意粉屋 (新城市廣場一期)

营业中

休息中

一心諗住有會員優惠嚟食個下午茶，仲用$15加埋酥皮忌廉湯。😋酥皮湯先上，揭起塊酥皮切成四份，逐一加落熱辣辣嘅湯，超邪惡但係勁好味。跟住上嘅係芝士焗菠菜魚柳扁意粉。幾乎次次嚟都係食呢個。😂先食熱辣辣嘅魚柳，今日塊魚柳成18cm咁長，仲要唔係薄嗰隻，超正。😋😋食完魚再食菠菜，最後食扁意粉，其實我估冇乜人好似我咁食法。🤣可能因為食咗成塊酥皮，所以食唔晒啲扁意粉，講真，呢度啲下午茶份量好足。個餐跟一杯嘢飲，我鍾意呢度啲熱咖啡，主要係因為佢哋會將啲奶加熱，然後連咖啡一齊上俾你自己落。咁樣，杯咖啡就唔會俾啲凍奶降咗溫，同埋自己鍾意落幾多就幾多。👍🏼食完哂找數嗰陣先知道原來自己個會籍已經過咗期，終於呢餐我連埋加一俾咗$113.3，好貴呀！😭😭

成日覺得沙田無咩好食，商場全部都係連鎖野，又唔平，星期六行開見意粉屋唔係太多人，諗返起都幾年無食，咪食吓囉～～.呢間分店都幾闊落，可能因為多家庭客啦，亦會主動問客人想要凍水/常溫水🧊值得一讚👍🏻.揀左all day breakfast, 菠菜魚柳拼薯蓉，另外加左兩個前菜：巴馬火腿配蜜瓜、煙三文魚多士（各15蚊）.✨All day breakfast✨好大份，都係平時果d配料啦✨菠菜魚柳拼薯蓉✨熱辣辣焗起，菠菜喺底部，再放上魚柳🐟魚柳質感好實，勝左大條，薯蓉最唔好食🥔因為係開粉既，唔係新鮮薯蓉，愈食個口感愈古怪，最後放棄唔食薯蓉🙈✨煙三文魚多士、巴馬火腿配蜜瓜✨兩個前菜都一般般，建議唔使加錢叫喇😂反正食主菜都夠飽咁耐無食意粉屋，覺得意粉屋好似停留左喺好多年之前咁既狀態，食來食去都係果d野咁🙈🙈味道又無乜進步🥲唯一優點就係夠晒大份！

去咗沙田新城市廣場嘅嘅Spaghetti house 食晚餐星期六都竟然唔使排隊間餐廳都好大 坐得好闊落 牛油果大蝦藜麥沙律個牛油果啱啱好 啲蝦都幾大隻 同爽 沙律菜好新鮮 炸雞薯條拼盤個炸雞係非常好食 啱啱炸出黎 雞好Juicy 同好滑脆到可以拍ASMR慢煮牛面頰南瓜意大利飯牛面頰份量幾多多 煮到好淋好香個意大利飯唔會好膩同埋好香南瓜味蕃茄海鮮手工意粉意粉有啲煙韌 唔會煮得太淋 海鮮有幾多種類同埋份量都幾多夏威夷pizza 個餅底比較薄 鍾意食薄批嘅人就啱啱好 個餅底唔會好油膩 同埋個批有好多料食物質素 水準之上 環境不錯 好闊落 又坐得舒服 份量都唔似其他Cafe咁細份

一家大小去沙田新城市行街，經過意粉屋就去食下，平時成日都會見到意粉屋，但呢間意粉屋門口感覺好舒適，有正張長梳化比客人座下等候睇下餐牌咁，好順利成卓差睇完簡好食乜野就會想入去食野先叫左個薯條(本人係好中意食薯條)薯條口感可以，芝士也是剛焗好做到拉絲效果，再叫左個蕃茄肉丸扁意粉，肉質就一般，但個蕃茄汁就做得唔錯好好食，仲食左個普通pizza , 味道都唔錯，整體而言十分比七分，員工亦有禮貌，我詢問可否比多張餐巾時，員工話有bb圍巾比我，都細心

今天和好友去了這間吃午飯，取完飛後很快就可以入座，餐廳環境也很不錯，位置很寬躺、環境很舒適。我和好友分別點了芝士卡邦拿意粉、芝士薄餅、蘑菇忌廉湯和黑糖餐包。🤩意粉硬度適中，芝士味和忌廉味也足，但感覺用料不是很多，所以很快就吃完，而感覺在一般餐廳也可以吃到的美味，所以感覺價格也是偏貴🫡黑糖餐包的質素很高，並不是一般的貨式，口感煙煙韌韌，感覺也很健康。😛餐湯味道不差，因為喝上去也有很濃的蘑菇黑松露味，很適合我的口味，湯的用料也很足，所以喝完後便感到很飽肚了。🤣👍整體而言，食物與環境質素也很好，只是價格偏貴，所以如果想吃平點又多款的，這間未必會是首選。🙏🏻

沙田新城市廣場近年開了很多不同國家的菜色，中、日、韓、星馬、泰、越、意、美、法，差不多都齊全。所以如果要吃均真的要吃幾個月。哈哈！7樓全層都是餐廳，所以連意粉屋之前在地下樓層都要搬上來開業，這裡地方較大有很多卡位。我們點了一個一人餐 和 週末二人悠閒之選 🍝西班牙白毛豬風乾火腿配蜜瓜前菜夠清新風乾火腿帶點咸香配蜜瓜吃多一點鮮甜。珍寶雜錦板板薄餅板板薄餅焗得夠香脆，批底鬆脆餡料豐富，但略嫌份量較少。石板燒美國牛肩肉(220g) 配薯條·清新沙律這個牛肩肉煎得香而肉質嫩有牛味，配粗薯條真是絕配。焗肉醬千層麵招牌菜焗肉醬千層麵，餡料豐富多汁千層麵煙煙韌韌保持到水準。自家製檸檬芝士餅又到甜品時間，清新檸檬味配濃郁芝士味的芝士餅很搭配。

真心嗰句價錢唔平，不過因為有會員優惠先嚟食份足量下午茶當午餐。每次嚟食下午茶，例牌叫忌廉芝士焗菠菜煎魚柳扁意粉，因為覺得佢夠熱又好味。😋我朋友叫咗芝士焗肉醬意粉，欣賞佢哋喺餐牌上面寫明係牛肉，我唔係幾鍾意食肉醬意粉，所以從來冇試過，不過我朋友就食得乾乾淨淨，我估應該都好味。😅呢度啲咖啡都幾好飲，本來叫咗熱檸水，到最後都係改返熱咖啡。😂折實之後人均$60，下午茶2:30開始，如果唔怕晏食午餐，咁嘅價錢同份量都唔錯。

193030092011，今日一行五人黎到沙田意粉屋，今日雖然是星期五但人流不多。好快我地坐低就點餐，石板燒美國牛肩肉(220克)配脆薯條·藜麥牛油果沙律牛肩肉有厚厚既肉質加上少許腊肪，有咬口之餘也有濃郁的肉味。脆炸洋蔥圈，外脆內軟，唯可惜太多炸粉。芝士焗牛肝菌汁·松露香菌半月雲吞，皮薄加上芝士，但芝士味太多食不出松露香。意粉屋招牌炸雞᛫脆薯條，其實炸得不錯，但炸雞還是去韓式店較好。凱撒沙律·欖油香草軟包配卡真蝦串(3串)x1，都叫好新鮮，係咁多肉類既一餐作個平衡是不二之選。即刨黑松露·雜菌蘆筍闊條麵，呢個原片黑松露，香氣撲鼻獨特，加上雜菌是最好配搭。

今次叫咗鮮忌廉芝士焗菠菜煎魚柳扁意大利麵，個芝士味好濃厚，魚柳好大舊，啖啖肉咁，個意大利麵整得好入味，份量又好多。紅豆紫薯配雲呢拿雪糕，個顏值好高，杯野飲好足料，個紫薯味好濃，加咪紅豆更正，推薦。員工服務態度良好。衛生環境方面良好。價錢方面合理。

意粉屋開左好耐，但成日都聽到食評用“麻麻地”黎形容，搞到我一直都未試過今日同事相約飯聚揀左呢間，我抱住「平常心」入去，出奇地令我覺得有驚喜Set Lunch 價錢係吾算平，但佢有哂餐包餐湯仲有埋飲品！羅宋湯都夠料，餐包暖暖地好香幾好食豬扒飯- 豬扒冧身又大塊，份量都大藜麥牛油果火腿沙律- 配上酸酸甜甜既沙律汁幾開胃大蝦意粉- 汁調較得岩岩好吾會過多或少，麵條煙煙unun冇煮到林哂,好食set lunch黎講份量都算大份，味道都好過好多西餐廳，座位都好舒服，真係要同佢平反下，集團式既意粉屋並不是傳聞中咁差的！翻兜指數：**** （5星滿）

好耐之前有次去旺角睇戲🎬啱啱下午茶時間，就諗住是但食件多士頂肚，結果意外地好食夾大份。太耐之前，依家淨係記得餡料好豐富、已經唔係好記得係咩餡料😂，但係環境氣氛好，屋企人又讚口不絕，所以整體感覺👍🏻果次之後，我同阿媽就對件多士念念不忘🤣依家終於喺荃灣廣場開咗分店啦！唔使去到咁遠！所以我一搵日Work from Home就即刻去咗食！原來佢叫貢多拉白毛豬三文治🥪😂，一啲印象都冇，但總之同記憶中一樣好食😋。白毛豬在風乾火腿之中屬於鹹香適中，沙律菜🥗牛油果🥑同碎蛋中和鹹度，粉量配搭得剛好，先會好食不會淡也不會膩😍，多士鬆脆不會過硬，（另外有咁多支牙籤唔會散開很細心！🤣）環境清新乾淨，下午茶☕️時間勁少人，很舒適。整體感覺良好，同還左個心願再食到🤣下午茶餐仲有好多其他選擇

成9點幾先黎到新城市搵食,唸住今晚應該都係食麥仔之際，點知原來意粉屋仲有聖誕餐食，天氣咁凍有D熱野食下真係好飲個熱湯先雖然依個鐵板可以按照自己喜好煮熟D生D 都可以，不過塊牛扒黎到既時候都差唔多8成熟，一D血水都冇，想食生D 既話要快拎起塊牛，不然就好似我地咁變左全熟😢Salad 雖然細細碗但好足料，有牛油果藜麥蕃茄仔,配埋醋，非常健康Piazza 較腍身，淋左燒烤醬，味道偏重而且鹹，就連大蝦既蝦味都俾個醬cover 左

今日入了沙田找朋友， 約定在新城市廣場相聚午飯，我見到前面間意粉屋，想起很久都沒有光顧過，於是通知朋友就在此午飯。坐下見到餐廳環境和以前沒有多大的變化，而且人客亦不太多，因今天不覺得肚餓 ，兩個人就點了個溫泉蛋煙肉意粉和一客滋味雜錦脆炸拼盤、兩個酥皮湯、一罐可樂和一杯cappuccino。溫泉蛋和意粉都有一定的水準，蛋亦做到有流心，只是煙肉味倒覺得淡了點。雜錦脆炸拼盤的賣相，上枱時給人覺得炸過火了點。令雞肉變得稍為有點過乾的感覺， 欠缺了雞肉的嫩滑感;但炸魷魚圈就可以，不會覺得韌、薯條亦炸得脆口，味道還保持過往一樣， 整個拼盤都算有中間水準。 酥皮海鮮湯的酥皮上枱時，仍有點脆口咬感，海鮮湯的湯味亦夠濃，一個不錯之選擇。 cappuccino的泡沫夠滑，配上可可粉提升香味夠吸引，整杯咖啡冲得相當之好。

沙田新城市廣場一係貴到離晒譜一係食完埋單唔飽肚 所以商場食嘢我個人就免得就免㗎喇同個friend兩個人入咗意粉屋嗌咗個芝士火鍋套餐 份量夠曬既天氣凍食返個火鍋其實真係唔錯嘅選擇佢出咗個拼盤賣相唔錯咁咪有啲海鮮有啲麵包有啲蔬菜同埋薯條另外有個風火腿頭盤都有兩種風火腿 我鐘意深色個隻配蜜瓜同埋哈密瓜呢個就真係幾好食喇主食有個安格斯牛肉 肉味香濃 鮮嫩 唔錯開頭食真係幾驚喜一啖接一啖但其實食咗10分鐘左右會開始覺得浸味好悶因為乜嘢都係芝士味其實食落去開始冇乜分別不過整體都係可以嘅價錢唔算貴做咗會員兩個人埋單兩杯嘢飲大概$500左右穩陣

呢間service唔差嘅，但食物味道真係唔得⋯我N咁耐冇去過意粉屋，冇諗過原來而家咁貴⋯貴唔緊要，平時我食個好食嘅意粉都同樣要百幾蚊一碟，但呢度個食物質數真心對唔住個價錢！我哋4個人（兩個大人，一個小朋友一個bb）叫咗一個肉醬意粉、一個千層闊面、一個牛扒配龍蝦尾、一個海鮮墨汁意大利飯、一個酥皮龍蝦湯、一杯凍檸茶，千零蚊埋單，冇樣嘢好食：個千層麵勁乾；啲薯條冇落鹽；凍檸檬茶完全冇茶味得啲糖水有味；龍蝦冇味；個肉醬意粉啲肉醬好稀，稀到掛唔倒上啲意粉度⋯⋯真心大x樂都好食過佢勁多⋯唉，我寧願俾多$100去酒店食個brunch好過⋯唉⋯⋯⋯