指月 (已結業)

之前因爲睇左Ricky San 的介紹，和呢度的食評所以都諗住去試下，結果十分失望😮‍💨ㄧ碗六十二元的牛腩伊麵就好似相中咁細碗，湯又冇味，肉又柴又冇味，麵就夾兩下就食完….結果之後要去其他舖食碗正常的麵才夠飽。結論唔會再返轉頭，又貴又唔好味。😮‍💨

非一般牛腩粉店。食物選擇同質素都比預期高。✨鮮茄牛骨濃湯牛肋肉配上海麵湯底以牛骨熬製5小時，非常濃郁。牛肋肉好腍。非常喜歡佢地自家秘製既菜譜同辣椒醬。✨欖菜鯪魚無米炒飯無米炒飯即椰菜花飯。口感好爽口，完全唔會有油膩感，又夠健康。伴碟既話梅車里茄酸酸甜甜，又開胃又好味。✨酒燒雞翼雞翼煎得香脆，但認為酒味可再濃多少少。✨南乳炆豬手豬手炆到好腍，南乳汁好濃厚。

讚1 排左三個字先入到去 不過嘢食的確唔錯 湯底清得黎夠味 蘿蔔夠甜 鹹蛋黃魚皮炸得夠入味 又夠脆身 2 環境以腩雜店黎講真係好摩登下 坐得好舒服彈1 牛腩唔太得 肥位雖然夠香 但肉位好柴

聽朋友介紹旺角新開了一間吃新鮮牛雜的店舖「指月」，懷著期待的心情到達指月，聽說平常都要排很久，幸好今天只等了一會，很快便可安排入座，立即點了一碗牛雜米粉、韭菜鮮肉餃及滑蛋叉燒飯。牛雜香濃鮮甜，牛味豐富，而且火候剛剛好。韭菜鮮肉餃，從未吃過這麼超薄的餃子皮，韭菜清甜可口，餡料不油不膩，越吃越想吃！味道剛剛好，是香港人要求高的口味餃子。滑蛋叉燒飯，買相一流，成碟飯金碧輝煌，雞蛋口感軟滑，叉燒香氣四溢，惹人食指大動。以上出品看得出師傅選料上乘，精心誠意炮製。滿分！

第一編給指月既食評，比左椰菜花飯。今次食其他野，所以寫第二次食評啦。滑蛋燶邊叉燒 😋😋😋😋😋叉燒切成一口一粒，很好入口，粒粒有一定厚度，所以好咬口，肉質咬落軟淋無筋，每粒都肉汁充沛，油脂比例非常好，唔會過肥或過瘦。叉燒既表面有微微烤焦，食落帶焦香，Good.成個飯係無額外添加餸汁或豉油，白飯粒粒分明軟硬度適中，滑蛋炒得非常滑溜，半凝固既滑蛋蛋汁就正好伴飯當汁，蛋汁本身都非常香濃帶微微咸香，非常下飯。店家另提供蘭王豉油，但我無用到，因為本身已夠味，所以用不著。 整個叉蛋飯都色香味俱全，正！騸牯肥牛上海麵😋😋😋😋個牛麵係朋友食既，朋友話肥牛完全無調味，係食食材既原味，肥牛口感軟滑甘香，唔油膩。個湯係蘿蔔湯底，好甜，有超重既牛味。而上海麵呢，個樣極似稻庭烏冬，不過食落質感就唔煙韌既。朋友話整個麵食係好食既，但覺得整碗麵好有打邊爐既味道🤣黃金炸魚皮😋😋😋😋😋呢個炸魚皮真係不得了，味道剛剛好，唔會好咸，非常薄脆，咬落pok pok聲，仲過薯片，炸得乾身唔油膩，正！酒燒雞翼😋😋😋😋😋雞翼肉質結實，醃得好香好入味。碟雞翼無乜汁，d汁應該收晒落雞翼度，整件雞翼香濃，而且滲出淡淡酒香，非常惹味，店家仲好

今日行去旺角市政大樓附近見到呢間幾 外觀幾特別的店 原來是賣騸牯牛 同新鮮牛什的今日一個人食就叫左碗牛什面 加多4蚊有杯冷泡茶😬點解我會叫牛什呢 因為相比起牛腩要處理佢哋真係可以話工序煩覆 屋企糸吾會整的

無意中在面書中看見某位殿堂級食家分享在這間「指月」用餐的文章，覺得頗為吸引，便找了一個無飯之夜，來吃個無米之炊。我之所以會說是無米之炊，是因為我吃的是「揚州無米炒飯」（$72），所謂無米炒飯，其實即是以炒椰菜花代替真正的炒飯，切得如同米粒般細碎的椰菜花，口感像真度挺高，這份量不少的椰菜花炒飯，配以叉燒粒、蝦仁、蛋與蔥花，材料都幾豐富，雖然叉燒只是普通貨色，整個炒飯的味道也稍嫌淡了一點，但足以飽肚，也比真正的炒飯更加健康。而作為伴碟的兩顆已去皮的話梅車厘茄，酸甜醒胃，我也很喜歡。    老婆仔吃的，則是「招牌蘿蔔清湯騸牯牛腩河」（$68），我試了一口湯和一件牛腩，湯清甜而無人工味，好喝；連著筋膜的騸牯牛腩脂膏瘦肉夾雜成層狀，肉質腍而不韌，也有質素，配以幼身河粉，是水準之上的牛腩河。也叫了一款小食，是很久沒有吃過的「乾煸四季豆」（$42），這由小菜轉化而成的小吃，味道濃郁，又不太油，濃味的肉末，與味道清淡的無米炒飯成了強烈的對比，正好為較為清淡的炒飯添上多些的味道。兩夫妻都揀了清淡健康的「冷泡茶」（$4）做飲品，簡簡單單的，也不錯。好一段時間沒在這街上吃東西，原來隨了這間「指月」，這附近還

旺角鬧市，新開小店，老闆親自經營。一人主理，食客想食好嘢當然要內心等待。當日叫咗牛雜特色上海麵，由於牛腸已經賣完，所以我碗牛雜係無牛腸嘅，下次要返去再試過。食材新鮮，香港買少見少嘅新鮮牛雜，湯係好足料無味精，咁濃郁嘅湯需要好多材料煮成。誠意十足，香港誠意小店！

招牌蘿蔔清湯牛腩麵 $62原本想吃崩沙牛腩,不過店主解釋他們嚴格篩選靚牛腩,如果不靚,佢地不會入貨,而且騸牯牛肉每日只有50頭來港,所以我用餐那日未能提供,是有少少失望,不過我都欣賞店舖對食材的堅持。 可能因為不是崩沙腩,牛腩相對較瘦, 不算好腍,配上海麵份量對女生來說剛剛好。韭菜豬肉煎餃 $52餃子皮真的很薄,韭菜都好香,我一個人應該可以吃晒八隻。剛剛開店的時候,聽到店員講餃子只有10幾份,如果真的要吃到,可能真的要開舖頭的時候來。XO醬鴨舌 $45XO醬味道不算好出,鴨舌正常發揮指月牛腸鍋$128內臟味道處理不錯, 本身我不很鐘意吃牛腸,但還可以入口,只是鍋物份量較細,建議真的要加$18配白飯和雞蛋小店標榜絕無味精 ,習慣重口味的香港人,可能會食不慣;不過對於我有濕疹來說- 仲要有最麻煩的嘴唇炎,平日其實我好怕食湯麵,因為好少可以吃到一間湯麵是不會令到個嘴痕,而這一間做得到。 小店對自己食材質素有信心才會調味咁清,客人就可以吃到食材的新鮮味道。有人認為餐廳價錢略貴,但要買好小小的食材,其實價錢一定偏貴。 可能因為人手不夠關係,客人未必可以吃到自己想吃的東西, 希望小店越早越好,遲啲

6點入座，店員話所有小食及用爐整要等一小時才有，算！跟住問店員牛雜鍋份量（$128），佢話夠2.5人份量，最後原來半份都冇（看圖），烏東再加$10但最後隻碗係小朋友碗，我個仔叫左$68牛腩烏東仲正常size,食物：最大獲牛雜超唔淋有渣（看圖），煎餃子（$52）細得可憐唔值$52，食完完全不夠飽要出去潮州舖再食牛腩河（$40），這間店牛雜鍋份量比外面牛雜面最少貴$100。最後連炸魚皮都食唔到！只收現金！食x啦！千祈唔好排隊去食、真心！

放工搵地方醫肚，自己一個又唔知食咩好睇到門口有D食物相都幾吸引，裝潢乾淨，再睇睇門外面餐牌，原來佢主要係食牛腩粉麵，椰菜花飯等等招牌蘿蔔清湯騸牯牛腩麵牛腩肉質好腍，都幾入味，蘿蔔清甜又無渣，麵都好彈牙，重點係湯底冇味精，健康得黎食完又唔會口渴係咁飲水。辣椒油同菜脯伴食，十分滋味！

傳聞四點就截單，YouTuber R介紹，旺角用心做冇味精牛雜，我呢個內臟控，充滿憧憬去試食。 約兩點十五分去到，條人龍唔太長，排咗半個鐘左右就入得。裝修簡約，坐得唔逼夾，整體感覺舒適。 太太點了咸蛋黃炸魚皮+蝦頭蕃茄湯牛腩米粉，我就點咗餐廳推介的牛腸窩配烏冬，店員推介加飯同蛋，嚟試得緊係試埋。 魚皮不是黃金蝦嗰種咸蛋黃，酥脆！不過好鬼多油，食到成口油，味道亦偏淡，不過可接受。 蝦頭蕃茄米粉，毫無賣相可言，食唔出蝦味，蕃茄味可以，牛腩亦ok，不過唔會有任何驚喜，感覺兩樣嘢唔夾，正正變咗負😥 主角牛腸窩，賣相靚仔，配合餐具當堂高檔咗好多，可惜空有外表，韭菜下面不是牛腸，只有大量椰菜，牛腸份量大約是一般粉麵店一碗牛腸麵的1.2份左右，以$128呢個價錢真係有點少得可憐！ 牛腸夠肥夠焾，可惜分量實在太少，一眼見晒咁多，椰菜同韭菜咁多，似雜菜鍋多啲。 最後加蛋同飯（另加$18）的泡飯，純gimmick嘢，不會令呢餐分數有改變。 呢餐實在有點失望，只怪自己期望太高，如果再試都係食番啲正常牛腩粉牛雜粉，不過唔洗排隊先會考慮。

－經Ricky Cheung 介紹，立即成了人龍店。等了50分鐘才可以入店。店舖裝修明亮舒適，座位間距合理。食物出色，除牛腩牛雜外還有椰菜花飯供應，可惜人氣高企的小食如干煸四季豆，酒燒雞翼，黃金炸魚皮等由於廚房應付不了，暫停供應。另外員工似乎有明確分工，但叫入，下單及埋單均由同－店員負責，令等候的時間加長。

連續兩次去問都無炒飯……係咪真係有得order架？見其他人有post呢個，好奇怪。第一次唯有外賣牛腩米粉，都唔差，不過偏貴。第二次直接話無得外賣，只能堂食……雖然好似成間小店宣傳到好有心機，但體驗唔feel good……

在2月25星期六未夠12已經坐低， 店員話準備中再稍等， 店內有40個位衹得一個人落單、斟水、執枱、送餐， 比暫混亂，我們點了崩沙腩伊麵及牛腸鍋， 只有五小嚿崩沙腩盛惠$78，價錢略為貴，牛腸鍋味道不過不失，價錢$128，等了半小時才有得食，最後1點15分離開，食物質量及服務還須改進。