意樂餐廳 (天晉匯2)

营业中

休息中

上錯食物，漏單，等左45分鐘還欠一個餐，催極都吾嚟，最後頂唔順，吾等要求取消，埋單走人。催單時候黑口黑面，仲好似係客人有問題OMG。食物味道還可以，只是員工工作態度及質素太差。

今次嚟咗天晉匯呢邊搵野食，呢間餐廳成日見到好多人係外面等位，今次時間嚟到已經八點，見外面唔太多人，就拎飛等位，唔駛等好耐就已經入得。我哋兩個人叫咗兩個主菜加一個小食。首先係蒜香豬扒野菌滑蛋蓋飯， 佢有三個集可以揀我哋揀咗西西里茄汁，豬扒係普通嘅蒜香豬扒，幾大塊，肉質唔鞋。但滑蛋有驚喜，滑蛋入邊有洋蔥粒增加味道同口感，野菌又多，撈飯好味！不過可惜，飯粒太硬，就算撈咗蛋汁都仍然明顯感覺到一粒粒飯，要多咬幾啖先呑得落呀...之後係香草鮮野菌忌廉天使麵，呢個天使麵好令人失望，味道勁淡，無忌廉味，只有好重嘅羅勒葉味。最後係小食芝士肉醬脆薯條，佢有得揀辣同唔辣嘅肉醬，我哋揀咗唔辣嘅肉醬。薯條係炸完先再去焗，雖然有部分薯條炸過龍，但整體都好脆好香，肉醬稍咸但同薯條好match！呢間餐廳晚餐埋單每人都只係60幾蚊，可以再試，試吓其他新野！

一家人嚟食西餐，叫咗4樣嘢食墨魚汁大蝦鮮魷扁意粉，一上嚟個樣好驚嚇！原來佢個麵同上面嘅配料係分開煮，個醬汁都唔一樣賣相好一般，下面黑色嘅係墨汁扁意粉，上面係茄醬煮嘅魷魚同蝦，再上面有啲cream sauce墨汁係煮得幾好食嘅，意粉都幾彈牙，不過上面嘅海鮮唔大新鮮，兩隻蝦當中一隻蝦肉有啲霉爛，魷魚都唔見得係鮮魷，有點咬唔斷嘅感覺鮮蜆蒜香煙肉忌廉汁天使麵有點兒似大雜燴咩都有，好多蘑菇片，洋蔥同菜粒，味道方面有啲唔夾，寧願佢簡簡單單淨係俾煙肉同蜆我就算溫泉蛋辣肉醬焗飯，肉醬係唔辣嘅，不過勝在醬汁好濃，撈飯食一流

平價西餐😚幾年前成日食黃大仙既itamomo原來佢而家成個格調都高級左😂煎鷄排奄列蛋飯配蕃茄汁🍅汁比較少 半價加個紅豆冰幾抵😎紅豆煮得好好味 亦都有奶味 好味過永年嗰杯😋

將軍澳popcorn 附行最近開咗好多新餐廳,見呢排間成日都好多人排隊，而且主打留流心焗蛋，好似幾吸引於是一試。我同男朋友叫咗兩個下午茶餐，我叫左卡邦尼長通粉，$38包埋嘢飲都算幾抵。賣相都幾好， 但味道一般。反而幾鍾意佢杯即磨咖啡，好香咖啡味，一啲都唔苦。男朋友叫咗個雞扒包平薯條，$31包野飲, 但男友表示味道一般。似係麵包舖嘅質素，但薯條都算唔錯，幾香口。＄30嘅下午茶餐都算係咁。另外我哋仲加左＄9有兩隻芝麻雞翼，幾好味，好脆好入味，值得一試。下午茶冇流心焗蛋，下次有機會再試試！

今日本身想入將軍澳睇紅葉🍂🍁🍁可惜天氣不似預期 成日落住毛毛雨🌦🌧🌧天陰陰 好失望噢😞唯有去食個下午茶 氹下自己😝座位略嫌迫太迫 本身四人座位 要搭枱坐 好擠迫😖室內光線柔和 環境比較嘈吵今次因該係下午茶既關係 無緣嘗試沙律不過亦支持餐廳選用健康食材💪🏻💪🏻飯炒得粒粒分明 可能因為下午茶關係 份量偏細加上 飯既調味燒汁 好似咸左少少如果落少d 會更好奶茶上枱時保持熱但茶味有點苦 可能沖茶時水太熱 或者茶葉浸耐左

成日食意樂意八都幾滿足，今次係呢個咁入嘅位置食呢間新開嘅，都幾期待跟餐加錢要咗個白湯，啲蘑菇同粟米打得好細粒，但係口感都幾特別，味道就一般要咗個咖哩牛腩飯，呢度嘅嘢食可以話係大件夾抵食，個飯好大，成兜咖喱牛腩嘅份量都好多咖哩係微辣嘅，入面有好幾舊切得好大嘅薯仔，仲有好多牛腩肉，肉質略鞋，不過都幾入味友人叫咗個拉麵，都不過不失呢餐以一杯檸茶作結，雖然冇咩驚喜，但如果係食快餐速度，又要想舒服啲嘅，呢度都係唔錯嘅選擇

初次試試意樂嘅午餐，周末嘅中午兩個人等咗五分鐘就有位啦，不過座位有啲太逼，唔係坐得好舒服。平均五十幾蚊就有個餐啦，包湯或者熱飲。一般焗飯焗粉都比較貴不過今次五十蚊已經有得食啦。粟米菇湯夠濃，不過可能天氣凍，轉頭就凍晒啦。叫咗烤雞茄子忌廉焗珍珠飯同辣肉醬焗扁意粉，兩樣都係熱辣辣，汁同飯嘅比較啱啱好，份量更加非常夠。芝士嘅份量就同相中一樣，非常多亦都好夠味，珍珠飯都唔會太乾，烤雞都有五六塊。辣肉醬有明顯辣味，勝在夠野味。

月尾既時候，銀包大縮水，糧尾一到，真係街都唔想出，出街食飯又貴，依家兩個人拍拖食飯想搵啲又平又抵又打到下卡既地方真係好難。將軍澳popcorn 越開越多期，呢日走過去見到呢間新既餐廳好多人排隊，似乎唔錯。墨汁海鮮意大利飯 $68，唔算太貴，連鎖餐廳既價錢，食落好多墨汁，仲有少少忌廉既味道。反而面頭既海鮮用蕃茄炒過，仲加左兩片新鮮既香草，抵讚。不過我自己本身以為海鮮會同飯一齊煮，點知就分開咁擺上面，有啲意料之外，擺盤上係靚啲既，唔會淨係黑炆炆咁一碟。另外男朋友仔嗌咗 鮮茄焗豬扒飯$5x ，抵讚既係好多配菜，好多汁，不過豬扒就乾身少少，撈埋飯食會好啲。最後既係肉丸焗薯蓉，呢個有驚喜，薯蓉焗得非常香口，肉丸都唔少，$28都幾抵食。ps. 另外見隔離檯個焗薯條好正，下次再試。

返工前，趕時間，速食最好叫三文治快靚正。看見早餐牌上所有三文治均免費升級為烘底。 便叫了餐蛋治烘底、熱奶茶。這個餐$24好抵食，蛋真係厚，但太熟，有d嚡，唔夠滑；餐肉煎得夠香口，烘底麵包咬落口，幾脆身香口。熱奶茶都不錯，好香濃茶味。

喺東港城新開試食，週末六點鐘攞位都要等半個鐘，坐入去覺得有啲太逼，四個人叫咗四道菜都可以清晒，份量唔算多。有意粉、意大利飯、薄餅同一啲小食。其中一款併盤性價比有點兒低，鴨胸、腸同雞翼都太乾，只係薯條同炸魚比較適中嘅味道同口感。焗豬扒飯都無驚喜，只係芝士嘅份量比較多，整體個飯都好細份。意大利飯嘅表現反而唔錯，唔會太濕，隻蝦都好大隻，好creamy。不過個蜆肉天使就太淡，蜆肉太細太少。不過最特別嘅係所有嘅沙津都好好食。

從不寫食評,但今次都想出下聲，聽朋友講呢間野好多人排隊食，滿心歡喜來試，點知啲侍應個個黑口黑面，講野冇尾音，無論點菜,上菜，或者叫佢地做任何野同佢地講完之後，唔回應就走開，唔知我得罪左佢地，截單同我地講，講到好似命令下人咁，咁樣對啲客，做佢老闆真係死得，好似勁想啲客快啲走，勁趕客，野食又唔係特別平同好食，唔知有咩可以令我再幫襯，除非想受氣我見佢地有店長，應該要重新再培訓過啲員工，希望佢地老闆見到，之後可以改變

本身食mono原因在之前系黃大仙食過味道吾錯價錢合理，而知道tko有一間較近既就去左食。去到見到 menu得果少少野 鐵版等都無哂 都算啦 點知入面d位 洗吾洗整到咁細 你比咩人坐 客人坐落去又吾舒服 環境我覺得幾好 基於本身已經坐得系舒服 所以搞到大打折招扣 份量比起黃大仙感覺系明顯系細左 味道都差只應說還可以 服務一而已 整體黎講兩個未 麻麻原本滿埋希望去食 結果食到一肚氣 我自己就吾會再去 未食過既可以一試，但吾好抱著有咩要求

將軍澳又有新商場開幕，有幾間新餐廳進駐，實在可喜可賀。參觀完商場及各餐廳後，最後揀選這家位於路面的《意樂餐廳》。 餐廳為亞洲國際餐飲集團旗下， 雖然品牌創立只有7年，分店數目現有10間，最近在高速發展的將軍澳終於開左一間。在門口位置有個小角落放滿意大利及日本食材及配料，全部都是經過精心挑選的健康食材，讓客人挑選購買。另外枱上印有餐廳追求食材質素的貼紙作介紹，可以見到餐廳營造的健康形象，增加客人信。室內裝潢作木材做牆身，人造草做餐廳招牌，馬賽克做地磚，充滿大自然原素，跟健康形象非常配合。餐廳另一特色就牆身掛上是用每個英文字母代表每款食材，非常有心思。好似W 代表Wasabi 再用上日文字わさび寫上。從"ITAMOMO plus" 的名字洞悉餐廳主打菜式是意大利和日本Fusion菜。 以大眾化價錢提供各款意粉、pizza、意大利飯、 沙律、日式拉麵、烏冬、焗飯等，配以自家秘製醬料。大部分餐廳餐牌上的圖片比真實的菜式更加吸引，但這裡的食物比圖片差別不大。好像這個晚餐 【加拿大安格斯牛扒 $98】，呈上的食物比圖片更加吸引呢！ 經常聽到的都是美國安格斯牛，《意樂餐廳》提供的是美國鄰國加拿大入口

難得假日 去下新嘅商場pop walk果到有好多餐廳就搵一間試下佢嘅下午茶呢間一睇個下午餐menu就比佢吸引左我又多款 價錢又算平不過就真係好多人等一入到去見到啲員工勁忙可能因為新餐廳 而且又多人所以有啲亂我就叫左個墨西哥式瘋狂辣肉醬脆薯條($29)仲包左野飲！又幾好食，個薯條嘅口感好特別而且好脆！辣肉醬嘅味好重薯條加辣肉醬好match!!!不過就有啲少啲芝士同薯條都唔足一碟但其他麵果啲係好大碟下次再食會食其他！