文苑飯莊

营业中

休息中

當日家人聚餐，預先book枱有預留到乳豬同埋片皮鴨，我哋一圍10個都試咗好多唔同嘅菜，每一道都好有新鮮感同埋好好味，尤其是乳豬同埋扁皮鴨好值得一試，不過每到餸的份量都不算很多，但可以叫多幾款試吓唔同菜都幾好，估唔到天馬苑嘅商場都有咁出色嘅餐廳，好期待下一次再嚟試嗰日我哋都唔係每個人好飽埋單$4000同埋餐廳有代客泊車，所以都幾好但係逢星期三嚟㗎，所以book枱就要留意一下

一個十室九空嘅商場，得一間老人院一間茶樓一間超級市場同埋一間麵包舖，居然隱藏一間高質嘅酒樓。一坐低經理就問你要唔要留一份叉燒因為係佢哋嘅王牌。咁梗係要試吓啦百幾蚊得五件，講真就幾貴嘅。但係佑林又滑，而且冇騷就真係好好食。另外再叫咗一啲點心。點心種類唔算多，但係樣樣都啱啱好，尤其係春風得意腸非常驚喜。平時食嗰啲一係太淋一係太乾。呢度嘅又香脆又好味。豬潤燒賣都非常好食，整得好食嘅豬潤唔容易，但係佢做到了。

今晚一家人去文苑飯莊包房, 同我慶生🎂🎉這裏裝修簡潔清雅又舒服，食物美味，好有質素😋 特別推薦蜜汁义燒王、片皮鴨、文苑炒飯，價錢合理，值得推介👍 .最好預約訂房 book 枱，一定有位，再點埋食乜嘢，因為有d 食物需要準備/預留，服務態度很好，又細心，今時今日就係要呢d 👍 .仲有代客泊車好方便🚗，到天馬苑後直落到底，就會見到 文苑飯莊代客泊車燈箱。.如果喜歡飲酒🍷🍾仲正，成個酒莊咁，入去選擇鍾意果支開果支。.整體來說，係喜出望外，在屋苑入面竟然有酒店般的質素，下次一定再來。😍

這間食店，雖然開業只有幾個月，但話題多多，時不時便見有食友到此，攪到我都想試吓！剛巧友人攪飯局，便決定立即報名。🙋🏼‍♂️食店位置格攝，由樂富地鐵站也要行10分鐘才到；沒有人推介，真係未必會找到這裏。營運總監（CK Poon）照顧周到，更詳細介紹每一道菜，令客人賓至如歸；大部分菜式也相當不錯，尤其喜歡鯪魚球、沙爹乳豬、燉湯、脆皮新鮮雞、二十五年雕皇、焦糖菠蘿 及 芝麻卷。菜式如下：文苑飯莊四前菜，包括：龍眼蜜餞金蠔、蜆芥炸鯪魚球、蜜汁叉燒皇、黑魚子流心鴨蛋。主菜：堂剪迷你沙爹乳豬、文苑飯莊燉湯(松茸螺頭竹笙燉竹絲雞)、明爐燒鵝、藤椒豆酥蒸斑球、二十五年雕皇脆皮新鮮雞、焦糖菠蘿咕嚕五花腩 及 金勾拍蒜肉末啫啫唐生菜。炒麵飯：文苑飯莊炒飯 及 蟹醬蟹肉雙菇炆伊麵。最後甜品：海帶綠豆沙、懷舊芝麻卷、雲石馬豆糕 及 擔仔砵仔糕。飲飽食醉，慢步到樂富地鐵站，也是挺舒服的飯後「活動」！🚶🚶‍♂️🚶‍♀️#竹園道#天馬苑#文苑飯莊地址: 黃大仙竹園道55號天馬苑商場2樓S02號舖電話: 31889095

我最近去了文苑飯店用餐，非常享受那裡的美食和服務。他們的菜單非常豐富，包括小炒皇，炒西蘭花，菠蘿咕嚕肉，燒鵝，芝士龍蝦伊麵，蒜泥白肉，燒腩仔等等。小炒皇的味道非常開胃，配料豐富，而炒西蘭花也是一道非常健康的菜品，口感清脆鮮美。菠蘿咕嚕肉是一道非常受歡迎的中式菜品，肉質鮮嫩多汁，配上菠蘿的甜味非常適合。除了這些，文苑飯店的燒鵝也非常出色，肉質鮮嫩，味道濃郁，是一道令人難以忘懷的美食。另外，芝士龍蝦伊麵也是一道非常特別的菜品，伊麵韌性十足，龍蝦肉鮮美，加上芝士的香味，口感非常豐富。如果您喜歡豬肉，那蒜泥白肉和燒腩仔也是非常值得一試的菜品。蒜泥白肉以豬肉薄片和大蒜製成，口感嫩滑，味道清香；燒腩仔則是以豬肉燒製而成，肉質香濃多汁，是一道非常傳統的中式菜品。總之，如果您想要享受美食和高品質的服務，文苑飯店是一個非常好的選擇。他們的菜單豐富多樣，口感美味，環境也非常舒適，是一個放鬆和享受美食的好去處。

一行八人到這裡食飯，安排了一間長枱房間。皮片鴨加爆脆鴨件兩食，皮片鴨份量不多，鴨皮不太脆，配料桂花糖和哈密瓜比較特別，爆脆鴨件好香口但食多兩件就好熱氣。叉燒皇，帶點肥好軟熟，蜜汁豐富，幾好。陳皮脆鱔，外脆內軟，要趁熱食。焦糖菠蘿咕嚕肉，焦糖菠蘿微暖，咕嚕肉條好軟口，可惜份量不多。桂花炒新竹米粉，炒得好乾身。文苑炒飯（堂弄）即席炒比你睇，熱辣辣，炒得好香。脆皮雞併蝦片，皮脆肉好嫩，而且味道適中，吾會一味死鹹。薑汁芥蘭，只用菜遠部份，但薑汁味略為不足。金銀蒜蒸勝瓜、芋頭南瓜煲，冇試。帶左個旦糕（切餅$100），送左8個桃包，個包正正常常，都好食嘅。埋單$3300/8 位，可以啦。可能因為星期日，侍應比較忙，換碟、落單、加水要等候一下。

週末同屋企人飲茶午餐，初嘗天馬苑呢間隱世既中式餐廳.食物、服務同環境各方面都好高質定價都好合理...當日order當中最深刻印象既野食🫴🏻桂花片皮鴨暫時食過算係數一數二最好食既片鴨，無論隻鴨本身、配菜、醬汁、餅皮都無得彈一鴨二食，二食可以選擇鴨肉生菜包 或者 椒香爆脆鴨件。我哋揀咗生菜包，好refresh入面有牛油果粒同蕃茄粒.雞仔咸水角可愛雞仔造型，嗌咗好多野食黎唔切趁熱食但係都仲好好食下次要試吓熱辣辣入口既效果

Lunch. Recommended by PickyEater. Right opposite an old people’s home. Here’s what we had. First to come: 咸水角 with the cute little faces. Made me wonder if all the other dim sum dishes would have different faces. Size was smaller than the conventional ones. Good. 蝦餃 (no faces)蟹籽燒賣皇 (no faces)豬膶燒賣春風得意腸粉- with crispy dough and shrimp paste inside. Very yummy. 白切雞蜜汁叉燒皇生滾鮑魚滑雞球粥蟹肉瑤柱灌湯餃- filled with coriander. Not a fan. 即制鮮奶蛋撻- loved it. 懷舊芝麻巻 (still no faces)In summary: prob the best yumcha place i

一行五人試新開食市，呢間食市只是開左個多月，經名嘴一post即跟尾訂位🤣；一入餐廳確實有柳陰花明又一村既感覺（就算佢係又一城更何況在領展場），而且餐廳內既格局有如私人會所，每張枱相隔既空間極寬敞私隱度好高，我們坐大廳如坐房既自在；再睇餐牌最少10樣野係吸引我，今次試住幾樣先😎；每碟餸上枱時都係熱辣辣（係熱到個個要吹下先食個種，呢點係其他中菜極少有）1.片皮鴨皮脆肉嫰，片皮時係堅有卜卜聲，配料較多樣化，有傳統鴨醬、桂花糖及出奇夾既蒜蓉醬😲；2.蝦籽柚皮柚皮入口鬆化無渣，柚皮將芡汁充份吸收；3.陳皮欖角脆鱔球其他中菜通常做法都係蜜汁脆鱔，這間中菜用陳皮將淡淡既蜜汁脆鱔畫龍點睛4.芝麻卷餐廳自家出品，芝麻磨得幼細，食時能聞到滿滿既芝麻香，再睇那條有1.5cm粗的卷有成8層（😳無渣流灘）餐廳屬中價食市，但睇得出用心將出品盡量做到「抵」及「勝價比高」，期待下次再試埋其他菜式🤓

獅子山下，完全估唔到喺天馬苑呢度新開一間粵菜餐廳。想搵個地方一班人有個靚靚角落、舒服地方食個飯，同屋企人朋友好去處，我推介呢度片皮鴨皮脆，夾埋佢桂花、蒜泥同其他配料，無論包住食定就咁沾醬食，都好好食（我哋二食揀咗椒香爆脆鴨件，就咁食就一般，比較啱送酒）遠年陳皮一口脆腩，個層腩脂勁肥美，包得夠哂實，食落就知有幾juicy陳皮欖角脆鱔球，呢個非常好食，第一下上碟你感受到佢油力無少到俾你，回鍋醬汁亦沾得好均勻，食到最尾陳皮香浮出嚟，正蝦籽慢煮柚皮，柚皮整得好食唔容易，絕對係功夫菜之一，完全唔苦，非常柔綿，湯汁夠鮮都非常夾焦糖菠蘿咕嚕五花腩，大讚焦糖菠蘿其他點咗嘅仲有蟹醬蟹肉雙菇炆伊麵，雙重爆鮮味。薑汁炒芥蘭，界得好仔細，微薑，唔會好辣。甜品方面全部唔算甜，糕點類全部都係佢哋自家製。我哋各有各喜歡嘅，雲石馬豆糕、擔仔砵仔糕、懷舊芝麻卷同埋紅豆沙。開業個幾月，入到嚟樓底好高，枱與枱之間一啲都唔逼，有房可以book。中菜最正就係三五知己、一大班圍爐取暖，咩都傾一餐！餐廳提供晚市代客泊車服務，記得先預約車位。

有驚喜， 包括裝修， 服務， 食物全都很好， 價錢公道， 我們4人食量不大所以剛好， 抄飯有驚喜， 即場在枱前做， 生抄骨的配菜是鮮菠蘿上面脆焦糖， 啫啫生菜很嫩， 難得不油， 整體很滿意

自己鐘意食中菜，好開心最近發現咗間中餐館開張。 裝修都好得睇。前一日預訂左脆皮雞，好耐無食過新鮮雞，皮勁脆又滑，有喜出望外感覺，但係自己掛住食，唔記得咗影相。前菜叫咗幾款， 清酒南非鮑魚，果醋青瓜海蜇頭 ，蘋果蜜餞雞肝撻， 幾款都唔錯，下次想試埋蜜餞金蠔。主菜叫咗 陳皮脆鱔球(好味道)，小炒王，焦糖菠蘿咕嚕肉 (菠蘿有驚喜)， 蟹肉瑤柱 ，花菇扣鵝掌， 鵝掌扣得好好 可以媲美五星級酒店。成餐飯都好岩心水，家人食得又開心。正

呢間嘢真係不得了，忍唔住要幫佢賣下廣告，寫下食評。竟然喺一個了無人煙嘅商場，有一間咁高質素嘅中菜廳。無論食物同環境都係一絕，上黎嘅食物都係稱得上色香味俱全，所以菜式都係世界級。環境寬敞，服務態度親切殷勤，呢個價錢可以食到呢個質素，我會大推俾我所有認識嘅朋友囉！最緊要記得食片皮鴨同文苑炒飯，呢兩個好味之餘，仲喺大家面前製作，一個餸菜兩種體驗。😆仲有個經理介紹餐廳理念，就係點解會選址呢個比較偏僻同少人流嘅地方，全因為獅子山精神💪🏻💪🏻

黃大仙，除左黃大仙祠真係無乜點踏足過，呢日朋友介紹，發現天馬苑新開中菜，真係hello hongkong!平平無其乜都無既商場，竟然有間咁別緻既中菜廳！門口大大牌匾，落地大玻璃，木系裝潢，極高樓底配上竹簍燈飾，感覺很恬靜，而且枱與枱分隔很濶，座位很舒適！前菜有蘋果蜜餞雞肝撻，食得出師傅用心配搭！口感味道都好掂!叉燒肥瘦均勻，略帶焦香，肉質彈牙! Book枱時已經被片皮鴨深深吸引，睇住師傅即席切片已經好想食，片皮鴨外皮酥脆鬆化而且肉質嫩滑！第一次食片皮鴨加桂花糖，估唔到原來咁爽咁好味！桂花糖香甜食口感更豐富！真心推薦！二食既生菜包亦令人印象深刻！肉味香濃，牛油果莎莎醬中西合壁，互不搶味，食落零負擔，小鬆軟但又有生菜既脆口鵝掌可能好多中菜廳都有，但柚皮做到好食真係唔多，上一輩既人成日話柚皮工序繁複，所以好少地方有重要做得好味，柚皮非常鬆軟和入味，入口即溶，鵝掌軟軟綿綿，香濃的湯與醬汁直頭perfect match焦糖菠蘿咕嚕五花腩亦都好想推薦俾大家，一啲都唔油膩，完全唔係啖啖肥膏個種，外面香脆可口，入面肉嫩有驚喜，食埋個焦糖菠蘿更惹味豆醬雞香得黎調味合到好處，值得一試估唔到平平無其既屋邨商

裝修雅致，有空間感，未食感覺已經好良好:先黎嚟到嘅每一個點心都熱辣辣, 最鍾意小籠包（ 上海菜館都冇咁皮薄多汁）,春風得意腸、燒賣同煎牛肉包、 荔芋盒都好好味 好開心叫左個片皮鴨, 係堂前現場片脆卜卜， 食片皮鴨加桂花糖蒜蓉汁同甜麵醬,原來三樣一齊食成件事會更香更有層次感，二食係牛油果蕃茄莎莎生菜包只加左$60，清爽得黎又解咗頭先既鴨片既油膩味！個人覺得好食過沙田18已經好鬼飽，都仲食埋炒得乾身唔油既桂花蟹肉新竹米粉 最後甜品竟然充滿咗富臨感覺嘅紅豆沙, 香濃芝麻卷、懷舊砵仔糕同雲石馬豆糕，下次再黎試其他