愛 . 添 (已結業)

今日同我d好姊妹路過APPeTIT，入去諗住飲杯野打發下時間，點知我個姊妹好似啱啱響赤柱放監咁，見到一樣就樣要一樣，店員亦都好熱情咁介紹，點知佢全部都要哂，兩個人叫到成枱都係，但最後竟然同佢兩個人全部食清光，一件不留，因為越食越想食，食到停唔到口 香焗蜜糖雞中翼雞翼表面有層焗到焦香既蜜糖，火喉啱啱好，一口咬落去里面d肉汁已經不停流出黎，內里肉質好嫩，一d都唔鞋口，蜜糖既甜度帶出黎既雞味好配合，搞到我好想入廚房問下d師父點整，偷下師臺式塩酥雞小妹未曾去過臺灣，亦都比較小食臺式既小食，至上一次食塩酥雞，記憶中已經係好多年前響黃毓民開既毓民牛肉面里面食過，自上次之後已經未試過食到咁好味既塩酥雞，表面炸得十分鬆脆，淡淡既香塩帶出雞肉既味道，既香脆多汁，又鮮甜，里面一d都唔乾身，記得男朋友同我一樣好懷念當年既毓民塩酥雞，過兩日等我帶佢過黎試下先得。酥炸花枝丸Q彈魚蛋起初小妹以為呢粒係魚蛋(因為係我朋友點)，本身不感什麼興趣，但叫了不妨試試，點知又係一個驚喜之物，表面香脆不在話下，再咬深一層，內里柔軟中帶著十分爽彈既質感，魚肉鮮甜但仲隱藏著一股魷魚既香味，越咬佢越彈，越彈佢越香，食到最後一粒的最後

一大班朋友無無聊聊，突然有人吹雞食糖水！呢度都有幾間甜品鋪，煩惱之際有朋友話間幾好食有台灣特式既甜品，就去試吓啦！我之前幫趁過隔離甜品鋪，未試過呢間，睇餐牌種類比鄰店多好多之外，飲品仲有近期好hit既奶蓋，又有熱茶飲品，唔錯～我地坐係門口旁邊長檯，鋪頭好好人幫我地排埋側邊檯一齊坐！朋友話呢度必點Oreo超司蛋糕朱古力梳乎厘班戟！而我就想試下Creme Brûlée 梳乎厘班戟。呢度仲有個必試既珍珠奶茶窩夫！Oreo梳乎里班戟好味呀！吾會太甜中間仲有朱古力流心，又有多重味道的感覺，我地仲加左Oreo雪糕，好濃的Oreo味。😍不過我更喜歡我個Creme Brûlée梳乎厘，焦糖面好脆厚度剛剛好，甜度亦適中，我地配個鹽味雪糕咸咸地中和的甜味！非常特別！珍珠奶茶窩夫好香奶茶味，又滿足到珍珠愛好者，夠晒Q彈。窩夫鬆軟度十足，甜品總括來説都好高質，係我食過附近之中最欣賞👍🏻我地成班台式飲品怪，所以一定會點唔同飲品試下，綜合大家意見如下：☑️綜合水果茶（唔錯，好香百香果味）☑️蝶豆花玫瑰荔枝梳打（影相好靚打卡必點，味道好清新唔似人造味）☑️芒果椰奶冰（椰奶份量剛好，唔會膩）☑️愛莓芝芝（奶蓋夠香濃，好過坊間

放工後好肚餓，同朋友去搵好嘢食作宵夜，返工辛苦左一日想搵一間有小食又有甜品食嘅餐廳。朋友之前食過旁邊鋪覺得唔太特別，望到呢度開左間新的台式甜品料理，就比朋友搵咗呢一間正野。叫咗啲小食同甜品一齊分享。珍珠奶茶窩夫：第一次嘗試到珍珠加奶茶可以整窩夫🥰認真驚喜而且份量十足夠4個人分享炙燒焦糖布蕾日式梳芙厘班戟：面頭有焦糖配上軟綿綿的班戟，最特別是這裏竟然有海鹽雪糕認真無得彈呀奧利奧起司蛋糕巧克力流心日式梳芙厘班戟：軟綿綿的班戟配上餅乾和醬，裹面有還流心朱古力，很驚喜碟豆花梳打：上面有玫瑰🌹花瓣碎影相勁靚，打卡一流綜合水果茶：茶底用了紅茶，又配上新鮮水果，好fresh。愛芝草苺：好香草莓味，配上Creamy奶蓋，飲一杯都唔夠。各樣台式小食都好正宗好有台灣風味。同店員傾計先知，真係台灣直送。最後大家一致覺得梳乎厘班cake同窩夫必點。每碟都有兩件，同朋友分享食一流。整體今餐豐富宵夜真係性價比高，餐點一分錢一分貨。環境十分舒服，加上水泥牆同特別嘅高腳枱櫈最適合同朋友合照打卡。

今日同大班朋友來到屯門吃甜品知道有間新開的台式甜品鋪唔錯一於來試下先店員好細心地介紹他們店甜品每一頁都有去詳細地講解見到甜品店都有小食一於叫幾個試下炙燒焦糖布蕾日式梳芙厘班戟面頭焦糖燒至焦化脆身，梳乎厘有空氣感軟身質地，最欣賞是他的特色醬汁好夾，蛋味好出。配上海鹽雪糕，簡直係出色之作奧利奧起司蛋糕巧克力流心日式梳芙厘班戟一切開竟然有流心朱古力超級有驚喜珍珠奶茶窩夫窩夫十分厚實，奶茶醬汁好有茶味，加埋珍珠一齊食好配合，最驚喜係會有埋我最愛既芋圓。配上曲奇雪糕🍦藍蝶豆花芒果梳打碟豆花加上玫瑰勁靚，加上有氣梳打十分清新解渴。愛苺芝芝店員推介，粉紅色好靚，估吾到屯門都飲到喜茶質素既奶蓋。綜合水果茶茶底好味唔會過甜，又可以食下新鮮水果。睇番佢每杯都超大杯台式鹽酥雞酥炸花枝丸Q蛋魚蛋綜合台灣香腸每樣都是即叫即炸超香脆台式手抓餅配雞蛋午餐肉起司好大件而且好足料整體比旁邊的鋪水準還高真係性價比高，確實一分錢一分貨。

平時經過屯門，就知道虹橋係屯門糖水嘅集中地，一向去開有間食窩夫嘅糖水舖，由於上次有不快嘅經歷，所以今次試吓隔離新開嘅嗰間。唔試過唔知，一試過真係覺得充滿驚喜。室內裝修簡潔，而且氣氛舒服柔和，工作嘅都係年青人，霎時覺得充滿活力。店員同我地介紹，呢度嘅窩夫，同出邊嘅唔同，因為呢度嘅窩夫裏面係會有麻薯嘅成份，所以食出嚟口味會特別啲，呢度窩夫嘅口味有好多種，真係眼花撩亂，揀到都唔知揀咩好，淨係知自己隻隻都想食。最後揀咗焦糖布甸麻薯窩夫，一上枱就已經覺得垂涎三尺，淨係見到個樣都已經唔捨得食，入口香脆，裏面軟身，又彈牙，而且陣陣嘅綠茶香味，配上香甜嘅芒果，真係淡淡滋味，整到成件藝術品咁，真係好佩服廚師嘅心思。Oreo朱古力流心日式梳芙厘班戟，班cake十分之厚身，而且上枱已經震騰騰，真係唔捨得食呀。入口好似空氣咁輕盈嘅口感，入口即溶，果然冇令到我失望，而且有震震嘅蛋香，又唔會太甜，配上朱古力嘅留心係我嘅最愛，而且同Oreo 嘅味好夾呀。我實在太鍾意Oreo啦，就連雪糕都要oreo味而且呢個雪糕好特別，上面配上一啲忌廉醬，入口感覺香滑。藍。蝶豆花玫瑰荔枝梳打，呢杯飲品，係店舖嘅推介，我就梗係要叫番杯

紅橋另外一間會排長龍的甜品店。款式亦多樣，這次吃了芒果珍珠小丸子、綠茶麻糬窩夫、芋圓仙草。芒果珍珠小丸子就正常、不過不失。綠茶麻糬窩夫有新鮮感，麻糬窩夫好煙韌，配上雪糕一流。芋圓仙草亦好吃，配料有珍珠仙草芋圓及紅豆，配料亦很好吃呢！下次會再來！

因為仍然是生日月份🎂🎉好朋友相約食生日甜點，原本揀了隔離街的另一間甜品店，但碰巧店鋪今天休息，所以去了這間甜品店，雖然店鋪不大，有一些bar抬位，全部都是高凳，但坐得也算舒服😌我們點了蜜芋頭綜合燒仙草及紫米露，芋圓是我最愛食的甜品，口感煙煙韌韌😋配合仙草一起，總給人很夾的組合👍🏻至於紫米露就好香及不太甜，好岩我口味☺️另外看見其他食客點了窩夫，都好吸引下，我們相約下次要再來品嚐其他甜品😋😊

屯門紅橋一帶小店林立，食完鄰近的咖喱店後，感覺意猶未盡，我和友人當然決定繼續覓食，便到了附近一間糖水店食甜品！當日是平日夜晚，加上位置遠離市中心，人流偏少，到訪之時只有幾位街坊用餐；餐廳是地鋪，面積偏細，不過裝修頗有特色，高椅高卓、水泥色的牆身和紅色的霓虹燈，感覺頗有格調，和旁邊的餐廳形成對比。餐枱的距離較窄，不過當日人流有限，不會太容易聽到旁人的對話。我們點了兩款糖水， 楊枝甘露燒仙草和綜合燒仙草。綜合燒仙草 ($36)燒仙草是台灣對涼粉的稱呼。涼粉底配合紅豆、小丸子、芋圓，堆瓜圓和珍珠；紅豆味濃，配合相信落了不少糖的涼粉底，味道濃烈，偏甜，甚至可以用漏形容，不過配合本身無味的小丸子，味道則不錯，煙煙靭靭，甚有口感；芋圓也是十分煙靭，我不是芋圓控，但對這糖水的芋圓印象不錯，稍稍偏甜，但還是不俗的水平。楊枝甘露燒仙草 ($38)據友人指，楊枝甘露非常重花奶香味，芒果味略淡。西米甚有咬口，頗為彈牙；芒果份量很少，只有2粒，還可以接受。以上兩款食物質素均好，雖然略略偏甜，但我和友人感覺都不錯，再來紅橋又想食甜品會再來。

本來同朋友去隔離個間食 點知咁岩收左 個員工就叫我地幫襯下呢間一坐低眼見張枱仲有成劈cream係到個員工眼都唔眨就成張Menu達落去 我哋當堂打咗突我地嗌左幾杯野飲幾個窩夫 佢地見枱號岩就放低仲好大力成隻碗掟落黎 問佢咩黎 佢居然黑人問號返我地？？？？明明嗌班蘭芒果窩夫 佢放低個有芋圓既窩夫話係芒果問佢係唔係芒果 佢望都無望就話係餐具又無比 問佢拎 就比成十幾隻叉同刀之後黎個啲窩夫又比幾隻叉幾隻刀 成枱都係餐具 真係好神奇員工顧住傾計禁電話 極度無禮貌 吱都唔笑 好似得罪佢咁窩夫仲要甜到嘔 唯一優點係個雞軟骨幾好食 無啦完.......

5個人行完花市去食糖水，見門面環境都吾差就試下，點知就中晒伏...坐低張枱勁污糟未抺就放低menu..要我地特登問店員黎抺..見佢窩夫既款式勁特別就叫左吾同口味黎試幾款窩夫甜度高達1000%真系除外甜味就吾係好食到其他味。咸蛋窩夫係新奇既，不過又咸又甜味道吾夾自問極喜愛食甜品，但從來未試過會食吾晒！食完系有種味蕾壞左既感覺！店員態度又吾好，放低左又冇餐具就走左去上餐問佢依個系邊個窩夫又吾知，要入廚房問先知。絕對吾會有下一次既機會。

晚飯過後仍意猶未盡，和友人左逛右逛，終於在「愛•添」的門前停下，決定來個飯後甜品。觀察了餐牌和四周食客所點的食物，似乎「愛•添」是以梳乎厘、窩夫作招徠。但筆者胃部僅餘的空間不足，只好點了這款燒仙草，餐牌上同樣是有推薦圖案。楊枝甘露非常重花奶香味，芒果味略淡。西米甚有咬口，頗為彈牙；芒果份量很少，只有2粒。筆者是好奇何為燒仙草才點這客甜品的，原來燒仙草就是涼粉的第二個暱稱。燒仙草也許是預先浸了糖水，入口甚重蜜糖香。不過不失的一道楊枝甘露燒仙草，下次有機會的話想一試「愛•添」梳乎厘。

再一次到愛添吃甜品，繼續美味無限送！今次是第二次來了，還專程帶了老公和仔女來品嚐他的窩夫，今次點了自選窩夫，有巧克力，奶油，冰淇淋等，味道超級好，仔女一吃已停不了，另外，我們還點了一個梳乎里，價錢有些貴，88元，但真的很好吃！

呢間店店內實在太細，每次黎都坐得好迫，不過食物質素係唔差，尤其係佢地既疏乎厘一定要試下！雖然價錢略貴，但都比起市區平，而且都有佢既質素！不過呢度嘅嘢飲質素就冇食物咁好，叫咗一杯沙冰味道非常之淡而且好假，下次嚟應該唔會再叫野飲

今日上完朋友度食晚飯，又係朋友帶路搵甜品食既時間。行經呢間愛添，見外面大排長龍，諗梗應該係正野，就跟尾排左。等左都有三、四個字，終於入到去，一早就諗好要點梳乎厘pancake，從未試過，十分期待。結果食左啖，唔係我想像果種鬆軟感，而係似蒸水蛋果種。。如果呢種pancake 本身就係呢種口感，咁就係我個人唔喜歡，雖然佢味道係香既。

(炙燒焦糖布蕾梳乎厘班戟 $82，珍珠奶茶窩夫 $68)呢間鋪頭主打梳乎厘班戟、窩夫同芋圓！ 仲有各款漸層飲品、芝士奶蓋同台式小食。炙燒焦糖布蕾梳乎厘班戟(附豆腐冰淇淋)—價錢真心幾貴，好彩多人分享下，都冇咁肉痛。班戟面層係類似焦糖燉蛋既脆皮焦糖，熱辣辣整出黎好夠脆 梳乎厘班戟質感都幾鬆軟，個人覺得合格既，但當然同日本既就爭咁少少，整體味道都唔錯！珍珠奶茶窩夫—四大件窩夫真係以奶茶所製成，另外包括奶茶奶油、珍珠、芋圓地瓜圓，裡面仲有大福！窩夫做到外脆內軟，而且幾香奶茶味，但略嫌口感比較硬實！芋圓都夠煙韌，份量畀得幾多。味道都可以接受，而且選擇幾特別！不過價錢要屯門區真係貴左少少， 見隔離有間甜品店好多人排隊。