挽肉と米

营业中

休息中

預約咗好幾次，終於book到去食呢間日本過江龍漢堡扒餐廳，用餐時間限時60分鐘，食得好趕。如果book咗要取消，餐廳會收返一定charge ，可見個取消政策對食客有點嚴苛。套餐包三舊漢堡扒、白飯（可任添）、一碗麵豉湯同埋雞蛋一隻，店員會俾一張指印食客睇吓個建議食法。第一件漢堡扒會建議原味食，可以品嚐食物嘅原汁原味。餐廳亦有提供五款配料，可以在吃漢堡扒是隨意點嚐，配料包括：生醬油、青唐辛子鹽漬檸檬、油漬青唐辛子、麻辣粉、椒麻醬及香炸蒜碎。第二件漢堡扒會建議配以蘿蔔泥同埋自家製柚子醋食用，酸酸地、口感清新，食落一啲都唔油膩。第三件漢堡扒會建議加生雞蛋配以白飯一齊食用。整體嚟講，漢堡扒冇想像中咁爆汁Juicy，但佢食落一啲都唔油膩，初初以為食晒三件會有一定難度，點知食食吓仲添多碗飯。以$138呢個價錢嚟講套餐真係非常抵食，加上店舖位置仲要喺中環商場裏面一個望海嘅地段，環境氣氛一流。雖然未算驚艷地好味，但CP值整體來說都很高，值得再訪！

最近去IFC試咗「挽肉と米」，冇預約，Walk in排隊，好彩係第4個，等咗45分鐘就入到去。搞笑嘅係，我排咗隊之後，身後即刻多咗10個人。餐廳規矩係每人要點一個$138嘅套餐，包括3塊漢堡扒、無限白飯、麵豉湯同一隻京都產嘅雞蛋。店員好細心咁介紹調味料，感覺幾貼心。白飯用秋田縣嘅水晶米，煙韌彈牙，麵豉湯味濃但唔鹹，配蘿蔔腍腍，飲完一啖即暖晒。第一塊漢堡扒原味試食，炭烤香濃，內裡Juicy但唔油膩。配青唐辛子檸檬醬，食落清新有檸檬餘韻，幾有趣。豆拌醬油搭配第二嚿，鹹香味道突出。柚子蘿蔔泥雖清香，但稍為遮蓋肉味。最後一塊漢堡扒我用生蛋黃撈飯，Creamy得嚟又煙韌，非常滿足。總體嚟講，呢餐飯性價比高，味道層次豐富，值得一試！

今日kk隊員們特別黎到挽肉と米 試下佢哋既肉肉與米 🍙🍙見到店外常常有人排隊 好期待 💛💛我哋對佢哋既肉肉與米充滿期待 💛💛店員現場手打漢堡扒 再即場炭火烤熟會忍唔住一直望店員做呢一套動作 😂😂慢慢睇住肉肉變熟~~ 又聞住肉肉既香氣~感覺好治癒😘😘第1塊肉肉試一啖原汁原味先~ 感覺佢既肉香同油脂 加埋米飯 真係好香💛💛之後可以加 鹽 / 黑胡椒 / 花椒 去試下唔同既口味覺得 鹽+黑胡椒 係最 Perfect ~~第2塊肉肉可以加蘿蔔泥和柚子因為本人唔太食蘿蔔 所以直接試少少之後 就試佢哋有自己做既配料：生醬油、青唐辛子鹽漬檸檬、油漬青唐辛子、MOU先生的特製麻辣粉、椒麻醬、香炸蒜碎、梅子醋漬白菜和豆拌醬油覺得椒麻醬係最 Perfect ~~第3塊肉肉搭配生雞蛋汁 + 生醬油感覺好幸福 十分中意食蛋 加埋醬油 就甘食個飯 已經好滿足💛💛連埋肉肉既肉香同油脂 係一種享受 ~~注意 : 打蛋要好有技巧 小心唔好整穿蛋黃  剩係用合蛋殼蛋黃同蛋白分離好難 建議大家多多練習😎😎小食免治牛肉薯仔沙津 、泡菜感覺有啲普通 冇咩特別感想

星期一唔使返工，諗住冇預約都去試吓啦。12:10去到，大概前面有八至10個人，結果差唔多1:10先至可以入場。佢只有一款菜式，就係三件漢堡套餐，包括麵豉湯湯同埋白飯。漢堡會分三次上，每一次佢都會有佢嘅建議食法。搵返個漢堡先，佢係多汁嘅，但係佢唔係用咩安格斯牛肉，所以你唔會諗住配有好重嘅油脂。白飯係任裝，用咗秋田縣嘅白米，好好味。基本上身邊嘅其他食客都會加飯，女士亦唔例外。如果預約嘅話，係要嗌一個套餐加一杯飲品，即場排隊就可以唔使嗌飲品。另外，去自家製嘅唔同醬汁都好好味，每樣都忍唔住試吓。

喺中環IFC 用$138 食3塊日本漢堡扒套餐，望住靚景食嘢。咁嘅價錢仲有咩好講😍5月開張，次次路過都見到大排長龍，好好彩星期一晚上去到嘅時候竟然有兩個Walk in位😍成個店舖裏面只有一個set可以揀，既可以話係好處，亦都可以話唔係好處，好處嘅就係啱晒選擇困難症嘅你，唔好處嘅話就真係冇乜選擇 。諗住得3塊肉，應該唔夠飽啦，點知原來其實都OK 㗎喎。如果真係唔夠飽，可以加返$35多多一件漢堡 。漢堡方面，做到外面脆但係裏面超多汁又唔會太乾，第一啖建議乜嘢都唔好落咬落去，感受一下嗰個肉嘅味道，第二件第三件就可以嘗試一下配搭唔同嘅配料，配料方面嘅選擇都幾多選擇，個人特別喜好就係蒜蓉同埋辣粉 。不過講到尾其實原汁原味都真係最好食。小食方面有兩個選擇，第一個就係免治牛肉配薯仔，個人一啲都唔喜好洋蔥🥲如果同我一樣都係唔鍾意食洋蔥嘅就記得要避雷啦 。另外一個小食就係泡菜，千祈唔好祈望好似韓國泡菜咁樣，基本上呢個泡菜只係似韓國嘅醃料放咗喺啲新鮮嘅娃娃菜上面。整體嚟講$138有一個套餐又係一個咁有特色嘅地方度食嘢，仲要有埋水準，簡直物超所值 。

上網book真係要快手，都幾難book! 咩時間都狂按，生日正生book唔到！第二日先book到！最後按到3點3.當日早到見到都好多人排冇book位！我們預約左職員都好快比到位我地！環境幾好，夠光猛，不過比較熱，如夜晚可能唔錯！見到啲職員整肉都見到辛苦，對住個火爐咁熱.其實食3舊肉已經好飽，食左2碗飯，啲肉夠淋，但食到第3舊肉有啲筋！唔記得蛋白同蛋黃分開直接打左落去😂整體都還可以接受！還有款綠色醬都幾好食！

🇭🇰嚟自日本炭燒漢堡扒專門店@hikiniku.to.come_hongkong< 挽肉と米 >#mochicouple中環揾食團1️⃣ 挽肉と米套餐 $138 (包括以下食物)🥩現烤牛肉漢堡扒（最多三件，每件90克）🍚現煮白飯（免費添加）🍵味噌湯🥚雞蛋一隻Online Book咗好多次, 終於book到嚟試吓呢間係咪真係咁好味😋😋 坐位係圍住個廚師同炭爐嚟坐, 邊個位都可以睇到廚師燒漢堡扒, 而且咁坐廚師燒完可以即刻放上枱 夠晒新鮮滾熱辣😜😜 枱底櫃桶入面有張紙講解啲配料同三件牛肉漢堡扒嘅食用方法：(一)直接大口咬一啖 即燒漢堡扒能夠鎖住肉汁而且有夠熱, 加上炭燒香味, 每一啖都超級好食🤤🤤(二)蘿蔔泥加自家製柚子醋帶有清新嘅味度, 又唔會話好酸, 而且感覺上冇咁熱氣, 都係一個唔錯嘅食法👍🏼👍🏼(三) 配搭生雞蛋食用將生蛋加入醬油撈勻佢, 再倒入去吸咗肉汁嘅白飯, 超級好味😍😍 我哋差唔多食飽嗰碗飯先咁撈, 餸唔晒啲蛋汁🥲🥲 建議第一/二碗飯可以撈咗先, 反正白飯任加講到白飯, 職員同我哋講話用秋田小町米(冇聽錯嘅話😝😝) 啲飯食落有少少粘粘地 而且粒粒彈牙 好好食😍😍

上個禮拜男朋友無啦啦話book到挽肉と米，雖然本身冇乜大興趣，但話晒都叫過江龍，打吓卡都要嘅😁先講一講我平時嘅食量，lunch係我食得最多嘅一餐，一碟雙拼燒味飯如果我食晒啲燒味啲飯最多食一啖⋯⋯所以通常都會直接分一半俾人。晚餐更加唔使講。男朋友一早提我晏晝唔好食咁飽，因為晚餐有三舊漢堡扒同白飯任裝🫨所以我lunch淨係食咗一個細麵包，放工嗰陣係有d餓既。由於我哋訂咗位，去到門口一企預約嗰邊，已經有個女仔開門俾我哋入去點餐，過程超快，超順利，點完餐就可以埋位。一埋到位即刻上咗麵豉湯同白飯，有人會同你講解食法同埋啲調味係乜，雖然佢都有張紙可以自己睇。跟住相都未影完就上埋嘢飲，飲咗兩啖湯就已經上第一嚿肉。舊肉冇想像中咁大咁恐怖，咬落比起我喺日本食嘅一般漢堡扒比較實淨，表面燒得啱啱好鎖住裏面嘅肉汁。睇之前啲食評有人話舊肉好鹹，我平時都食開淡口，所以唔敢落調味就咁食，係濃味嘅，但未至於好鹹，我覺得唔落調味就咁食個味啱啱好，送飯一流👍🏻然後侍應有留意我食完第一舊先比第二舊，我覺得好貼心，又會介紹第二舊可以點食。到我食完第二舊，其實已經有啲飽，但都食咗三份一碗飯，正當我食緊醃菜清下個口嘅時候，第三舊

餐廳限時1小時，未夠一個鐘已經趕人走，約左6:30，早5分鐘6:25到了，6:27落單比錢入座，6:40分先上第一個漢堡扒(仲要我問佢先比)，佢夠膽死7:20個女職員同我哋講用餐時間完左，價錢已經唔平，嘢食係唔錯，但係冇理由未夠一個鐘就趕人走啲嘢幾好食都冇用認真係女仔食慢少少都唔建議去，40分鐘要食晒走人，食麥當勞都冇咁趕時間，好少比評價，今次真係嬲嬲地，建議餐廳比多15分鐘人，山長水遠去到，真係bad trip🙏🏻

呢間嘢嚟香港之後一直都book到爆曬，要上網預約先預約到，等佢開咗接近差唔多兩三個月先終於book到，平時Walk in嘅話要好早去到攞飛，甚至需要等一至兩個鐘先有得食。今次我哋就係上網book咗先嘅，中午時段去到仲要同店員登記再等大概15分鐘先至有得入去食入到去之後呢件事你揀咗個Menu先Standard嘅Menu就係每人3個漢堡扒加多一個飯同埋一碗湯，飯就可以任添嘅，今次我哋就要咗一個set再加多一個嘢飲。漢堡扒啲肉質非常之好食，同埋好多汁喺入邊絕對會encore

東京人氣過江龍開左嚟香港中環IFC都好一段時間，太受歡迎嘅關係一直都唔係咁易book到🥹為食嘅我終於的起心肝預早一星期準時網上搶位，終於成功品嚐到😳一個餐包咗三件現絞即烤嘅漢堡扒，加上白飯任添，份量都幾足夠👍枱上有好多款自家製特色配料，可以食出各種不同風味，仲有埋攻略教你三部曲咁品嚐😳最簡單嘅生雞蛋配法，我覺得喺最好味嘅食法，鮮甜蛋汁加埋漢堡扒肉汁～冇得輸✨三次上枱嘅漢堡扒口感味道都稍微有分別，最後一輪嘅熱度同生熟度控制得最好，juicy又軟熟🤤漢堡扒帶有炭烤出嚟嘅香味，絕對係呢間過江龍嘅優勝之處👍雖然未有吸引到會短期內再二訪，但唔駛搭飛機就可以享受到「家鄉」嘅美味，都係值得一試嘅😋

這間餐廳開業至今仍然是一位難求。要成功預約，就一定要每日準時上午十點到預約網站預約7日後的時段。經過3次嘗試後，我終於預約到星期一的晚上7時半時段。再期待了7日後終於能一嘗這塊風頭一時無兩的漢堡扒。———————————————————————套餐附有三件漢堡扒，一碗味增湯，一隻生雞蛋和白飯任添。由於有師傅現場不斷燒烤漢堡扒，每一件漢堡扒都是以最新鮮出爐的狀態送到食客面前的。根據建議食法，第一件漢堡我們沒有添加任何配料調味。漢堡扒肉汁豐富，充滿炭燒香味和油香，但本身調味稍重，即使沒有外加調味料，漢堡扒本身也偏鹹了一點。同時肉質方面亦比較多筋，影響了口感。根據食法，第二件漢堡扒可以配搭桌上提供的醬料和配料一起食用，當中我比較欣賞椒麻醬和豆拌醬油，風味較為特別。但由於漢堡扒本身已經偏鹹，我建議調味醬也不要加太多。最後一塊拌入生雞蛋一起食用，更具日式風味，牛肉的油膩感亦得以舒緩。———————————————————————套餐價格$138再加一，雖然味道方面沒有太大驚喜，但有三大塊即燒漢堡扒其實已經值回票價，如果不是那麼難預約的話我都覺得可以不妨一試。

校定鬧鐘， 10時上網訂枱，終於訂到了！記得要準時，看到有一對情侶遲到了約十分鐘，就要等到有人埋單才可入座！入座前有店員協助在自助點餐機先點餐。餐廳內的座位不算多，全都要吧枱形式，中間就是燒漢堡扒的地方。店員有禮，因為我們是第一次幫襯，他就細心講解各種建議食法，又介紹各種汁醬的配搭。燒好的肉會放在面前的鐵架上，白飯可以無限添加。真的好味！有炭燒的香味，外面微焦，但內裡勁多肉汁，最好用來佐飯。加了日本蛋來食又是另一種滋味。百多元一份定食絕對物有所值，最難的只是訂枱！

事緣喺東京book唔到🥹反而香港book到就決定嚟試一試🥰🥰準時10:00入網，一take passლ(´Д`ლ)挽肉と米只提供一款套餐：以炭火現烤的牛肉漢堡扒三件，配搭無料續添現煮白飯、味噌湯、🥚生雞蛋一隻、蘿蔔泥及自家製柚子醋。三件漢堡扒都分別有三款的建議食法：第一件，直接大口咬下，吃它的原汁原味。第二件，店員會拿出蘿蔔泥及自家製柚子醋，清新的味道，一解油膩。第三件，可以配搭生雞蛋享用，或自製美味多汁的生蛋拌飯整體嚟講，如果book到可以一事無妨，如果要Walk in排隊嘅話，都係建議book到先去啦😎

多得朋友幫手搶位，終於試到呢間大熱漢堡扒😋見到門口都有人會walk in排隊，但就唔知等得耐唔耐🙈🐂 挽肉と米套餐套餐包括三件漢堡扒、味噌湯同埋隻生雞蛋🥚第一件建議原味品嘗，第二件就建議加上蘿蔔泥同柚子醋，第三件就可以配生雞蛋😆檯面有張紙介紹食用建議，而職員上菜時都會再講一次，所以入到去跟住一步行步做，就可以試足佢咁多種食法啦🤪🐂檯面上有多款醬汁，可以隨意配搭，最鐘意就係豆拌醬油，醬油食落好香濃，淨係醬油都可以食到好碗飯，最開心係白飯任裝，一舊肉一碗飯完全無難度🤣另外要稱讚嘅負責我地個邊嘅廚師好有笑容，令呢餐飯加分再加分😆如果可以最貼近窗邊嘅位，咁就會更perfect啦