意大利千層麵屋 (已搬遷) 新店位置

留意左呢間意大利千層面一段時間,由佢岩岩開到而家,眼見等位食野既人越來越多,雖然要坐係出面..位置唔多,但見到價錢同食物都咁吸引..終於都要試一次啦!!but好可惜..坐低冇耐就落起微微細雨,but唔緊要..因為如果佢唔係咁樣小本經營,我地都唔會食到呢個質數竟然會有呢個價錢點左一個2人餐,有一客千層面,一客薯仔,一個pizza,2罐可樂..盛惠 $135千層面,呢個冇得選擇既..得一款,應該就係佢地既招牌千層面啦..每一層既面中間夾住厚厚既肉醬,芝士,加埋上面既茄汁..so good~!呢個薯仔我覺得係幾款野入面最好食既~有幾款揀,我呢個係忌廉薯仔..d薯仔食落唔會好似薯蓉咁粉..軟硬度剛好..濃濃既忌廉味..正pizza都有幾款揀..我呢個係煙三文魚,味道同料都好足,皮係果種薄薄脆脆既..唔會食完就滯到咩都食唔到雖然d野黎到睇落全部都細細碟..但食完真係好飽嫁~~我覺得呢餐真係抵食到暈

兩星期前的週曰晚路經此平民意大利食店, 見到有食客等位, 雖得約十二個坐位, 嗜吃西餐的我看過食評後已决定平曰會來一試其手勢.望入小店内只見西式廚房及外賣薄餅的盒子, 设有多餘的空間做樓面, 故數張四人餐桌放於店門外, 我兩也像打冷似的於行人路上用膳, 不同的是吃二人意大利套餐($135).雖然只有一位女服務員, 但她動作敏捷, 先送上兩杯水及餐具, 再立刻幫我們點菜.餐飲:可樂(没有zero可樂)+果汁(加$6), 不太冰凍, 但可接受, 反正當晚有點秋風.選黑松露薯蓉白色碟配奶白色的薯蓉, 令賣相失色了, 小許黑松露混入薯蓉還有點獨特的香氣, 初吃二口便可以, 若我視為前菜, 二人共享亦有點兒飽, 但平價的意大利黑松露菌醬也要百多元一小瓶, 故小店有此菜式供應已叫我驚喜了.選意大利肉醬千層麵我自問對此菜式陌生, 只知烤焗及步驟繁複, 混合的牛肉, 豬肉及奶油味濃, 我没有另加芝士粉, 只加數滴辣椒仔點綴, 數層長方型寬麵能夠清楚分別, 没有糊掉. 選煙三文魚薄餅以煙三文魚, 洋蔥及酸忌廉為主做餡料, 三文魚份量不俗, 不是魚絲或魚蓉, 薄餅外皮頗厚, 中間薄, 唯餅皮未能烤至帶燶,

呢餐係好姊妹嘅生日飯就番大家地方又就番我咁晏嘅時間就揀咗呢間其實好擔心架...一來係要坐街邊嘅,話晒生日飯嘛所以唔好食我就好大責任架!!好彩...冇失望不特止仲超有驚喜$135二人餐包一客薯仔‧意粉‧薄餅,仲跟兩罐汽水呢個價錢咁嘅質素真係冇天理呀點解可以咁好味!!忌廉千層薯,一心最想試個黑松露薯蓉,不過見到呢個又心思思一客散叫都係18蚊!!超驚喜,勁好味!!黑松露薯蓉,新鮮薯仔整架唔係溝薯粉,回味中!!千層麵,講開先知我哋三個都唔係太鍾意千層麵不過又會比佢個樣吸引咗好想嗌...因為太怕超級茄汁呢度個味啱啱好!!正正正!!巴拿馬火腿薄餅,超脆超芝士超好味!!好想再去食呀!!真係勁好味!!埋單3個人唔洗200希望短期內有時間再去

必試黑松露薯蓉！勁香pizza係望住師父即刻整，脆卜卜千層闊麵都好有水準！聞到隔離台食燒春雞好香，下次一定要食埋！最重要價錢相宜，就算坐街台無冷氣都值得一試！lunch都好抵，35蚊包埋汽水

今日同男友去元朗，見到呢間野新開左一排..男友又鐘意食千層麵..咁座低試下啦，叫左個二人餐..135蚊..包括有任揀一款焗薯，任揀一個Pizza，任揀一個意粉/千層麵..包兩罐汽水..飲果汁另加6蚊..焗薯我地揀左黑松露焗薯..味道唔錯，好香..pizza就揀左有新鮮磨菇，粟米..磨菇竟然係新鮮.好少會用..值得加分！！，仲有車厘茄個批好簿..好脆..好似食緊餅咁千屠麵就揀左肉醬芝士...味道都ok~下次會再去!!!!