摩豆 (已結業)

之前老婆去kiehl's買護膚品，送左一張雞蛋仔贈卷。今日路過旺角，咪換黎食下囉。結果一個字可以形容：甜！！！贈送口味係特別版金盞花雞蛋仔，單買要$28都幾貴。等左15分鐘至有得食，金盞花份量唔多，咁都好啲，因為啲花瓣苦苦地。雞蛋仔頭幾啖都算脆，不過好快就淋左。但最大敗筆係佢實在太甜了，蛋味又唔夠，店家調較蛋漿方面真係要再花點功夫，因為即使佢有好多種口味，如果基本功嘅雞蛋仔做得唔好，又唔夠脆的話，好難吸引食客回頭呢！

 作為雞蛋仔控的我，見到Kiehl’s 與  Modos 攜手推出期間限定的別注版金盞花雞蛋仔，當然第一時間去試！金盞花護膚品就用得多，金盞花雞蛋仔就真係未食過 花味相當清淡，食落比較似原味，口感上多了一絲絲的金盞花花瓣。其實以前都有食過modos 雞蛋仔，但果次就未夠脆，今次呢間分店終於有改善，有足夠時間將雞蛋仔吹乾，趁熱即食口感外脆內軟，外面脆卜卜，食到底依然可以保持脆身質地，裡面軟綿帶韌度，蛋漿亦足~

7月1日嘅下午，喺旺角想食少少野飲杯野，想去嘅cafe冇開門，行過見到Modos，之前喺葵芳食過覺得幾好味，又好耐冇食過雞蛋仔，再試多次先班蘭雞蛋仔 ($19)等咗一陣就有得食了，不過唔係好脹卜卜，又落雨又揸住杯飲品，冇手搣了，所以好似其他客人咁咬嚟食啦。外層好脆，脆到差啲刮損咀角，入面青BB軟綿綿半實心，唔係得個殼，但可惜冇班蘭味，只係食到蛋味班蘭伯爵茶 ($14)仲有班蘭烏龍茶、班蘭綠茶，但好似夾伯爵茶嘅味道會平均啲咁。喺食完冇班蘭味嘅班蘭雞蛋仔後，終於喺呢杯飲品度一嚐班蘭味喇！兩者味道非常平均，飲一啖再食雞蛋仔，終於有班蘭味喇！俾OK係因為杯飲品不錯，雞蛋仔口感幾好，但如果齋講班蘭雞蛋仔嘅味道，就只係值負評了

雖然晏晝食得好飽，但小食「小」食故名思義就小，可以食多幾樣🤣🤣～街知巷聞左好耐，今日搵食兵團終於「old news is so exciting 」地黎到呢度買雞蛋仔～其實有8個口味，但隊長B好爽快地就揀左羅宋湯味😋～全部即叫即整，新鮮出爐好辣手～雖然唔係流心，但就好有金寶羅宋湯🥕嘅味道～整體好夠味，而且仲有啲菜粒添，係好好食添～一定會再試其他味架😚😚！ ----------------------------好味指數😋：8/10翻啅指數🙆🏻：8/10人均消費💰：10-99服務態度👨🏼‍🍳：7/10乾淨指數🌝：7/10------------------------------

行完街，經過人氣店雞蛋仔店摩豆，呀仔話好想食雞旦仔，好啦，有排未夠鐘dinner，就買一底黎試一試。 店外擺放一大塊menu, 仲有一個大轉輪，岩哂我個百厭星仔仔邊轉邊等。問准小老闆，小人立馬買返個老闆最愛原味古古力雞旦仔。不虧為人氣小店，下雨天，買飛後都仲有10張飛要等。等等下，有啲口渴，立刻追加一杯少糖班籣烏龍。10分鐘後，終於有得食，同menu 有少許唔同，睇相以為是每粒雞旦仔內有古古力醬，實物原來係雞旦仔漿加左古古力粒。雞旦仔本身味道偏甜，甜得小老闆都有點受不了。21蚊買一底只是約略加左古古力粒的雞蛋仔，好似有啲貴。不久我的斑蘭烏龍也到手, 小許清香斑蘭味，烏龍味淡淡。有時間的話，我還是想去對面街買。

流心蜂蜜雞蛋仔 Lava Honey Eggettes $23旺角隱藏既雞蛋仔 因為平時行過都無留意 係係朋友收風返黎得知 (慢就慢左d 遲食好過無食過😆).下午黎到 前面有兩三個人排隊等緊 個menu實在太新穎 好多款式都未食過 諗都無諗過佢會咁整 最後揀左個"本店No.1 - 蜂蜜味" 佢都係即叫即整 裡面好似有三四部整餅機整緊 好啦 等左四至五分鐘有得食啦.熱辣辣 好似好正 口水都流埋啦 即刻試一舊先 「嗯~」左聲 原來佢d蜜糖係個口度爆出黎 係QQ爆珠收埋左每粒雞蛋仔度 可以整到個皮脆 內面粒珠唔爆👍🏻 每粒都啖啖好香既蜂蜜味 食左幾粒開始覺得飽同甜左少少 食雞蛋仔都可以當一餐😂 整體味道同感覺唔差 (不過都取締唔到我心目中個間 有機會再講).後記：有款羅宋湯味 個樣橙橙地色 好似幾特別 留待下次先

前後試過3隻味....1st，土鳳雞蛋仔﹕雞蛋仔內有果粒，酸酸甜甜口感唔錯!!2nd，流心蜂蜜雞蛋仔﹕雞蛋仔內似放左粒水珠，較甜，咬時似爆蒼咁....3rd，肉鬆蝦乾雞蛋仔﹕辣味肉鬆鹹，好好味，不過食唔到蝦!!總括而言，Modos既雞蛋仔俾到新鮮感我，而我會較鐘意肉鬆口味多D

每次行花園街都被呢個雞蛋仔輪盤吸引住，對於有選擇困難嘅我，真係非常好，轉一轉就可以幫我揀買咩味流心蜂蜜雞蛋仔$23初頭以為個雞蛋仔入邊，只係加上峰蜜味，點知一咬嘅時候，好似粒彈珠咁樣爆開，感覺真係好得意，個人覺得好新奇，而且個蜂蜜味好清香，並唔係好假嘅甜味。希望下次可以食到其他味喇溫馨提示大家:雞蛋仔表面上好似「唔油膩」，但係實際上高脂肪，真係唔好睇小佢。一底雞蛋仔已經有超過500大卡路里熱量，多過兩碗白飯。雖然雞蛋仔並唔係油炸，原來致肥嘅元兇係蛋漿入邊（雞蛋和麵粉），仲有大量全脂煉奶／淡奶和砂糖，小吃好滋味，多吃壞肚皮

繼上次係呢間試左個流心蜂蜜雞蛋仔之後..今日又黎食..今次4個人..叫左兩底..一個係宇治金時雞蛋仔..一個係班蘭雞蛋仔..綠色..全部都係綠色😂😂😂張Order單寫住落單職員叫呆呆獸..so cute..幾想大叫呆呆獸..可惜我無甘做🙈🙈🙈等左一陣..班蘭雞蛋仔較脆..但班蘭味唔重..宇治金時可能因為有紅豆係入面..所以整出黎比較淋..味道一般..兩隻味差唔多..感覺可以溝埋一齊食😂😂但無上次甘有驚喜..兩款都係一般...

今日放工後，約咗女朋友去旺角金魚街睇金魚。行到花園街就比一間鋪頭傳出黎嘅香味刺激到我嘅嗅覺，搵咗一陣就比我搵到間鋪頭，原來間鋪頭係賣雞蛋仔同格仔餅嘅。我見現場有好多人都買左喺度等開飯，我就二話不説即刻發揮大胃王嘅本色，走去買返個食下先，見到個餐牌都有好多不同味道嘅雞蛋仔同格仔餅，真係花多眼亂。所以最後我就決定叫左一個芝士味雞蛋仔，見到職員整果時落配料，佢好似唔洗錢咁落勁多比我，估唔到呢家重有呢 D 鋪頭存在，咁有良心咁足料，因為外間有啲店舖只會落少少配料俾你。呢間雞蛋仔，我下次一定會返食，試埋其他味道。

今日去左花園街行下經過間鋪頭仔見好多人排隊就去睇下見到尼間店有好多款新奇雞蛋仔我就決定買個芝士味試下味道系唔錯 鍾意食芝士既朋友都會鍾意芝士味好濃郁都唔會林身 即叫即整既但可能真系好多人都算左等幾耐下 大約等左20個先到我所以經開又唔趕時間既朋友可以試下

去開旺角，點可以唔滿足下自己個胃。咁多種味問你點揀，不過唔駛驚，摩豆好貼心準備埋個轉盤俾有選擇困難症嘅你。雖然真係好難選擇，不過唯獨斑蘭味嘅雞蛋仔最吸引到我，跟住貪心啲再要多個原味格仔餅。- 斑蘭雞蛋仔（$19）新鮮熱辣嘅雞蛋仔外脆內軟，脆過之前試過嘅嗰啲，可能蛋漿比較多啲，所以食落好實在，就係無乜斑蘭味扣分。- 原味格仔餅（$19）話就話係原味，其實係有牛油、花生醬、煉奶嘅餡黎㗎。唔鍾意花生醬嘅話可以哎少花生醬。格仔餅同雞蛋仔一樣都係外脆內軟，挺唔到口，雖然哎咗少醬，估唔到都仲係咁甜，食食下覺得好漏，不過仲會有下次 😂😂

本身好喜歡吃雞蛋仔，第一次妹妹買給我吃的是芝士味和班蘭味，兩款都沒有留給我好印象。除了芝士味和班蘭味都不突出外，加上它的質感偏軟，外圍不夠脆。第二次，朋友給我買了伯爵茶味和流心蜂蜜，我終於找到喜愛的味道，伯爵茶味突出，做成雞蛋仔味道很自然很夾，今次也沒有太林流心蜂蜜則👌🏻，雞蛋仔味道本身易接受，但對粒粒爆漿的蜂蜜珠珠不太欣賞，味道太孩子氣。第三次，自己買了喜歡的伯爵茶和宇治金時雞蛋仔，這次完全選對味，加上我發現，好不好吃跟店員讓它吹風的時間夠不夠也很有關係。這次的外圍邊邊很夠脆👍🏻還有記得買後如不是即食，拿的時候要注意打開袋口才不會變林。第四次再買了宇治金時好吃第五次想要不要試試新口味便中招：積及橙朱古力好人造的橙味，其實它在焗時飄來的香味我已心知不妙個陣橙味同雞蛋仔好唔夾，加上朱古力粒，呢個漿再加粒粒，成個涵都幾糊，做唔出雞蛋仔的質感，是暫時吃過最不好吃的，吃完個口都好有假假的橙味。總結而言，無涵好味過有涵，今後應該只會再幫襯no.1伯爵茶No.2宇治金時

今日經過花園街見到呢間雞多仔店👀..門口都幾多人排隊..味道都好多選擇..見到有個小朋友拎住個好橙色既羅宋湯味..好特別😱😱但我都係買左一個流心蜂蜜味..雞蛋仔唔算太脆..但咬落入面有蜂蜜爆珠..有驚喜🙈👍..味道本人覺得有點甜..岩鐘意食甜既朋友..下次會試下宇治金時味🙆🏽🙆🏽🙆🏽

當天吃罷垃圾薯後心感不忿，要吃點甜的來平衡一下經過《摩豆》，好！便來一底特色雞蛋仔吧-左看看，右選選三心兩意的小妹最終選擇了：伯爵茶雞蛋仔 HKd$23人流不少，等待約10分鐘後新鮮熱烘的雞蛋仔便到手了雞蛋仔外脆內軟，伯爵茶的味道突出但不會太濃（小妹受不了太濃的伯爵茶），適中的茶味令人吃得舒適，一口接一口，一粒接一粒。快快手，密密吃，瞬間便吃光光了雖說雞蛋仔外脆內軟，但蛋香略厭不足，若再加強多點蛋味，則會更美好吧