文苑飯莊

营业中

休息中

早兩日食完，一圍13個，叫左9碟餸，人均850，叫左多款招牌菜式，片皮鴨，乳豬，招牌炒飯等…食物味道偏咸，味精都好重，食完第日條脷仲係涸，尤其啫啫康生菜，個菜真係咸到食唔到🤢可能比個咸菜衝擊完，個遠近馳名既招牌炒飯食落係無味既😮‍💨乳豬都係好咸🤢真係一舊起兩舊止餐廳環境唔差，但廁所環境就一般會有一位姐姐專責招呼一枱，服務都尚可但論食物質素及味道，我就覺得性價比唔高，招牌菜式味道都好一般🤕試一次就算🙄

喺一間中上餐廳食晚餐，起初以為會係一次難忘嘅經驗，點知最後變成失望之旅。餐廳環境裝潢唔錯，但係一切優點就此打住。總餐費超過千蚊，但質素同價錢完全唔成正比，真係一個字「貴」！首先，菜式雖然擺盤精美，但末勝其烹。海鮮唔新鮮同過嚡，咬落去似嚼橡皮，完全失去咗海鮮嘅鮮味同口感。其次，芝麻卷同樣弗能令人滿意。試過嘅芝麻卷味道異常平淡，同超市買嘅預包裝無分別。嗰種時侯，連最基本嘅滋味都覺得悶到爆。更加令人唔爽嘅係服務質量。職員嘅態度實在令人難以接受，唔係冷漠就係滿不在乎。求其咁俾菜，甚至於上菜嘅時候搞烏龍，端錯咗隔籬枱。咁差嘅服務，對住呢個價錢簡直係一種侮辱。最後，要講嘅係，呢家餐廳完全唔值得推薦。過千蚊嘅餐費應該帶給你嘅係滿足同幸福感，而唔係滿肚氣同後悔。若果係慕名而去，可能會有更加慘痛嘅體驗。我會建議慎重考慮，或者揀另一家性價比高啲嘅地方。

趁着過年特登book咗呢間想去好耐嘅中菜，見網上啲食評都唔錯，團年飯book左同屋企人喺度好好食一餐，可能期望過高，食完有種俾人呃咗嘅感覺餐廳喺天馬苑商場入面，仲有代客泊車，其實都算方便，員工服務都好好，好有禮貌，不過上菜有啲慢，都有可能係當晚好多人食團年飯，所以慢啲，我覺得都可以體諒，但食物真心覺得連酒樓都不如。由前菜燒味拼盤叉燒同燒鵝都冇火候，個湯就OK，碟魚有少少蒸過龍，但係一見到個炸子雞就真係唔掂，連好彩酒樓都整得好過佢。成晚最好味竟然係碟西蘭花炒蝦球，個西蘭花炒得好爽好翠綠。埋單5300幾，人均九百幾，如果係呢一個價錢我expect會係好味啲嘅嘢。本身仲諗住下次返嚟試吓佢嘅片皮鴨，但試完今次覺得班師傅嘅功底完全唔得，有種俾人呃咗嘅感覺

呢間餐廳係好神奇咁存在都係因為有朋友介紹試過佢之前嘅餐廳先會搵到黎呢度等我講下有咩值得試招牌炒飯絕對值得一試因為睇得又食得佢會推出嚟喺你面前煮大家睇住佢煮嘅時候都好開心仲肯幫我一個走葱😂不過要記得book枱嘅時候已經要留先會有現場order未必食得到再講就係佢個XO醬真係好出色不過暫時未有得賣😂總括嚟講服務態度好好環境都唔錯非常食物正常發揮可以一試 純粹可能大家冇估到哩個位置會有一間呢個檔次的中餐廳

年初九，一行六人選擇咗文苑飯莊團拜，呢邊地點雖然唔係市區地段，係座屋苑嘅一間飯店，但都全院滿座！ 座位闊落，職員熱情，服務周到，有代客泊車，記得要泊佢地嘅泊車位，如果唔係冇得免費泊車。我地預訂咗桂花片皮鴨一份，到場再叫咗蜜汁叉燒王10件，蟹醬蟹肉炆伊麵，羊肚菌紅燒豆腐，炸子雞半隻，小炒王，瑤柱瑤柱陳皮火鴨絲羹。每樣嘢都好入味，好足料!有樣美中不足嘅就係冇試到文苑炒飯，因為需要提前預訂。唯有下次再試！

初訪文苑，位於係天馬苑商場，係同區實屬隱世但又有名氣嘅高級中菜廳。 前身為街市，佔地2萬呎，房間至散枱都有，中間亦有一個好靚嘅wine cellar. 老實講，無諗過去天馬苑搵食。呢度服務好，食物穩定，當中馳名乳豬最出色。 主廚身出身富嘉閣，香港賽馬會等等高級食府。點心師傅曾在The Chinese Library工作，而燒味師傅則曾於港島廳、唐人館和瑞吉酒店等工作。食物方面，前菜當中我較為喜歡嘅有有醉鮑魚，叉燒皇，而鷄肝撻好別致，不過較細件，食唔真😂醉鮑魚大隻厚肉，腍度剛好，未至於適合老人家，不過岩我，酒味充足。 叉燒唔係黑毛豬果種死肥無肉味，值得一試。蜜餞金蠔正常操作，堂剪乳豬真係皮薄香脆，即場一剪就開，亮麗玻璃皮做法，絕對見得人。油雞縱蘭度炒斑球，好香嘅一碟菜式，不過斑球火喉略為過火，有少少硬身但未至於乾，都好食嘅。蘭度份量夠，碧綠好好咬。豉油鷄送上黎俾個顏色賣相搞到信心真係有少少減，但係味道竟然夠味，而且夠滑又多汁。 👍👍小炒皇好食，足料。砂窩炒飯，係旁邊即炒。 用gas爐加熱，大砂窩儲熱後再將飯炒起葱，帶子，櫻花蝦等等，最後加入火腿上湯炒埋。好食，夠味，足料，夠熱，粒粒分明，

近期熱話之中菜廳，早於一個月前訂座，是晚終於有機會一嘗。提早預訂了片皮鴨、乳豬及炒飯，另外再加了點小菜。琥珀合桃: 餐前小食並非一般花生，而是琥珀合桃，相當有誠意。合桃香脆，加芝麻提香，讓人停不了口。桂花片皮鴨: 師傅會即場於桌邊片皮，另外鴨架可加二食。鴨片非常香脆，沒有鴨騷味，處理得很好，單點桂花糖吃更顯鴨肉香味及帶岀清新桂香。摩摩皮下有爐暖著，口感煙韌不過軟，配料及醬亦比一般選擇要多，除了青瓜及葱外，亦有哈密瓜條及韓式醃蘿蔔，醬料則有海鮮醬、蒜蓉醬及桂花糖。哈密瓜香甜清新，醃蘿蔔酸酸甜甜也很開胃，個人還是最喜歡青瓜和蔥的傳統組合。涼瓜枝竹炆鴨架: 片皮鴨二食選了炆鴨架。原以為醬汁深色會很濃味，但吃下調味適中不會咸，而且鴨很多肉，吃了一件鴨胸位置也很嫩滑，很有驚喜！涼瓜回甘，枝竹質素高口感好，很優質。堂剪乳豬: BB豬原隻先送上桌讓大家拍照，之後店員再在桌邊幫忙剪成一件件。乳豬皮非常鬆脆，而且不肥，調味亦適中，很是岀色。份量十足，而且多吃幾件會油膩吃不了其他菜式，建議人多可以點。蝦籽慢煮柚皮: 懷舊工夫菜，點一件試試味。柚皮清理得好，軟滑無澀味，如更入味更好。胡椒豬肚滑雞煲: 胡椒湯

一家四口吃晚飯，叫了八個餸，三個甜品，埋單差不多三千元，價錢雖然有點貴，但食物質素高，又夠精緻。蛇羹夠料，個湯底好正，不像出面蛇羹般杰撻撻。海蜇好好食，好爽，酸酸地好醒胃。雞肝好特別，有蜜瓜粒墊底，不過就細粒左少少。片皮鴨都不錯，不過d包皮唔夠，要加錢才可加份量。胡椒雞煲都不錯，d雞好滑。杏仁茶好滑，芝麻卷都唔錯。砵仔糕d豆好大粒，不過食落似椰汁馬豆糕的味道。服務態度不錯，職員有講有笑 ，主動幫客人掛衫，茶包淡了，又會主動換茶包。下次再有重要既家庭日子，會再去。

叉燒呂，充滿煙韌嘅滋味，咬落去又甜又嫩，脂肪部分綿密得嚟一啲都唔覺得肥膩。真心推介！春風得意腸，霎時間攞起嚟啱啱好嘅酥脆，一口咬落去，皮脆肉嫩，內藏豐富嘅海味，知過之後就令人回味無窮。豬潤燒賣，肉質鮮味又彈牙，啖啖豬潤充滿口腔，滲出嘅湯汁更加係鮮美得好迷人，真係百食不厭。簡直係一次舌尖上嘅滿足之旅，每一樣菜色都令人驚喜連連，食物質素直逼高級食府，但係價格卻親民得多，可以咁輕鬆咁享受到滿口福，叫人點能唔心動呢？🍚🍖🥢

前幾日同屋企人提早食團年飯，就決定一早book文苑飯莊🙆🏻‍♀️我哋簡單先喺WhatsApp度講定我哋想食邊幾樣嘢食，然後到咗去食嗰日佢哋一早已經安排好，再同我哋覆一覆單😚全程服務員態度非常好，亦都好細心根據味道濃淡去上菜🫶🏼下次會再想同一班朋友再去一次👯‍♀️

首先WhatsApp個客服態度問非所答，又懶係串咁，直頭feel到呢間野唔休做。叫佢send個menu 都叫我自己搵。電話又係長無人聽周未訂座成個朝早仲要得一個時間入座，好多訂座安排都唔flexible。比咁多錢落廣告不如改善下服務質素，串過米芝蓮餐廳咁款。

我見IG好多人介紹，喺黃大仙啲咁隱世嘅地方有啲咁精緻嘅菜式，諗住試吓嗰啲巧手野環境好靚嘅，睇得出佢花咗好多錢裝修侍應嘅服務都OK但係食物真係好失望，收得呢啲價錢 我會expect佢比到更好嘅嘢我要點名講個碌鵝，呢個真係最失望，啲鵝肉係鞋嘅，冇鵝味，其實當晚叫咗幾款家禽類嘅，都冇乜家禽嘅味道，不過隻鵝個價錢標價比較進取，但係表面卻強差人意整體嘅食物質素中下，完全對唔住個價錢另外講埋洗手間嘅衛生精緻嘅裝潢媲美酒店嘅中菜廳，但係洗手間嘅衛生同屋邨酒樓有得fight本來諗住如果試完OK嘅話，可以試埋其他signature嘅菜式，不過今次試完之後應該唔會有第二次

這間相信本地吃貨都聽過的人氣旺盛餐廳，素聞很難訂位，幸好主席的農曆壽辰剛巧在平日，加上早有預備足夠等待的時間和訂位攻略，一訂即可。題外話：這張桌的位置是我早已看中了，超喜歡波波燈籠🏮燈，打卡位不錯，餐具實而不華，樓底夠高和裝修讓人感到非常舒適。我一早就已經訂好這裡兩道招牌菜：桂花片皮鴨（二食）+ 蘋果蜜餞雞肝撻片皮鴨表皮很脆，而不太油膩，我更喜歡這裡的配料，除了常見的春卷皮、京蔥條、青瓜、片皮鴨甜醬之外，這裡仲加入哈密瓜🍈條、日本黃瓜條，而醬料也加了蒜茸醬和桂花糖。不得不說蒜茸醬和桂花糖一加入片皮鴨後，入口超有驚喜，不膩，連包幾片都不覺得很膩胃，可惜的是主席伉儷都不太會肯作出嘗試。鴨鬆松子生菜包 - 入口清脆利落，生菜入口爽脆清甜，跟鴨鬆松子仁配得好好，口感豐富蘋果蜜餞雞肝撻 - 比我想像中較為平庸，不過不失，雞肝入口較硬較乾，好似跟裡面配料不太相容，做不到fusion的效果果醋海哲皮 - 這個就交到貨，用料不錯蟲草花金湯菜 - 這個是整個晚餐的一股清泉，濕濕地而很滋潤千萬不要以為這間位於較偏僻的屋邨商場內的餐廳吃飯是非常性價比高。如果閣下想打算在不出名不起眼的屋邨商場內找到大件夾抵食

食物質數比酒樓好啲，但預約仲難過米芝連餐廳！！！電話永無人聽、whatsapp回覆慢、訂枱又要數人頭又要落訂；而落訂後要改人頭數仲難過登天。唔講真係以為你唔休做，特登留難啲客。好啦！去到晚市有見啲空枱多到呢……真係有理由相信接booking嗰位staff幫公司倒米！平心而論，菜式尚算特別，味道亦可。而貴餐廳係咁嘅平民地段，收費絕對唔算平。而如果繼續咁嘅服務態度，間餐廳一定唔會做得長 ，因為啲客試完一次唔會有回頭。

昨晚去了黃大仙天馬苑商場文苑飯莊, 由於只有二人, 胃納量不大所以聽從侍者Chris建議點了套餐,一客龍眼蜜餞金蠔,而經理Patrick亦化身Sommerliere介紹了一款以色列白酒 龍眼蜜餞金蠔: 夠大隻, 蠔味濃郁, 本身料靚所以龍眼蜜餞烹調已非常啱個人口味蜜汁叉燒皇: 個人認為不及大圍小館的第一刀出色松露蝦多士: 以金沙包裹蝦肉之餘再配以松露, 但又沒有搶去對方原有味道, 好食但亦非常漏!一件起已經足夠燕窩雞蓉羹: 自問並非無湯不歡, 但此羹充滿鹹香, 值得一試鮑汁花膠件扣鵝掌: 沒太大驚喜, 個人還是喜歡天后清風街橋底富東的處理方式露筍榆耳炒北海道帶子: 露筍炒得好味, 卻嫌帶子未夠新鮮……沙茶美國牛小排炒河: 作為單尾, 沙茶炒河依然非常香及開胃, 但美國牛小排略嫌遜色甜品: 陳皮好豆沙: 非坊間做法, 沒太大豆感, 非常幼滑, 個人十分喜歡是日美點: 馬豆糕, 砵仔糕, 芝麻卷自從疫後各行各業都欠人手, 差不多只要識呼吸都請的情況下, 個人認為文苑飯莊的招呼確實非常出色, 似乎係採用西餐的區間制, 每位侍者專注負責一個區域, 是晚負責招呼的Chris對自家餐牌熟悉之餘,