敏華冰廳 (MOSTown新港城中心(4期))

营业中

休息中

今日同小朋友去學暑期班，經過商場見到這間排晒長龍好誇張，門口放著新鮮出爐蛋撻同波羅包好想食呀！今次試下佢哋午餐先，下次先吃小食。沙茶牛肉公仔麵拼炒滑蛋雙腸牛油厚多士 $52沙爹牛肉公仔麵食得多，沙茶就未試過，食落甜甜的，花生味香濃牛肉鮮嫰。夠薑豬潤牛肉湯公仔麵 拼炒滑蛋牛油厚多士 $60豬潤麵是我至愛，所以係餐牌見到即刻點啦！豬潤新鮮湯底濃郁有很多薑粒，吃落啖啖薑湯味好醒胃。凍奶茶，茶底濃厚幼滑。黯然銷魂飯 $65這個不得了。暗然銷魂飯即係有厚厚叉燒配流心蛋，加埋醬汁簡直是絕配啊！

疍牛治三文治烘底，仲以為我漏題烘底，完全正常方包上話已烘，可能似牛扒咁raw done🤔另外員工服務態度呢~冷漠敷衍正所謂味道吹到點好，服務不夠專業，累死食肆👿

係馬鞍山要搵一個菠蘿油唔係咁易呀！呢度雖然係連鎖經營但個包都仲係好好味！菠蘿油夠熱，個牛油唔會已經溶左先比你，新鮮出爐！敏華由開張都宜家都一定要排隊先食到另一樣好鐘意食就係叉燒意常餐，雖然佢比茶餐廳貴一點，差唔多$60，但入面的叉燒就係有燒過的感覺，同唔會太乾，半肥瘦的，好欣賞！配埋的炒蛋多士和2條腸份量好大，其實女孩子未必食得曬。至於熱奶茶，做足了茶餐廳應有的水平，正宗的港式奶茶！呢間係會不斷再來的地方！

其實之前經過幾次都食飽所以冇試，今日朝早經過見到咁長龍，就一於試下吸引之處平日09:30，我前面有好幾張一位客人，排咗15分鐘就有位，都唔算太耐！早餐叫咗忌廉雞湯火腿通粉，配煎蛋牛油厚多士...5分鐘後首先上咗通粉，雞湯味OK嘅，然後上蛋同厚多士，即刻搽牛油試吓啦⋯⋯點知係凍嘅，好失望煎蛋外表唔錯，唔係薄切切，但都係唔熱嘅差不多食完，杯餐茶都未到，要追先有，叫咗熱齋啡，竟然都唔熱唔凍，可以即刻飲得落口同佐敦澳洲牛奶公司相比的話，好處就係唔洗坐得咁迫，唔會咁多強國人，亦唔會急趕催你走。但係食物質素同控制就唔多掂嘞值得一提嘅係餐廳有出爐蛋撻同菠蘿包，有個電視顯示出爐時間，仲間中有廣播話你知有咩出爐！等啲食客用餐時都可以叫多個食，唔錯

夜晚六點到，都滿座，不過好快有得入座。第一次食就當然叫黯然銷魂飯，其實係叉燒雙蛋飯。叉燒係大舊，但偏咸偏黑。荷包蛋就ookk 食過一次就夠喇。我朋友叫左個雜扒飯，$50，反而有驚喜。豬扒好大件，又有薑蓉送飯，好食

菠蘿包係平凡既我地好喜歡既港式包😬最喜歡新鮮出爐熱辣辣😍。今次一拎個包上手，戰然佢唔係新鮮出爐唔夠熱辣辣，但仲係暖既👌🏻個酥皮金金黃黃，好吸引😝！入口鬆脆酥化，但又唔會甩皮甩骨，跌到成身都係😅。另外值得一讚既就係個包好實在，唔係宜家啲空氣包，食完真係會有飽感👍🏻

放假訓到勁晏起身，hea下hea下已經夠鐘食tea，去到敏華門口例牌要排隊，同阿妹兩個人一路排一路吹水，時間過得特別快，10分鐘左右就入得，根據我經驗，一至兩位較快有位，所以唔好見條龍咁長就放棄，人少其實唔洗等好耐。我地叫左三樣野share，榨米勁大碗，雞湯底加上香而不太辣ge辣椒油，好食，雞翼雖然浸淋左，但都算香，只係唔夠脆，下次叫佢分上。馬來三叔公咖吔多士聽落好似有d料到，雖然唔知三叔公乜水，但咖吔醬同埋牛油好足料，多士又烘得夠火喉，每一啖都好滿足。菠蘿油都幾大個，上檯時仲有微溫，個皮夠脆，如果再熱d就更好，炒蛋又滑又有蛋香，夾埋個包一齊食都幾過癮！凍奶茶係預製，上檯時無冰，唔驚冰融溝淡晒，茶濃兼奶滑，每次飲水準都一致，絕對唔係某d餐廳流流地ge「奶水」。

行開新港城經過餐室門口見到成日大排長龍，今日下午見到無人排隊所以立即去試，滿心期待的我叫了常餐，點知質素非常一般，水準在一般茶餐廳之下，個五香肉丁公仔麵d肉非常鹹，煎雙腸炒蛋普通，但價錢比一般茶餐廳貴。員工服務算有禮貌，不過員工不足影響了服務質素。我唔明間野點解成日咁多人排隊，是馬鞍山美食沙漠冇得揀？或是佢可能其他嘢好好食？又或者是我們欠運佢咁啱煮得難食？這個謎要交比大家幫手解開了，因為我地唔會有下次了😓

每次行過敏華冰室都見到好多人排長龍，今日假期早上見有時間，就想試吓佢出名嘅菠蘿包。門口有一個牌顯示菠蘿包將會新鮮出爐嘅時間，見仲有2分鐘就有新鮮包岀爐，所以就排隊試吓。外賣菠蘿包擁有了孔的袋裝住，唔會倒汗水，咬落去菠蘿包皮真係好趣而且，唔係平價菠蘿包有粘口嘅，感覺個麵包都好有質感，係實在嘅麵粉唔係一般嘅空氣包。另外麵包同菠蘿痞有清晰嘅界線冇黐埋一齊，可能因為足料，所以食完個菠蘿包都感覺到飽肚。因為街邊平價菠蘿包好多時食完感覺都好似一陣風咁，難怪咁多人排隊買。好味，推薦

今日瞓醒已十二㸃，個肚餓到扁晒，要快D去商場找野食先。行過「敏華冰廳」好想入去食，但店外的長龍真係唔野少……不過今日好好彩，排咗十分鐘便有位入內啦！☺我今日實在太肚餓了，好快便選了招牌菜式「黯然銷魂飯」即是叉燒煎蛋飯。看似平平無奇，但叉燒唔肥之餘又幾淋，兩隻充滿蛋香嘅荷包蛋，刺穿蛋皮後流出蛋汁在熱騰騰飯面再加上甜豉油真係一絕，ㄧ口接ㄧ口好快整碗飯食晒。另外點了杯凍檸茶都好有水準，茶味濃厚，檸檬清香，好好飲。👍👍總括來講，這間冰廳係好有水準的，下次我想試下佢地新鮮出爐麵包、蛋撻和奶茶，我相信都應該唔會令我失望。

見到馬鞍山開了敏華冰廳，特別同朋友來試試黯然銷魂飯。店鋪在商場裏面，裝修簡潔，座位尚算舒適。餐牌選擇比其他茶餐廳少，但有自己特色，門口還有賣新鮮出爐麵包及蛋撻。👍🏻👍🏻👍🏻我們叫了它最出名的黯然銷魂飯套餐（$65-）這個飯一上枱已令人眼前一亮，超厚身的少肥多瘦义燒，已散發出陣陣肉香。枱頭有溫馨提示，客人可先弄穿半生熟疍，讓疍汁滲入飯中，加強味道。我們按照指示，一啖香濃蛋汁飯，一啖厚义燒。义燒肉質幼嫩，充滿焦香及肉味，由於它特別厚身，更覺香口。夠薑豬潤牛肉麵也很好味。湯底有濃厚豬潤味兼起沙，牛肉嫩滑，一點也不靭，豬潤鮮甜，超好味！😋😋😋 平時很少食豬潤，今次終於忍唔住。最後，它的奶茶也很香滑，茶味濃，正！

日日都见好多人排隊，以為好好食，所以见今晚冇人排隊咪試下、点知中伏。首先，全間舖唔係得一個做野。但落單就咁叫等，等左15分鐘至有人落單。落單後仲大鑊，等左半個鐘仲未有得食。問佢点解咁耐，佢答豬排不是油炸，要煎、就得喎。最终等左45分鐘至有得食ˊ。今日终於明白点解咁多人排隊。。。同埋間敏華都係太興集團，但係質素差咁多

其他待應是否唔識字？得一個人落單，仲要香港茶餐廳都要等半個鐘先有得食，效率何在？D待應得閒到成日傾計，搞咩？無下次😡😡😡😡唔怪不得成日舖出面排曬隊啦！假象😡😡😡😡😡

敏華的餐牌同一般茶餐廳無異裝潢帶有舊式枱櫈配上新的氣息招牌叉燒蛋飯就唔試住，今晚就食個常餐試試味先!沙茶牛肉公仔麵常餐配炒蛋雙腸多士個沙茶醬真係非同小可，非常惹味!令個麵真係生息不小! 好好食!炒蛋和腸都略有點鹹味，配左杯雜果賓治野飲略為細杯味道一般。食咁小當然唔夠喉，因為非常多人排隊唔食返兩個餐點對得住自己!叫多左個咖央多士，想試下同維記有無分別。一試便知龍與鳳!係好好味啊！！！！首先個咖央味係好唔同有一絲絲特別的甜味，猶其是佢夾多了兩塊牛油，咬一啖係令人回味無窮！！這裡是一個茶餐廳你可以話佢好普通，但佢保持到舊有的質素而且加入了現世代的標準，係衛生！我食得出食品的制作很乾淨，與街邊茶記相比係小了一陣風味，但我覺得這是新世代的茶餐廳。

平時見好多人排隊，唔通好好食既？所以襯今日條隊唔係好長既時候排黎食下。兩個人叫左個常餐沙茶牛肉公仔麵+炒蛋煎腸多士，同埋咖央多士。個沙茶公仔麵既沙茶味好夠味，麵既軟硬度都唔錯，但整體唔算係好驚艷。咖央多士比較好，個皮脆而不燶。整體黎講不過不失。