我杯茶 (永興樓)

营业中

休息中

呢間收藏左好耐，一直都無機會嚟試，適逢今朝有個空檔，於是約朋友一齊嚟試食就係地鐵站附近相當易搵，一入門老闆十分熱情，裡面可以坐的位置唔多，所以等左一陣。選擇困難症既我地最後選左炒蛋菠蘿包，同黑鬆露炒蛋多士飲品就揀左奶茶同凍鴛鴦，相比飲品我更喜歡食物。多士同菠蘿包都好味，下次嚟可以再試下其他

The signature HK style iced milk tea and Ying Yang (50/50 coffee/tea) were both spot on. Good balance between black tea, coffee and evaporated milk. Not too strong but intense flavor. The pleasant surprise was the satay beef and egg sandwich. It was probably the best satay beef I have had in HK, and I have been to countless HK style cafe. It was quality beef, well seasoned and tender. The egg was perfectly runny. The bread was ultra soft. I never thought the beef and the egg would go so well tog

男朋友之前講過話好想試吓呢間鋪頭嘅奶茶，所以起咗身之後就過咗嚟食，本身以為淨係得吧枱或者企位，所以好抗拒，入到去先知原來係有間房仔可以坐嘅！即刻開心曬見到個餐牌，花多眼亂唔知食乜好，同台有兩位女士好熱情地介紹左個暗然銷魂包俾我哋，賣相好吸引，令我即刻決定咗要試吓！落左單之後冇幾耐杯奶茶就上咗枱，我哋帶咗一杯凍一杯熱，可能係因為今日天氣太熱啦，總係覺得凍個杯好飲啲味道幾好，係我鍾意嘅偏甜少少味道過咗冇幾耐個脆脆豬就嚟咗啦，奧賣葛!!!一咬落去脆卜卜，好正！個蛋黃唔知點解食落去仲有啲糖心蛋嘅感覺～成件事好正！好滿足！唯一要留意嘅係啲叉燒有少少偏肥，食完成個都幾膩，如果同朋友嚟，可以叫一個脆脆豬，在叫其他嘢食，大家share,咁就會中和返～值得一讚嘅係老闆好親切，有禮貌臨走嘅時候去咗個廁所，廁所好乾淨，睇得出好注重衛生！下次再去灣仔一定會再幫襯

因為要過海，所以我自稱好鍾意呢間小店但竟然只係黎過三次，實在慚愧！！第一次同朋友幫襯當然要飲熱奶茶，一杯預先落左糖一杯冇，覺得師父調得啱啱好，甜果杯好味d! 冇耐再去變左要自己落糖，個人飲開走甜，幾次去都保持高水準，即沖夠熱、奶同茶比例拿捏準確，好滿意！食物方面全部都係同奶茶好夾既茶餐廳小食，試過沙嗲牛蛋治，冇咩沙嗲味但都ok既。另外就係唔知邊個天才發明將咸既蛋同甜既菠蘿包放埋一齊，簡直係天作之合！(都唔係間間茶記有賣) 打開店員預先切開既兩瓣包，覺得個畫面好治癒。而且見佢不斷研發新口味，好似黯然銷魂脆豬、咸蛋黃口味甚至有仙草麵、又不時搞d工作坊請奶茶師傅黎表演、整左個app比客落單等等，覺得我杯茶真係好有heart! 講番點解鍾意，係因為創辦人做左自己想做既野！一直都諗奶茶作為港人既神枱級飲品，咁冇理由咖啡、手搖飲品店遍地開花，連涼茶鋪都周街係，竟然冇一間奶茶鋪！希望佢長做長有，最好o係新界開間分店啦～

話說今日因為工作嘅緣故，要過海去灣仔，大概一點幾要搵嘢食醫肚，但一個人又唔知食咩好，途經見到呢間—我杯茶既炒滑蛋菠蘿包吸引左入去，一個女孩子食個包飲杯野份量岩岩好。餐廳以外賣爲主，亦有少量吧枱坐位可供堂食。野食方便就叫左個炒滑蛋菠蘿包（$22）同一杯熱經典奶茶（$18），個人覺得奶茶要熱飲會更加香，奶茶入口幼滑，完全冇澀味，茶及奶香平衡帶回甘，即使已加糖都不覺過甜，令平時少飲咖啡奶茶既我都覺得好飲，一個字，正！炒滑蛋菠蘿包即叫即整，上碟時已細心切好左一半方便食，滑蛋香滑細嫩，配合菠蘿包的鬆脆，好夾，秒殺左個包好推介下午茶黎呢到買個包買杯野飲～除左滑蛋菠蘿包之外，其實都想試埋另一款暗然銷魂叉燒蛋脆脆豬，看起來都好特別，下次一定要試～

下午茶時間經過灣仔 想輕食或快食嘅話 【我杯茶】絕對係唔錯嘅選擇！店內裝修得幾靚牆身以灰色作主調 充滿現代感舖面面積較細估計主力做外賣選擇堂食的話 亦有少量吧枱位同1張6人圓枱必食推介有烘底蛋牛治牛肉肉質幾juicy蛋亦好香滑 個人偏好麵包烘底 令味道更香同埋店員會主動將三文治分成4份 方便進食樽裝凍奶茶冇冰粒唔會令奶茶味變淡保留原有奶茶風味奶茶茶底同奶嘅份量調校得啱啱好夠哂香滑 仲好夠凍添夏天飲真係一流👍記得飲完按樽可以退番兩蚊ga!

今日本來諗住食午餐心血來潮同女友過黎試想食好耐嘅黯然銷魂包除左叫左個招牌包 仲叫左沙嗲牛蛋治一杯凍央 一杯凍奶茶鴛央 咖啡濃過茶少少奶 茶味夠 滑度差d沙嗲蛋 蛋夠滑 份量足 可以多少少肉黯然銷魂包 皮脆 叉燒夠林 蜜汁夠甜上餐速度幾快 等左5分鐘就上曬坐係bar枱可以睇到廚房 兩個人埋單 104 依個地段正常價 份量作為午餐嘅個人黎講麻麻下午茶嘅話就唔錯 係奶茶咖啡控嘅人黎嘆個茶都可以餐廳氣氛唔錯 係bar枱空間有啲迫 推薦行街經過肚餓可以停一停嘆一嘆

行過灣仔，去咗我杯茶，不過唔係飲奶茶，而係食沙嗲牛肉滑蛋三文治佢嘅奶茶，熱同凍我之前都飲過，我覺得熱奶茶，茶味濃，又滑又香，但係凍嘅就普通今次個三文治，我冇切麵包皮，我覺得連皮食更加好食，$28一啲都唔貴，件三文治份量好大件，牛肉醃得好入味，但唔會咸，個蛋佢抄得唔似其他茶餐㕔嘅滑蛋，反而係抄得一粒粒咁，我反而覺得好有咬口，同個沙嗲牛肉好配合，個蛋好香蛋黃味，一睇啲顏色都知唔會令我失望，呢個三文治真係可以值得一試丶再試丶又再試

收工之後仲有少少時間先上堂，就去左灣仔搵食醫肚。因為唔想食得太飽飯氣攻心搞到上堂訓著覺，所以最後揀左哩間都算係出名嘅奶茶舖（其實開左好耐一直都想試但係又冇機會，今日終於試到喇😃）。舖頭細細竟然都幾多野食揀，主要以輕食為主，三文治/沙律之類，亦都有數量限定嘅麵食。經櫃檯姐姐推介叫左嘅黯然銷雲叉蛋包，同埋叫左個冒住夜晚會訓唔著覺都要叫嘅熱奶茶。熱奶茶首先就係夠曬熱（好似講緊廢話，但係我覺得奶茶要熱辣辣，先至有啱啱沖出黎，好‘新鮮’嘅感覺）。奶茶非常之夠茶味，仲可以話係超濃，但係濃得黎係完全唔澀嘅，奶味都OK嘅，中規中矩啦，杯奶茶未至於好滑，但係港式奶茶黎講都係出色嘅👍🏼 由於個人對咖啡因比較敏感，夜晚飲茶/咖啡都係會訓唔到覺，所以對於茶味太濃嘅奶茶係扣左少少分😅，個人係鍾意奶香重啲嘅😛哩個包係超好食！蛋黃流曬出黎已經好正啦，個包係外脆內軟㗎！！麵包層皮又唔會太厚/太乾，叉燒甜甜地，唔會太肥膩，如果唔係趕趕地時間我會想慢慢品嚐多一陣，同埋哩個配搭係完全夠飽，大滿足😋😋😇坐吧檯面壁食野嘅時候見到可以用QR code落單，都幾方便～總括哩講係食得幾開心，坐吧檯自己一個食野都好自在。期間聽到有人外

開完會，好肚餓，突然feel like港式茶記下午茶。但又唔想太飽，突然我既胃大叫：我要熱奶茶！講到熱奶茶，醒起朋友推介一個好有經驗又出名（懶得fact check）既奶茶師傅開既奶茶專門店。嗱，熱奶茶簡直係香港既文化瑰寶啦，但要好飲真係要d彩數，睇下撞正咩師傅。咁而家既然有一間確保好飲既地方，緊係要幫襯啦！原來佢仲有幾樣特色小食，我就嗌咗邪惡度同吸引度都100分既炒蛋菠羅包heehee。個包係我好懷念既味道，上面既脆皮甜甜的，總之就係一個decent菠羅包應有既狀態。加埋炒蛋係唔錯，但始終甜包加蛋唔係最夾，同埋個包會變濕咗。但試一次是值得的。奶茶香濃，我少糖飲，破壞咗少少風味。但為健康著想......店內有少少位堂食，幾貼心～

今朝出門口已經天矇矇一片，新聞報預料雷雨區到來，未幾回到灣仔大客開早會，會後獨腳春園街搵早餐，每間茶記都坐無虛席，心諗搵佢就ok，佢做開外賣應該冇咩人坐低食。《我杯茶》都開左年幾，平時返工時間好多人外賣，一個包+野飲。點野坐低，嘩，突然好大雨，手機傳來黃色暴雨警告，心裡暗爽好彩。黯然銷魂叉燒皇蛋脆脆豬，落單即叫即整，份量大份。太陽蛋下面係幾塊塗滿蜜汁的肥叉，一個加埋奶茶，真的飽。細杯熱奶茶，茶記外賣杯份量，自己加糖，飲落茶濃香滑，回甘無苦澀味。坐到雨勢減退，又要返過海再搏剎過。

最近彈咗編灣仔掃街推介👍見喺灣仔返工咪𥄫吓⋯⋯第一個推介係見到份蛋治好吸引，想搵吓間嘢叫乜名，原來就係heading「我杯茶」我本身近會展果邊，所以開GPS搵路。。。行到近利東街果邊有點遠入到去一眼見哂，坐吧枱應該得五、六個位下午茶時段唔使等☕️唔使唸點了鎮店之寶🏆熱奶茶+炒滑蛋治奶茶濃而不澀、好滑真不錯👍😋炒滑蛋治，真係好滿足，食一份飽足成日，到夜晚收工都唔使食宵夜先落單後入坐，埋單成為$31，咁滿足算好抵食🤑

早幾年一個外國返港中文唔多好朋友問我呢間舖頭嘅中名究竟左向右定右向左睇，又同我講依間嘅港式奶茶好好飲。開頭聽完，心諗點好味都好唔過同一條街開業過半世紀嘅茶餐廳。但係如果試都唔試，妄下定論就絕對係偏見；第一次入此店係2018年夏天，天口㷫就試樽裝冰鎮奶茶 加 咸牛肉蛋治。奶茶加冰只會越飲越淡味，所以好飲嘅飲凍奶茶一定係冰鎮奶茶。以冰鎮奶茶好飲與否在乎於甜度嘅控制， 呢支冰鎮奶茶唔單止甜度控制適中，茶味亦十分濃沃，完全係同老字號叮噹馬頭。雖然咸牛蛋治 麵包軟熟、雞蛋夠滑與奶茶相比較明顯變得平庸。要知奶茶功夫得唔得，當然唔可以只嚐一次。 相隔兩季再臨小店一試熱奶茶，今次加份 鮮牛蛋治。是次杯奶茶有齊茶香、味濃、唔諧口、奶滑而且仲平衡得非常出色。可惜今次份鮮牛治依然較一般。除上述兩次有明確記憶外，當中數次光顧奶茶同樣保持水準冇失望。新舊店各有千秋，有更多美味飲食出現，更多選擇自然最好不過。

星期日的下午我們到了我杯茶進食下午茶點了叉燒太陽蛋脆豬，他點了滑蛋牛角包和一支樽裝經典奶茶叉燒太陽蛋脆豬，麵包非常脆口，叉燒非常甜和10分能非常適合包點而且太陽蛋的面位非常香脆這個下午茶很滿足滑蛋牛角包牛角包牛油味非常重配合牛奶炒蛋配搭一流經典樽裝奶茶茶底香龍奶味濃郁甜度適中非常適合用作下午茶之用

忽然爆起呢個金茶王, 又出名又攞獎, 仲要喺灣仔開鋪😲就趁今日lunch time 得閒過嚟試一試金茶王手勢🤔行入呢條街, 離遠已經見有一大堆人企喺店門影相, 等外賣, 始終新開舗話題多, 人多唔出奇😦排隊人龍都有十幾人, 店舗細小得幾個位, 都唔預你堂食, 大部分人都係買奶茶, 食物選擇都唔多, 得三文治嗰啲簡單輕食, 睇落冇乜特別😟等左十五至廿分鐘終於有茶攞走得, 走之前應呀妹所求影下金茶王英姿📸返去飲過杯奶茶, 茶味夠濃, 不過要專登走過嚟為呢杯奶茶我就唔覺得太值得...