摩豆

营业中

休息中

今日黎到1點左右，仲未開門，見到D店員係入面整緊D雞蛋仔機，所以就係出面徘徊左一陣等佢開舖。味道選擇多，有芝士、班蘭、蜂蜜流心等，而我就揀左鳳梨酥雞蛋仔。店員姐姐好有禮貌，不斷道歉唔好意思我等開舖等左咁耐，其實我無咩所謂嘅，最緊要有得食～（鳳梨酥雞蛋仔 $28）味道 4/5賣相 4/5返食指數 5/5雞蛋仔係即叫即整嘅，等左5分鐘左右。拎上手熱熱地，好香雞蛋仔味！鬆軟嘅雞蛋仔包裹住鳳梨酥餡，鳳梨嘅酸甜中和左雞蛋仔嘅牛油味，令到成件事變得好清新，唔會覺得油膩。每一粒雞蛋仔入面都食到絲絲嘅鳳梨蓉，好足料，非常好味！下次有機會一定會帶親戚朋友黎食下！

一直都想試下報導介紹新出既格仔餅，今日終於有時間同frd去旺中覓食。於是一連買左兩隻味，宇治金時（$25）同金沙朱古力（$28）因為去買既時候無乜人等緊，等左大概7-8分鐘就食得喇朋友叫左宇治金時，一攞上手就覺得有份量，爆多紅豆餡料，加上格仔餅皮同平時食既唔一樣，比較厚身既。一啖咬落去，omg！原來熱既餅皮同凍既紅豆餡，可以好夾。而且格仔餅外脆內軟，一啖食完，可能始終要做到爆餡效果，所以綠茶味並唔係好勁，但食到最後都仲有一絲絲抹茶的淡淡香味，都幾滋味。我就叫左一個金沙朱古力味，賣相真係好相機食先，爆曬醬。食落9成9似食緊金沙！混合左脆脆既榛子醬，加上厚厚既格仔餅，食完我地兩個都勁飽啦。由於個人口味偏甜，所以我好鍾意食金沙口味，甜而不膩，欲罷不能。但如果口味偏淡既朋友應該可以落單既時候提出唔食太甜，叫佢地調較落料份量既。我地兩個食完都真，係，好，飽，肚！好滿足！ps：因為新鮮出爐既格仔餅好熱，所以店員好細心咁提醒我小心熱手❤❤而且笑容好甜，感覺被治癒呢！但我地食完已經飽到上心口，勁足料，所以都係留番下次再試埋玉桂蘋果夾餅🤗🤗

難得地早放工，俾女朋友大人抆左去行旺角中心，一經過間雞蛋仔舖，見到人地整緊芝士雞蛋仔佢雙眼發光，我梗係醒目買俾佢啦！佢地真係落幾多芝士嘅，成杯咁倒落去，好濃芝士味不過有油，加埋杯西柚綠茶，見佢食得津津有味，一人一啖一陣就食哂。芝士雞蛋仔

本滿着期待的心情去試下少有的宇治金時格仔餅，熱辣辣，香脆的餅配上甜蜜起沙的紅豆蓉。價錢比一般格仔餅貴，但要考慮到獨特口味。出品等了8分鐘左右，拎上手不熱，觸感不硬，己經扣分。咬了一口，紅豆凍冰冰，餅又濕淋，口感味道比未試之前想像差。粉漿開得不好，有部分餅未熟透。食了半個就掉了。總括而言，中伏味濃，大可不試

早陣子行過旺角中心，經過二樓見到人群湧湧，就去探索一下原來這裡成了第二個「葵廣」美食一蘿蘿先試這間 抬頭一看 雞蛋仔款式花多眼亂走到收銀處，是一位戴著口罩的服務生我問她有什麼好推介，她脫下口罩用沙啞的聲音仍耐心地分析每款口味的不同，讚之後我選了「流心蜂蜜味」，個人偏愛甜服務生說加購飲品可以有優惠，但我已有飲料就拒絕了。大約等了10分鐘左右？我都不記得了只見入面負責整雞蛋仔的服務生一裝好袋就把雞蛋仔放在枱面，然後就不理了我都是要等收銀的服務生忙完才能問她我的號碼是否有得拿了？因為我是一直站著沒有走開所以她從枱面找到我的雞蛋仔看似是放了一會兒，然後不斷跟我道歉其實我沒有問題的這年代每一個服務行業都繁忙，但我覺得只要服務態度做得好，是絕對沒有問題的其實我還被那個口罩妹妹的小紋身吸引，挺可愛的

睇報道介紹而來，試試綠茶紅豆夾餅 平日中午12點零，沒太多人，直接order綠茶紅豆口味，製造需時約10多分鐘！熱辣辣地，如圖所見，料不足！綠茶口味夾餅，外脆內軟，好香綠茶味，夾左紅豆料，口感不錯。紅豆夠軟，但太甜

現在標榜口味創新的雞蛋仔已不再是巧克力、抹茶這麼簡單，更演變出巧克力橙餅、抹茶紅豆、甚至鳳梨酥口味，對追求新鮮感的香港人而言，真是百吃不厭Modos的雞蛋仔口味多達十多款，筆者這次品嚐了積及橙雞蛋仔，創作靈感源自零食巧克力橙餅，充滿童年回憶$23 積及橙雞蛋仔傍晚時分6pm左右，輪候了約10分鐘便有即製的雞蛋仔。雞蛋仔的口感不算軟稔，反而是帶點煙韌的鬆軟，雖然每粒雞蛋仔不算是外脆內軟，但雞蛋仔之間的薄脆部分也尚算香脆，所以整體口感不俗至於味道，溶化了的巧克力不會很甜膩，加上橙味的清香，整體不會令人感到飽滯$23一底雞蛋仔，而且份量比一般的少，所以定價有點貴，但口味創新、味道有驚喜，有興趣的也可以一試，大家不妨帶外國朋友來品嚐，讓他們體驗香港人在傳統小食上展現的創意

之前睇報道介紹, 摩豆除咗雞蛋仔, 新出爆餡夾餅, 睇相超吸引, 於是揾日特登去試.平日2點到, 唔多人排隊, menu有3項: 雞蛋仔, 夾餅, 飲品.慕名而來, 叫咗一拎上手, "吓"咗一聲, 爆餡唔係佢的賣點咩?真相, 只有薄薄一層朱古力醬, 完全失望.試食: 夾餅勉強都算外脆內軟, 但一d蛋香都冇.金莎朱古力醬正常, 有少少榛子粒.由於醬的份量太少, 唔會膩, 但到喉唔到肺囉!

好鐘意芝士既我當然唔可以唔試呢個芝士雞蛋仔啦不過店前既位置比較窄，人流多會有點不耐煩等左十分鐘左右啦，芝士都幾足料，都幾多不過可能芝士多既關係，每粒雞蛋仔都好多芝士，好難一粒粒甘搣出黎續粒食，所以我係用咬既總結黎講都可以再光顧

味道選擇好多，聽過唔少中伏例子。所以揀左兩款叫比較冇咁騎妮（？）積及橙朱古力雞蛋仔$23大鄉里我是第一次吃這個味道的朱古力，好好味！熱辣辣雞蛋仔外脆內軟，裡面沒有空氣感積及橙朱古力味好香！幾乎每口都吃到朱古力粒粒。雖然有很多人吃了其他味道聽說有伏，不過我倆都好喜歡這款！蜜瓜摩豆冰$18（原價$22）買飲品的話，雞蛋仔會減$4蜜瓜冰感覺有點小杯，不過味道還好。蜜瓜味重但不至於假，下次會單點雞蛋仔。流心蜂蜜雞蛋仔 $23如果這個味道跟積及橙比較，我會推介積及橙口味。蜂蜜的味道有點太甜，有點像小時候爺爺沖的蜜糖水味。流心效果一直口奇是什麼回事，原本雞蛋仔裡面放了一些爆珠，一咬開就會爆汁那種。對於這個流心效果有點失望，因為其實每粒就是雞蛋仔和爆珠分離的感覺。但我不會說是中伏，因為不難吃，就是沒有很好吃。

好多人都排隊買 modos買雞蛋仔。店員好努力細心咁 整緊 雞蛋仔班蘭雞蛋仔 有陣陣既班蘭味 餡料豐富飽滿 可惜 雞蛋仔好快就淋啦 開始外脆內軟 但係過左無耐就 淋左 但係食落就有另類既感覺 因為似食緊蛋糕仔鳳梨酥既閒聊豐富 每一啖都可以食到香香鳳梨酥 鳳梨酥雞蛋仔就無淋到咁快 食到最後 依然有脆脆地既感覺

旺角中心一向比我感覺就係女裝集散地，所以都好小會突登去。最近先知旺中二樓開左好多間小食店，所以馬上去睇下有咩野岩食！二樓角落都開左成五至六間小食店，令到原先已經唔係好闊既通道迫滿晒人好熱鬧！行左個圈見到有宇治金時雞蛋仔，即刻吸引左我尼個抹茶控店舖所有雞蛋仔都係即叫即做，先比錢落左柯打後就要係旁邊等，欣賞佢地既做法，因為雞蛋仔緊係要熱辣辣新鮮出爐先好食等左5分鐘左右，我既治金時雞蛋仔就出爐啦，就咁拎上手已經聞到雞蛋仔既香味，新鮮出爐果然係唔同D但係一咬落去就極為失望，我係先咬一啖再影相，但係雞蛋仔冇香脆既口感食落係腍既口感並唔係最致命既地方，但嘗一兩口落只係覺得偏甜有小小抹茶味，但係愈食愈甜到最後只剩紅豆既甜味，連雞蛋仔本身既味道都比紅豆蓋過如果合埋眼食我會認為自己係食緊紅豆味既蛋糕！雖然宇治金時雞蛋仔賣相真係幾好，係尼個流行「相機食先」既年代點都會有受眾，但係一到口邊就知道鋪頭都係賣噱頭，咁既質素索價25蚊係同區食小食都有好多選擇。就算見佢有好多其他口味既雞蛋仔，食過一次覺得佢係華而不實，噱頭依家野試一次就夠了。

之前聽朋友講話呢間雞蛋仔朱古力同埋羅宋湯味好食!不過今次呢到就挑機咗肉鬆蝦乾味 😂😂😂 結果係有少少中伏！唔算係難食！其實都幾特別😂 不過就略嫌佢油膩咗少少，都幾漏！ 裏面嘅肉鬆份量都好多，d蝦乾有辣味都幾得意！個蛋漿嘅味就同傳統雞蛋仔好唔同😎比較硬身 同埋基本上已經畀嗰啲鹹味同辣味蓋過咗😂😂 下次都係唔好亂咁試新嘢 應該要等人試咗先 hahaRating: 5/10叫咗呢個嘢飲同埋肉鬆蝦雞蛋仔所以自動升級大杯呢個嘢飲麻麻哋,啲味道好人工,冇乜西柚味更加冇綠茶味p幾淡下😂😎 Rating: 5/10

排隊唔耐，買完等叫號碼會等好耐，起碼10-15 分鐘。第一次食，斑蘭雞蛋仔$19：外脆內軟，斑蘭味唔會好濃，但係淡淡地一層已經好香，同埋都係會食到斑蘭味。要讚既係呢款雞蛋仔真係做到內軟，內料又亦足，外脆既效果。成底雞蛋仔食晒都唔會覺得好甜第二次食，積及橙朱古力雞蛋仔$23：聽過朋友推介話好食，第一印象又唔差，於是再去食過。都係要等好耐，但呢款口味令我失望。成餅雞蛋仔質感太軟，做唔到外脆！我已經唔鐘意講返味道上，佢橙味係出既，朱古力味就返而差少許，朱古力粒粒可能熱溶左既關係，同埋分散得開，所以橙味整體會較濃。而我個人好鐘意食朱古力，所以更加會覺得呢款口味麻麻第三次食，伯爵茶雞蛋仔$23：愈食愈普通唔知係咪煮個個人唔同既問題，整出黎既雞蛋仔同普通旺角街買個啲差不多，係相對上比較脆身少少。伯爵茶我食唔出伯爵茶味，係脆硬身啲，同可能內裡厚肉少少咁。整體來說，好鐘意食雞蛋仔既人可以一試，但真係唔係隻隻味都可以保持到水準，我暫時最推介係斑蘭味雞蛋仔，但唔知再食個時佢仲會唔會keep 到。不過都應該唔會再重複食。

我很喜歡食雞蛋仔, 知道這間很多口味, 終於上去一試...!! 試左宇治金時雞蛋仔, 等左3~4分鐘就有, 外貌比傳統雞蛋仔細粒, 而且面係令身D, 底就方形...!  口感不是傳統的脆身, 而且不是粒粒雞蛋仔也有紅豆, 食頭幾粒有綠茶味, 之後就只覺得甜..., 感覺似雞蛋糕多過雞蛋仔, 因為底那面似蛋糕, 雖然配搭創新, 但我仍是喜歡傳統脆身的口感