意樂餐廳 (喜韻商場) (已結業)

這間餐廳其實日日搭車都經過，就係青山道大街，招牌超大一定睇到佢。當然就被吸引我過嚟食一食！這間餐廳工業風設計簡單又舒服，空間感好大，樓底夠高！這裏初頭以為是一間新式茶餐廳，入到去發現食物種類同一般茶餐廳都有分別，主要係食意大利粉意大利飯扒類， 但價錢就係平民價錢。睇完樣樣都想食如果意大利粉意大利飯一定係乾身的，因為我唔係好舒服想食濕濕地，又比我見到有個意式海鮮湯意粉，就叫一個來試吓！ 蕃茄濃湯，蕃茄味香濃，海鮮種類都多，有青口大蝦蜆，當然其實都係雪藏但係冇乜雪藏味，整體配搭都幾好我朋友就叫咗個好抵食的＄88安格斯牛扒大餐，睇見圖片就知道夠豐富.大大塊牛扒，又有薯條又有番茄又有蔬菜！豐富得來又健康又夠飽， 係十分夠飽！最主要係物超所值，這個價錢邊度搵！這裏也有好多特色飲品甜品，下次可以再來試吓！

附近返學，諗住近近地就試下食尼間，加上見到食評好似唔錯，就決定食尼間。因為時間尚早，就決定食下午茶，價錢幾平，唔知好唔好食呢。我叫左原茄烤豬扒焗珍珠飯同好特別既熱檸檬菜蜜。因個名特別，平時飲得多菜蜜，但加檸檬，我第一次見，所以叫左黎飲。一黎到就即刻試，第一啖好似唔錯，但試真d，發覺2者唔多夾，仲酸酸地，定係要加糖？但已有蜜糖係入面@@？我唔建議飲尼個，因為要加6蚊，唔多值，建議不如叫番熱檸水仲好等左廿分鐘終於黎左，以為好好食。。。點知除左茄子之外，其他難食。珍珠飯同番茄汁完全唔夾，好似分開上，即係珍珠米還米，汁還汁，味道分離晒；另外，豬扒雖然多有三塊，但除了第一口外，其他都好“un”好難咬到；仲有半熱半暖。。。感覺有d生米，飯既口感麻麻，定係正常珍珠米係硬的？希望有待改善。Ps.咁岩餐廳廁所維修，佢有格係共用廁所（其實而家係唔係潮流熱門，都係女仔用廁格，男生一推門就見到用尿兜形式？）接近尿兜旁有梯，有大型垃圾筒，有廁格。。。其實果間似雜物房多d。。。環境比較惡劣希望 貴餐廳盡快維修完廁所。整體唔會再幫襯。

今日返晏，又可以同朋友食完飯先返工，朋友推介屋企附近既意樂。午餐有多款選擇，有飯有麵，我地分別叫左意大利蕃茄濃湯天使麵同九州叉燒豬骨濃湯拉麵。蕃茄濃湯麵餐包蒜香牛油多士，多士即叫即烘，入口鬆脆，蒜香牛油夠香口。蕃茄濃湯天使麵可揀雞扒/豬扒加一款配料，亦可直接揀兩款配料，今次揀左腸仔加流心蛋。湯底蕃茄味重，天使麵亦好順滑，配埋流心蛋汁食份外好味。叉燒豬骨濃湯拉麵，有兩片大叉燒，配料有半隻溏心蛋，紫菜同粟米粒，豬骨湯底夠濃，拉麵亦爽口彈牙，日式叉燒煮得夠淋，整體黎講算唔錯。總括黎講，呢度午餐都算抵食，兩個人都唔駛一百蚊，份量亦足夠，有機會可以再黎。

和朋友這日未選定食甚麼好，決定邊走邊決定。意樂這店的選址真是好，老是常出現，今日又行街經過，於是就入來一食和朋友三人共叫了三個菜：溫室青瓜雞柳冷面, 鰻魚汁 $58香草烤雞忌廉意大利飯 $55九州叉燒豬骨濃湯拉麵 $55我叫的就是溫室青瓜雞柳冷面, 鰻魚汁 $58雖然貴他們的$3，但我認為是物有所值雞柳口感嫩滑，冷麵也軟硬適中，配上鰻魚汁的惹味簡直是畫龍點晴之作下次如果再路過，可能也是忍不住要食一食

剛開業時。吉列魚柳早餐是超好食。外脆內軟魚肉好嫩。又有雜菜沙律，凍啡香濃好飲。但今日來食吉列魚柳塊魚柳好乾又冇魚味，冇雜菜沙律換咗茄汁豆，凍啡味道怪怪。好失望唔會再嚟食

14:56 兩人好開心在這餐廳點餐，女服務員寫單，落完單唔夠10秒 派下午茶餐牌， 原來15:00 下午茶，我們order的食物在下午茶餐牌都有差無幾，但價錢就差20%左右，點解寫單時唔講我地知，大家都覺得好似俾人搵笨咁，說時遲那時快，諗住叫剛剛落單的服務員傾下可否改單？ 點之佢一句得埋黎 “呢D你自己睇自己點架” 冇理到我地就走左，人都唔見埋。我是非常認同佢講，黎呢道食係自己攞黎，但這事件有可以改進空間，服務員態度，服務員質素，服務員水準。謝謝!

兩個人食飯，諗住等好快啦，其實去到嗰時下一張就係我哋架啦，之後黎左幾張大枱D客人，2張4人，2張5人⋯等，諗住佢想讓人多嘅人入先，明白嘅咁佢俾去入兩張啦，點知佢仲keep住叫啲大枱，咁上前同佢理論啦，佢就話下一張就係啦，點知又入咗張大枱，大佬，我有咁噤飛仔嫁，再嘈佢先話下一張真就係有，安排入座的情況，最好一定嘅指標，會比較公平，可以改善一下。嘢食一般，款式比較少，價錢叫做平，一家大細去食都算OK。有啲侍應比較冇咁醒目，要叫先有水，好多野都唔會自動自覺，要叫佢先會做，仲有好多進步空間。

又去新居，於是又發掘一下有甚麼好餐廳。見到意樂，又不用排隊，就進去試一試。餐廳環境不錯，不會跟隔壁食客靠太近，也有卡位。一看menu, 有挺多選擇，有焗的，炒的，湯的，咖哩的，鐵板的跟小食，一定有一款是你喜歡。最後我決定order, 鐵板雞扒，海鮮蕃茄湯意粉和薯條。鐵板雞扒，有兩塊，香腸兩條，太陽蛋，一些配菜，薯條，份量超足的。價錢只是$5x, 非常高CP。海鮮蕃茄湯意粉，有元貝，青口，蜆，蝦，完全很足料，如果湯裡有多一點新鮮蕃茄就更好，這個好像$6x, 也很值得。薯條，是粗粗的，很脆，但不夠熱，如果是剛炸起應該超美味。這頓晚餐只是$150兩個人，很便宜，而且吃得很飽，所以可以再去。

下午茶選擇很多，有點眼花繚亂，所以點了兩個必食推介試試重量級公司三文治 + 柚子蜜味芝麻烤雞翼(2隻) + 熱奶茶巴馬臣芝士火腿野菌汁焗長通粉 + 水牛城辣汁烤雞翼(2隻) + 熱咖啡公司三文治汁偏甜，應該是因為加了蕃茄醬吧… 個人不喜歡在三文治中加入蕃茄醬焗長通粉的汁偏咸了點，吃後常常想喝水相對主食，反而更加喜歡雞翼，加上柚子蜜後的味道不錯啊～總體而言，食物味道尚可

世上只有媽媽好(SINGING),因此提早慶祝母親節,加上早食所以不用等位,食了2個安格斯扒餐,1個什扒餐,1個豬扒飯餐,1個田園pizza餐,1個天使麵餐,1個芥末意大利飯餐,1個咖哩牛腩飯餐,飲品跟餐半價都ok(紅豆抹茶冰,奶味比較重的奶茶,咖啡)!

意樂近一年間不斷擴充開了多間分店，午市用餐幾乎坐無虛席。午餐除有多款意粉、長通粉、炒飯、.......等選擇，還可選擇Pizza,午市套餐送飲品／湯，其粟米忌廉湯很creamy, 每口也能感受到湯的精華！晚市有吃不完的一人火煱（因份量很多），同樣美味！

近排屋企附近都開左好多新食肆，今晚老婆約左人食飯，就我自己先黎試下呢間意樂餐廳，如果好食，下次再帶佢黎。米蘭肉醬扁意粉，肉醬都夠多，但味道偏淡，不過意粉又夠彈牙。飲品選擇了利賓納啫喱冰最正就係個甜品，朱古力牛乳布甸，朱古力味濃，布甸也夠滑。老婆實鍾意，呢個下次要再order。一個人大約$70連埋甜品，以現時嘅物價，算ok了

意大利菜，無論是傳統口味的、比較美國化的，又或者是港式的，我都會去試吓。這次，試的是一間港式意大利食肆，它位處剛落成的屋苑樓下，裝修頗新。新年期間大吃大喝，係時候要食得清淡D了，心想“蕃茄濃湯天使麵應該幾健康”，所以便點了，這個自選午餐可揀兩餸，我的選擇是雜菌 X 2。充滿期望的等待着，終於端來一碗淺啡色的湯麵，我的蕃茄濃湯呢，在那裏？？！！侍應代為了解，然後再次端上之前的同一碗麵，不過今次加了些蕃茄醬(見圖)。湯的味道很淡，有進步空間。菇的份量多、爽滑、入味，但欠缺食材本身的香氣。蒜味多士熱且香，可以。總括而言，這是一個四十幾蚊的餐，我唔應該有太多要求。但從另一角度想，决定食物好唔好食，價錢只係其中一個因素，更加重要的是心和力。

菜媽媽獨自去偷歡😂所以我地今晚落街食😛咖哩慢煮牛坑腩配珍珠米// $4x份量唔多，但女仔食應該剛剛好嘅🤔牛坑腩都估到唔會好多架喇😂 3舊加d碎碎咁啦，而且有2粒薯仔。但佢個咖喱汁出奇地香，而且牛腩都煮到好淋，無牙嘅朋友應該都可以食到😄但反而舊薯仔好硬下😂不過都底食嘅～請俾分：7/10另外杯抹茶啫喱都幾離奇下😂 啫喱仲多過抹茶😑仲要係芒果味牛扒配薯菜仲有個湯// $88呢個餐真心真係平到爆😂 可以選黑椒汁/牛乾箘汁牛扒係黎自加拿大嘅，雖然唔可以話好好食，不過呢個價錢都算係咁啦，但成個扒好淋，好似放左好多鬆肉粉咁🤔？但最最最出色係佢個薯條🍟！真係超脆！仲要係皮薄脆口，入面軟棉棉🙀👍🏻❤️另外旁邊嘅燒茄子同彩椒都好有心思😮唔似平時放堆蔬菜絲就算~成盤野性價比真係好高，幾有誠意😎👍🏻請俾分：7/10拉麵就🤔可以不試，完。🍪🍪🍪🍪🍪🍪🍪🍪🍪🍪🍪🍪YouTube: Happy AmyInstagram/ Facebook: Amylaceous

個擺碟賣相係標準程度，ok的~但一放入口就出事...我先逐樣配料試，菇、煙肉係淡味到接近無味...當我幫佢諗埋藉口，揀啲無味煙肉係為咗突顯黑松露。。。再試下啲汁，哇!! 啲忌廉係成盒原味上，似係無調過味...黑松露一啲都唔香...又啖味又無層次感...對於白汁意粉控嚟講...千萬唔好俾期望...有姿勢無實際...我有加錢飲意大利菜湯，料好足味道我唔敢評論係咪叫好正，因我對紅湯無研究，但至少本人接受。anyway...絕不推介: 黑松露菌煙肉忌廉扁意粉!!