意歐

营业中

休息中

第一次跟朋友去嘗試呢間餐廳，入到去環境都唔錯算乾淨，店員主動有又禮貌都細心。我朋友點咗個豬扒骨餐上枱超大份！仲好香！睇落好似骨好大舊但超多肉...女士們可以點黎分享（轉蕃茄汁）淋上面酸酸甜甜好開胃！咁我自己就點咗個牛柳排，超級厚肉！唔好睇我圖切開好似好熟咁，中間係粉紅色嘅岩岩好緊緊熟好嫩口！第一啖我無淋黑椒汁想試下原味啦～牛味真係好香濃！入口軟熟係我鍾意嘅口感。（芝士要快快趁熱食..帶有小小拉絲）仲有佢個碎蛋焗薯真係堅大份..我提提大家食佢個黑松露碎蛋沙律焗薯！超香！我撈勻未食都已經香氣迫人！大家不妨試下！最後我地叫咗個心太軟，雖然好普通周圍都有得食但係個流心做得好好，外層蛋糕亦做得到鬆軟帶點脆口，味道同質感都好唔錯。而佢旁邊個雲呢拿雪糕我初時諗住係普通野最後先食啦...點知似雪芭口感有碎碎冰粒係有驚喜嘅！整體好味，擺得都幾靚，可以相機食先，上餐好都快手，所以我會再幫襯。

本身食過幾次堂食 味道唔差 價錢都抵食 今日叫左佢既櫻花蝦唐醋雞飯外賣返屋企食 唔算貴40蚊包熱飲 凍飲都係加3蚊 但係幫我包外賣果個人口罩又唔帶好 露個鼻出黎 依加呢個疫情個個都好驚 佢咁樣已經扣左分 點知返到屋企 個飯盒蓋完全無吸實到 佢唔係無吸實小小 係好似個飯蓋同個飯盒係唔啱siz咁 唉 都算啦！之後入面有4舊雞 每一舊雞入面啲肉都唔熟 係4舊都唔熟！！係好明顯鮮粉紅色既雞肉 得塊皮係熟 真係好無言 完全扣晒分！成盒飯我完全無食到直接掉左落垃圾桶 我打電話比間餐廳同返佢講咩事 佢都好有禮貌話即刻送個飯比我 但因為我住得遠 唔方便所以就無送 但佢都有叫我留個姓 下次整返比我 服務態度唔差 而且都有誠意彌補過個錯誤 但我真係好嬲 ！我一直對呢間餐廳都幾有好感 覺得佢味道唔差之餘又抵食 都食過6-7次 依加無堂食唯有外賣 點知就中伏 真心嬲！

女友陪我去買相機袋，買完行左陣街，行到女人街就搵野食。而加女人街好多餐廳都冇下午茶，行左幾間就見到呢間焗薯，見到有下午茶，啲野又岩食，就入左黎。入黎就睇下午茶餐牌，叫左個焗闊條麵同牛柳焗薯。佢地下午茶都有湯同野飲送，我地就要左忌廉湯，一般罐頭湯味道，冇乜特別，係有啲栗米粒咁，不過跟餐喎，正啦🤪之後食焗肉醬闊條麵，味道一般，唔難食，合格既。而焗薯連牛柳就有驚喜，焗薯上面有蛋沙律，口感唔錯。枱面又有海鹽，加啲海鹽落焗薯度食，就變得好好食。牛柳就一般，可能比梳打粉「 那」完，幾淋，不過口感一般。呢度真係焗薯先好食，其他算係不過不失，但係下午茶，2個餐加埋都唔洗一舊水，cp值就叫好高啦。

晚飯諗唔到去邊食，行過見到間店都算幾多人，啱啱有位坐低。我對食店嘅服務、食物、環境都有要求，但最吸引當然係價錢，門口餐牌晚餐成set都係50幾至70幾蚊，啱晒我呢個窮人。食物：1.巴馬火腿拼白汁蛋粹焗薯焗薯蛋有蛋味，薯有薯味咁，都冇咩好講，唔好expect有咩驚喜，就係普通焗薯，都冇咩問題。巴馬火腿鹹鹹地，普普通通。$45一d都唔貴。2 .優惠套餐（鐵板雜扒意粉+餐湯+餐包+熱飲）雜扒有豬扒、雞扒、珍寶腸、吉列蝦。鐵板上菜時都有鐵板的聲，仲係熱熱地，當然唔係expect好熱，唔係彈晒d汁出黎果種。珍寶腸同雞扒表層都做到鐵板煎過的效果，脆脆地，味道都算好。雞扒有d唔夠嫩。豬扒質感好淋，麻麻地，味道正常。吉列蝦就都係普通咁。意粉有d甜甜地，卻冇茄汁味，怪怪的。忌廉湯我額外加左酥皮。忌廉湯應該係普通罐頭忌廉湯，鹹鹹地，酥皮冇咩香味，都係普通。蒜蓉包好脆幾好食。檸茶普通，唔算好苦澀。其實食物味道整體都算唔錯，但食完有d喉乾月舌燥，明顯係靠晒落味精，都預左。價錢咁平，都好正常，老實講算係抵食。餐牌：差就差左環境非常擠逼，枱好細，枱與枱之間d塑膠板又東歪西倒。櫈係濕嘅我自己抹， 另一d櫈有人擺左d

今次與朋友又到女人街搵食，想坐得適服，食物又有特色……最後我們選了意歐。之前我都有來這裡光顧，餐牌選擇眾多，揀選最食的都需要花一點時間。今次來到，見他們已換了新餐牌，除了他們的招牌菜意粉同焗薯外，他們都著重健康飲食。餐牌多了素食食物，又多了擺設精緻的沙律，好有鯖魚同三文魚，適合我們細食，又想食得健康的女仕。最後我選了焗三文魚拼雜菜薯蓉。幾十蚊，有齊餐湯與餐飲，物超所值。我還聽老闆娘的建議，加錢加了香煎帶子。將整個主菜提昇了一個層次。美味。還有不得不提的是……要試試他們的熱檸茶。這個是我到來必點之選。大家可以一試……正!

同個friend喺旺角行街諗住搵間餐廳坐低食個下午茶，沿着女人街一路直行，個friend話呢間食焗薯好出名，雖然環境唔算話坐得好舒服，試吓都無坊既，既然佢講到咁出名，入去食過先知睇吓餐牌先，我比呢個卡幫尼三文魚意粉吸引住，本身諗住叫個焗薯試吓，依家決定食個friend個焗薯，我就叫個三文魚意粉share，不過價錢勁平喎，30幾蚊食個意粉邊度搵呀。個friend就本身諗住叫午市焗薯套餐，不過見上面下午茶套餐都有得揀焗薯，就點左鐵板韓式牛肉配蛋醉焗薯試吓，平d又可以冇咁飽肚。套餐跟例湯同飲品，同埋蒜蓉包一客，賣相一般啦，蒜蓉包好硬同好乾，無蒜蓉我個紅湯呢...色水就唔靚嫁喇，味道更可以用難飲嚟形容，罐頭牛尾湯咁，唔辣都唔酸，無茄膏味，啲菜煮到溶溶爛爛，口感勁奇怪，飲咗兩啖就放棄左。焗薯就真係唔差嘅，新鮮滾熱辣從上枱，薯仔好mash配搭蛋黃醬一流，加埋蛋醉香又滑不過煙肉碎可以多啲，因為焗薯本身冇味，多啲鹹香煙肉會更好更添美味。韓式牛肉就比較淡，醬汁太少而且係後加既，所以牛肉入唔到味，麻麻地。呢個三文魚意粉真係心照，兩啖可以食曬，不過咁既價錢咁既份量係無得投訴既，但我想講味道都唔係好味，個汁太

我果是第一次寫食評,因為冇試過咁差的!!!!!越想越生氣下,決定打食評平息怒氣如果有零分,除了服務比2分,其他真係全0算那天,我和朋友在女人街一帶找食店,因為比較餓的關係,但又不想將就找家沒有人的.經過這間,看到裡面有很多人,剛好有兩個位,門口又有上過電視,就入去了一坐下,餐牌十分之舊,而且,那位置十分近門口,關門後十分大風,不知哪來的強風一直吹著頭!!其次,食物極差,我朋友叫了一個牛柳粒焗薯,那牛柳粒一點牛肉味沒有,比茶餐廳還要差我叫了一個鐵板牛肉焗薯餐實在太可怕忌廉湯沒有忌廉味,極淡,不creamy牛肉比吉野家牛肉飯的牛肉還要差!!!而且,焗薯上的醬,,,,,,,是蛋黃蛋白醬,跟淡面無味的焗薯一點也不配!!那醬比7-11碎蛋三文治還要差總括而言,食物十分差,環境也差,服務一般,很等待食物時間十分長,長也擺了.等出來十分難食!!!!

喺旺角要食lunch，但已經係下午茶時間～經過女人街就入咗呢一間🤪佢哋下午茶set都幾抵，$35-$46 就有1 main course+ 西餐湯+蒜蓉多士+熱飲真係覺得幾平, 未試過呢個價有咁多份量我就嗌左「菠菜雜菌茄子忌廉汁燴意粉」，味道正常，張圖同實物一致，講真呢個價唔會有太多要求😛男友就肚餓叫左個「焗流心蛋日式芝士咖喱漢堡扒飯」，同樣味道同想像中一樣，沒有太大期望但係都唔差，飲埋杯暖暖嘅朱古力就飽晒啦😚

平時好少行女人街，朋友見到依間焗薯專門店想食，就抱住試下心態入去。平日夜餐時間到，都坐滿人，見差唔多每枱都有叫一客焗薯，咁當然就要試下啦。叫咗個二人套餐，有餐湯餐包小食連2個焗薯，$188就中規中矩，大概5分鐘就開始陸續上菜。餐湯很淡，沒有什麼味。餐包不熱，小食一般，原本有小小失望但焗薯有驚喜。焗薯就叫咗2款必食的。巴馬火腿拼白汁蛋碎焗薯原隻焗薯同平時的配菜的薯仔不同，更加厚身同有口感，薯味濃。配上白汁蛋，口感會變得綿滑，加上巴馬火腿鹹香，味道好夾。黑松露白汁蛋碎焗薯黑松露和白汁蛋都好夾，黑松露的味道很出，如果再有埋黑松露油就更好啦。賣相 3/5口感 3/5味道 4/5番食率 3/5

在旺角返工的我最正係可以好方便咁享受不同的美食，之前和好友放工後去咗位於通菜街的Cafe Retour享受美國焗薯套餐。見到焗薯餐的價錢尚算抵食，所以決定入內~~~裡面的座位和裝潢有點懷舊~~~每個餐有蒜蓉多士和餐湯，個蒜蓉多士夠脆又好食~~~好友點了紐西蘭羊鞍（三支骨）配蛋碎焗薯，羊鞍外脆內軟，焗薯食落入口即溶，蛋碎配蛋黃醬簡直係絕配，仲記得在大學時最喜歡在canteen 食蛋碎配焗薯😋😋😋而我就點了紐西蘭芝士牛柳配蛋碎焗薯，芝士望落簡直夠曬吸引，塊牛柳好易切，食落感覺勁鬆軟，個人覺得呢個餐較好友那個餐更美味。望落D肉係整到剛好，不會well done~~~呢間店的焗薯有焗薯海鹽，灑一點令焗薯更滋味👍👍 餐飲方面，好友點了較吸精的雙重朱古力碎粒，而我就點咗熱的柚子蜜。呢間小店食物整體感覺不錯，而且都幾飽肚，怪不得有不少食客在店內晚餐😝😝😝

旺角女人街見到佢寫住焗薯專門店，我都幾中意食薯仔，所以就入去試吓啦焗薯二人套餐 $188套餐6項包括：羅未湯配蒜蓉多士 芝士焗西蘭花 好多香蒜脆雞翼脆香芝士條焗薯兩款 飲品兩杯巴馬火腿拼白汁蛋碎焗薯＆白汁蛋碎焗薯，唔小心叫左兩個差唔多口味嘅焗薯添，巴馬火腿好大塊，薯仔好新鮮又焗得軟腍好有薯味，白汁碎蛋好香，上面仲有一d煙肉碎，幾正脆香芝士條炸得好香口，要趁熱食，裡面d芝士先夠腍～芝士焗西蘭花夠晒多白汁同芝士，好食香蒜脆雞翼都好夠味，皮都好脆卜卜另外仲叫左個香草忌廉汁蜆肉鮮蝦意粉 $79蝦同蜆放得好整齊，蝦爽口，蜆都新鮮入味，忌廉汁香濃甜甜地幾香口，但我覺得可以咸d就更好喇。所有食物份量都多，而且味道不錯，性價比都很高，經開旺角可以試下

下午茶時間踏進門口，女侍應竟然一看到我就關上門，好像不歡迎客人一樣。當我坐下舉手示意點餐，她卻沒有反應地走了。當她回來追問餐到來的時候，態度也很沒禮貌。最後正當我想離開往旁邊餐廳時，食物剛來到，幸好味道還算很好。I was walking around lady market and fortunately found a restaurant with quality. When I was stepping inside the waitress closed the door suddenly. I felt disappointed but I sat down anyways. Food is good but the waitress ruined everything.

經過旺角女人街又俾我搵到間抵食餐廳，餐廳主打焗薯，有成十幾二十款選擇，最後揀左蟹籽蟹腳柳沙律焗薯，所用並唔係細細個薯仔而係比拳頭還要大，上面鋪滿蟹腳柳，賣相、份量同味道都性價比高。除左點主打焗薯，仲點左黑醋鮮果沙律、白酒忌廉煮蜆、芝士煙肉焗生蠔同蒜蓉牛柳粒，飲品點左杯叫Texas(紅葡萄、柚子、梳打) ，值得一提鮮果沙律用上新鮮蘋果鋪底再配上西柚同桃，食前淋上黑醋，黑醋既酸、配上生果既甜，作為餐前開胃頭盤不失為一個精明選擇。價錢方面，兩個人埋單只係二百幾，平、靚、正之選~ #CafeRetour#HKcafe#MongKokCafe#HKGoodFood

在旺角女人街，有一間餐廳門面招牌，寫著焗薯專門店，就是今天下午的目標。店面有點似舊美式餐廳風格，雖舊但整潔，別有風味。餐廳在星期日，亦有提供下午菜套餐，選擇不少，經濟實惠，不過我當然要食焗薯！焗薯款式很多，一行四人選了三款焗薯套餐，及一份下午茶套餐。下午茶套餐，選的是卡邦尼意粉，份量不少，34元，更配有餐湯及熱飲，性價比不低。每份焗薯套餐，除了主角，亦可從七款配角，選一款，有湯，有小食亦有意粉可供選擇，套餐亦包熱飲一杯。巴馬火腿拼白汁蛋碎焗薯，配忌廉湯，55元/份，腿略少，咸香味亦欠奉，但碎蛋沙律份量很足。黑松露白汁蛋碎焗薯，配餃子，57元/份，蛋碎焗薯配黑松露，很夾，具層次感。蟹籽蟹腳柳沙律焗薯，配炸魚柳，51元/份，朋友選的，據說味道不錯。除了選配熱飲，亦可以半價飲特飲，薄荷青檸汁飲，很清涼及消油膩。如果，喜歡焗薯的朋友，一定要來試試。意歐 (旺角)人均消費55元旺角通菜街6號地舖簡單的飲食隨筆，有興趣請follow～緣食魔宮。

同朋友行經女人街時見到呢間焗薯，仲要寫明係焗薯專門店，比佢吸引到，就一於試下佢，叫左兩個餐，一個係排骨焗薯，排骨肉質夠淋，而另一個係羊鞍意大利飯，羊既羶味好濃，每個餐都會跟一杯飲品、餐湯（羅宋湯/忌廉湯）同埋蒜蓉包，個蒜蓉包仲好有蒜味又脆卜卜，有好多款餐都會有跟焗薯，而跟餐既都係沙律蛋白焗薯，我想試下其他味既焗薯，所以我另外再叫左個芝士波菜焗薯，芝士同波菜好夾，薯仔都幾香，整體黎講都唔錯，價錢都合理。