招點薈 (已結業)

這晚開完會剛好在柯士甸放工，便自己一人隨意在附近食完晚餐才回家。「招點薈」店內裝修簡約，燈光偏暗，很有氣氛，而環境整潔舒服。自己一個人吃都不敢叫太多。叫了個餐湯，Risotto和一份主菜。是日餐湯是香草忌廉磨菇湯，口感都幾細滑，味道濃郁。菠菜牛肝菌意大利飯意大利飯很不錯很creamy，牛肝菌香氣逼人，食落入味，但相對地也不太漏。再加上菠菜，感覺很fresh。意式香草忌廉汁煎龍脷柳配大廚精選薯菜這道菜的份量不太多，正適合眼闊肚窄，喜歡每一樣東西都嘗試的香港人。意式香草忌廉汁煎龍脷柳肉質鮮美，魚肉雪白結實，無骨，很方便吃，但是魚肉味則較淡，但配上意式香草忌廉汁味道就剛好，鮮中帶甜。而薯菜方面有薯仔、車厘茄、茄子、翠玉瓜。 

招點薈是日餐湯忌廉周打湯口感細膩，濃稠的湯充滿牛奶和忌廉的香味，不油膩，薯仔紅蘿蔔切成一粒粒，煮得軟腍好飲。意式蕃茄汁紐倫堡腸蘑菇長通粉$88蕃茄味濃郁配合長通粉，酸酸甜甜，份量剛剛好，好開胃龍脷魚柳配檸檬牛油汁$108龍利魚配檸檬汁做法，可以令魚肉更鮮甜，啖啖肉沒有骨，牛油汁均勻多汁，採用牛油香煎更是法國名菜做法

今日同朋友行去佐敦嗰頭，見到呢間餐廳叫做招點薈，以為食點心原來佢係食西餐嘅，咁係好奇之下我同我朋友就入咗去試下去食嘢啦。南瓜湯: 呢個南瓜湯我覺得幾好飲因為佢將所有南瓜磨到好幼細非常之creamy所以呢個餐湯我嘅推薦。牛柳粒意粉: 呢個意粉食落去好creamy， 同埋個汁已經撈勻落個意粉度，而且啲牛肉好又嫩又juicy。 同埋每一口意粉都充滿住個醬汁同埋牛肉味而且佢亦都落咗一啲菇類， 令到成個意粉生色不少。Bbq豬仔骨： 呢個我覺得係全晚嘅主角因為佢呢個豬仔骨焗到啲bbq醬入曬落個豬仔骨度，當你食落個肉嗰時bbq醬已經滲曬出嚟，你食完啲肉之後，亦都充滿味道，所以我覺得呢個豬仔骨十分之唔錯個人都幾推薦。最後如果行開啲頭嘅朋友亦都可以試下其實我覺得間餐廳都幾特別，同埋佢啲西餐嘅煮得都幾好，大家可以試下。

估唔到係佐敦玉器市場附近有一間咁隱蔽嘅cafe 店舖有少量outdoor 位 方便要坐外邊嘅人士👍🏼多人聚餐可選擇散叫或者兩個人唔想諗嘅 都有Dinner set可揀任君選擇😝💁🏻‍♀️是日餐湯：黑松露蘑菇忌廉湯香濃蘑菇味，一上枱就香溢撲鼻，整個湯口感幼滑，配合多士包一齊食又有另一番味道😋😋💁🏻‍♀️菠菜牛肝菌意大利飯飯粒屬於比較乾身，飽滿有咬口，顆顆粒明💁🏻‍♀️加拿大穀飼豚肉扒配薯菜舊肉非常厚身重量級😳😳以為會好乾好鞋，點知一食，一啲都唔韌，仲好juicy💦肉味香濃，喜歡濃味啲可以蘸埋個醬汁一樣好食

小肥週三在佐敦😆🙇🏻‍♂️🐷適逢是日放假假去佐敦同朋友交收🙈緊係難得趁未同朋友見面之前🤪黎早前朋友介紹呢間簡約Cafe嘆下扒扒嘆下啡啦☕️😆先有Creamy香滑濃郁既忌廉蘑菇湯暖下開開胃🤤啖啖滑嫩爽口白蘑蘑菇粒😋🥣絕佳既配合香氣滿溢之餘亦係口感滿滿Der🤤而份量適中肉味濃郁既美國西冷牛扒🥩🤩五成熟既牛扒半生熟剛剛好☺️🐮原塊煎香能鎖住肉汁肉質滑嫩Juicy之餘唔起根🤤配合黑椒及薄鹽更帶出扒香鮮味😋🥩小肥因想keep下fit所以食意粉忍痛棄食薯菜了🥺🤦🏻‍♂️最後以一杯啡香濃郁店鋪得過獎既美式咖啡作結☺️☕️

近排朋友發現左佐敦玉器交易廣場個邊有一間隱世西餐廳，環境舒服有自然光，非常適合同朋友邊食邊傾計，所以星期六就同朋友行過去食午餐，估唔到CP值都幾高好抵食😁 _我地就叫左2個午市套餐，套餐已經包左是日餐湯，同咖啡或茶，另外亦都可以加$18配沙律，甜品$35，仲唔洗加一服務費，非常抵食😋 是日餐湯係南瓜湯飲落好濃奶香味重，而且非常香滑，鍾意飲南瓜湯嘅朋友仔應該會好鍾意🥰 刁草三文魚沙律🥗沙律有兩大塊煙三文魚，配上檸檬和沙律醬非常清新同時亦都十分開胃 芝士蘑菇雞肉焗意大利粉 $88份量非常充足，芝士仲可以拉絲㗎，邪惡得黎但係好惹味😋配上嫩滑雞肉和大大粒蘑菇，食落去好滿足 BBQ醬燒豬脾仔$118豬脾仔肉質鬆軟， 配上配菜和薯仔一齊食非常惹味😆下次會和朋友再來

朋友帶我去左間check point食晏👍嗰名好得意😎同職員傾下計先知，餐廳叫招點薈係想有個地方俾朋友們一齊聚下chill下，又改得幾貼切啵😛哩度又幾chill啵，有個無敵窗台位，絕對係打卡好地點😄呢度原來每星期都會轉一次Menu都幾有誠意喎🥳餐湯係忌廉湯，好香好滑，而且夠熱，好creamy😙😙食物方面嘅我就叫左意式蕃茄汁紐倫堡腸蘑菇長通粉😝因為今日唔係太想食肉，職員都好貼心咁幫我（飛）腸，意式蕃茄汁味道好濃郁呀，加埋香草，加埋份量岩岩好既長通粉，惹味呀☺️☺️龍脷魚柳配檸檬牛油汁有好多配菜🤩好健康，加埋滑身既龍脷柳魚味夠重，係值得嗌嘅😗呢度既鮮奶咖啡同泡沫咖啡都有好香濃既咖啡味，當然鐘意濃味嘅可以叫鮮奶咖啡，最最最重要係夠熱喔☕️☕️

都好耐冇去食西餐，最近都係放工去附近嘅餐廳度食，今日接男朋友收工，經過見到呢間餐廳門口個位幾chill，吸引左去睇，所以最後決定同男朋友就呢間晚餐！餐廳門口有個bar枱位，一邊食一邊睇住出面嘅風景，感覺簡直冇得頂，但今日有啲大風，加上我怕凍，所以我哋都係要求坐返入面！餐廳入面裝修風格似西餐廳，擺放左好多酒嘅裝飾品！餐湯食西餐餐湯一定係先上，通常餐湯就決定咗我對呢一間餐廳嘅第一感覺，呢一隻忌廉湯果然冇令我失望，令我更期待之後嘅菜式！菠菜牛肝菌意大利飯我一向都麻麻地意大利飯，因為意大利飯嘅飯粒一向偏硬，但呢度竟然有驚喜，男朋友叫咗呢個飯，我竟然一個人食咗大半部份，估唔到菠菜同牛肝菌配上意大利飯係咁夾嘅，而且飯粒嘅軟硬程度適中，食下食下好快就食晒！意式香草汁煎新鮮三文魚三文魚嘅烹調技巧係好困難的，因為自己都有下廚嘅習慣，唔可以太熟，呢度嘅三文魚食落嘅第一個感覺就係師傅用高超嘅技巧將三文魚煎至剛好，而我最鍾意就係食三文魚上面嘅皮，脂肪比例簡直係完美，配上意大利香草汁，令到成個感覺如虎添翼！

呢日黎到佐敦諗住買口罩，點知搵極都冇...行到好攰就見到呢間餐廳，不過入面一早就坐滿哂人得番面向外面既枱先有位，見唔係咁凍，都可以坐出面同埋D野食都幾吸引就決定食啦～～～招點薈既位置係一條唔係咁多人既街，坐面向出面既位其實都幾Chill~~我地冇特別叫Set黎食因為都唔係好肚餓，我地叫左個湯，飯同意粉，估佢唔到咁出色！餐湯係洋蔥湯，碗有一塊包，塊包睇落個樣好似好林唔脆咁，但拎落手就知道夠脆！個湯一d都唔姑寒，夠多洋蔥！跟住就係Carbonara, 夠哂Creamy意粉生熟程度剛好，好味～跟住就係菠菜牛肝菌意大利飯，都係一樣咁Creamy 同埋個汁好正！d菇好夾！下次再黎要試下其他野！

今次去到一間位於佐敦既西餐廳食飯，今次同朋友因為太得閒而周圍行，眼見附近既鋪都關左門，無咩燈著，行行下睇到呢間好似黑暗中的曙光既餐廳。餐廳感覺上係新開張，地方唔算大，有大約10張檯。是日餐湯有少少特別，平時會另外放個包係碟到比你自己鐘意浸湯食就浸黎食，唔鐘意就唔浸，呢到係會成個包放左入去湯到。洋蔥感覺已經煮到出哂味，就甘食既話唔會太強烈既味道，反而係個湯到會飲到淡淡既洋蔥香。再黎嗌左一粉一飯，望落好似好細碟好少甘，但其實份量都夠食。意式蕃茄醋汁意大利飯個飯幾值得推介，上面有一堆芝士以為食落好膩，但因為有蕃茄同埋醋汁，酸酸地好解膩，夾埋食一D膩既感覺都無，仲越食越停唔到口。蘑菇牛柳意大利麵意大利麵上面鋪滿芝士，加上用忌廉黎煮，成碟野都好香。但感覺都有少少膩。牛柳唔係全熟，肉質好嫩易咬。見到餐廳出面好似有張BAR檯但未開放，我諗遲下會開放埋出黎比人坐係出面食或者飲下酒。

呢間喺柯士甸西鐵站一上隧道第一條街就係嘅招點薈，用google個interest point做logo幾得意😎但成條街都係工業鋪頭，所以比較唔起眼，但店鋪裝修好靚，出面仲有幾個露天位！帶子沙律($88)見佢沙律價錢唔係差好遠，就嗌左呢個，沙律嘅汁偏酸，好開胃，2粒帶子好出色，表面香脆入面半熟，幾令人期待主菜。蘑菇牛柳意大利麵($128)不得不說呢個意粉真係一流，下次黎我都一定會嗌呢個，汁係牛肝菌醬，但煮得好好食😳牛柳亦好正，好軟淋，完全搵唔到呢個意粉嘅缺點！番茄risotto ($98)相比起蘑菇牛柳意大利麵黎講，呢個就感覺比較普通，番茄汁好濃，偏甜，risotto 啱啱好，係我鐘意嘅質地，如果呢碟嘅香氣能夠再提升一d就perfect

今日去佐敦辦年貨，行經玉器交貿廣場，發現一間新餐廳，門面新淨，午餐又免收加一，試了燒加拿大保濕豬扒，配餐湯(洋蔥湯)，另加了$18羊奶芝士沙律和甜品蛋糕+$35。餐湯是熱騰騰的，未喝已經聞到洋蔥香味，接下來是羊奶芝士沙律，芝士味道濃烈帶點羊奶騷味，主菜豬扒肉質嫩滑，滿滿的肉汁，有瓜、有菜、有薯仔、有肉，十分豐富，飲品點了抹茶咖啡，隻杯好靚，配合美美的拉花，更加賞心悅目，唯美中不足就是抺茶味道略淡，甜品蛋糕都很好味，不太甜。餐廳地方不大，環境幾好，服務也好，但位置有點隔涉，價錢少貴。

位處佐敦玉器市場似乎係附近唯一一間西式食店。主打得獎咖啡仲有西餐食室內裝修樓底高都幾舒服我地兩個人問店員介紹佢推薦套餐佢話足夠兩個人食但係好奇怪，得壹個湯/沙律。為咗容易啲分來食所以點左沙律啲菜都幾新鮮但係份量其實都幾細，似一人份量餐前小食就係半煎三文魚配蜜糖油醋汁。小小的一口size, 味道不錯,每人一件。主菜選擇了最貴的頂級牛小排，肉質都幾嫩，只係如果是二人份的話分量未免太少。連配菜的份量也不多。最後是他的意式得獎咖啡及甜品提拉米蘇。咖啡確實幾好飲比較清香，但甜品一般。如果店員直接講呢個係單人份$300四道菜晚餐，我哋都可以接受。但一開始以為二人前，但食完唔夠飽就差啲啦。

佐敦玉石市場附近一向無乜野食今日經過見到呢間有間文青風cafe就入去輕食一下因為食咗lunch所以我地只係輕輕嗌咗個all day breakfast個all day breakfast都幾多料 而且係啱啱炸好or煎好 全部都好熱辣辣 我最like係佢個薯餅同沙律菜下午茶set會跟返個湯 今日係椰菜花忌廉湯 忌廉味好重 又帶住微微菜味 幾creamy我地仲嗌咗個紅果夏洛特蛋糕好fruity 有好多雜莓喺上面都唔錯食飲品方面嗌咗cappuciano同熱檸茶我幾鍾意個杯 好似starbucks早前個肉球玻璃杯咁 好有文青風餐廳樓底好高 播著純音樂假日tea下 可以抒壓一下

估唔到廣東道都有好嘢食佐敦，話大唔大話細唔細，最旺既區域當然係彌敦道， 但係通街都係人，餐廳細，坐又坐得唔舒服。 倒不如行遠少少去享受一下， 品嚐食物嘅樂趣。 今次就去咗位於廣東道嘅招點薈， 餐廳雖然唔係喺主要旺區 ，但係食物有誠意有質素。椰菜花忌廉湯椰菜花打得細緻， 菜香幽幽撲鼻， 飲落口仲有一陣餘韻。 整體嚟講口感不錯。忌廉芝士蘑菇焗雞蛋呢度菜最出色之處係，蛋焗完後仍然呈流心， 一篤破蛋黃， 蛋黃就隨著芝士及忌廉四散到菇菌的周圍。 菇味香濃之餘，再加埋芝士及雞蛋的香味， 味道更上一個層次。普羅旺斯雜菜意大利粉，最啱素食人士。以意大利黃綠翠玉瓜，與及蕃茄製作而成，蕃茄味道酸香鮮活，意大利粉煮得煙韌不過淋，屬健宜清新之選。香煎青衣柳，可配飯/意粉或薯菜。 青衣柳煎得香口卻不過火，保持了魚肉的鮮甜口感， 特別欣賞面頭的忌廉汁，泡泡打得細緻， 唔會感覺肥膩。 另外仲會配上薯菜， 分別有香煎新薯及意大利翠玉瓜， 燒得香口， 翠玉瓜仍然有滿滿的汁液。 整體嚟講細緻好吃。