意大利千層麵屋 (已搬遷) 新店位置

我們一家7口一齊去試一試這家小店.環境 : 地方很迫, 要坐圓櫈, 坐得幾辛苦!食物 : - 肉醬千層麵- 太酸, 小朋友唔鍾意食 - 千層薯 - 太淡 - 白汁煙肉雜菌意- OK, 但用料太少 - 雞翼 - OK - 巴拿馬火腿Pizza - 真係得片火腿+ 薄餅底, 好似食緊火腿+餅乾... - 飲品- 汽水只有可樂... 冇其他, 好奇怪 !由於佢地冇啤酒供應, 我惟有自己買入去, 而侍應係我地開佐罐啤酒之後先話唔比飲..（我地拎入黎既時候係冇收埋既，坐門口既侍應係一定睇到既），ｄ態度仲勁差。但冇理由係我地開佐罐野先要我地收埋佢（開佐唔知點收埋！！！）我地咪請佢老闆出來啦，點佢個老闆仲串，叫我呀爸出去門口飲，之後仲去我地走！我都係第一次去食野而受到唔冇禮貌既對待。　於是我地咪即刻走啦，唔食又唔會死既！　不過我地都好有品架，　ｏｒｄｅｒ佐又出佐既食物我地要番仲比足錢！由於係比人趕走既關係，所以冇影相。不過一間咁既餐廳，　唔駛錢我都唔會再去食呀！就算係迪士尼（話唔比帶飲品入去）都唔會要你出去門口飲完先入黎。我建議佢地係食客入去之前要搜下食客既袋或者照下ｘ－ｒａｙ，　或者收開瓶費！

今晚試食咗剛開張嘅千層麵屋，入到去個環境好舒服，d 食物又唔會等太內，我叫咗二人餐，個千層薯食落去好夠芝士味，鍾意食芝士嘅人，會食唔停，大至上嘅食物味道都ok ，最後叫埋個甜品，tiramisu ，咁就最滿足啦，

意大利餐廳元朗比較少見, 我意思是比起日本餐廳, 四川菜等等. 知道這間意大利店已有一段時間今次決定到此一吃. 時間約七時到達, 原來店內只有收銀和廚房, 即是說一定是在室外吃吧~幸好當日沒有煙民. 而門外只可坐六個人, 其餘的店長會帶他們到另一處. 可能太多人了, 因已營業了一段時間所以搬到另一頭. 餐牌簡簡單單只得一個, 我們決定點一個二人餐, 有小食有薄餅有飲品, 看似不錯啊~.有大家都喜愛的芝士粉, 亦有我最愛的辣椒汁, 這些刀刀叉叉都是即用即棄的看似有點不環保啊~黑松露薯蓉第一次品嘗, 賣相真是不得了, 真是嚇了一驚.., 那麼平淡~~~~~~~入口薯蓉味道不錯但太過重芝士味, 加上我覺得是剛重微波爐取出似的. 感覺不好.肉醬千層麵看以往的食評似乎是必吃的, 果然沒有令我們失望, 肉醬味十足, 而麵質不會過腍或過硬, 味道香濃真是一流之作, 怪不得店名取了這款千層麵作店名~這款火腿給人感覺是很貴的, 經常聽人說巴拿馬火腿很香但很貴, 我都是十分少吃這款火腿所以當然要一試, 看似很大很多, 每人可以吃四塊, 但其實薄餅底是非常的薄身, 味道方面我覺得過鹹了, 其實用料十分足料整

之前來過千層麵屋,給了一個好評, 特別喜愛那個三文魚PIZZA, 一直心思思想和朋友再來剛巧在團購網見到PIZZA有50%OFF PROMOTION, 立即買了一個上次沒有吃到的巴拿馬火腿薄餅團購優惠SUPPOSE要兩日前就要落ORDER的, 但我沒看清楚條款,就打了電話預訂, 職員人好好, 說可以照叫師傅幫我們做真的要謝謝千層麵屋的FLEXIBILITYPIZZA,薄薄的餅底鬆脆可口, PARMA HAM薄切,味道鹹香,配合剛好烤到半溶化的牽絲狀芝士,味道簡單而美味材料很足,絕對沒有因為團購優惠而縮水!!美中不足的是一些地方太燶了....很滿意的一餐

看了食評 , 睇d 相ok , 所以去試試!感覺是不錯的 , 其他食家所言非虛 , 我無影相 , 但都想推一下呢食左: 細的肉醬千層面 ($20) 千層薯 ($18 ) 白汁煙肉雜菌意 ($35)千層薯 好味,好creamy, 鍾意creamy cheese 的人一定like肉醬千層面 好味2, 我鍾意食千層面, 但成日食唔曬,因為味濃始終會漏, 來個細的剛剛好, 多人又可以叫個大的白汁煙肉雜菌意 味ok, 但煙肉同雜菌都好小, 意粉好像有點硬, 要煮林d 所以 整體來說是ok的, 之前有食家認為他不合格, 說只有學徒的水準 , 都沒錯 , 因為他收的就是學徒的價錢.感覺服務態度也很好下次一定會試試他的pizza

每次入元朗都係食壽司,食甜品,今次經同事推介之下,就決心轉一轉口味,試下佢熱烈介紹既意大利食店我地叫左1個二人餐.-忌廉焗薯仔同事超級喜愛食,而我就本身好怕奶味.所以覺得一般般!不過,一層層既薯仔片口感好特別!-千層麵好味道! 焗得唔錯,至少唔會焗到硬哂乾左或者過淋變糊.我覺得比意X屋焗得仲要好而且都幾多肉醬 幾足料!-巴拿馬火腿薄餅材料無咩特別,味道咸咸地,挺好..不過有幾塊薄餅皮焗燶左.苦苦地整體都滿意 下次會再試下其他款式! 多謝同事好介紹=]

本人好喜歡LASAGNE, 所以由開張以來,就留意佐呢間千層麵屋好耐了終於在NEW YEAR EVE那晚找到機會,和幾個朋友來開餐, 叫了一個4人SET DINNER....千層麵: 層次分明, 份量小, 但一大班人SHARE食唔會太"漏"... 唔係我食過最好食的LASAGNE, 但以這樣的價錢可以有這樣的質素已經很不錯了水牛城春雞賣晒,唯有選雞翼...雞翼普普通通....煙三文魚薄餅: 好好食! 一心黎呢度食LASAGNE,冇諗過呢度有咁正的PIZZA食!薄批,餅底鬆脆可口,三文魚好多,好足料下次可能會來這裡LUNCH, 就是為了那個PIZZA!意粉: 好CREAMY, 不過SAUCE太多,有D"漏".... 而且份量太少....芝士薯蓉: 好食!!好多CHEESE!將跟餐的汽水,加$6升級至鮮果汁。試了芒果汁,好飲!總括來說, 食物好食, 美中不足係環境近馬路, 唔係好優美(要知道,意大利菜多數食氣氛), 而且餐單的選擇不算太多但價錢相宜, 日後一定會再來

有了寶寶後媽媽越來越懶得出遠門，還好元朗區吃的也不少。早幾個禮拜返完教會後，在建業街試了一間不錯的新店，叫Lasagne意大利千層麵屋。小店以有三層斜紋的L為logo，既突出了其主打千層麵形象，也融合了意大利三色，頗有心思。不過店子面積很小，餐檯餐椅全部都擺在室外，食客必須坐在露天位；加上收費不貴，吸引力倍添，座位絕對是供不應求，首訪當天三口子也等了15分鐘才有位。當天爸爸媽媽都是點了午餐，也同時將跟餐的汽水，加$6升級至鮮果汁。店內有橙汁、蘋果汁及芒果汁三款選擇，當日爸媽試了後兩款，以青蘋果榨成的蘋果汁清新可人，但也不及香甜鮮美的芒果汁吸引，幾值一試，不過份量不多很快喝光。兩口子都對午餐D的Carbonara($35)很感興趣，並於意粉、天使麵或闊蛋麵中揀了闊麵，成品很快就上檯了。要讚店方所用醬汁有著濃重的忌廉及蛋香，口味十分香滑迷人，加上闊蛋麵本身又有口感，味道很不錯呢! 來到千層麵屋當然不能錯過千層麵，另一份午餐就點了千層麵+黑松露薯蓉($35)。第一次吃黑松露薯蓉，幼滑的薯蓉透出陣陣香氣，口味頗為美味，兩口子趕緊趁熱吃光了；反而想不到主角的千層麵較為平庸，我嫌它口感軟了點，芝味

又新街附近食店小弟無一未嚐過,就獨欠了此間開了多月的小店,當日又沒有吃過下午茶,時籍6時多,便試試看!價位的確便宜,但經歷過"殺你亞"的慘痛,對於呢d太平的意大利店,不存祈望.點了2人餐,百多元有pizza,Lasagne,著仔.其實本身對呢3樣野都好鍾情,熟悉.可惜....味道只能算騙得到學生哥或少食西餐的港人,相信老細需要親身到外國跑一圈,一必去領教,只要周圍食下,便會知道,亦必定會有所進步.支持小店精神,望加努力!

次次行過見到好多人坐o係店外食pizza都望o下...個樣真係唔錯ga~ 不過我好怕熱...所以到冬天先去~ 一去到店員就開張木檯俾我地...真係無試過食意大利o野都要好似大排檔咁o係店外食~ 有趣~ 我同老公叫o左個二人set~ 1) 忌廉焗薯仔: 好creamy~ d薯仔係一片片ge~ 仲有好多芝士~ 好味!!!2) 千層麵: 本來想叫意粉ge~ 但間鋪叫得做千層麵屋...應該呢樣係最好食ge...於是叫o左... 睇個樣份量好似唔係好多...但係食落都幾漏...好多芝士!!! 入面有多肉醬~ 正呀!!!3) 巴拿馬火腿pizza: 超正!!! 個皮好薄好脆 (不過有一邊窿o左少少...)~ 仲有好多芝士~ 好好味!!!4) 汽水兩罐 (可加$6蚊轉果汁)二人set $138, 我覺得好抵食!!!~ 而且d o野真係好好味~ 下次會帶埋細妹去食四人餐試o下第二款pizza~

爭啲變成元朗人嘅我哋, 今日去沙田行完街又入元朗開餐. 由於百厭仔掛住玩, 無瞓晏覺, 上次見到呢間意大利食店好似幾OK, 咪諗住早啲去食, 食完等百厭仔早啲返屋企瞓覺囉. 去到17:30, 咦! 點解開半閘架? 原來呢度17:00-18:00會休息一小時嘅, 老公話四圍行下等到18:00喎, 就喺附近行到18:00, 又順便睇定下次嘅目標食肆. 一開門睇原來店內係無坐位嘅, 全部都要坐街邊, 我哋早啲嘅, 就可以坐店門口, 遲咗嘅就要坐隔幾間舖人哋收咗檔嘅門口, 而家天氣涼嘅都可以, 如果大熱天時就真係咪攪. 由於得五張枱, 到18:30已經要等位喇, 有啲住附近嘅就會叫外賣. 我哋叫咗個二人餐 $138.00 米蘭莎樂美腸薄餅---本來打算叫巴拿馬火腿薄餅嘅, 但店員話呢個會比較咸, 有小朋友唔係太啱, 推介莎樂美腸薄餅. 原來食落莎樂美腸都係偏咸, 好在無叫巴拿馬火腿啫. 薄餅超薄, 仲薄過某PIZZA店嘅薄批好多, 個邊好脆. 但我哋都係比較鐘情某PIZZA店食開嘅厚批, 食落嘅感覺會實在啲. 忌廉千層薯--係由很多片薯仔片組成, 入口CREAMY, 加埋芝士粉食一流.意大

其實想試呢間店很久了,終於終於有機會了,是次午餐自家獨食XD好有心機寫黑板~欣賞點了B:千層麵+黑松露薯蓉($35)..加$6 轉橙汁(其實可樂係FREE的,不過唔想飲.)太肚餓了,所以好似唔係咁夠,就點多左個小食~水牛城春雞(一隻4件)$46先黎千層麵配薯蓉.不知可解,第一眼看到了,就先吃了薯蓉,可能自家對薯蓉情有獨鐘嗯,美味,雖然冇咩薯蓉會整得難食啖啖黑松露味既薯蓉,YUMMYYUMMY~再吃千層麵,中和返口中的味,正,一流的配答,仲要$35咁鬼抵,下次唔好獨獨樂,要帶埋朋友黎先得^^再來的城春雞,其實我睇錯價錢先點左.佢個大MENU有少少誤導,未係最清晰.有代改善雞的汁都幾好味,雞胸位置比較''硬'',但多肉,雞肶好好食,

做左會員都已經好耐, 係時候做返D應該做嘅事喇~~!!呢間野之前都已經有雜誌介紹過...當日2-4PM剛好有時間又身在元朗咁就出發去一試啦~~~GOGOGO睇地圖都唔係好知係邊度...原來就係綿綿冰附近舖面真係好細...門口放左一張枱好彩天氣唔錯又唔係熱...就坐低慢慢食啦~Manu一眼睇晒~午餐就$35第一次緊係試下招牌菜先啦~"千層麵拼黑松露薯蓉" + 可樂飲住可樂等左一陣聽到"叮"一聲...好快就有得食喇上枱隻碟都係熱嘅...我估應該係成碟用微波爐返熱喇...well...唔好要求太多~最緊要好食~~!!千層麵: 不負招牌菜之名, 層次分明, 入口唔會一"pet"野咁醬汁味道偏淡, 不過就食得出麵粉香味食完兩啖後試過落左D芝士粉&辣椒仔...感覺完全係多餘...原汁原味先係最好~!!但我都係覺得做得香D會更好黑松露薯蓉: 口感幼滑, 一定唔係開粉食得出有黑松露香味, 香而不膩唔會食兩多兩口就覺漏總結: 絕對值得一試再試食物質素性價比極高可惜地點真係麻麻...完全係路邊大排檔格局...好彩呢條路日頭都冇乜人車更何惜係...呢味菜完全唔應該配可樂...愈食愈覺得唔對路......而個

話說元朗開左問食意大利野既鋪頭,平時睇開雜誌都講到好抵食,而且d野食都落足料~可惜,因為返工原故,而且唔住係元朗一帶。所以想試都冇時間試前幾日終於有時間去食啦! 一去到唔係太多人唔洗等位,於事就座o左係餐廳門口(由於係秋天時份唔太熱,就算坐係露天都ok~)同女朋友叫左個二人套餐,有埋汽水跟($135)千層薯 ----------- 食落去好有口感,芝士都好夠千層麵 ---------- 味道比起其他地方都好米蘭腸pizza ------- 個人認為最好食係呢個,好夠料好啦!講番d需要改善既地方 1,waiter幫我地落單個時佢地既服務態度都好好,但唯一既缺點就係,比我見到佢地冇order落個時係度食煙2,因為廚房係開放式,所以都可以見到入面既大部工作情況 而我都見到入面既人有係度食煙其實我個人認為咁樣唔會太影響我,但係我覺得員工係工作時間食煙會唔會唔係太合理呢?食煙會唔會比到customer覺得唔尊重佢地既感覺呢?所以我覺得呢點值得去改善

睇雜誌發現新b 附近有一間，平靚正意大利食市喎..約左幾個同學晚上去試下！7個人分別叫左一個2人餐 同 4 人餐2 人餐黑松露薯蓉 <-- 食唔出有黑松露燒雞翼 <-- 有成8隻咁多！正呀！味道不錯..米蘭腸pizza <-- 十分重料，pizza 底一d 唔希場，正！ 可以返食！4人餐忌廉千層薯 <-- 好香，同出面大鋪頭有flight 燒春雞 <-- 見到旁邊個檯有叫，所以一叫來試... 我覺得雞翼好味d 囉...千層麵 <-- 主力... 味道好多意 x 屋, pizza屋.. 海鮮意大利闊條麵 <-- 一般唔多講巴拿馬火腿薄餅 <--- 咸左d ，不過真係食得過！我同同學想過，咁食間鋪煮到咁多食，是有點不可能我地覺得，pizza 同 意粉可以即製之外，其他都係之前整好上檯時加熱... 但就算係咁，我都覺得好好味... 價錢同其他食家一樣... 超低...秋天坐街邊，我覺得十分ok！冬天就唔到la...