捌叁 83美食亭 (已結業)

今日九龍城有局，未夠鐘但又有啲肚餓，記得之前都有試過附近嘅日本餐，今次專登搵依間新野入來嚐新。其實我甚少叫外賣，因為外賣太多變數，送外賣個位仁兄隨時重要過廚師，佢一遲到，啲野食就......。所以我寧願揀非繁忙時段入席，一來吾駛同人逼，二來客人冇咁多，師傅自然更有時間去發擇功夫。佢地酒類都好豐富，有紅酒、白酒、啤酒，當然日本清酒大冇得少。反正近排都冇出來飲啤酒，今晚就先飲啤酒同嚐下佢地燒物，佢推介我燒三文魚頭，橫掂都吾知燒乜好，有推介就自然要試。依個三文魚頭燒得吾錯，冇過火，吾會太燶同太乾，送啤酒更正因為等陣仲有下場，今次先試個三文魚頭，我見佢個餐牌仲有好鬼多吾同嘅野食，下次試完再另報告啦

住左成廿幾年 終於第一次食佢 入到去無乜人都諗住試一次就算明明menu寫叫餐既話雞翼同牛柳粒唔可以叫多一串咁其他諗住叫兩串 佢都話無 仲要串你諗咁耐 呢啲真係唔會有下次 bye.

今晚想在九龍城來個快餐 ... 從城寨公園出來，入了一條人不多的小街，街內有數間食肆，其中這間以串燒招來的小餐廳，雖然人不多，但菜單豐富，也進去了。串燒端上來了，樣子挺吸引，還很窩心，有小鉗讓我們把竹籤上的食物拔出來（ 總好過用筷子！）， 也有竹筒回收竹籤。我們先KO了雞皮、雞軟骨、牛、羊、豬腸，全部都不錯，但食到最後的雞腎，出事了：其中一粒咬進口，有點“霉”，吐出來， 帶點微紅，今晚遇見Gigi姐了（“ 唔熟吾食”）！我們也點了一客燒鯖魚套餐，鯖魚不夠juicy，有點乾，魚肚的黑色可能清潔得不夠乾淨， 帶了點苦，但50多元的套餐，也不能強求什麼。總體可以，但這些偶然的錯誤，可能會“拆招牌”啊， 既然有心思提供窩心的小工具，處理食材也認真一點呢！

用網上外賣平台叫外賣，難食到喊😭😭1. 蒜容芝士焗牛油雜菌：難食如嘔吐物、無味2.日式照燒雞扒飯：飯硬，似未完全熟，燒汁無味，雞扒正常，但都系冇咩味3.麻辣豬耳：似系求其搵支辣椒油撈，但都系難食，陣味又臭又怪4.串燒：略為正常，但都系無味5.芝士年糕：一咬成口粉，唔知點形容，似系室溫解凍，求其燒兩野6.肥牛金菇：呢個算系較為好少少，有d味，所以我食哂。兩個人食淨一大半，又唔想浪費！放住先睇下有冇其他人食。無下次！！！

其實嚟過好多次，燒雞翼，燒牛舌都係致愛。燒雞翼外脆內juicy，燒牛舌軟綿綿有牛味，推介。另外，烤薄餅都好正，餅身鬆脆，而且有好香的牛油味。今次老闆娘有新介紹，燒和牛，燒神戶牛。燒和牛，係第一次聽，第一次食，好味，好有牛味。燒神戶口，充滿油香。淨食已好好味，配生蒜蓉及熟蒜粒又意想不到的夾，另外加少少飯一齊食，可減少油膩感。又一新發現。食串燒當然要飲杯啦，我就梗係飲啤酒啦，太太就愛這裡的自家制梅酒。

忽然想食串燒，去到叫咗成枱嘢，D嘢唔係難食，但係都冇樣好食，而且出菜好慢可能係我唔識欣賞，因爲到宵夜時段，都八成滿座！值得讚嘅係價錢平出面D串燒好多，所以如果要求唔高都可以試下嘅

到九龍城吃早晚餐，誤打誤撞經過這家主打燒烤的店，其實只是想快快吃個飯，然後趕著做其他事情。誰知道，竟有驚喜。叫了一個鰻魚飯，鰻魚好吃，燒汁不錯，飯普普通通，不是珍珠米。令人驚喜的是燒物！這個燒雞翼外皮脆香，肉質飽滿，超好吃。牛肉粒有香香的牛肉味，很不錯！

九龍城出名多野食 但入夜哩度就得番甜品... 哩間開到1 2點架, 夜左肚餓就試下啦 佢D串燒$10-$20, 唔算好貴 有個版寫是日精選 有個芝士年糕真係幾yin un幾好味. 有一串叫燒腐皮 原本以為會偏乾 但佢唔係架 係有汁出來 好正! 淨食串燒唔飽都有冷麵果D 不過佢隔離有個鵪鶉蛋好似要生撈 好似幾核突下 我就無理到... 

經朋友介紹這間爐端燒,試左一次之後巳經愛上了,這間所有的燒物都係即叫即燒,同一d店舖係廚房巳經燒定o既不同,而且奉上o既時候都係暖苙苙、熱騰騰,今次我同老公點了生蠔,呢到o既老闆娘好好人,佢介紹我地食呢款韓國入口o既生蠔,原來唔講都唔知(乜生蠔都有分韓國??)平時澳洲美國就食得多,韓國就真係第一次食,點知一試難忘,蠔o既味道不會太濃,但又有海水o既鮮味,啱晒我o既口味。之後再點左幾隻燒蠔,賣相好靚呀,我最欣賞o既就係廚師用好簡單o既配搭烹調(只係加左小量o既飛魚子同蔥),但出黎o既效果巳經好好,食落去有蠔o既鮮味,加埋d飛魚子脆卜卜,簡直一流。 之後我地再點左一d燒物(秋多魚、豆卜、雞翼、墨魚丸、墨魚咀、魚角….etc.) -雞泡魚干,用黎送酒一流, -原條照燒茄子,加上醬汁同木魚,清新好味。 -羊鞍一d都唔騷,燒得無過火,正!!!! -焗蓉芝士西蘭花,味道十分配搭,西蘭花o既味道唔會比芝士o既味道所掩蓋,好好

第一次寫食評....看就看得多....簡單來說經常想找一間可以吃得開懷的食店, 之前看過很多寫食串燒的地方, 要不就是太遠,要不就是"性價比"不高.看過太公的食評, 決定浪蕩至此...簡單來說一句 ,"性價比"十分高, 兩個人吃了$480 但我想起碼吃了15 , 6 樣東西.包三枝 sake, 一杯 啤酒, 一杯熱飲, 兩碟刺身, 兩個魚頭無數小食...(雞軟骨, 紅腸,刺身都有小小)老實講呢d食物如果出面食起碼食到700 蚊真的很飽. 值得一提...個三文魚頭...大過平時一倍而且燒得不錯,在我而言..開店時間1700-0300, 對想喝兩杯和朋友傾傾計是好的選擇事頭婆真係幾好傾ga, 唔錯唔錯.原來間野都開左3年優點: 不會太貴, 最多普通食物$15缺點: 燈光太猛, 感覺有點怪

(太公勁訊獨家報導) 各位市民，勁方近日發現，市面發生多宗「食嘢時慒盛盛引致意外」案件，有鑑於情況愈來愈無厘頭，所以有需要響度提醒一下市民，食嘢時要提高警覺，小心d。不如我地先黎睇睇以下呢單案件先啦：話說某週六，女事主就相約咗阿男事主，一齊去咗九龍城某間日式串燒店共晉晚餐，該名女事主不知何故，心情興奮非常，更出現fing手, 同fing腳現象。不經不覺，d串燒上碟；由於女事主非常喜歡吃蘑菇之關係，一見到串燒蘑菇，即時夾上並噬了一口.....豈料，此時，意外發生。由於讓蘑菇汁液非常之豐富，女事主一咬，蘑菇汁即時從蘑菇內部，呈細水柱型噴出，直達女事主左邊鼻孔之內！！ 真係c朗射罰球都冇佢咁準呀！結果，女事主狼狽非常；男事主竟然於一旁暗笑，未有提供協助，幾乎釀成血案！不過此店的燒物功夫不俗，無怪乎會累得女事主如此失儀：- 鹽燒蘑菇 ($8)：足見此店串燒功力不俗，蘑菇汁保留得相當完整，吃時記得小心會有汁液濺出；只用小許鹽吊味，更能突顯食材本身的鮮道；可惜只是用了中國蘑菇，菇味較薄，用來路貨會好得多。- 燒大海蜆 ($22)：海蜆新鮮又鮮甜，也是沒有多餘的調味，蜆鮮味盡現，不錯！如一份俾多一

其實我媽咪之前無意發現呢間小食店,於是向我推介,前幾日有空佢就帶我去試試!本人最怕就係去燒烤店!!皆因出門口就會發覺成身油煙味+坐得耐塊面就會出油!出奇地,叁捌雖則係開放式廚房,又加上冇刻意嘅裝修,但你都唔會有一刻覺得間店舖好大油煙,抵讚!食物方面,本人誠意推介雞翼、咸牛脷、雞軟骨。雞翼燒到塊皮脆扑扑,非常香口!咸牛脷厚度適中,口感相當唔錯!雞軟骨絕對唔似街邊10蚊3串嗰d咁肥膏佔去一大半!我諗呢d都係靠老闆嚴格選材!至於其他食物都值得一試!廚師「燒工」了得非常!!唯美中不足係本人略嫌蠔唔太新鮮..加上當日試唔到泠麵如果你想三五知己飲下啤酒/sake,聚下傾下計;又或者自己一個悶悶地想飲下酒又要有小食過下口癮,叁捌真係唔錯嘅選擇!一串一串咁上的確幾滋味!ps.夜晚特別多一個男人坐吧台飲下悶酒,老闆娘幾忙都好!都同你吹下水搖兩下骰盅,幾過隱,幾warm!

有晚去九龍城搵地方食飯，無意中發現此店，單看外表有點簡陋無乜裝修，再看看放在門口的餐牌發覺價錢相當抵食，很多串燒由$6 起，二話不說就入內試試。除了餐牌上的食物外亦有些海鮮推介，如蟹、蜆、青口、八爪魚….這晚點了多款食物如下:雞中翼、牛利、雞軟骨、、雞腎、羊架、牛肉粒、多春魚、白鱔、秋刀魚、牛仔骨、魷魚、鴨舌、粟米、什菜…..款式很多。上檯速度相當之快，味道整體來說亦不錯，值得推介。