意日菜 (已結業)

趕時間, 是是但但咬個飯就算!是是但但入咗一間叫意日菜嘅餐廳, 結果…..我叫咗個焗白汁芝士雞皇芝士腸飯, 白湯同荔枝沙冰.坐底再望望環境, D枱枱登登同地板感覺殘殘舊舊, 感覺好唔自在.算! 趕時間, 快快食完就算!雞肉焗得過火, 攪到硬哂同乾身, 唔掂!中伏, 無下次!  (x_X: 

這一天去了一間開了很久的意日菜，但是聽說好像轉手了，但食物質素也算不錯。今天我點了一個豬頸肉石頭鍋飯，他配上一個湯，然後石頭鍋飯拿出來的時候也是很熱的，上面鋪上了豬頸肉、泡菜和中華沙律。其實這些配菜配起飯來說都很好吃而且份量也不錯，因為石頭鍋飯煮得也足夠熱，所以也有很多飯焦，$48有這樣的質素也是很好的！而飲品方面則是半價價錢去點飲品，我點了一個朱古力珍珠，朱古力的味道也很濃郁，但珍珠即是普通買回來的珍珠吧，所以朋友叫的朱古力雪香好像更好飲！另外，有一個小插曲就是他的餐具都放在枱面，而我們拿起的一個匙羹是好像完全沒有清潔乾淨的，還剩下一點乾的食物殘渣，所以希望衛生會更加加強！

啲餐湯係罐頭貨，正常水平。主菜朋友個鰻魚鐵板飯啲飯完全冇燒過嘅痕跡，個飯淋到唔知想點，啲醬汁喊得好離譜，鐵板完全唔熱，我同朋友好似食緊隔夜餸咁。呢個餐唔係難食，係非一般嘅難食。我點嗰個白汁焗龍脷柳飯係非常明顯完全冇焗過，啲白飯係後裝，個龍脷柳係煎嘅。龍脷柳冇乜特別，啲白汁好明顯係用罐頭忌廉湯整出嚟，而且溝過好多水，半頭唔到岸，好似飲緊啲唔夠朱古力粉嘅朱古力咁，難食得好過份= = 啲配菜簡直大開眼界，好明顯就煮過龍，有陣怪咪，我咬咗一口就吐返出嚟，完全接受唔到。小食都係負皮，個燒餅只係用咗酒樓薄餅加厚版再加日式醫料去整出嚟，完全唔match，啲醫料又整到水浸咁，嫌個餅唔夠難食？飲品就正常發揮，好明顯就用現成醫料沖嘅，唔係新鮮水果製造。結論係中大伏，Blacklist 呢間嘢，唔會再嚟，亦唔會叫人嚟試。

一個人食晏，無無聊聊熱辣辣諗唔到食乜就求其行入一間當試新野，星期日1330入到留得幾個客，坐底咗抖抖暑先叫野食，lunch menu 好簡單，紅/白湯+主菜+指定飲品，其他飲品要另加錢。羅宋湯、鐵板黑椒牛肉炒烏冬、蜜桃綠茶走冰整體份量適中偏少，如果男仔一定唔夠食，但全部野$39，所以價錢算合理。羅宋湯夠味，唔會太鹹。烏冬既黑椒汁味道太濃，第一口食落就覺得好辣，好鹹，越食越口渴綠茶同其他地方比較斟少咗，唔知係咪因為走冰😓環境唔係靚，不過都算坐得舒服，幾個朋友想平平地，食個便飯，純粹短聚，要求唔高既尚可接受。1點前埋單可以減$5，可以俾支付寶。

同男朋友行下睇下有咩食店，記得以前有好多選擇，依加好似冇乜。門口見到款式選擇多價錢又唔貴，咁熱既天打開門有陣冷氣吹出黎，就即刻決定左係呢一間。星期五夜晚接近7點左右，但店舖人流唔算多。坐位設計充分利用空間，但都唔算太逼，佈置裝修都可以接受。坐門口位但仲有d冷氣吹到都唔算太熱。張餐牌好多選擇，但拎起手勁痴立立，好噁心。建議快d印過張新既餐牌啦，一拎上手就冇胃口食野。同男朋友各嗌左正餐，小食，特飲。個正餐價錢都幾平，都係大約50以上，小食就望餐牌覺得好抵，到眼前加食落就好唔抵食。野飲原價廿幾蚊，跟餐好似半價，不過我遲左嗌唔知有冇幫我計半價呢。男朋友食得唔算愉快最後埋單俾左200蚊唔洗找我都冇睇到價錢。而我就覺得食物雖然一般，但都尚可接受。首先黎左男朋友既飯送既白湯，細細杯仔，意料之外地個湯難飲到極，而且有d膩，諗唔到個湯連d栗米粒都咁難食。然後黎左芒果沙冰野飲，味道極淡，但d冰涼浸浸，飲落都舒服既，而且解渴。跟住正餐黎啦，我嗌既係吉豬烏冬加9蚊芝士湯底。因為見門口寫住推薦必食咁所以就試下，另外有一碗豬骨湯係倒落去碗野度既，應該係想幾濃幾淡就倒幾多湯。未倒湯前試左啖，好濃好膩既芝士味，倒左一

禮拜六無節目，一枝公開餐，由屋企行落女人街巷仔開餐都不過係20分路程。巷仔兩側既食店愈執愈多，買少見少，行經呢間鋪門外，見啲食物照頗吸引而價錢相宜，就咁飄左入去。6點半左右，店坐滿七成，餐牌好多選擇有石頭鍋飯、鐵板烏冬、拉麵等。點餐跟特飲可以半價，好多台式特飲揀，加都係9蚊。選左個燒汁牛肉石頭鍋飯同檸檬紅茶。等左5分鐘，食品好快上枱。有餐湯送，揀左羅宋湯，味淡如水，似茄膏加水煮開一大煲，不過既然係隨餐送的，就不要求太多了。個石頭鍋飯上枱超熱辣辣，出晒煙，表面配菜好多，有幾舊仔薄切牛肉、紅羅白、泡菜、青瓜，但說好的燒汁卻少之又少。食石鍋飯攪拌黎食是常識吧，一攪匀食入口，啲飯好似未熟透哂，約7至8成熟既糊狀，而唔係一粒粒，粒狀既飯粒，味道不過不失，食左一半就嗚金收兵，真係只勝在價錢相宜。呢杯檸檬紅茶真係酸到盲公開眼，羅我命3000千，差點胃都那穿既程度。總的來說，勝在價錢相宜無加一，埋單才60蚊都唔使，唔知係老納我點錯餐，定係廚房大哥因爲客多趕住出菜所以飯未煮熟就上，真係加啲水就係飯漿喇喂，呢殊實在係不可一不可再耶。

好耐之前，食過依間係旺角通菜街叫意日菜的食店，印象中，個照燒雞扒石頭鍋飯係幾個食的，所以今日再次光顧並且再叫依個食物。首先忌廉粟米湯無乜味道，粟米份量又少咗。至於個石頭鍋雞扒飯，雖然都保持到熱熱的，但個汁很少，我要再加汁，另外雞扒味道也很一般，唔係好入味，好失望。至於樓面，收銀只係同一個人做，所以等得比之前耐很多。奶茶個杯又係比以前細咗，珍珠又係少咗，食完個餐，好似濟濟地。我個人應該短時間不多再光顧。埋單约55元。

食飯前叫嘅野飲，都食完都可以未黎到，店店連水吧得兩個人，等到落曬格啲野先黎。食物質素一般，勝在夠熱辣辣，鰻魚細細條但原條上都唔錯，味道一般。一碟嘅份糧唔多，女仔食岩岩好，男仔就唔夠食了

阿媽唔煮飯，放工兩丁友要單拖食完飯先番歸，經開旺角行花市，就決定係旺角食埋飯先閃人。係女人街附近到行行下，路經呢間餐廳，見價錢相宜且賣相不俗就入去坐低。小店應該係小本經營，眼見人手相當有限，樓面只有兩個，所以非常忙碌，不過餐牌定價相宜，減省請人節省營運開支都可以理解的。客多樓面少，相當然好忙，未能夠即叫即到，但都對方保持態度平和，同叫加咩加物都能夠送上，呢方面係值得加許的了。兩個人開餐各自點一個菜同特色物品。我點左個照燒汁牛肉石頭鍋飯，另一個點芝士薯蓉焗闊條麵。店面細店員少，但好快上餐實實令人驚訝，石頭鍋飯上枱很熱冒晒煙，配料豐富牛肉份量亦不少，照燒汁撈埋個飯黎食好正，鍋飯個底好深，好飽肚。另一個芝士薯蓉焗闊條麵都係即焗，上枱時好熱入口直『辣』口，味道並相當不錯，芝士搭闊條麵基本上味道唔會出事，除非新手煮工真係差的交關先會發生。加9蚊有得點特飲，分別點左珍珠奶茶同蘋果紅茶（已叫左少甜，不過都仲幾甜）。整體價錢相宜，連野飲兩個人埋單都係$120就飽飽，認真話好好味就當然唔係呢，不過勝在價錢抵同食物味道不俗，值得一試。抵

平時會去意日菜，食下果度出名的鰻魚石頭飯。但今日去嘗試他們多款的小食，令我最印象難忘的是蜜糖雞翼。皮脆肉香，一定好食過麥記既出品。款款都係15至30蚊，值得一試。

我從來不寫食評，但此家的食物和 廚師的烹調水準真是勁差，D 忌廉湯， 一舊舊，完全冇忌廉湯味道， 羅宋湯太酸， 老婆都話未試過咁難飲的羅宋湯。 整體嚟講暫時一生人食過最差嘅餐廳。

今日下午去點左個拉麵 待應生服務態度幾好中途改做辣湯底都好好禮貌幫我改左啲野食大件抵食 湯底岩哂我啲鍾意食辣嘅人 件叉燒夠大件 配料都夠多 有一種好強烈嘅麻辣味如果唔食得辣唔好嗌 我諗小辣同中辣都係差唔多飲品 見到有好多唔同種類嘅台式飲品最後我都係帶咗一杯珍珠奶茶少甜 因為平時成日都出去飲貢茶飲到厭晒啦 見到啲太甜嘅嘢都怕啦 以旺角區來講一個下午茶好平30幾蚊有得走人整理嚟講ok 系環境差啲 見到隻細小強系桌底行過.....

話說，今日第一次同朋友黎呢間鋪頭食飯咁首先佢任何時候都唔會收加一服務費食品種類選擇都幾多下，咁我就叫左個鐵板雞扒炒飯個炒飯出到黎效果唔錯，飯唔會太濕潤，份量都比想像中多好多

今日我地點左三碟炸野食，其中兩碟係同款食物，一共點左一碟炸魚薯條同兩碟炸脾薯條。我地叫左足足半個鐘之後先上一碟炸魚薯條同一碟炸脾薯條，仲要未有野飲😳 d炸野仲要炸過頭，食落好硬，又好乾😂 第三碟遲遲未上，仲要明明係同款食物，唔知點解咁遲都未上🌚 我地想再催，點知個waitress既態度好不耐煩😂 最後第三碟終於上台，但薯條竟然未熟既🌚 食落就係生生地，可能佢地真係太唔夠人手去做廚房🙈 希望大家幫襯前要三思😂

旺角女人街2邊既餐廳確實有好多，今日就返工lunch就試下間意日菜一坐去，其實都多人食，好彩仲有位吾洗等，個環境就麻麻，幾暗，光線吾係好夠人手方面都吾係好夠，成個樓面得一個人做，所以拎menu,落單都要少少時間Lunch set吾算貴，30幾至50蚊左右，包碗餐湯同一杯飲品，而且飲品5只係普通冷熱飲，仲有珍珠奶茶系列同紅茶系列，感覺都扺。最後我叫左個吉列豬排烏冬配忌廉湯同胚芽珍珠奶茶，而朋友就叫左個白汁焗飯同朱古力奶茶先黎個忌廉湯，味道麻麻，而且有d半凝固既湯粒，不太討好，另外個烏冬等侯既時候吾耐，但湯底味道頗淡，而個炸豬排都好吾香脆，肉質都吾嫩，幾失望而朋友個焗飯更加係不堪入目，汁多餸少，飲品就正正常常，不過都飲得出係奶精味，整體而言係吾好食，但價位低