意粉廚房

营业中

休息中

今日食晏好想食意粉~ 就搵下有咩地方可以專食意粉的地方去下SEARCH 到呢度見評語唔太差就諗住一試~但點知中晒伏~佢飲品, 同餐湯係自助的~ 我亦叫左個黑松露油帶子意粉,先講餐包同餐湯餐包係熱的~ 亦都軟熟~ 唔錯~但餐湯... 今次西湯係甘荀忌廉湯...勁淡...又無甘荀甜味....好似飲溝左水的湯咁....之後到個意粉...外表都OK~但一食... 淡到呢....又無松露味要自己加芝士粉+鹽先有味~蒜頭好似無煮過就咁放入去...因為仲係硬的, 有生蒜的辣味D 菇又係無味~ 仲食到菇的奇怪味~帶子又硬, 又UN, 又鯹, 又無味.....總之成個意粉都唔好食~食完佢有得自己去攞咖啡茶, 味道... 算啦~ 自助野可以有幾好~同埋比埋個甜品你~ 甜到... 食左幾淡..真係食唔落....總之成件事錯晒~ 收咁的價錢~ 有咁多野~ 好似好抵咁~但無樣野好食....我寧願佢得意粉+野食~ 但比返好的質素我~ 好過咩都有~ 但全部都係垃圾.....最後仲要收加一服務費...咩都自助... 收咩服務費丫諗住開開心心食個晏~ 但食完... 好唔開心LAW....

年紀大，食唔到咁多，近年越來越鍾意食半自助餐，一個main dish，加餐湯甜品，足以滿足食慾之外，價錢百零兩百亦相當合理，美中不足係好多半自助餐都無杯餐飲，令我呢類「茶餐廳鬼」最後又要額外買杯嘢飲。今日去咗尖沙咀一間酒店內嘅「意粉廚房」，見佢餐牌都有唔少選擇，有牛’有魚’有海鮮，即使賣相未必算達到酒店水平，但係價錢亦唔係酒店級數，相當合理；最估唔到係餐湯同餐飲任飲，仲得了嘅？事關我係「茶餐廳鬼」之餘，亦都似「餐湯怪」，有時揀餐廳食，就係為咗個湯，呢間嘢個湯達到酒店級數，令到我今日飲咗3碗，之後餐飲亦添咗一次，個人覺得，只要唔係特別想食甜品，呢度係十分理想嘅「半自助餐」，而且價錢係$100都唔使，性價比絕對無懈可擊。其實，個主菜都值得講一下，我叫咗個最穩陣嘅三文魚忌廉汁意粉, 口味相當好，忌廉汁都算清新，三文魚就正正常常，以咁嘅價錢，仲要係尖沙咀；如果計埋無限添「飲」，真係無得輸。

再回來吃， 介紹左比舊同事。話說我之前黎食意粉，覺得幾抵食咪推介比朋友囉。我上次食帶子意粉，今之食卡邦尼，真心抵食。食菜同湯任食，又包一杯餐飲，都係68炸所以我當左意粉係我CANTEEN

今日和同事來了這間餐廳吃午餐。餐牌選擇算多，價錢也合理。坐位闊落，坐得舒服。餐廳是半自助形式，湯和飲品可以自行去添。湯有中湯和西湯兩種，西湯是西蘭花湯，沒什麼特別，就西蘭花的味道。中湯是蓮藕湯，倒是挺清甜，不錯。蝦煎得挺香，很有蝦味，有很多磨菇和茄子作配菜，挺好吃，但略嫌意粉有點油。甜品是奶凍，我覺得太甜了，上面還放了糖漿，有點溜。埋單2個人吃共150元，價錢合理。總的來說，餐廳食物質素不錯，價錢合理，會再來。

尖沙咀最佳盛品酒店地庫個間意粉廚房，上次去食左一碟黑松露油帶子波菜麵後，感到物超所值，食材有素波菜料和新鮮帶子配搭在—起，麵質亦很幼滑，確實營養豐富和美味可口，價錢在同區也算合理的。

  被屈，中個六合彩四獎。得果4800。重要被下面那班生番知道咗。一個二個要請食钣。但尖東好重皮。14條友要有位真是唔易。重中之重是平。而且要有大枱。好彩我知有餐廳又平又低食而且有酒飲。在尖柬區來講少有，價錢又唔貴。晚餐一個百零蚊。酒水又平。吹水最好。佢個"紅酒燴牛肋排意粉” 低食。题酒小食'' 炸魚薯條 “ 就更正，是即炸的。又大件。到尾結数14個人唔洗兩千

午飯唔想成日都食茶餐廳，又諗唔到去邊度食，同事推介呢間係漆咸道南Best Western Plus Hotel Kowloon地庫既西餐廳食晏。本來無抱太大期望，但既然同事推介就儘管去試下。我點左客香蒜大蝦意粉，出餐時間快，最岩我地呢Ｄ上班一族。賣相好而且好香，未擺落口都知唔會差。意粉唔會太硬，大蝦又夠新鮮，成碟野都好好味。以佢既食物質素，而且係尖沙咀區酒店入面可以用$7-80既價錢埋單，絕對超值。我一定會再黎同埋推介埋俾Ｄ朋友同事食。

lunch time 同同事經過, 看過傳單, 見價錢合理便來ㄧ試。order 左香蒜大蝦意粉, 意粉都幾彈牙, 蒜味啱啱好, 唔會太濃, 隻蝦又啖啖肉。仲有, 餐前跟餐包, 餐湯同飲品都係自助形式, 方便快捷。餐廳環境舒適, 坐得十分舒服, 值得一試, 同事也十分滿意,下次會再來。

男友是意粉怪,看見在華美達酒店地下的意粉廚房都心思思想試下,今日終於同佢來上試下。8黠入到去,全場......竟然一個人都無!!!心諗係咪伏呀??但都硬住頭皮坐低左。未食,店員已送上餐包,熱騰騰而般普通的圓餐包。他告訴我們湯同飲品係任飲的,好自助的感覺呀!中西湯,個人覺得西湯好飲D,中湯比較稀。一陣後,茄汁海鮮意粉上台,意粉夠入味，唔會太酸,海鮮份量夠誠意,大蝦數到有4隻,蝦同魷魚都好彈牙,魚柳油左少少,但整體是好味的,一點也不HEA。另一個是紅酒燴牛肋條意粉,新鮮熱辣的上台,賣相無得輸~!牛肋條嫩滑,炆得又入味又腍,紅蘿蔔入口即溶,好好食廚師似乎非常喜歡磨菇,大把大把的放上去,令人感覺食得十分健康,哈哈~食到9點,多左兩台客,在尖沙咀區都算罕見,但我覺得無人來人往騷擾,有RELAX MUSIC,不用食完被趕走,呢度係唔錯的,完全唔會中伏。 

星期5，LUNCH 同同事又黎LE 間餐廳，講真同區黎講，真係便宜又好味，我上次食帶子意粉，今次食大蝦意粉，都一樣係咁好味，隻蝦真係好大隻，煎行又香口，要比個LIKE。我朋友食蜆肉蟹柳意粉，可能佢係男仔，所以吾係好飽，不過佢狂食出面D包同湯，因為無限REFILL，佢飲左勁多。你想想$78一個意粉，又有REFILL湯，又有REILL包，又有餐飲，又有MAIN PASTA，邊到搵，所以LE間餐廳，我們一定會再食。

上次在尖沙咀最佳盛品酒店地庫那間意粉廚房內吃了—碟香草三文魚忌廉汁意粉，感到廚師煮得都頗有心思，三文魚肉質不錯，香草味甚濃，忌廉汁份量亦配置恰當，的確美味可口，值得再次光顧的。

放工在尖沙咀找地方吃晚飯，兩個人都行累了，又不想在連鎖店，假期前又想經濟一點，當沒有頭緒之下，準備過馬路過尖東前，在華美達酒店地下見到張全部都係意粉的menu，每份價錢$98左右，於是即管一試。個門口係一條向地庫行的樓梯，乾淨及光線充足，落到去只見2道玻璃大門，1道似去後勤通道，另1邊就當然就是餐廳。我和老婆的反應是，吓，呢間係餐廳? 點解無人的? 當時是晚上7點幾，呢個場景令人好出奇。在「包場」的情況下便試試這裡的意粉。看menu的時候，侍應哥哥便從廚房取出餐包上枱。是一般普通的圓餐包和anchor牛油。點好意粉後，就可以隨便取餐湯。一中一西，自助任飲。在西餐廳飲中湯? 反正任飲，試一試。是日西洋菜湯，竟然ok，足料且飲完後不像平時飲例湯後要飲水沖口。蘑菇湯很有口感，蘊含一粒粒蘑菇碎，香。不消一會兒，意粉便上枱了。份量豐富。三文魚每塊都幾大塊，不算多。最好的是，廚師灑了很多香草碎，很配合白汁的味道，意粉中亦有車厘茄和蘑菇，不單調。而蒜香野菌意粉，名符其實，有很多菇菌，蒜香味不算嗆，很溫和。意粉質地幾有咬口，因為有汁，所以咬落唔乾唔un。最緊要，我本人唔食芝士，呢2款意粉的汁，起碼我食

我們零售行業，真係打風落兩鄢無行休息。那!又X'mas。截耍開門做生意。最死就係餐廳開門。但勁貴.午飯真係要食杯面。好彩我知我們舖頭附近那酒店地庫間餐廳會照開，講起間餐廳事實低食，五六十左右有餐好，有湯有包任食。茶啡又任飲。但只得食意粉無飯。但他們份量和味道不錯。算公道。早啲蛇出來食。叫咗個香煎大蝦配野菌意粉。幾好味又大碟。唔錯。起碼唔駛食杯面.

今日經開尖沙咀，就上OpenRice睇吓附近有咩餐廳可以坐吓，見到有間西餐廳Pasta Kitchen，環境不錯，就去一試。一入到去環境好舒服，坐抵再睇吓餐牌，原來有晚餐set提供，太好了。 咁我地就要咗個“香蒜大蝦意粉” 配自助餐湯,咖啡或茶。香蒜大蝦意粉上枱就分量十足，看見意粉上面鋪滿香蒜，令我們食指大動。配上香濃牛油，濃厚蝦味嘅意粉，已被迷上了，主角當然係蝦啦，好彈牙，同意粉一樣有濃濃嘅蝦味. 口感更豐富，意粉軟硬適中有點煙韌。好完美嘅一餐，加上服務超好，呢間一定會繼續支持~

這家於酒店地庫的餐廳，主打意粉。今天和同事經過，見Lunch才$68起。尖沙咀地段算不錯了點了一個牛尾汁意大利粉，味道也不錯。最估唔到係Lunch時間人流也不少，40-50個坐位也坐得滿滿的。下次也可以再來一來。