拿督星馬大飯店 (已結業)

之前看到這家就是被他家的飲品所吸引，好多都想喝，最後選擇了山楂冰，味道太好了，酸甜冰爽，還有山楂果肉在裡面，laska的口味還可以，但是不是說很特別，湯底略鹹，下次準備去試試腐竹薏仁冰！

向來都覺得熟食市場唔會有什麼出色作品，而且一般環境本身就不太理想，所以聽到朋友推介去咩熟食市場食好西，一般都敬而遠之。但今次係由一位識食的朋友推介，而且又好近屋企，所以就試下。餐廳裝修就真係冇乜特別，不過其中一間房內的poster係幾懷舊，睇番牆上的報導先知間野原來都幾耐歷史，而且係後來先搬過黎觀塘呢度。朋友一口氣推介左佢個黑豉油系列，星馬野黑豉油真係唔可以唔試，而我仲揀左佢寫住招牌的大細腳黑豉油撈麵。豬腳雞腳都好林，黑豉油汁濃郁香甜，係重口味之選，日日食就唔得，但間唔中就會想回味的味道。另外不得不推介的一定係豬皮同蠔仔。豬皮真係啖啖骨膠原的感覺，而且非常乾淨，一條毛都冇，最怕食到豬皮有毛。蠔仔鮮甜，而且有一個豉油醬俾你點，畫龍點晴。最後不得不試的仲有佢地杯拉茶，非常好飲。

近排去開觀塘出job, 呢個地方咁多好野食，當然要捐窿捐罅去揾食餐牌選擇唔少，有齊哂星馬特色既食物，一個星期黎食都可不款式黑鼓油撈麵味道好濃郁，食落甜甜地，麵質爽口有彈性，每條麵都沾有醬油仲有少量芽菜，食落好有口感個豬手炆到好軟身同入味，而雞腳連骨都好淋身，食落好有骨膠原咁痴住個口個湯好有蝦同海鮮既鮮甜味，麵底就選擇左摻摻，即係米粉加油麵兩溝，食落好有口感而蠔仔隻隻飽滿，很新鮮的蠔仔味道，好滿足，入邊仲有豬皮, 蛋, 豬油渣，所以食落好香桔仔水夠好足料，有幾粒新鮮桔仔，飲落酸酸地好開胃又可以解滯總括而言：位置坐得就一般，但食物選擇多同質素高，及員工態度都好好，CP值絕對高，係間隱世但好食的小店

社會緊張，食乜都無心機.......今日唔打唔撞，食了熟食市場，呢份味道，係呢四個月最濃人情味，比派糖更甜更有心煮的！今日食左個撈面，雖然滿滿醬油，但麵質不淋，仲好彈牙，配了豬頸肉，好有燒烤味，睇相為證.......份量足，味道濃，飲品正！飲品點左菠蘿冰，唔係什麼高當次，勝在特別，普通午膳都可以飲下特飲，5蚊乍！無伏...好飲近期淚氣太多，今日平民食市的開心無休，願呢類小店繼續煮好食物給大家，生意興隆

落觀塘附近做野，在openrice見到呢間，想去試。行去海皮有個街市，要搵到條樓梯上一層，佢有大約五個檔位，其中一個係廚房，另外四五個檔位俾客人坐。叫左個撈麵，夠乾身，好味。見到隔離食海南雞飯，賣相幾好。佢間野落柯打好特別，有個男人企嚮度電腦入單，食客要似酒樓自己填落單紙。偷望佢廚房唔多人，但應付到中午大量客人。特別地，佢無明爐炒鑊，唔同一般茶餐廳。入面裝修佈置都有心思。兩部收銀機旁邊各有一幅手工畫，普普通通畫嚮A4白紙度，但睇得出手工精細。

係觀塘食個lunch一啲都唔平 今日papa又介紹一間糧尾飯堂俾大家！😆之前喺某一個Media見到推介呢間嘅星馬餐廳一直都冇機會試突然之間有一日好想食喇沙就嚟咗呢度去到街巿要經過一條樓梯先上到去門口有好多人等緊位環境唔算舒適同一般太排檔差唔多唔好要求到佢好乾淨但係都可以接受嘅😉燒香茅豬扒喇沙米粉 $47一拎上黎就已經聞到喇沙嘅香味 湯底好濃郁😋 米粉索晒湯汁 食落都幾過癮下🥰豬扒中規中舉美中不足嘅係香茅味已經被湯底蓋過 唔太食得出$50內就搞掂一餐糧尾可以考慮下佢啊！😝

今次去觀塘熟食市場試一試星馬菜，不過因為餐廳在熟食市場裏面，所以環境比較差。香茅雞扒喇沙河湯底好鹹，都冇咩椰香味。雞扒不夠嫩滑，可能午市時段，雞扒仲要凍既。叉燒豬皮豉油炒河係沒有被告知的情況下豬皮轉為雞絲，有點兒失望。黑豉油汁雞翼雞翼都算大隻，而且好入味，好味！鯪魚釀豆卜炸得好香口，趣卜卜，配埋甜醬好惹味。之後仲叫咗杯凍奶茶同凍咖啡，凍奶茶只是普通茶餐廳的奶茶，有點兒失望。如果想飲馬奶茶，只有熱飲，如果凍的就是普通茶餐廳的奶茶。反而凍咖啡有驚喜，咖啡味濃，與奶的比例剛剛好，凍咖啡出色。

兩星期前約定今日來食肉骨茶。。。點知撞正非洲豬瘟無豬肉舖頭隨即供應當歸黃酒雞。但驚補得滯，所以無試。是日太熱，唔揀同事話好味的胡椒湯麵。咖哩對我來講都幾辣。所以都係食返啲清清地的野Sreen完一輪個menu後(真係太多選擇)我想揀豬什湯麵，但醒起無豬，改叫雞什唔知咩湯底，反正唔辣的，無味精。雞什都幾多，有心，腸，胗，膶。仲有一嚿煮得好淋的蘿蔔呢碗野就無乜特別，但特別在呢度有得食什今次試左椰子冰，佢有白色的椰肉𠺢，刨到比椰絲大小小，粗少少咁啦。不過都係鍾意腐竹薏米冰下次要補返個肉骨茶丫

🥢觀塘超隱世拿督星馬餐廳🥢請支持即刻俾心👍🏻🥢這間店真的不是講笑，連朋友住在觀塘30年都不知道有這間小店，由觀塘地鐵站行十到十五分鐘到達舊觀塘碼頭，一間在街市內毫不起眼的熟食檔，好在有冷氣的🥢出名主打海南雞，黑鼓油撈麵，檳城蝦麵，馬來胡椒湯麵，新加坡湯粉，叻沙，還有我至愛的桔仔冰🥢炆豬皮豬頸肉星加坡黑鼓油乾撈麵 $45🥢豐富的炆豬皮充滿彈性，炆得超軟q 彈感覺似食一條大海參一樣，充滿骨膠原，而且份量不少，豬頸肉是炭燒的，口感較實味道香口惹味，主角是黑鼓油撈麵，拌了少量芽菜的撈麵，麵質爽口有彈性，黑鼓油甜甜的充滿東南亞風味，夠曬特別🥢馬來福建沙巴蠔仔蝦湯麵 $50⚠️2/6更新：我同朋友一齊食這個一齊腸胃炎了，不建議各位食生蠔仔這一口充滿蝦味的蝦湯麵真的不得了，整碗充滿蝦籽的香氣，蠔仔隻隻飽滿，很新鮮的蠔仔味道，蠔仔是生的，如果不吃生蠔仔的朋友要留意，麵我們選擇了摻摻，即是米粉加油麵兩溝，幾有趣🥢炸魚多士$25是炸鯪魚加多士，魚肉味道是同鯪魚球一樣的，而且裏面有芫茜味道，自己就覺得一般試過不會再試🥢凍白咖啡 +$3有感到椰子香氣的白coffee ,感

此店名號，早已留意，同樣在觀塘探訪之列。當日下雨天，不熱，從公司步行十分鐘前往，打算買外賣再走十分鐘路回去。一如所有熟食中心的格局，沒有華麗裝潢，也沒有乾淨的地板，當然若想如此，本來就不應該來。說實話，其實也不污漕，就如大多數草根飯堂一樣。店舖連廚房在內，已發展至四個檔位，想必生意十分好。到達時剛好一點三十分，最忙的時候也過去了，點了豉油撈粗和豬頸肉。對答沒有其他食客所言般串咀，就是正正常常，有說多謝之類吧。此店廚房就赤裸人前地在烹調，我相信員工也一樣，他們並非態度不好，只不過就如同廚房一樣不在你面前修飾吧了。反倒要想，食飯還是食服務？等了不到十五分鐘吧，其間廚房樓面也在忙不停，也沒有其他食家般等得耐，是我太過好運嗎？粗麵是街市貨式，但煮的火喉合格吧，現場所見就煮一鍋然後就一下子撈好出餐，當然沒有現煮的口感，但也是可以的。味道是星馬風味，甜多於咸，帶有叉燒的味道，想必是同一款醬油，每根麵皆沾有醬油，吃到尾有濃滯感。豬扒是茶檔口感，不鞋，香茅味淡泊，附送的蒜茸辣椒醬有提味作用。豬頸肉。小食來說是大份了，22元，有一塊豬頸肉之多。味道是叉燒味道，也是甜多於咸的味道。肉質也就是豬頸肉的質感，

之前中午去食海南雞飯 但好失望 勁難食，啲油飯我淨係覺得好鹹 , 食完喉嚨好唔舒服 、好似加左成樽雞粉 、啲雞又凍pat pat 、餐具又污糟 等個飯等左勁耐 成半個鐘 老闆娘黑口黑面 好似我欠佢錢 追問食物幾時到 完全敷衍態度 口氣又差到爆 冇下次

飯店位於觀塘熟食市場一樓， 鄰近觀塘碼頭巴士總站。中午12時許，已經接近滿座。招牌海南雞飯都是必點的 。海南雞飯， 最佳人氣，要耐心等候！上餐時，會一併附上三色醬:黑鼓油、薑蓉、辣醬。蘿蔔雞湯 ， 配上雞油飯，粒粒分明， 充滿特式油香味。雞肉香滑鮮嫩，肉質富彈性， 皮薄，有啫喱膏， 好好食👍豬膶支竹胡椒湯，香濃胡椒味， 辣辣地， 豬潤都幾多， 脆嫩沒有腥味 ，支竹加入湯中，增加了綿滑的口感味， 好味道！熱馬拉鮮桔仔水，將桔仔用匙羹在杯中擠後，夠酸又夠香。熱話梅菊花水， 話梅肉泡軟出味後，有少許鹹甜味道。本身小菊花的味道淡淡地，菊香融入熱水中，香氣十足， 聞起來好醒神。

我住觀塘已經二十幾年，聽過好多人話呢一間拿督星馬菜唔錯，第一次去買外賣返屋企食。買咗一個海南雞飯一個黑豉油豬頸肉撈粗,一杯拉茶。Total $108點知中伏了 海南雞飯，飯未煮熟，咬落去係硬既！最大問題係好x咸丫！完全食不下！雖然個雞係滑嘅，但幾十蚊買盒飯返嚟兩啖飯都食唔落真係好難過😫另外叫咗一個黑豉油豬頸肉撈粗，豬頸肉唔錯整體除咗咸左少少之外都尚算合格！完全冇服務，我知係好忙，但都唔使黑晒面！拉茶正常，不過不失整體來講冇下次報告完畢

20190510☁️Friday 🍄最近經常嚟到觀塘做治療，所以順利到附近搵食，今日比較刁鑽，又行到去觀塘碼頭，心癢癢😜真係想試哂餐牌上既食物😋又見到陳太（老闆娘）傾多幾句，陳太其實係香港人，因為好多年前在星馬親友家住過，所以對星馬菜式甚為有興趣🤔回到香港第一間店舖在2004年尖沙咀赫德道開業，店舖名字「星加坡陳太星馬娘惹菜」，現場仲有Live Music, 之後搬過去北角，2010又搬到小西灣店舖名字「拿督星馬冰室」，因香港租金只有升，所以陳太再重組計劃，2012年12月31日後結業，2014年在觀塘馬頭開業，雖然地方在街市，地方有點兒濕😅勝在食物質素高，提提大家，想食叻沙，要早少少到，因為銷量不錯😋肉骨茶要星期三先可以飲到，因為工夫比較多，湯底用當歸，杞子，川芎等藥材熬足3小時，營業時間，星期一至星期五，由8時至下午3時，真❤️講句，真係可以值得一試，味道好及價錢較平宜🙏🙏

在中午到熟食中心吃午飯，四處都多人，友人幾年前吃過一次這間餐廳所以就決定吃這間了！中午人流也很多，幸好不用等位，但位置比較迫。我點了咖哩筋腩黑豉油乾撈河粉飲熱薑汁拉茶河粉吃下去比預期中甜！但又覺得很有趣的配搭薑汁和拉茶味道很融洽，拉茶夠滑👍🏻另外點了炒豬皮叉燒黑鼓油乾撈油麵加凍榴蓮白咖啡榴蓮味勁濃！喜歡榴蓮味的朋友可以一試