆炸雞軟骨($28)各一客，配飲品茉莉花茶一杯。海膽軟殼蟹意大利飯份量適中，米飯軟硬度剛好，配以海膽汁，濃郁入味，味道不俗，但芡汁稍嫌收得未夠，所以米飯不太黏稠。至於雞軟骨，就非常香脆可口，而且熱騰騰，最適宜配上冰凍的啤酒，值得一讚！而茉莉花茶就沒甚麼特別。另外，員工態度很友善，亦有主動送上清水。    總括來説，食物質素不錯，可以一試。

逆市開店 係而家呢個市道開店真係需要好大勇氣 😤 見到新蒲崗11/4開左一間新既餐廳 地點位於mikiki對面 特別佢幅Pepe黑板印象好深刻 每一次經過都見到有人同佢影相午市套餐有以下幾款選擇 上openice見到好多人推薦L1同L6 於是我同友人都叫左試下日式海膽煙三文魚大蝦意大利粉 $78上枱好吸引 意大利粉硬到適中 每一啖都可以掛上濃濃既海膽汁 再配上煙三文魚和兩隻大蝦 意大利粉份量亦都好多 好味😋原條烤鰻魚炒飯 $98出色😍 原條鰻魚上枱效果好震撼 鰻魚口感幾爽口 出面好多鰻魚飯都係配上白飯 但係呢一間就用炒飯 其實食落都好似risotto 😋 推介👍🏻我地仲追加小食 加$10 檸檬蜜汁芝麻雞翼 上枱熱辣辣幾好味 午市套餐包一杯熱飲品 我叫左一杯熱茉莉茶 而友人就叫左一杯凍latte 佢話天氣咁熱緊係飲番一杯凍飲 正常latte味道 值得一題餐廳係用環保飲管 😊其實叫兩份午餐已經好飽 但係我地仲追加炸雞軟骨😆 好飽岈佢地仲有一個小column放左襟章同一啲小飾物 收益捐畀立場新聞 最底仲有免費post card可以拎 大家一定要多多支持黃色經濟圈🥰 等黄店可以繼續做落去💪

我同朋友大約二點半去到餐廳 原本諗住去食下午茶 但去到先知星期六無下午茶 去到二點半都係繼續提供午餐同其他小食 但午餐價錢唔係貴 所以都okay因為我唔太餓但朋友就好肚餓 所以我地叫左一份菠菜忌廉烤雞螺絲粉 追加檸檬蜜味芝麻雞翼 同一份小食黑松露醬炸薯條螺絲粉好大碟 追加雞翼都好食 朋友都食到好飽另外薯條薯仔味重 ＄38一份都幾抵食 不過如果小店都有素食提供就好喇～～～

見有負評話貴，但唔理啦，新鋪頭想試下結果。。。根本唔貴囉。。。負評條友話400蚊一個人，點會呀？我見啲pasta先80蚊一碟，埋單100蚊都唔洗喎 ( ･᷄ὢ･᷅ )態度嗰啲，負評條友話態度差。認真，啲員工笑笑口咁，好難話差。我覺得要留意下打手嘅問題。我知而家好多人睇顏色食飯，seriously I dun care，我都係想食餐好。呵。Anyway我就有圖有真相叫咗個軟殼蟹海膽risotto，海膽味幾濃，cover哂個risotto，望啲色都估到個味。我幾鐘意呢個，啲米煮得啱啱好，入到海膽味80蚊，做到呢個質素同擺盤，我幾滿意仲有個類似carbonara嘅天使麵，唔錯，不過不失。擺盤幾好，80蚊價錢，200蚊外型，幾啱打下ig 卡。risotto驚艷啲(´▽｀)

上星期11/4新開嘅小店見到店舖外嘅設計都好有心思，新開張期間仲有9折優惠，即刻約埋朋友嚟一齊食lunch本來擔心午餐巔峰時間要等好耐，不過因為疫情關係，好多人都係叫外賣，我哋好快有得入去坐底。店舖內亦好貼心，每張枱之間都有透明膠簾作為屏障，阻隔枱與枱之間嘅傳播風險，加分因為份量超！足！食咗呢啲已經好飽 但為食嘅我哋一早已經嗌咗個黑松露薯條，結果最後攤到凍咗先食得晒😢 感覺有點可惜（忠告：薯條真係要趁熱食先好味）所以食量細嘅人可以搵多啲朋友share先嗌小食，或者食完正餐仲食得落再追加➕➕➕最後想讚呢間店舖整體環境同服務都係極優，店內店外嘅設計都極具心思，香港人都一定睇得明。雖然店舖規模不大，人手亦唔多，但服務質素都好高，對客nice有耐性，係好值得推介嘅良心小店