故鄉俱樂部

营业中

休息中

今曰係太平清醮的前幾天,本人因怕人太多所以早Ｄ入長州買些平安包及掃街,(通街吃小食)吃過幾間美味魚旦後,想話試試食評常常贊到上天由曰本人開的壽司紅豆餅店,去到門口只見一至两人在小窗等紅豆鉼,(而小窗賣野的人係2個本地但講野帶內地口音的婦人),我便和老婆去叫4個試下啦,呀姐講話"使(4)個餅共實8ｍan(18蚊)的時候,門特然開左,有對年青男女行出來,跟著有個笑到4萬咁的日本人送客,本來就冇咩特別,不過客人一走,呀日本婆婆就急急收起笑容黑口黑面望著我這個買餅人重用9秒9,之速度走返入屋,係咪我買得少?定無買Ｄ貴野手卷?算啦,冇所謂,一場來到咪食多少少啦,同老婆想話入去食手卷壽司啦,點知門一開..............两位呀姐即馬上話....吳"日"德泥睇架,我便望一望堂食之客人,話我食野架,点知两位呀姐馬上回答:都吳得,因為有最低消費架,我就話冇問題丫,幾多錢最低消費?但两位呀姐又冇講,只係話一定要飲野同食套餐至可入去架!...................大佬.....第1我同老婆吳係衣著差,冇著短褲有著鞋,,第2我有帶夠錢消費架!我正火起的時候一個黑口黑面的日本婆婆特然出來向我伸

問我長洲有哪一家食店推介，我會說非故鄉俱樂部莫屬。故鄉俱樂部的店主是日籍婆婆，還有幾位說廣東話的女店員幫忙。店內出售新鮮即製的紅豆餅和多款口味的手卷，若購買手卷套餐，可以獲一件紅豆餅和一壺花茶，更可進入店內小歇一會。我最喜歡的是蟹柳蟹籽手卷。縱然材料十分普通，只有蟹柳和蟹籽，而且紫菜有點淋軟，但卻十分美味。美味的秘訣在於醬汁，手卷的醬汁除了醬油外，還有沙拉醬，加了它整個手卷變得非常可口。手卷外表雖小，但份量十足，而且蟹柳和蟹籽配上沙拉醬是出奇地好吃，所以每一次我都選這款手卷。有時候我在想，要料理這款手卷十分簡單，但要弄得像故鄉俱樂部般美味卻絕非易事。難道這裡的手卷被施了魔法？

這裏的紅豆餅是吃過最美味的。電視也介紹過，是一位喜歡香港的日本人開的，他的紅豆餅做得很有誠意。但扣分的地方是外層沒有蛋香，其他很滿意，最重要是它不太甜，（遷就香港人的口味，日本食物多是太甜），紅豆饀是最值得讚償的地方，可見少量一粒粒紅豆，食落有咬口，好味!曾試過手卷，就普通了一點。

跟讀書時好友每隔一兩個月便會約會一次，行行街、聊聊天。這天我們plan去中環血拼之前先來長洲一趟，吸下新鮮的空氣，冷靜工作上的沖激。第一站 ---我們先到 ''故鄉俱樂部'' 食手卷+紅豆餅，從碼頭靠右邊的路行上去大概10分鐘就到，途經不少熱門的食店。蟹子沙律蟹柳腸仔手卷($20-)蟹子都幾多下，滿曬....沙律帶少少酸，腸仔是用雞肉腸，飯團雖不是用日本米，但黏度都ok,加醋的份量亦剛剛好。紅豆餅($5-)價錢很相宜，紅豆蓉很多，有些沒有爛透,帶有口感，味道不太甜。但不太喜歡外皮帶有少少咸。從店子的收銀處望入去可以看到製造過程，環境好衛生，兩個店員都好nice^^

阿婆手卷, 真係無野好講, 好正, 飯又正, 料唔係貴價料, 普通不過的料, 但食得出用心和人情味! 真係好正好正~~食食下, 日本老板娘出來同我地傾計, 我用我有限的日文加英文中加廣東話同佢溝通, 哈哈~~好好食呀~~XD個人建議食雙併, 因為唔太鐘意食腸仔~~~雖然三併貴一蚊呀~~~我今個行程, 食咗兩次, 一個三併, 一個雙併。

勁多人排隊的手卷跟紅豆餅！本來都想試試手卷，但看人家的蟹子顏色鮮艷得有點嚇人，於是打消了念頭，決定只光顧紅豆餅。傻仔的我排左5分鐘有多先知原來我排的是手卷隊，而紅豆餅當時是無人龍的！新鮮出爐熱辣辣的紅豆餅賣相討好，一啖咬下去，紅豆味香濃，甜度適中！但餅皮只屬一般，沒有蛋香，質感跟台灣正宗的煙UN感差得遠。但每個只售$5，還是值得一試的！

其實一開始已經諗住去呢間，行行下見到，咁就買黎食咗先本人對紅豆餅冇乜興趣，所以試佢既手卷，我揀咗蟹柳蟹子腸仔手卷＄２０當時冇人排隊，我見個女人即刻整比我，整既地方好似就係收銀既隔離見到佢唔知有冇洗咗手先啦，冇戴手套整比我唉算啦，當佢對手乾淨啦唯有等咗幾分鐘，有ｄ慢．．拎上手，發覺好似有ｄ熱，但摸下又唔係丫，係凍架喎之後發現原來條腸仔係熱既，其他都係凍既，好奇怪佢比我之後淋咗ｄ豉油係面，面果ｄ食落有ｄ咸，之後ｏｋ腸仔普通，超市果ｄ廚師腸；蟹子好似加咗ｄ醬，咸；蟹柳又係普通．．．．食完真係唔明點解咁出名？其實自己整都整到＄２０黎講貴咗ｄ，呢個價錢係出面可以食到更好的

入到長洲,見到咁多好評就試一試..少少地買咗兩個到手真係熱辣辣,咬落真係一啖啖都係紅豆,鐘意食紅豆唔可以放過啊唯一美中不足係餅皮,蛋味比較淡不過以五蚊個黎講實在超值

係呢度食左兩個紅豆餅! $5/個好好味!餡多皮薄而且好熱! 鍾意食紅豆既一定要黎食! 比起市區入面一個呢d餅起碼10幾蚊, 但餡一定冇咁足!長洲入面我最鍾意就係食呢個!

黎到長洲我必食手卷..我本身麻麻地紅豆餅,而且我覺得冇咩特別。呢間既手卷用料都係好普通,價錢又唔係平,但卻令我再三回味!最鍾意佢d飯夠酸,d 沙律醬同蟹籽真係好夾!!令人好開胃!食完一啖已經想再食!!!!太正喇!

剩係去食左紅豆餅,入面好多紅豆好足料,同埋佢唔係好甜,我覺得都OK個日見都有幾多人買紅豆餅同手卷不過感覺上D手卷無咩特別,所以就無試到啦同埋呢間野無地方比你坐係度食..

睇完龍舟去check-in, 問人點找間店, 去到附近已經見到條人龍!! 果然名不虛傳!!叫了4個紅豆餅, $18, 真材實料一粒粒紅豆, 軟硬適中, 連我個1歲半bb食到唔停!! 食落唔太甜, 証明無勁加糖, 份量又足, 食了2個已有滿滿地既感覺, 很滿足另叫了1個蟹籽壽司, 香腸壽司, 蟹籽就一般水準, 反而係香腸有驚喜 初時以為半條香腸, 點解食到一半仲有既!! 食到尾尖終於見到個腸尾喇(太肚餓唔記得影相添)埋單總共$39, 抵食!!! 下次來長洲再食過!!! 唯一唔好就係太多人排隊, 所以整定同包定4個紅豆餅, 唔係o甘熱~~

八號波之後順利入到長洲點都要玩餐勁既朋友介紹一定要試試手卷同紅豆餅五點後就只有外賣拎走裝修雖然普通不過睇得出放咗心機去到時o岩o岩無人排隊好快就可以order哂手卷同紅豆餅老闆娘仲好好咁話可以食哂手卷先埋去拎餅安排貼心手卷：腸仔、蟹柳、蟹子紫菜脆口最怕食手卷時紫菜唔夠脆食落口痴住哂非常足料就算只係$20都唔會偷工減料仲有張紙包住唔怕整到隻手污糟哂好味！唔會太甜好像浸過糖水咁款淡淡地但又好香紅豆味而且新鮮出爐熱辣辣對於怕甜既朋友非常正！

食完糕點再食紅豆餅竟然無人排隊 次次黎都有10幾個人排梗可能因為無人排,而D紅豆餅又一早做好所以我地買個陣唔熱 >.< 即刻減分不過料依然多~希望下次食到熱GA啦~

来到长洲 不可错过的第二件 就是故乡俱乐部的红豆饼啦 超级爱吃红豆馅、红豆沙、红豆冰沙，只是苦于市面很多红豆馅的饼,都是用红豆蓉来做, 甜腻的口感让本身沙沙而清爽的红豆,也变得不那么有酥软到入口即化的口感,今日好不容易来到红豆饼招牌的故乡俱乐部，也要来回味一下。 红豆饼 热腾腾的上手 红豆大大粒饱满而颗粒分明 甜度刚刚好 让红豆本身的味道发挥的不错 只是饼身似乎略欠火候 不是华夫饼那种香甜的鸡蛋味 也没有酥饼的质感 红豆生南国，春来发几枝？愿君多采撷，此物最相思。 或许真的代表着深深地思念之情 才会在离家的时候 如此钟爱这种思念的味道雨天里 啖一口红豆馅 让自己沦陷在思乡的思绪中 家的味道 也有着这样的温度 暖上心头