愛 . 添 (已結業)

原本想隨便在紅橋找一間甜品店落腳， 但是朋友說愛添 名氣頗高可以值得一試， 雖然店面比較少， 座位不多， 但是 都有 很多人排隊。 由於我未吃晚餐， 所以我訂了 一個碎肉撈出前一丁嘅套餐，味道一般，甜品就吃了抹茶窩夫，味道卻很好，可以再去。

呢間鋪仔細細嘅甜品舖叫愛.添鋪頭嘅裝修簡約， 而樓面係由幾個年輕人去主理嘅。綜合燒仙草材料有芋圓，小丸子，紅豆，珍珠同埋燒仙草。其中芋圓，小丸子同珍珠都好煙韌， 特別係小丸子煙韌得黎又唔會好痴牙， 幾有咬口， 不過紅豆就非常之甜， 絕對係浸過糖水， 而燒草有少少苦澀味， 整體上配搭都可以，不過缺乏層次感。鹹蛋黃奶茶麻糬窩夫材料有夾住麻糬既窩夫，鹹蛋黃，奶茶醬 ，仲有豆腐味嘅雪糕。窩夫嘅外皮並唔脆，不過入面嘅麻薯非常煙韌， 但夾住奶茶醬同鹹蛋黃一齊食，味道非常怪誕， 一嚟食得出佢個鹹蛋黃落咗鹽，二黎個奶茶並唔突出， 所以夾埋一齊食就變到好奇怪，而豆腐雪糕亦無咩特別， 整體上可以用奇怪黎總結

我地就睇下尼家穩身於屯門既甜品店🙂 值唔值得去🤤-此店主打佢地既soufflé 有多款唔同既味道 包括芒果,焦糖布蕾,珍珠奶茶同Oreo 等等 其中Oreo 仲識流心 不過可能有食得太快 所以見唔到佢流☹️☹️☹️ 芒果夠甜 焦糖脆口 Oreo亦十分之脆口🤤 推薦大家去食尼三樣🤤 不過珍珠奶茶soufflé 由於加左朱古力粉 所以味道有點而怪 唔似大家飲開既珍珠奶茶🍵 反而佢個珍珠奶茶waffle 係更好味 waffle 外脆內軟 珍珠奶茶味亦重😋😋😋 飲料方面 綠茶奶蓋好飲 奶蓋味重而且加多左大家都中意既芝士😋 一濃一淡既組合😌 水果茶亦十分清新 飲完感覺十分舒服😌小食就 魚蛋彈口 鹽酥雞夠淋多水份總結來說 如果大家去開屯門 可以去試一試 價錢合理 而且質素都唔錯😆-🎈屯門井財街15號金銘大廈地下3號舖-平均傷害：$250好味值：6.5/10

今日同友人食完晚飯係屋企附近再搵未食過既甜品店因為今日係假期前席差吾多十點仲好爆場尼間係台式甜品點，除左甜品仲有台灣小食同飲品揀店鋪吾算大，而店內環境都比較擠壓，座位都是高椅高桌。剛來到仲有張枱吾洗等位最後同友人揀左《白玉紅豆抹茶麻薯窩夫》$66以往食好多間窩夫都要等好耐，尼間超快就送到窩夫仲要暖粒粒，入面有麻薯食落好煙韌，連白玉都好Q彈，抹茶醬仲要好多另外有紅豆同綠色雪糕🍦配埋超級好食本來叫咗個綜合燒仙草，但友人話想食西米露，店長推介左《楊枝甘露燒仙草》$38我個人就覺得楊枝甘露仲好食過燒仙草，尼到個燒仙草吾夠滑同好大舊，不過個楊枝甘露好足料，西米露好滑又吾會太甜最後仲有叫個台式飲品跟窩夫減$10《芒果椰奶冰》原價$38減完$28飲品如果無減價都算幾貴，不過勝在夠大杯，椰奶裝到滿瀉，但味道又無乜特別，尼到既生果都幾新鮮總括下次都會再食窩夫埋單吾洗加一

天氣漸冷，反而係食甜品既最佳良機.今次就黎到一直備受歡迎既「愛。添」食甜品.店舖位置： 方便易搵，係兆康站乘搭614/614P到景峰或乘搭751/610到澤豐，再步行3分鐘即可到達。.店舖環境：裝修以灰白色同簡約為主，格調清新。.綜合水果茶 $38水果份量豐富，含有草莓，蘋果，火龍果，橙，檸檬同百花果籽，茶味濃厚又帶點果味。.藍。蝶豆花玫瑰荔枝梳打 $22夢幻三色漸變層，頂層再灑點玫瑰碎，視覺效果一流甜度適中，荔枝味帶出清新感覺。另外，蝶豆花含豐富維他命，更可增加骨膠原同令皮膚有彈性，真係既養顏又吸睛.芒果椰奶冰 $32入口濃郁椰奶香，除左有碎冰感仲有粒粒芒果肉添，力推呀.起司奶蓋四季春 奶蓋約有4cm 厚❗️質感幼滑，厚身creamy 稠身，芝士味香濃又不失奶香，鹹甜得宜，並以四季春作為茶底，茶香甘醇。.臺式鹽酥雞，酥炸花枝丸Q 彈魚蛋 $28/pcs即叫即炸，香脆可口，肉質嫩滑.酥炸雞軟骨，綜合臺灣香腸 $32/pcs臺灣香腸有原味，香蒜同墨魚味，好特別喔.臺式手抓餅配深海鮪魚沙律 $28大推呀❗️ 酥脆既手抓餅包住足料鮪魚，咬一口d 鮪魚沙律喼哂出黎，好正.珍珠奶茶窩夫 $64珍珠奶

原本見到ig睇落個梳芙厘幾靚，然後食評都吾差！好喇！今日終於同朋友都試一試。把鬼火！間野都有人流既，所以就等左一陣，之後服務員話入得去，入去坐都已經逼，仲要三個人Share一張細台？？好！冇問題！明白你多人，同朋友叫左一碟梳芙厘、兩個黑糖剉冰同小食雞翼。剉冰來得好快，但個梳芙厘等左九個字？？Sorry，知你多人要服務，但來到個梳芙厘個底黑色既？？好似焦左少少喎姐姐服務員姐姐醒目，即刻拎開話整得吾令，再換過，影唔切相！PS:等食期間坐係度種要係咁比人撞，啲位會唔會逼左少少？最後，岩岩食曬野食，唸住同朋友傾多陣就走，之後服務員勁快拎張單來話多謝$XXX 一句食完未都冇問，原來係咁既服務質素既。勸大家一句，想來食好甜品又可以同朋友傾計聚下就唔好來呢間甜品店。

見呢間野好似都幾多人食，就同朋友走左入去食甜品。灸燒焦糖布蕾日式梳芙厘班戟一上枱個賣相都幾吸引，聞落仲幾香，焦糖味好出，食落仲有蛋香味，雪糕可揀豆腐，cookie and cream, 芒果, 香芋味。朋友揀左豆腐味，中和番焦糖既甜味，整體唔錯。綜合燒仙草芋圓熱一直都好似冇停過，所以叫左個綜合燒仙草，入面配紅豆、小丸子 、芋圓、地瓜圓同珍珠，碗野都幾大同menu張相冇咩出入，芋圓同地瓜圓口感都唔錯，但可惜既係成碗野都比仙草既味道搶哂，食唔到其他味。

工作方面較忙的我要同朋友見過面吹吹下唯有約食一個糖水.講真本來想食隔離個間嘆甜品ga.但係因為太多人ge關係就食lee間愛添la.抹茶咸蛋碎窩芙配豆腐雪糕窩芙麻麻地...古早黑糖味刨冰+芋圓+椰果+布丁超失望完全冇台式古早刨冰感覺....個賣相仲要好求其...完全feel唔到有用心制作?仲叫左杯台式奶茶....都係唔好飲....反而個鹽酥雞+炸花枝魚旦好食...奇怪一間甜品店點解小食好食過D甜品la....當晚我食食下已經覺得個肚仔吉吉地有D痛之後我二個朋友話我知佢地朝早都有拉肚子唉.........真係唔知係咪關D甜品事la?好失望的一晚????食左一間完全冇heart ge甜品店......

好啦上次食完諗住質素有進步，朋友嚟揾我地食糖水，決定嚟呢到食下嘢！結果係令我好手然失望啊👎🏻食糖水都係想開開心心吹下水，搞到我地嬲爆爆😡簡單嚟講👇🏻一餐甜品出錯勁多樣嘢出錯咗仲想迫我地要 話唔要就偷偷放係枱錢又計錯曬😑😑😑😑😑😑詳細睇下面👇🏻·嗌咗一杯奶蓋蜂蜜綠茶，一嚟到個奶蓋就嚟沉咗5/6😱你地話因為大力得濟，我真係咀都o埋，唔想浪費飲品所以就費事換過杯。.·然後草莓芒果梳乎厘班戟，蛋糕嘅質感，又唔熱。.·黃金鹹蛋麻薯窩夫，又唔脆，雪糕又嚟錯😑.· 嗌撈麵跟餐送野飲，撈麵要辣嚟到又冇辣味， 問佢可唔可以free咗枱上面呢杯芒果飲品，你話補番差額就得。過咗陣嚟番同一杯飲品， 我地話係想free枱上面嘅飲品唔係要多杯，你話出咗單冇得咁做，可能係同事新嚟搞錯。話想轉過杯嘢飲，你係咁話已經整咗，我都知你整咗杯嘢飲，但依加係你地搞錯咗，冇理由要我地飲兩杯相同飲品啊？我當頭先係大家溝通上嘅問題，但我地講咗唔要，你仲要係後面偷偷地+靜靜雞放杯嘢係枱面🤡你當我盲定係咩👀.·你比我轉喇，同你講：問清楚先，杯朱古力使唔使補錢？你答我唔洗.·問你嘢未講完又閃走，張單出到嚟，杯朱古力收咗錢，你同我講因為同事

大約10點鐘去到呢間甜品店，因為店舖太細嘅關係等左差唔多成半粒鐘位。☹️☹️☹️去到先發現入面嘅座位都係好逼夾嘅，如果想慢慢舒舒服服傾計既食客就唔適合啦！呢間野嘅甜品價錢亦都唔平，但味道真係好一般阿☹️☹️呢一個係珍珠奶茶窩夫，珍珠奶茶味唔濃而且窩夫亦都唔係特別好食，令人覺得好失望阿！呢一個係鹹蛋窩夫，叫做有啲特色但味道真係都好普通☹️而呢一個就係芋圓啦，呢款甜品都OK嘅，每粒芋圓入面都有啲小芋頭，都叫做有啲口感，相比起窩夫算係好好多既一款甜品😂😂

今晚收工, 老公帶埋個仔黎接我去宵夜, 雖然見門口都多人架喇, 但即管問下要等幾耐啦, 又好彩唔係等太耐, 不過就坐近門口, 而且入面既椅都係吧chair, 都幾高, 所以要抱住阿仔.餐單內都有好多選擇, 最後揀左: 起司奶蓋水蜜桃綠茶 ＄24賣相好靚, 而且好大杯, 上面奶蓋都重奶味, 而桃茶味道就較清淡, 攪混飲黎講, 味道都係屬清淡的.芒果果昔奶凍配芒果雪糕 $32芋員好煙靭, 小朋友勁鐘意食, 幾乎食晒.奶凍都好好, 因為夠滑漏.炙燒焦糖布蕾日式梳勤厘班戟 $78呢個就真係等左好耐了, 好彩都好味.因為焦糖關係, 所以令到班戟都幾甜, 口感也唔錯, 好軟滑得黎又唔會得陣風咁食落肚, 入面似有少少芝士溶, 少少咸咸地.

本來對呢間鋪既甜品都好高評價，但每況愈下；今日去叫左個古早味刨冰，穩穩陣陣揀左曲奇雪糕、地瓜芋圓同布丁。結果黎到已覺有的奇怪，首先係雪糕俾左呍呢拿我，都算！個布丁完全係好核突咁擺左係側邊，都算！重點係當我用匙插落的冰度係完全插唔到，插落去仲可以成個反上黎，連個雪糕都係硬到插唔到，根本就係刨冰放係雪櫃冰住拎出黎果隻。咁我就問下佢地點解會咁，佢地竟然答呢種係台灣既刨冰，拎第二個出黎都係咁！！？當我地未食個台灣既刨冰？真係火都黎，我放棄食呢個雪櫃刨冰，亦放棄呢間甜品，以後都唔會再去。甜品鋪都好講質素，當你愈做愈差既時候，自自然然人就會流失，以前每次去都要等位，而家可以就咁行入去我諗都有原因，去隔離果間甜品店食返的普通甜品無咁嬲，祝佢好運！

每次食甜最難就係決定食乜野，款款都想食...點揀呀難得今次有4個人，一次試足4款，正呀!____________________🔹珍珠奶茶窩夫 $64第一個感覺係覺得只係食緊固體既珍珠奶茶味道真係一模一模!!!上面個奶茶醬屬微甜，食落唔會好漏珍珠係細粒版，非常好咬最特別係佢重加左少少芋圓芋圓比珍珠軟啲，一齊食口感好豐富窩夫都好好味，可惜唔係脆嗰種.🔹黃金鹹蛋麻糬窩夫 $54通常麻糬窩夫都係夾心有一層仔係麻糬，食落可能唔夠喉但呢個窩夫係整個窩夫都係麻薯黎，真係OMG然後直接喺面加上大大堆咸蛋蓉，唔係就咁少少喺面，咸香味勁突出上面另外重有啲芝士cream，唔係好濃，令個窩夫食落無咁乾身，相當地夾.不得不提佢default配豆腐雪糕，然後連個雪糕面都有咸蛋蓉，味道真係無得頂.🔹巧克力流心OREO Cheesecake日式梳乎厘班戟 $88呢一個就非常適合重甜既人食啦啲朱古力多到爆晒出黎，而且成個面都係ORER碎朱古力味好重，但亦都比較甜不過梳乎厘就唔算好動L.雪糕有好多口味揀，比較特別既有豆腐、奶茶同益力多味.🔹炙燒焦糖布蕾日式梳乎厘班戟 $78呢個梳乎厘班戟同朱古力嗰個好唔同上半係焦糖布蕾

原本來到appetit是為了吃它的鬆餅，但讓人失望的是，鬆餅的味道並沒有想像的好。鬆餅的口感有欠鬆軟，入口過於濕潤，感覺裡頭的粉漿還未完全熟透。而且甜度過高，感覺像是在吃一口口的砂糖，不太討好。加上表面的珍珠奶茶醬味道亦偏甜，珍珠又未夠煙韌Q彈，搭配食用更感甜膩。唯一較欣賞的是伴碟的芋圓。雖然它的芋頭味並不明顯，但口感頗為煙韌，比坊間的都要出色。也許班戟並不是它家的主打，下次再來時或可單純嚐嚐芋圓系列的產品，味道或會更佳。.雖然它的甜食不太討好，但咸食倒是挺不錯。手抓餅整整有兩大卷，口感雖不如坊間的酥脆，偏厚及韌，但吃起來卻頗有嚼勁，另有一番滋味。加上裡頭餡料的份量頗多，既有香甜的粟米粒，又有香濃、咸香十足的芝士和的午餐肉，味道配搭得宜，吃著更覺滿足。

約朋友一齊食甜點，因為睇到有梳乎厘既甜品，我未試過食，所以約埋朋友一齊試食。👅👅我地三個人叫左兩個甜品，就係珍珠奶茶窩夫同焦糖梳乎厘。甜品既分量好足夠，梳乎厘有兩件、窩夫有四片，賣相亦不錯。✨✨第一次食梳乎厘，感覺幾好食，軟軟既，而且好有蛋味😋😋窩夫食得出係珍珠奶茶味，但奶味較出，比較甜。整體黎講呢兩款甜品有啲濟，我地三個人食兩份甜品都食左半份左右，就覺得頂胃吃不下了。😵😵另外，店員都好熱心，會主動問下我地點餐未，啲野食好唔好味etc...不過略嫌背景音樂太大聲，有點破壞氣氛😪