意歐

营业中

休息中

平日約咗朋友食飯 我預先打去book位 問定平日有冇限時 因為限時 我哋可以搵其他 一個女人答 星期一冇 星期三先有 5:35坐低 原來仲有下午茶 我哋就3人叫左4個下午茶 一堆小食 呢間bookmark 左好耐 焗薯算最正常 芝士薯餅 只係一條炸粉 各樣食物 只能話用呢啲價錢食呢啲質素 本來仲諗有下次嘅時候 因為想幫襯小店 但大約6:30過左下午茶時間 有個男仔話截單先 我都諗可能會再叫甜品 但人哋要截單 冇辦法 就埋單先 再到7:00不停收我哋未食晒嘅野 叫我哋打包走 但當時係仲有位 示意我哋坐得耐 我有講你哋話冇限時 我先入來 佢面黑黑走左 再搵晚餐餐牌嚟 又問我哋叫唔叫野 擺明趕我哋走 我哋7:00幾就走 感覺好差 女人街嘅舖 仲要平日 做到咁 好食都唔會再幫襯

頭先系旺角行到攰，夜晚搵宵夜外賣，路過見到記得食過呢間野幾次，唔錯既，就睇外面個menu. 叫左2樣。但問題係收錢既時候，個a8 佢收貴左我3蚊，我影相問店員，佢話應該係出面張野印錯姐，係$42. 問我仲要唔要，使唔使轉其他野。我話“其實我就唔係差在果3蚊既，會照要，不過我勸你快d改返出面張紙囉，因住俾人消委會投訴。而到15分鐘後我拎完外賣佢都係未拎支筆出去改。講返野食，鋪頭好多人叫焗薯，但我無。蒜香豬扒好香。菠菜魚柳都ok。性價比高既

今日去旺角食Dinner女人街行了一圈，街上兩旁有好多特色小店，最後看到一間專食焗薯的西餐廳專門店，很久沒吃焗薯比門口餐牌吸引了…款式很多還有套餐 😋最後同朋友揀選了【意歐】Cafe Retour，套餐款式配搭很多，再可以用優惠價加小食，餐廳室內感覺比較復古，應該已開業很久 🥔 焗薯套餐包括：(一款焗薯 + 一款小食 + 飲品)《黑松露白汁碎蛋焗薯 + 意粉 + 西柚紅茶》 ($62)黑松露好香配搭白汁碎蛋好滿滿鋪上焗薯，兩個配搭都係我好鍾意食的，意粉分量也很多，賣相幾正《蟹仔蟹腳柳沙律焗薯 + 沙律菜 + 蜜桃紅茶》($56)份量正常但蟹柳撈埋沙律口感也不錯，沙律清清地一份好適合女仔食 🍹🍸兩杯飲品少少偏甜 下次可以試試叫少甜 兩款焗薯我比較喜歡黑松露白汁碎蛋，大大份夠抵食，下次可以試埋其他款式套餐配搭款式多，小食可以配湯/沙律/意粉/吉列魚柳/蜜糖雞中翼2隻/吉列豬扒/煎餃子3隻，另外飲品可以加錢叫特飲 (半價)本來想輕食…原來都好飽 😆

平時好少人留意嘅一間小店，見價錢都幾平所以就去試吓，$5️⃣0️⃣都唔使嘅價錢可以有一個餐再加杯嘢飲，龍脷柳唔好睇佢個樣好似麻麻哋，佢都真係煎得幾香口♨️，啱晒一啲唔鍾意食平時脆卜卜嘅外皮，焗薯先最有驚喜🤩，平時喺出面食焗薯都唔止呢個價錢，所以喺呢度食到一個高質嘅焗薯好抵食👍🏻😋免頭仲有碎蛋夾埋一齊食簡直very good，以為會食唔飽❔當然唔會啦一個大人嘅份量都啱啱好。另外仲叫咗個牛柳粒大碗飯🍚，牛柳粒煮得好淋，而且每九個size都幾大粒，仲有甜豉油配埋飯，味道就中規中矩啦☺️-小編都認為呢間好啱學生哥去食飯，因為價錢好親民而且食物都算唔錯，重點係好抵食😋

今次黎到旺角食下午茶，因為肚餓關係望咗兩眼餐牌就入咗去食，一入去餐廳就覺得餐廳環境好麻麻，餐枱與餐枱好近，而且待應得1個人。觀察周圍食客唔算多，無太多參考價值。於是我開始點餐，本身餐廳主打焗薯， 望一望下午茶餐牌見到有個鐵板牛仔骨焗薯餐配餐湯同餐飲。落單到出餐時間都快手，餐湯叫咗忌廉湯味道中規中矩，然後用蒜蓉包點忌廉湯味道都唔錯。其後主菜登場，賣相唔錯份量亦都合理，不過牛仔⻣食落去有筋導致口感一般味道偏咸，至於碎蛋沙律焗薯食落去味道唔錯，配搭幾好。最後，餐飲係朱古力，味道唔錯好有朱古力味。

牛油多士唔知點解可以有騷味。。。忌廉湯啲茨仲未溝得勻 有一粒粒野喺到羅宋湯係茄汁味 好小朋友feel西冷牛扒差過普通茶餐廳嗰啲牛柳醃到好咸 好重味精比個價錢呃咗都係自己衰 貪平見咁多款揀又見咁多人喺入面就入咗嚟食樓面又慢杯野飲又難飲我都幾肯定佢冇回頭客

我同太太又去行旺角了，而尋食的地方，又是臥虎藏龍的女人街兩旁。這兩旁，好食的店，有特色的店，從來不缺乏，所以每一次在這一頭尋食，總是想去一試一些大家都未去過的食店。這一次，我們選擇了《意歐》 (Cafe Retour)，來一個平民版的歐陸餐。選擇《意歐》的一個重要原因，就是因為這店有素食食品的選擇。再者，套餐有湯、有主菜、有飲品，再加上可以用優惠價加添小食；這麼抵食，更是一個好重要的吸引指數。點好餐，就立即來兩片香脆的蒜蓉包，蒜蓉包這一類食品好少會唔好食。這兒更是做到成片都香脆，蒜蓉牛油的味道佈滿在整片麵包上。喜歡的話沾一沾湯再食，更可口。店員說過，兩個餐湯都沒有肉，太太可以安心選擇。而她就選擇了意式雜菜湯。很濃的雜菜湯，而濃的就是蕃茄的味道。蘑菇粟米忌廉湯，喝得出是自定用忌廉打出來的湯底。這湯看起來雖然好像是水汪汪的，但奶油味香濃，夠多的粟米又令此湯十分之香甜，再好的，就是湯內的蘑菇是一片片的，充滿咀嚼感。那天，兒子是跟著來的，但他早已在祖父母那兒吃飽了，所以他只點了一份串燒雞肉。用上日式照燒醬去燒的雞肉串，味道甜美，大人食，伴以 sake 就最好不過；小朋友食，以清水為伴也是夠開心

早幾日，行開旺角諗住去支持啲小店。行開女人街，見到呢間焗薯專門店 - 意歐。經過門口見佢裝修唔錯，就入咗去試下。 黑松露白汁蛋碎焗薯 配意粉 ($57)原個薯仔上，上面有唔少黑松露，好足料幾夾，熱辣辣。意粉不過不失，但一樣都係大大份。就算係男仔食都絕對夠飽！飲品加錢轉配特飲(半價)，揀咗熱抹茶牛奶。飲得出係有心機整。 佢仲有啲抗疫小食，價錢都抵。但一個人食，食唔曬咁多，下次再試。食物夠足料，好本地小店嘅感覺。見到隔離枱叫咗個墨魚汁意粉？唔知係咪咁叫，但見對情侶有讚整得好食，有機會下次試試。

同女友出黎行街，趁未到6點，鋪頭仲可以堂食嗰陣，就喺女人街搵野食。見到呢間有tea set，又想食下焗薯，就入黎食。坐底左，睇左陣餐牌，叫左個牛肉焗薯，加兩隻蜜糖雞翼，再叫多個芝士磨菇薄餅，另外加錢要個忌廉芝士薯餅，加埋張單先110蚊，唔算貴。牛肉焗薯唔錯，份量幾多，不過唔係和牛，只係普通牛肉，唔好比名稱誤導。加埋蜜糖雞翼一齊上，雞翼係淋左啲蜜糖上去，食完雞翼啲蜜糖仲可以點埋啲牛肉黎食，味道仲正芝士薯餅入面好多芝士，又熱又脆，我覺得掂薄餅細細份，餅底似pizza hat既厚批，口感很好，芝士落得幾多，食落香口。茶餐價錢，食到好似lunch咁食完有上黎睇過其他人評論，發現都幾多人負評，但係我地食又唔覺咁差，食物我覺得合格有餘，而且服務都叫有，問佢要杯水，都好快比到我地。可能佢地見到比人話完，改善左啲掛，整體黎講都幾滿意。

晚上十點放工後行經旺角，諗住賣外賣返屋企食。現在兩餸飯開到成行成市，想搵返有特色的餐廳食吓。但發現好多餐廳都無開或已收鋪，幸好還有意歐重開呢！我叫咗個吉列炸蠔+汁燒牛扒+芝士年糕餐。可惜炸蠔售罄，改了炸蝦俾我。一打開，賣相好得，顏色好靚，份量都好足夠：有海鮮，有菜，有肉，飯還加有飯素。凍飲只係加兩蚊。我見佢個餐牌，午市餸湯，但晚市要加錢呢！我重買多個俾我老公，青魚同炸雞既份量都好多，佢食完都話飽，份量足夠呢！兩個人加埋就有4款餸了！個飯盒重可以放入微波火爐，叮一陣就熱辣辣了。

小妹最鐘意食西餐。返工放lunch見到餐廳門口價錢咁吸引就入去試吓! 嘩真係好抵食!因為未食早餐所以就叫咗lunch set 醫肚 ヾ(*´∀ ˋ*)ﾉ黑椒汁西冷 $47蚊 塊扒有我塊面咁大 P.S. 小妹略肥 (๑• . •๑) 。原本以為平野無好點知食落塊扒入口軟腍、皮帶脆。一大舊西冷覆蓋係飯上面仲有黑椒汁真係幾正! 小妹平時胃口大都食唔哂 )))) 因為減肥所以叫咗跟飯, 不過見周圍啲人都係叫薯條多 下次試埋 >_<前菜方面塊餐包比較乾麻麻地, 羅送湯味道ok!

今日食左日式石窩烏冬（午餐416號）+ 雪糕心太軟。 叫左野食之後唔係等好耐就黎，個冬烏夠晒彈牙，只係個湯味都啱啱好。因為太餓所以唔記得影相。 心太軟我就影左，賣相好靚同擺位都ok，加上食落口夠軟。 係個雪糕可以再凍啲夾埋都係幾十蚊落樓，值回門票價。餐飲只係凍檸茶，出得都快，平常冰室style果啲。事原係今日要係旺角做野，所以要快食，就係附近揀一間睇落企理嘅餐廳。坐得都舒服，可能係因為我食果時係餐廳入面唔多人。食得開心，下次會再同朋友黎。

話說疫情嚴重…間間唔係唔開就提早收工😢就算有開都係得外賣🤦🏻‍♀️但外賣親嘅大家打開盒野點都同堂食一定係差啲…但今日經開旺角我又好想食返呢間嘅焗薯同佢個雪花冰🤔本身呢間我從未試過外賣，因為去親都食開扒多，咁熱辣辣嘅扒當然堂食啦😂咁我點咗3樣野一個係想食嘅黑松露碎蛋焗薯啦同想飲嘅士多啤梨乳酪雪花冰另外心思思叫多咗個白汁青口😂呢3樣我係堂食嘅時候都有點過係正正子㗎👍🏻但我無諗過住大埔嘅我呢份外賣拎到返去打開無令我失望之餘仲可以保持到咁靚仔😂😂無輸蝕比堂食喎👍🏻呢個係我覺得堅低讚嘅其中一大點。本來諗住坐完架271返到去青口都變凍咗要加返熱㗎，點知都仲和暖🤔有時外賣盒打開都會有啲腥味跑出嚟但我比個叻比佢係無個陣腥味㗎仲好香tim🤩我真心無失望仲極推大家try try 🤤另外兩樣唔使講我唔介紹啦，大家可以直接點黎外賣，焗薯真心足料抵食夾大件個雪花冰飲幾多次都值得一飲再飲👍🏻😌我欣賞佢對外賣賣相嘅態度同味道。咁嘅疫症下佢無求其比盒野我食，我好開心。多謝你呀！呢盒外賣係我想搵到嘅態度呀😢😢

兩公婆8點行過冇堂食，行過見到依間叫意歐嘅標示‘抗疫餐’，諗住之前食過堂食都正常嘅，咪買兩個中上價抗疫便當返屋企嘆，一個鰻魚炸雞，一個豚肉炸魚柳。返到屋企打開，兩個便當除左好多飯，同炸雞還可以，其他都不堪入目。那一片鰻魚居然可以薄到得3-5mm，20g左右，口感仲要似食柴！ 炸魚柳同豚肉情況都係又薄又細得唔合理，口感就一般。係炸雞叫正常啲，而小吃芝士年糕還可以。食咗兩啖諗住好又一餐唔好又一餐，啃咗佢就算。但諗諗吓唔想有下過受害者都係出post話俾大家聽旺角大把好嘢食，真倒楣揀咗間咁質素嘅西餐廳咁樣做生意，慳果少少輸哂口碑。唔好叫抗疫餐，叫搵笨餐合理啲！

夜媽媽搵左好耐先搵到1間有長通粉外賣返屋企食初初見到個樣都ok 味道都覺得還可以點知好戲在後頭食到底就見到條咁既野應該係洗碗海綿果D絲即刻冇哂胃口好反胃依家咁既環境 好心D衛生就搞好D啦想有回頭客都好難仲有第1次幫襯都難打到200字。。。。。。。。。。。。。。。。。。。。。。。。。。。。。。