敏華冰廳 (MOSTown新港城中心(4期))

营业中

休息中

為何還要有人排隊等待?食個你就知!！還有服務員好不禮貌 叫我探熱 竟然我叫我行出門口去 你不是用探熱針拿過來嗎？ 還要不禮貌地⋯算了 .…你知否第一次來的 說沙嗲麵好食 即係特登叫朋支排隊 晨早9:30排足20分鐘才到 點知排仲個路口位 問服務員可以掉位嗎 她說不可以！! 反正食完就走就算了…朋友來個火腿通粉 不過不失 我來個沙嗲牛肉麵真係好恐怖😱⋯⋯ 一點也不沙嗲 叫砂糖牛肉麵就可以 麵淋啤啤不再講 我工人煮得好過佢！！！還有只係得砂糖味 超級難食 滑蛋好像用雞粉攪勻一樣 超級難食！沒有跟顏色的 方包可以 奶茶一般 沒有更加難食的只有佢!！！不信大家不妨來試試！排隊根本不值得

排隊食早餐。 真係好耐都冇試過啦。除冇去旅行既日子之外, 係香港真係未試過。咁早出黎去排隊，當自己去冇旅行。其實未食過敏華, 今日一早出黎，正諗緊食咩，朋友見到佢大排長龍, 就過黎睇下。我地都心諗，洗唔洗呀？茶記都要排隊?基於好奇心, 即管排下睇佢有幾好食。好在, 條隊都算快。 其實佢都唔算細, 冇限聚令, 又勁搭枱都咁多人食, 好奇怪。我地叫左忌廉雞湯火腿米粉,配厚多士炒蛋熱檸茶。先試個厚多士, 同一般茶記真係好唔同, 有自家製既質感, 夠軟, 連包皮都軟, 夠鬆軟好味。雞湯夠清, 米粉有口感又入味。面炒蛋夠香滑亦唔太油, 放凍左都唔會變一舊舊。只係熱檸茶就一般d, 不過唔太苦澀已經算好飲。所以唔怪之咁多人排隊。 原來真係幾好食。 值得既。

在疫情之下，今天又不用返工，和朋友，二人，正尋找餐廳食午飯的時候，見到，沒有人排隊，於是入去試吓。因為平時，星期六，日，總是很多人排隊的！裏面，很多枱，已經用夠紙板，圍住了，不論兩人座位，四人座位，差不多前前後後，也封住了。每張枱，下面都有，食具，筷子匙羹，紙巾，牙籤。。。唯獨，沒有筷子🥢😢先叫了出名好食的暗然銷魂飯，熱奶茶☕️～ 其實都係一般叉燒蛋飯叉燒，應該用了梅頭肉，半肥瘦，所以味道不錯👍，雞蛋兩隻，裏面是流心的，配上甜豉油，整體也好味道，只是飯少了一點，女士食應該OK，男士食，可能不夠飽熱奶茶，茶味香濃，夠滑，不錯👍惹味肉丁五香公仔麵，炒滑蛋，西多士朋友說，一般，和其他茶餐廳，味道一樣凍華田，一般般，叫了小冰，但也多冰整體也算OK，但是我覺得收費，有點貴

作為馬鞍山居民，這是我另一間新竉兒，鍾意佢的雜扒飯，豬扒大塊厚身，一個人食唔晒可以兩個人食一份再加多個多士之類的小食已經夠飽了，另外佢的豬潤嘢和雞翼都好食，豬潤嘢要早啲去先食到，成日都會賣晒好受歡迎，好多豬潤個湯好入味，值得一試，其實佢個火腿通粉都好味，忌廉湯底唔係白汁，我女兒都好喜歡。

下午茶時間帶着小孩二人去敏華餐廳醫肚，我哋都想食西多士，所以見到餐牌上有荷蘭煉奶西多士套餐就即刻點。點餐後見到螢光幕打着酥皮蛋撻即將出爐，我哋就等出爐嘅時候即刻叫兩個。西多士：即叫即製，外脆內軟，色澤均勻，揸得恰到好處，平時會加糖漿，但這個煉奶也很夠味，小孩和我都很快把它吃清光！推介酥皮蛋撻：新鮮出爐，蛋味濃郁而且蛋漿滿滿，雞蛋呈橙色，可見雞蛋是有質素的，酥皮香脆好味！凍紅豆冰：紅豆又大又甜，冰比較多！

敏華長期大排長龍，想幫襯要識揀時間。今早送完阿囡返學即刻去看看，見未有人龍便入去吃早餐。點了沙茶牛肉公仔麵餐，好豐富呀！因為有包有蛋有餐茶，每樣食物的份量也不少！牛肉夠淋份量也足夠，沙茶醬少許辣很惹味，公仔麵🍜質地算彈牙。多士烘得不是很燶，所以仍然很軟熟，沒有多士那種香和脆的感覺。蛋很香很滑非常美味。再加杯熱檸茶就非常滿足了！👍😋早餐$37雖然不平，但勝在份量十足，相信男士也會滿意。敏華還有新鮮出爐的菠蘿包、雞尾包乖叉燒包等等，想吃得簡單些可以點包包加杯飲品，也是另一好選擇！👍😋

成日見到敏華冰室門口大排長龍有次放假一早起身諗住早啲去會吾洗排隊啦點知9點幾去到都要排一粒鐘冇所謂啦反正未試過就排下啦入到去一坐低我就叫左個🔺忌廉雞湯火腿通粉拼煎雙蛋(太陽蛋)加歐式軟多士個通粉湯底同岀面既餐廳好吾同佢係用雞湯做湯底架😋味道濃郁通粉口感煙韌因為個人比較鍾意食太陽蛋就冇食到佢既滑蛋佢既太陽蛋煎得好靚對圈圈⭕️黎講個蛋黃冇穿已經係合格食埋個多士就真係飽到吾洗食lunch🙈成份早餐加埋熱飲都係33蚊炸真係排隊都值得呀😆🙈

招牌凍奶茶冇得輸，茶味香濃，奶味比較重，我鍾意！菠蘿包鮮油非常好吃，新鮮出爐菠蘿包外皮香脆，配合厚厚的牛油，大口一咬是包的甜味、牛油香味融合一起，只會覺得越來越想吃。絕對推薦的炒滑蛋雙腸拼多士：炒蛋滑的程度恰到好處，蛋不會太熟和硬，而是滑滑的，雞蛋屬於頂級，蛋味香而濃，很多時候都因為要吃滑蛋先點常餐，所以滑蛋可以當「主角」了，不容錯過！香腸是一規中矩的，不會太鹹和乾。多士配牛油也是「最佳配角」，厚厚的多士烘得呈金黃色，香脆可口，亦非常飽肚。最後，要介紹一下每次必點的紅豆冰，紅豆大大粒，淋甜又起沙，奶味濃郁，是特色飲品之冠！

態度極差。剛落單不夠30秒，想轉熱飲，未出單侍應已立即表示「落左啦喎」；然後想問餐牌上問題，另一位侍應答我「又點啊？」;抹枱、落單、點餐，每次叫都話「等等」（非繁忙時間，接近晚上九點）。Nononononononononononnonononononononononononononononoononnoonnonononononoononnoonnonononoonnoonononononononon

平時見咁多人排隊等位，所以今日一早去敏華食早餐， 選擇不是太多， 所以叫左最常食既港式早餐， 忌廉雞湯火腿通粉， 炒蛋，多士，熱奶茶一入到去帶位侍應既服務態度非常差，眼見佢仲迫剛坐下的顧客盡快叫餐。坐了一不久, 炒蛋，多士先到， 炒蛋好滑但蛋味不濃， 多士亦香口和熱。根住到是熱奶茶，無茶香亦無奶香， 好苦澀，完全唔得，最後要加糖先可以飲最後到是忌廉雞湯通粉，個通粉一d都唔熱，只是暖暖到， 通粉既質地有d似快熟通心粉果一種， 而忌廉雞湯除左咸就乜味都無， 而且那雞湯應該加了很重手的味精， 因為食完過份早餐我口乾了一整天。

今日經過敏華見到冇人排隊，(6：05分剛冇下午茶)就入咗去食晚飯，可能交通影響關係，商場都少人，所以敏華都咁啱冇人排。入到去叫咗個雜扒飯，同埋一個黯然銷魂飯，個雜扒飯有雞扒，大大豬扒，午餐肉同埋香腸。個飯就有啲豉油汁同埋有薑蓉，大致上都好味，只不過稍嫌鹹咗少少。至於個黯然銷魂飯(即係叉燒蛋飯)隻蛋係半生熟撈埋啲飯食好正，叉燒就係好冧好厚嘅梅頭肉 ，其實大致上食物水準都ok，但如果要好似平時咁等個鐘先入得去又未必會，因為入面食物種類唔係話太多，試過兩三次之後都可能隔一段時間先至會再去。

唔知點解這間成日都排長龍，唔通真的好好吃，下午茶時間見佢好多人買新鮮出爐菠蘿包、雞尾包、蛋撻等，今日我都要來排隊嚐嚐先。新鮮出爐酥皮蛋撻見到師傅捧著一盤酥皮蛋撻出來，即刻叫一個吃先，估唔到酥皮超鬆脆又鬆化，中間蛋撻好香蛋味，質地嫰嫰好幼滑。另外叫了一個茶餐，荷蘭練奶西多。新鮮炸起見到熱氣泡出咗嚟，一大片牛油加練奶香噴噴，平時食西多都是搽糖漿的，今次嘗這個練奶食法，感覺幾新奇都是甜甜的但個人喜歡傳統用糖漿配西多嘅食法吸引啲。餐飲熱奶茶，茶底夠厚香濃好幼滑。

E間敏華冰廳每次經過都好多人排隊, 今次同男朋友終於的起心肝排下隊, 睇下係味真係咁好食🤔🤔 1點幾鐘人龍依然咁長, 排左差唔多20分鐘先入到去, 入到去咁岩有新鮮雞尾包同菠蘿油出爐, 當然擺一擺底個餐牌, 整番件嚟試下先☺️☺️ 難得一場嚟到, 緊係試埋佢個蛋撻啦🤭🤭菠蘿包非常邪惡😈, 個皮都幾脆, 熱辣辣加埋片牛油溶溶地好滋味, 如果牛油再大塊d仲正😋雞尾包好香, 熱辣辣, 入面嘅椰絲都算多, 大大個擺入口, 每一啖都有好多餡, 好爽🤭🤭🙊🙊 蛋撻都唔錯, 上面嘅蛋幾滑幾香, 好食! 3種包點都唔算貴而且新鮮熱辣, 抵食!我地兩個人叫左個必食嘅黯然銷魂飯同蔥油豬扒煎雙蛋飯，仲有手拍有皮老薑煲檸樂😋 等左大約15分鐘就有得食。黯然銷魂飯⬆️⬆️ 都算大碗嘅, 半肥瘦叉燒幾大舊, 顏色都幾靚。因為係即燒出嚟, 所以時間上就要等得耐少少, 但味道唔錯, 叉燒肉質幾嫩, 咬落去唔韌幾淋身, 又唔乾, 係好食嘅😋😋蔥油豬扒煎雙蛋飯⬆️⬆️ 一嚟到已經比塊豬扒嚇親, 事關都幾大塊, 蔥油好香, 豬扒軟淋淋, 唔太瘦所以加埋本身嘅油脂, 食落去一d都唔乾, 而蔥油同豬扒嘅油份都充分留左係口腔入面, 好味😋😋

星期六早上7:45到餐廳，见冇人排隊便入內找位，服務員問我們幾位，他說有位，我們2位便行入面找位，怎知行入少許到收銀位置，那位女收銀員大聲叫我們出去排隊啦，她那種面口及聲線態度實在趕客，令人心有不快。 😑早餐。。麵普通，厚多士脆，炒蛋有水準，咖啡一般。。食完比錢，收銀員仍保持黑色面口，講句多謝幫襯都冇。 唔講多謝唔緊要，但都唔好咁樣面容對食客。我冇欠妳錢，來幫襯食野姐，唔駛睇妳面色。我以後都唔會再來吃，唔想看人面色，食得唔開心，況且食物真一般，唔來食也沒有損失。

比一般茶餐廳貴，但食物質素強差人意，叉燒又凍又乾，汁好大豬油味，旦乾的，還收到咁貴，其他茶餐也是又油, 湯又咸，又貴。再俾機會，在排隊買叉燒包，待排前面的一個食客俾完錢後，就說要買叉燒包，竟然二話不說，直接收排在我後面食客的錢，我問佢點解不是處理我的單先，個女收銀員，仲要怒啤住我，繼續收後面個客嘅錢，難道堂食就係客，買外賣就唔係客，當時只有一個收錢嘅企門口收銀機前，我吾係同佢買，又可以同邊個買呀？跟著有一個本來蹲在地下執緊貨嘅男人企起身話幫我搞，但態度也極其惡劣，我話三種包各要一個，佢好惡咁再問多次，收完錢，多謝都冇句，仲堅持要我行去佢前面俾錢，其實我當時企喺佢側邊，好近的，之後仲要好大力咁擲d錢去我隻手，然後三個麵包專登放到遠，不遞俾我，要我自己行過去取，之後我說了句，我來買野姐，冇得罪你吧，他甚麼也沒說，只是繼續怒啤我，除非想俾錢買難受，永遠也不幫襯！