意樂餐廳 (喜韻商場) (已結業)

今日和朋友行山，終點在李鄭屋村。行山的難度比想像中大，花的時間很長，到達李鄭屋村時已經餓得不似人形，看見意樂不用等位裝修又靚，便立刻衝了進去！我們要了四個下午茶餐：西多士是傳統的兩片薄方包夾着花生醬。可能是蛋漿下得不夠，一切下去兩片方包立刻分開不過加上糖漿和大片牛油後仍然是好吃的。柚子雞翼反而頗特別，半煎炸的雞翼皮脆肉嫩，醬汁是柚子蜜做的，甜甜的很好吃雞扒包體積大得令人驚訝，足有一個成人手掌的大小！內裏的雞扒煎得不錯，雞皮脆而內裏的雞肉有肉汁，配上麵包吃不會＂乾爭爭＂焗豬扒飯不過不失，米飯鋪成薄薄的一層，焗得焦香。豬扒味道不甚了了，值得一讚反而是他們很細心地將豬扒切成一塊塊，吃的時候很方便最後是卡邦尼長通粉。長通粉的質地處理得很好，咬下去有彈性，不會＂軟腍腍＂。卡邦尼醬汁是典型港式的那一種調味，當然不能要求有高級意大利餐廳的質素，但是吃下去也算香滑，蘑菇和煙肉也給的很慷慨，整體還是不錯的

無意間經過這間餐廳見到𥚃面的裝修都整潔，價錢也不貴，便入內試吃。我們要左一份安格斯牛，88元。只有歺湯，冇麵包。什扒冇湯只有炒飯。如加飲料，價錢半價。三文魚意粉就有湯和甜品。什扒就唔好食，我相信某些連所快歺可能好過佢。其他菜式也麻麻，甜品超甜，全沒有驚喜！

見剛剛新開，裝修不錯，價錢唔貴，就同朋友黎試下。Menu 入面主要得飯、麵為主，冇太多選擇...但其中有一個寫住 "加拿大嚴格認證安格斯牛" ，同埋發現隔離台食雜排，好似幾正，就叫呢兩樣黎試下。先講雜排餐，鐵板上，夠熱，但係用料一般，而且太多味精，食完口乾，重點係 $70蚊個餐乜都唔包，水都唔俾杯人飲下。再講所謂安格斯...$88蚊其實都預左，賣相可以，但食落牛冇牛味，得醃料同鬆肉粉既味，同我去BBQ買黎燒果D牛差不多...埋單，雖晚市冇加一，但係連水都唔俾杯我，唔收加一，合理，因為真係冇乜服務

嚟咗幾次, 呢間已經成為我的新飯堂。價錢合理, 環境舒適, 食物又足料。以下係我食過既:午餐番茄芝士豬扒飯 - 個汁好好味, 芝士又夠多, 正!檸水 - 次次比足4塊檸檬, 夠哂味!下午茶 (估唔到下午茶都咁大份, 好抵食呀)忌廉芝士火腿焗長通粉-好creamy, 好多菇同洋蔥係裡面, 口感好好蕃茄湯雜菌扁意粉- $26連野飲有咁既質素真係無得彈, 好大碗, 真係堅多菇, 扁意粉軟硬適中, 個湯淡淡的蕃茄味, 唔會死咸薯條 - 加$6就有得食, 強列推介, 新鮮炸起, 條條都脆卜卜入口即溶希望唔會係新開張先至做得好啦!

見佢新開，亦好多人排隊，都想試下。不過，今日打電話去訂位，接聽電話的姨姨都想幫我訂位，然後身邊有個大嬸(姨姨的老細)話，無得訂位架喔…要親自上來拿費。啊！竟然訂位服務都無，有無搞錯呀? 無得訂位的話就註明啦～又無註明，卻話唔得。再好吃都無用! 憤怒~

下午茶選了意式肉醬腸仔燴長通粉！不但賣相不錯，長通粉軟硬通中，肉醬與腸仔的味道異常的合配，令一道原本平庸的肉醬通粉加添了味道的層次感！值得一提即磨的咖啡香濃美味！

如果你有閒情，想在一個比茶記好的環境內，慢慢的嘆一個早餐，意樂會是一個好選擇。雖然是簡單的一個早餐，但都見有用心的擺盤。新鮮的蔬菜沙律在同區比較少見。多士很脆，蒜香味亦是同區難尋。對我而言，我比較喜歡薄多士，如果多士可以選厚薄就好了。蛋可以選你喜歡的裝作模式，太陽蛋、炒蛋、反蛋，我選了反蛋，如果可選水煮蛋就完美了。熱咖啡非一般茶記可比，是西餐廳級數。餐廳的環境在同區可算是數一數二了(詳情請參看開飯網的其他食評)。價格雖然比一般茶記高昂，但如果你有閒情，慢慢地在此環境中，嘆一個早餐，還是物有所值的。

今日黎呢間餐廳食晏，叫左烤雞茄子百里香忌廉焗珍珠飯($50)，跟餐配左個牛乳粟米忌廉湯。最想介紹既唔係個主菜，而係個湯！ 平時唔會特別鍾意飲，我多數會叫紅湯，但佢寫到有牛乳，好似好吸引，就試下啦！好有驚喜既係，佢同一般忌廉湯有啲分別，除左有粟米外，仲加多左好多甘荀粒，令到個湯既層次增加，而且唔會好咸好膩，飲完好想再encore!至於個主菜就一般啦，烤雞都有雞味既，但係除左忌廉仲加左好多芝士，令我覺得有啲膩，最後都食唔曬。而且唔知百里香係乜，食完都唔覺得食到有咩香草既味。整體黎講都算唔錯，而且價錢都幾經濟。比個MENU大家睇下:不過呢度都多人，要有心理準備個環境有啲嘈。

成日班同事都話長沙灣有間意樂餐廳超好食，一定要去食。咁個個都咁講既時候，咪搵日早放個陣一齊過長沙灣食啦去到發現個裝潢都有少少西式快餐店的感覺，個logo仲好鬼似品客薯片個伯伯添打開左餐牌，食物選擇真的是好多，咁我就試試佢既必食之選，炸魚柳配野菌黑椒汁珍珠飯，另叫咖啡試一試。 首先，值得一讚係佢既plating一啲都唔馬虎，一上枱都好吸引架啦。 試下個魚柳，炸得好香脆，外皮唔會有太多油，肉質亦保持嫩滑魚味亦叫香濃，係精華所在之處不過，略叫可惜的是個黑椒汁味道真是太濃味，食兩落就會有太辣既口感，調味方面可加以微調。 而菌既味道亦算預計之中，都係鮮味的，唯獨係俾黑椒汁奪去左味道。

今日唔知食乜好所以去新假期望下見到佢介紹平民意大利餐廳所以去試下。但是呢個牛扒un到媽媽都唔認得長通粉好似無煮熟，好硬檸檳叫左少冰都有半杯冰加$15有焦糖燉蛋，焦糖又硬又厚，蛋係凍既，唯一好彩既係個蛋都仲算滑，不過整體都係唔好味同埋成餐飯都見到乾坤大挪移，啲服務員係咁將啲枱搬黎搬去.....其實我覺得好影響到我食野，食食下隔離開枱成張無左.....

今日約咗朋友喺長沙灣食飯，朋友話喜韻樓下開咗間新餐廳，當然要一於要試吓佢啦。煙三文魚冷麵簡直係消暑之選，冷麵賠償鰻魚汁，味道一流，煙三文魚雖然得三塊，但係每一塊十分之鮮味，真係好好味。跟餐加＄4就有呢一杯利賓納啫喱，不過我覺得就甜左少少。下次我一定會再嚟食其他。

呢日約左呀媽下午茶，佢話長沙灣新開左間西餐廳，帶我去試下喎。原來係意樂，知道有幾間分店，不過係第一次食。我要左個焗豬扒飯，可能一早整定，好快就黎左。味道ok，豬扒有三舊，醬汁上面有好多芝士，下午茶黎講都算係咁架喇。呀媽就要左焗肉醬意粉，當我個飯食到一半既時候都仲未有意粉既蹤影，呀媽即刻問下侍應，跟住就即刻黎左lu。肉醬汁上一樣有好多芝士係上面，睇見都飽呀! 不過都幾好食既。加左個柚子芝麻雞翼，炸得唔錯，配埋柚子醬食又幾夾架喎!另外估唔到檸茶既茶底都整得唔錯

在附近買文具，路過此店被那特色裝修吸引入内，非常高樓底，坐得十分舒服，叫了芝士焗雞珍珠米飯，雞無乜味，但飯和芝士焗得好，和叫了凱撒沙律和绿茶揀奶西多士，多士一條條，非常得意，賣相一流，還跟了凍咖啡和檸茶，啡夠香濃

光顧了幾次，午餐依價錢及品質，一些麪餐比較一般，唯一要讚意大利蕃茄濃湯扁意粉的湯不錯，餸是鴨胸，都不少，不錯，但還是喜歡下午茶，一來下午茶人不多而且食物份量對女仔而言剛剛好，在這餐廳環境享受下午茶價錢算平。下午茶吃過巴馬臣火腿焗長通粉，芝士多，有瓜菜配料，值得一讚，因為他們用器皿是平圓薄鐵pan/dish，大部分芝士基本上分部在所有長通上，其他餐廳基本上只有面層有芝士，底層沒有的，這樣一來確保芝士充足，喜歡芝士人一定喜歡；另外，也試了原茄烤豬扒焗珍珠飯，它沒有一哥的厚度和大塊so sorry，但它比一哥入味，剛巧我吃的肉少骨多，有少許失望，但味道有鮮茄味道，不是出外吃的滿是茄膏，味道可以的，芝士多，仍舊有少瓜有少菜作配菜，ok la.....

原來荔枝角同長沙灣中間都有間意樂，呢間仲幾多位，見到外面有人等位，但係我地得兩個人即刻有位坐。lunch set 我要左白湯無要野飲(一係湯一係飲品)，個白湯不過不失，不過勝在夠熱加分不少。主食叫左法式紅酒香茅牛肋骨配白飯：個汁唔似紅酒似蕃茄味，撈埋d飯黎食就稀左d似湯飯咁，牛肋骨沒有骨，似牛腩多d。同個名唔match，但係味道同價錢都可以接受，宜家係荔枝角/長沙灣要食到間”企企理理”的餐廳都唔平。呢環境闊倘，食物賣相不錯，味道不過不失。