敏華冰廳 (已結業)

西環真係唔多呢類型嘅懷舊冰室，今日就特登去到堅離地城食返個有質數嘅茶餐啦。真係又平又抵食菠蘿包 📍$6名不虛傳! 大大個菠蘿包，上枱嘅時候仲有啲微暖架。食落... 😱 個皮真係超脆，個包又鬆軟! 唔怪得之成日賣哂啦煎蛋免治牛肉飯 📍$44煎蛋煎到半熟，一切開，啲蛋黃即刻流哂出黎。撈埋啲免治牛肉飯，正呀～ 份量一啲都唔吝嗇港式奶茶 📍好香好滑，唔會太甜，不過茶味可以再濃少少。大熱天時，最岩飲返杯冰凍奶茶 👍

早上頭昏昏走咗去看醫生, 之後到此店吃午餐, 已光顧此店二三十次, 食物水準時好時差, 上菜等候時間時快時慢, 最快幾分鐘, 最遲超過30分鐘, 今日誤以為侍應落錯單, 便通知他們, 一個約五十歲稍肥短髮女侍應走過來看看單, 她說沒有錯喎, 你要.........,  係喎我搞錯, 單上笫一行是五香肉丁麵, 另一行(改米粉), 我正想說不好意思時, 她大大聲說看清楚才嗌, 又是你我認得你, 上次和老公來吃早餐, 我老公先點餐, 跟住是我, 然後老公想更改飲品, 她竟一句(得)過來, 下次想清楚才嗌, 害我要從新再打過單.  這是什麼的服務態度?點解我來光顧要受氣.

今日下午十二點半嚟食豬扒飯 等25分鐘未有 原來坐喺隔離 張枱食緊嘢就系廚房個位阿姐 原來你地敏華 冇重視客人 仲話 追xx粗口不明白為什麼態度這樣惡劣 以後不會再來光顧你們了

今次係第一次食，見開左好多分店，部分重要經常大排長龍，以為應該會好好食！咁岩今日經過美菲閣呢間唔洗排，就決定試下！價錢以港島黎講算正常，但坐得好逼唔舒服，雖然都預左。常餐$48杯奶茶都算滑，但澀味很重，做唔到香滑效果。塊包就真係唔掂，唔知係咪放耐左定點，唔熱又鞋口，擦脷苔一流。搞到嘥左舊靚牛油。沙茶沙嗲牛肉面味道正常，面質都唔錯，但未至於好有驚喜果隻。朋友叫左什扒飯，塊豬扒幾厚幾爽口夠淋，但豬扒同雞扒都有一陣燒酒味，唔鐘意其實，當佢一間普通茶餐廳係唔會失望，可能係我太高期望。

敏華冰廳，其實係太興集團下既一個冰室，賣新式懷舊，想保留冰室文化同食物，據稱亦係希望繼續舊文華冰室而命名文華以前既裝潢、麵包、甜沙牛麵等等都出名，依家新既敏華都係以茶餐同茶記飯為主，重新包裝設計，都幾吸引既店內真係有昔日文華冰室既相，門口亦有自己製既包賣，出爐時都吸引好多人買，尤其是菠蘿包估唔到粉麵會黎先，沙茶牛肉麵，賣相唔錯，麵質較腍但我鍾意一食，哇，大家記住要撈匀埋啲湯先好食，唔係既話真係好咸，撈完都ok既，濃味忌廉雞湯火腿通粉呢，湯底幾正下，濃而不咸，幾好味加埋通粉幾夾，配埋熱奶茶，比預期好飲，雖然茶味唔係好夠，但都算滑同blend得埋跟住就係最出名既炒滑蛋，賣相都係無得輸，入口好滑而好濃蛋味，我懷疑蛋黃數量多過蛋白配埋牛油厚多士，極度正完全難以忘懷，一定要食下超大雞扒飯就真係超大雞扒，望落大過舊飯，皮脆，雞肉還算滑，配左葱油係一大亮點算係性價比好高下總括黎講，其實就真係完全無舊文華或者舊冰室既感覺架喇，不過野食都算幾好而有特色唔怪得之咁多人排隊#另外推介葱油豬扒蛋飯轉炒蛋#原來間味道都唔同有啲分店味精超濃

為食既我今次黎到西環敏華冰廳，黎到已經好多人排隊，好彩我一個人，搭枱好快就入得，今次叫左個超大雞扒飯，凍奶茶。個飯黎到我真係唔小心笑左出黎，真係好大塊，足足有手掌咁大塊，另外飯側邊有D蔥油比你拌飯食，真係好正，雞扒好嫩滑，但咸左少少，如果配白飯（唔拌蔥油）就剛剛好，個飯一定食得飽。另外奶茶，係雪櫃雪出黎，唔加冰都夠凍，唔會比冰溝淡，成日餐我覺得非常滿足。另外，下午茶時段都非常多人，佢既豬潤米粉係我最鍾意食，米粉質地同豬潤個湯非常之夾。行開西環真係要黎試試👍🏻

好幸福喔😍呢間餐廳的早餐時間是去到中午十二時的，附近一帶都好像沒有一間餐廳早餐時間係咁長的。開心😃黎到門口時，門口已經有長長的人龍，抱住一顆一定要食到早餐的心，就堅持要排隊果然沒有令小編失望五香肉丁公仔麵併炒蛋牛油厚多士 $34雖然餐牌上只寫了公仔麵，但口感似食緊出前一丁的麵底，有驚喜再配上厚切的肉丁，份量都是令人滿意的另外，牛油厚多士 - 上面的牛油係自行塗上的，份量可以自我控制，多好呢想食幾多就塗幾多黎緊在附近上班，想食高質素的早餐選擇又多了一間

保證以後唔再嚟! 食物質素普通，選擇少， 仲要食得好有壓力， 仲衰過澳牛， 澳牛起碼我離開先叫人入座， 我未離開， 巳叫人入座站在我旁! 仲要等位， 真係食完都消化不良!強烈建議大家唔好嚟!

經過呢間鋪見咁多人排緊隊，個肚又餓餓地諗住試下啦，未入到去排緊已經見地d炒蛋新鮮整出黎好正，比起其他茶記水平都要高，坐底左就咁叫左個b2餐，冇粉食，唔太飽，個多士都幾正，不錯

真心唔知d中年呀姐做咩事， 我叫左個扒飯，女朋友叫左五香肉丁餐我女朋友食完我個飯都未到，我都已經好聲好氣問，可唔可以幫我跟一跟個呀姐係bar位大叫入廚房，話我好係度催跟手出返黎同我講又話即叫即整，又話落單到依先15分鐘又剩，廢話連篇其實你講咁多廢話，不如幫我睇下張單有冇落到，跟手同我講整緊，大家好得個知字咪算硬係要係度單單打打真係唔敢相信做飲食業一個經理，一個主任，態度可以差到咁老真講食物質素算正常，但冇理由要咁樣受氣

甚少來堅尼地城呢邊 唔熟路誤打誤撞來到體育館附近 見到文華冰廳個招牌 懶得再去搵其他 唯有選擇呢間呢間餐廳比想像中細 因為係中午至下午茶時段 所以差唔多坐滿職員叫我地去一張5-6 人枱搭枱 坐底發現枱面沒抹乾 職員都自動搵布抹 可惜塊布唔乾淨 留低抹布果陣除 🤭我地叫左一個雜扒飯 同一個常餐 跟一杯熱奶茶同一杯凍奶茶除左兩杯野飲 最先來係我個叉燒意粉 味道中規中矩 略嫌叉燒分量少 意粉偏硬 之後來左個雜扒飯 味道唔錯 有豬扒雞扒腸仔同厚餐肉 剛剛煎出來 夠惹味 但碟邊有水/水漬 加上職員拎住碟飯同其他人講野時冇迴避 影響食慾🤢差唔多食完呢兩碟 個炒蛋牛油多先來 一度以為漏單因為我個位置睇到吧枱/出菜位 我望到有一個樓面職員徒手攞起塊多士！ 我冇睇到佢由邊到攞過來 只係見到佢攞住塊多士放落隻已有炒蛋嘅碟上面 然後等埋另一碟ok 就出菜 佢拎住來我個位時 我已心感不妙 果然係屬於我我食時要摵走塊多士邊 感覺安心啲😞 希望員工能夠更注重衛生啦 雖然眼不見為淨 但眼見到真係會介意🙏🏼 不過值得一讚係果杯冇冰凍奶茶 原汁原味

懷舊的港式茶餐廳現在已經買少見少了，今天和朋友一起來到堅尼地城的文華冰廳，體驗一下老香港的味道。餐廳的裝潢很復古，天花板上掛了幾個墨綠色的吊扇，蠻有老式茶餐廳的味道。豬排雙蛋飯，豬排份量很足，可是過於鬆軟，以致缺乏口感，而且豬排的外皮不夠脆，但調味方面相當不錯。煎蛋也是一種學問，這個煎雙蛋火候控制得剛好，豉油的調味的恰到好處，可惜油的份量未能掌握，有點油膩。芙蓉蛋飯是我從小就很喜歡的菜式，這個芙蓉蛋飯可以說是很不錯了，雞蛋很滑，完整地覆蓋著白飯，包裹著火腿和洋蔥，上面澆上醬油，味道不會過鹹，熱騰騰的蒸汽為它生色不少，是填飽肚子的最佳選擇。簡言之，餐廳的裝潢和食物都很不錯，雖然不是特別驚豔，但如果想品嚐以前冰室的味道，是個值得推薦的好去處。

星期五下晝去堅尼地城探朋友後，大家一齊出去食晏，朋友帶我哋去文華冰廳，去到無人排隊，咁啱有張四人枱，坐低無幾耐，兩分鐘都唔夠，餐牌都未睇哂，個女服務員就已經企係我哋張枱問我哋食咩，感覺好急好趕，而我哋都好快地叫咗兩個常餐，叉燒湯意拼雙腸炒蛋，我哋都唔要多士(要方包)，點知個女服務員超快地回答，無包只有多士，然後我再講明，多士唔要烘就可以啦，佢才明白，而餐飲叫咗熱檸水，朋友就叫個豬扒蛋飯及凍檸茶。估計到，豬扒蛋飯竟然快過常餐嘅雙腸炒蛋，後來有男職員攞咗個叉燒湯意過嚟時候，倒捨了少少湯落枱，亦沒有道歉及清潔張枱，我哋亦無出聲，一路食就一路望啲職員嘅態度，發覺年紀較大嘅反而態度較差，其中一個後生嘅男仔都仲好啲。總括：食物質素可以，但服務態度就真係要改改啦，否則客人只會越來越少。

文華開始營業以來，如果當日早出門口，我都會先去文華食早餐，但呢度既服務真係一次比一次差(尤其是請左一班中年阿姐之後)！由於佢地出餐好慢(例如8:30坐低，8:50仲要追餐)，一向我都會同朋友一齊去食早餐，先到先拎位同叫野食，今日我去到文華，當時得我一個係門口，無人排隊，有個普通制服既阿姐問我幾位，我答佢兩位，佢望左陣又問我到齊未，我答佢未，呢個時候我後面有一男一女話兩位，個阿姐一句說話都無同我講，就示意我後面一男一女入去坐，然後繼續招呼新排隊既人，好，反正我朋友未到，我就等我朋友兩分鐘之後到，跟住另一個阿姐話未有位，坐門口個哥哥仔(即是前面提到新排隊既其中一個人)就話不如你坐我個位啦(我諗人地都覺得佢好過份)，我地婉拒左佢，等到有兩個位就入左去坐。落單既時候我朋友問個阿姐︰「而家係味要齊人先入得啊﹖」，我地其實係想知啫，個阿姐勁寸嘴、無禮貌咁話︰「不嬲都係咁個喎！」其實有新規矩既話我地唔介意去遵守，但至少啲員工應該話比人知而唔係無視人，人地問到既時候亦唔係咁晦氣！

經常經過“文華”但因為餐廳太細啦，成日要排隊所以呢就唔想排咯！今日竟然好時辰，無人排仲有位添，當然要try下啦！經典“沙爹牛肉麵”麵條煮得剛剛好，有口感，沙爹好入味又唔鹹，牛肉都幾大塊完整。個餐仲有炒蛋、雙腸同牛油方包。隻蛋炒得好滑，腸仔唔鹹，好好食。菠蘿油吖媽叫咗個菠蘿油拼炒蛋，哇！哩個菠蘿包就勁啦！新鮮出爐，皮脆香口，再加上薄薄的牛油，入口即溶，正！雖然嘢好食，但服務態度真係超差，d吖姐真係唔憂做，十問九唔應你，仲有瞄你。其實在好食但態度差，都會影響生意架，希望你地能改善下啦！