意樂餐廳 (華富(一)商場)

营业中

休息中

今日有事需要去華富邨，對上去巳經係幾年前的事，華富邨的食肆多數的冰室，滿有香港懷舊的，另一選擇係大型連鎖的餐廳，選擇真的很少，行行下，發現一間門面裝修華麗的餐廳，我急不及待看下餐單,看見價錢大眾化，我便立刻入去試下。我叫左帆立貝海鮮豬骨濃湯拉麫，帆立貝很新鮮，香甜鮮囗，蝦好新鮮大大隻，好好味，拉麫很爽，落足料，還有很多海苔作配味。至於座位編排，坐得很舒服，冷氣又足夠，服務員很有笑容，給人一個好印象。下次我會帶人一齊去華富邨再試下。帆立貝海鮮豬骨濃湯拉麫

今日3人都夜返，所以唔想煮又要洗，咁就簡單一點出街食算了吧！👻只係落樓下，選擇唔多的商場餐廳，最後選擇了意樂這間西餐廳。🍛🍝星期一晚難得都唔少人哦，可能同我地一樣懶得煮啦。😏我們叫了2個餐：我哥食這個拉麵，都幾多海鮮哦。這個價錢都算幾抵，麵唔算多、但不是太咸，湯底都唔錯！🍤🍲跟餐加$11:抹茶紅豆冰 都算大杯 好綠下 紅豆都算多焗豬扒飯：唔算大碟，飯都軟，豬扒都多同腍，有南瓜、菜、茄子 茄汁酸酸甜甜 都幾開胃🍅🍆

今日一個人又訓唔着就落左去樓下食早餐，入到去睇下個餐牌都唔知食乜好，就叫左個花生醬奶多士，不過驚唔夠飽就加多個通粉食下，個多士一到見到就流晒口水，加上起個花生醬裏面有d花生碎食落有口感，而通粉都唔錯，直得向大家推薦👍🏿

今日放假一早流流就醒左訓唔返，於是同屋企人落左呢間餐廳今早餐。因為唔知係咪太早無乜人等位，入到去裝修都唔錯，座位都夠寬堂舒適，睇完個餐牌就叫左個通粉早餐加蒜蓉多士，同叫左個炸魚柳配餐肉炒蛋。2個餐加埋同我叫左最喜歡嘅咖啡都係61蚊真係好抵食，價錢都算抵食，大家不防可以去試下，食過返尋味份炸魚柳又夠脆同個厚多士好正夠晒料👍🏻👍🏻👍🏻，最正係炒蛋夠滑相返我個通粉個湯夠晒味，加d胡椒粉零舍唔同

今朝今假本身想同至愛出去飲茶，點知傾盤大雨，甘就無辦法，唯有落左去樓下食西餐，好在早去到唔係有排等，入到呢間餐廳裝修都唔錯，等左一陣食物開始到。火腿蛋三文治加火腿通粉配咖啡，三文治麵包太過厚，食落搞到好似唔夠蛋同火腿咁，而個火腿通粉堅得，不過加6蚊至有所以比較細碗。炸魚香腸蛋多士配熱朱古力炸魚比較香脆，而個䒬容多士夠晒味炒蛋又夠晒熱，30幾蚊個早餐真係無敵，相比連所快餐店真係值得向大家推薦，去到真係不防一試

今日難得放下假同屋企人去左樓下餐廳食早餐，其實呢間餐廳外買食得多都唔錯因爲成日假日去親都無位，今次可以親身去試下，入到去裝修我覺得一般般，之後叫左4個早餐，等左10至15分鐘到食物開始到，食物買相都唔錯。1.火腿通粉配多士個通粉湯底都夠味，不過份糧多返d會好d，而多士方面都夠果軟屬，不過我就覺得唔連麵包皮會好食d。魚柳炒蛋方面，魚柳比較鬆脆不過唔係咁有味要加沙律至好食d，無乜特別2.魚柳炒蛋配多士魚柳炒蛋方面，魚柳比較鬆脆不過，唔係咁有味要加沙律至好食d無乜特別而炒蛋都夠滑尚可3.火腿扁意粉配多士而扁意粉方面就乜特別同通粉無乜分別4.雞扒餐肉腸仔配多士雞扒味道一般同出面集團式餐店無分別總括黎講呢間餐廳消費都唔係貴，起地區整體上一定比集團式餐店為好👍🏻

其實d野食幾好食，好過隔黎大快活好多，但d員工既態度就係食到人一肚火，明明叫左凍華田，黎左個凍好立克，叫左少茄汁（甚至可以唔要）但多千島醬，就黎左多茄汁，少千島醫。上次叫個外賣，d野食都凍哂，杯野飲又瀉左，但我等左咁耐都冇人叫我拎外賣，其他人就俾埋佢地。但點同d員工講，都唔理會唔在乎你點講，仲覺得好自然，係你冇落單，好似我今日咁講個醬已經講左3句，佢都係聽唔到，舉手叫人黎好似係件好難既事咁，d人又係到傾計，真係諗起都好多粗口出黎。間野設計係幾好，好心就做番d好少少既服務出黎，食dinner 都貴架！

新年期間除咗可以喺酒樓到飲茶，其實可以簡簡便便拜過年，搵間餐廳食個早餐，都係一個唔錯嘅選擇。去到華富邨又唔想去茶餐廳，又唔想去大家樂呢啲咁嘅連鎖餐廳，就搵咗呢一間意樂。唔講唔知原來呢一間餐廳係連鎖，有幾間分店，薄扶林就係其中一間。佢嘅裝修就比較西化，座位有卡位，都有方形大枱。早餐同一般嘅茶餐廳來講冇什麼大分別，選擇都係一啲炒蛋配通粉又或者炸魚柳咁樣，但係見到佢嘅份量都好似比較大，扮到幾靚仔。今日揀咗炸魚柳併火腿，仲有陪埋蒜蓉厚多士，多士嘅味道都幾好，有蒜蓉嘅味道，但係略嫌塊多士就比較乾身咗啲，炸魚柳係熱辣辣，入邊嘅肉都尚算嫩滑。幾乎所有嘅早餐都會併有一個茄汁焗豆，都幾有營養。另一個就係炒蛋，意式火腿，火腿配牛角包。牛角包都係即焗，份量都幾大，同埋已經幫你切開咗個口，但係入邊就唔多覺有牛油，我就建議夾埋個蛋同火腿入去食，咁就會比較濕口d ，好味d。另外加＄6可以要個麥片或者火腿通粉，見想食番啲濕嘅嘢，就叫左一個火腿通粉，但火腿通粉就完全唔好食，冇味道，嗰啲粉好淋好霉，又細碗，完全唔值得加。食物整體來講都不錯，比起連鎖嘅快餐店好食，價錢都合理。

華富一直冇乜西餐廳， 所以呢間開咗之後我都幫襯過好幾次， 原因係佢嘅菜式味道都算不錯， 今次夜晚就嗌個外賣試一試， 今次係外賣自取嘅。因為係焗嘅食物所以等咗15分鐘左右，等候時間係可以接受既。墨西哥瘋狂辣肉醬焗扁意粉聽個名就想像到會好辣啦， 家人試過佢嘅辣味就覺得好辣，而我就覺得佢比一般嘅辣， 但我覺得佢未至於去到瘋狂嘅程度， 所以食得辣嘅人可能會覺得想再辣D，但味道都算美味同好惹味， 不過我略嫌洋蔥太多。對於女仔嚟講食物嘅份量方便都算多

難得南下，朋友帶著吃一餐午餐，如果晚上來會吃扒，現在先試下午茶餐。 點了野菌忌廉天使麵，朋友選了西多士~~ 又有咖啡推介哦！咖啡控的我必會叫！ 意粉先來！ 外貌不過不失，但好像很多汁，我覺得汁太稀。味道方面，其實不錯，應該是靠汁料帶出味來，野菌味不少，但我覺得可以多少少。而豆豆粒很有口感，加分了！ 最意外的是這店的西多士，我建議大家來試試。 厚厚的西多士，外脆內軟，味道很好。朋友叫了奶茶，配合西多士來很好吃~~呵呵！ 相反，咖啡好像...不太突出！ 這個下午茶不錯！

嚟華富邨探人，基本上哩度食冇乜選擇，未食過哩間嘢咪試下 ...... 點知中伏一嚟飲啖菜湯心知不妙，只係和和暖，一個咁嘅湯都唔熱，間食肆好極有限 ......再嚟飛魚籽三文魚蛋白炒珍珠飯，又係和和暖！如果唔係炒定放到凍晒，就係求其喺隻鑊兜混啲嘢就算，啲洋蔥生到"乸"脷！成個飯除咗咸味，就係滿口蒜蓉味！日式和麻牛肉炒珍珠飯又點呢，唔算熱，濕淋淋咁，得陣和式燒汁味 .......冇衣食都要講句，好耐冇食過咁難食嘅嘢

最近都有光顧，但大致上服務方面都很差。侍應經常愛理不理的態度來對待食客，雖然價錢經濟，同食物都整得好味，但那麼大的集團，而培訓出那麼不濟的服務水準，實在很感失望

星期六要同同事一早入香港仔做嘢，咁梗係要醫咗肚先啦！舊區雖然好多特色餐廳，但我哋都係決定揀間環境光猛，裝潢靚嘅餐廳嚟食早餐。做嘢需要大量energy，所以我哋就比呢個「重量級全餐」吸引咗。香煎火腿同有營茄汁豆只係一般，無咩特別。不過忌廉鮮奶炒滑蛋雖然唔係真係超滑，勝在有啲奶香，令到整體感覺都唔錯。而美式蘑菇腸就有啲驚喜，因為蘑菇味係出奇地突出！本以爲只係平平無奇嘅蘑菇腸，反而令人回味。不過最正嘅係特大香脆牛角酥！唔太熱，溫度暖暖地，啱啱好。仲要真係好香！外表亦好脆、而內在就好鬆軟！可惜唔係真係好特大，食完都唔夠喉。至於杯奶茶，就只屬一般茶餐廳嘅水準，無咩特色。整體而言，$29.5有咁多款嘢食，而且質素都係比大型連鎖快餐店嘅好，都係抵食之選。

今天下午試了一間意式餐廳，以灰色水泥牆及紅磚作牆，感覺年輕。一份午餐只是四五十元連飲品，感覺幾抵。得奬咖哩牛坑腩小鍋珍珠飯，咖哩調味佳，溫文有道不過辣。牛坑腩份量不少，炆得入味腍身富水準。星級夏威夷比蕯，製作介乎厚薄批之間，主要以菠蘿、火腿及肉碎作餡，整體口味以肉碎最為突出，帶點肉醬意粉的風味。鮮蜆蒜香煙肉忌廉汁扁意粉，蜆肉普通喇，無乜特別，忌廉汁味道稍稍鹹身，扁意粉入口挺滑，亦帶一定嚼勁。日式和麻照燒雞粒炒飯，出品熱辣，照燒汁和風味濃味道不俗。雞粒比預期嫩滑。炒飯用上小巧的珍珠米，飯香口感更見驚喜。以人均消費不用五十元的餐廳來說，食品水準物超所值，難怪門外有多人輪候入座！

行過華富村出Job出左個通宵，早晨八點幾又餓又累，見到呢間意樂就行左入去涼個冷氣，食個早餐再回家訓個飽。行到入去，估唔到舊區又有間甘新穎的店鋪。睇下個Menu都好豐富下，有西式既早餐又有茶餐廳式既早餐。我同個partner就叫左個西式既，份量夠曬，又有蛋，又有煙肉又有豆。加多杯野飲，真係一個好既早晨開始，價錢同出面茶記差唔多，不過味道同款式都比較好。！