文記車仔麵 (福榮街)

营业中

休息中

今天星期日， 11:05am 入座，到 11:25pm已幾乎九成滿座，若三人或以上而要坐在一起，便要有心理準備了。兩大隻瑞士雞翼夠入味，比外邊車仔麵店的雞翼還大隻，豬手及牛双根炆得夠軟，韮菜餃足料，韮菜味夠香，三隻餃子大大隻。我覺得一個人叫一個粉麵，加三款食物巳夠飽了。帶了父母親來，他們第一次來，都讚好味，父親叫了熱奶茶，他說很不錯。他喜歡食物是熱呼呼的上菜，所以他會嫌食物和奶茶不夠熱。儘管如此，他仍大讚好味和抵食。我是第三次來了，仍會再來!

今日去開深水埗就諗住去下朋友介紹既文記車仔麵🍜嘩去到見到勁多人等位，原來佢岩岩2018年上咗米之蓮，唔怪得咁多人啦😮一條街都已經有幾間分店，每間都有咁多人排都係利害🤔 我今日就試咗呢間門面比較新既舖記得拎張飛先！終於叫33號啦‼️ 等咗20分鐘到，比我想像中快少少😅入面好似日本拉麵店咁坐，都唔算太迫除非格離既朋友大份少少😂值得一讚既係舖頭好環保，點餐牌係可以循環再用👍🏻👍🏻👍🏻亦都提供左好多唔同既醬料，一定要食佢地既菜莆，好惹味！！！豆漿都唔錯，好滑，而且唔太甜，感覺幾健康😂~戲肉到啦~ 蘿蔔真係好入味，好新鮮，無”簡”食完真係會想再追加！牛孖根又係唔錯，啲腩汁同坊間嘅唔太同，好有一種陳年既味道，誠意十足👍🏻👍🏻

文記車仔麵都算係遠近馳名，今日下晝黎到唔洗排隊，即管試下入座前要拎一張膠餐牌，用油性筆劃菜。喱種做法幾好，有d餐廳而家選用紙menu，每次劃一張真係好浪費，咁樣落單清楚又環保每個位都有枝筆落單。位置就比較逼既，多人既時候可能都食得辛苦。今次我嗌左出名既雞翼、豬腸、牛腩、油麵，＋＄9凍奶茶。＄9既餐飲黎講，佢杯凍奶茶算係大杯，味道都正常牛腩正正常常，鹵水雞翼就夠入味，豬腸就唔似平時既淋淋地，有d爽口。喱三樣餸都算係車仔麵最常叫既野，水準幾好油麵又係正常啦，唔會太淋咁。埋單＄56，三餸凍飲可以接受既，當然深水埗黎講價錢算係比較進取。唔敢話味道好outstanding，但而家好多車仔麵既水準都好得人驚，貴過佢既大有人在。個人認為喱個水準係值得一試，當然係唔洗排隊既時候

係深水埗諗唔到有咩食既時候就會食車仔麵，個人好鐘意食文記，因為佢地有好多唔同既餸可以選擇，樣樣都好好味，同埋價錢唔貴！！麵揀左油麵，湯底揀左腩汁同秘制辣汁 唔係好食得辣既話點微辣就好🌶辣汁真係會食上癮😋😋👍🏻瑞士雞中翼 $32/5隻好甜好入味另外叫左好多餸可以同朋友交換食，推介鮮蝦腐皮卷👍🏻😆玻璃辣魷魚唔建議當餸咁加落個湯度，一碟嗌會更加好味。姐姐全部都好友善，其中一個加分原因🥰⭐️

文記係黃金商場對面，一條街有三間鋪，間間獨立鋪位、獨立門囗、獨立裝修、仲有獨立人龍。排之前，望淸楚邊條隊先好排。目測最近街口那間鋪，地方最大，所以就算人龍長少少，都ok.三個人去三碗麵，作為精明客人，當然係不重覆點餸，來個自己換，咁一次可以食曬九個餸試完九個餸後，如果要揀三款，我會推介魚旦、豬紅、辣魷魚，加腩汁配油麵。魚旦係細粒果種，雖然唔知有冇陳皮，但係比大粒果種，更入味。辣魷魚，夠爽口配香辣汁，絕對要試。加埋豬紅腩汁同油麵，呢D真係只有香港才食到。

車仔麵最喜歡的是湯底。然後再加醬料~配菜是其次？對於文記簡單黎講，咖喱魚蛋好似都可以勾起食慾慾望。牛雜，貢丸，家人每次都會點，尤其是不可缺少的雞翼。加啲韭菜再轉河粉，超愛，

次次正餐時條隊多人到自己卻步⋯今天下午茶時間竟然🉑️以就甘行入去⋯但其實只有兩三個吉位⋯個個努力埋頭食麵⋯個圖畫都幾攪笑🤣用箱頭筆在環保♻️膠片點好菜交給店員⋯上菜好快⋯店員還溫馨提示沙嗲的辣不夠可再加⋯韮菜丶豬紅丶牛腩粗麵⋯賣相閃靚靚⋯喝了頭啖湯⋯😱💕是這味道了⋯惹味但帶清甜的湯底⋯這🥣底配碗內任何食物也相當好味⋯特別要讚牛腩⋯入味冧滑肥美⋯我沒要飲料⋯只喝剩少許湯⋯完全沒感口喝感⋯喜歡💕車仔麵🍜的人⋯一定會愛上此店⋯

文記，無人吾識。耐冇食路過食翻次。但！！！整體質素差左！我叫左腩汁小辣金錢肚玻璃尤魚雞翼尖油麵小辣依然都係甘辣，冇麥點變吾多講。玻璃尤魚相比以往十分差，吾彈牙冇口感。油麵煮的時間過長，淋曬。金錢肚只係因為加了湯底所以有味，並不是佢本身有佢應有的味道。唯一雞翼尖的滷水汁好入味，算係保持住水準。整體而言，失望，失敗中嘅失敗。加上多左內地遊客，另等待嘅時間加長，6點幾去都等左8個字有多。現在的文記並不再像昔日的文記，現在的文記好老實，我樓下街市個阿嬸都煮得好過佢阿，仲要平D添，我洗鬼專登去深水埗朝拜。文記好好檢討，煮野食的心去左邊膠度！！

話說幾年前，無意中發現和品嚐過文記車仔麵，就覺得佢係全香港最好食的車仔麵，好味之處在於麵、餸、湯底三者都做得十分出色，我最喜歡它的冬菇仔、瑞士汁雞翼、大腸、酸齋，再配上一個沙嗲汁，這絶對是一個無敵的配搭。今次去，當然要吃相同的東西，但不同的是，多了很多慕名而來的本地和內地食客，令等位的時間長了不少。車仔麵的味道依然，冬菇仔蠔油味入味，雞翼外皮富瑞士汁香而裡面嫩滑，大腸滷得入味又腍，沙嗲湯底簡直好味到想一碗飲哂，總體他的食物水準依然沒有攞了米芝連而退步。

去深水埗買野,買到6點幾, 肚仔餓餓, 就見到文記車仔麵, 聽過好出名的, 但又未食過今日一於試試佢!!!!! 好多人排隊, 我男人見到已經唔想排, 好彩我堅持, 先令佢試到有水準的麵車仔麵一定要叫油麵底, 麵條粗幼適中, 有咬口叫左花膠, 柚皮, 牛筋, 紫菜花膠: 車仔麵少見, 但好難食,唔推介食柚皮:  柚皮係工夫野, 又係車仔麵少見, 果然不失所望, 好食, 多汁, 清爽牛筋: 重牛香,好有膠質, 份量多紫菜: 純本人至愛店上有十大推介, 大家可跟住食, 我下次經過一定會再試!

第一次抱著極大的期望來過後，拖著二百倍的失望離開後，我說過不會再來。這次不是我朋友說他早期吃過，真心覺得不錯，多番苦求我再給一次機會，我是絕對不會來的。這次結果如何？朋友都說不會來了(心裡:我都話咗㗎啦！浪費我的食慾)朋友的豆卜，小冬菇，豬腸，雞翼，蘿蔔，牛栢葉，西洋菜米線。小冬菇一口一粒很過癮，蠔油香很足，但就由於太足和太小顆的關係，菇香變相不太出。雞翼的汁料流於表面，簡稱唔入味。蘿蔔清新無渣，豆卜無咩特別，西洋菜正常不會出問題。豬大腸淡而無調味，仲有一大陣豬羶味。朋友的湯底是清湯加少辣的秘製辣醬，沒性格沒特別，後來加了花椒油，現磨花椒等，自行調配後才過得去。我的是玻璃魷魚，酸齋，花膠，韭菜餃河粉。魷魚可能浸泡在汁料內太久，表面已開始有點軟糯，沒有了彈牙爽口，最差是有腥味。花膠很軟嫩，但一點點的魚味是無可避免的，勝在夠大塊。酸齋就比普通還差一點點。韮菜餃的肉太散碎，口感差;調味又過甜。河粉是窄身但厚度多一點的，爽口但不滑溜，表面粗糙。瑞士汁湯底配少辣沙嗲同樣唔精神，唔出色。

今天長途跋涉坐車來排隊等候30分鐘入座，選了（花睇，豬大腸，牛肚，幼麵）等了10分鐘來到。 吃了幾口發現湯中的浮起一隻蚊蠅，通知服務員很快把麵倒了重新做了一碗。但心情已經沒有便付款走。

每次去深水埗行完黃金電腦場之後都好鍾意喺附近尋找隱世美食 除咗價錢平之外仲有好多特色小店美食，唔使餐餐都食連鎖快餐店， 所以每次黎都人山人海。上星期六晚終於試左傳聞好好食嘅車仔麵店~文記。遠處已經見到門口有好多人排緊隊。 由於生意太好，文記係同一條街共有3間店，每間門口都大排長龍。 好彩做座位數量都唔算小，所以等左15分鐘左右就入得去食。今次我叫咗碗三餸油面: 瑞士汁雞翼，招牌南乳豬手，玻璃辣魷魚。三款餸都好好食，特別要讚下瑞士汁雞翼， 非常入味。雖然以三餸車仔麵黎計$46貴左少少，但食物質素一流，值得推薦。

聽聞過深水埗文記車仔面好耐，今日終於有機會去試下。去到鋪頭一睇，有兩間文記痴埋一齊，兩間都好多人排隊，但就分別拎籌。我地就排左右手邊個間， 等左差唔多廿分鐘就入得啦。入到去首先梗點嗌餸，佢地係用箱頭筆寫落卡，真係既方便又環保。我覺得佢呢度既特色係湯底同調味都有好多選擇，口味任自己配搭。我叫左拉面，豬腩肉，辣魷魚，同生菜，湯底揀左瑞士汁，調味揀左沙爹汁。拉面同d 餸味道唔太夾，唔建議大家試，其他餸就不過不失。第二碗嗌左油面，紅腸，牛柏葉，豬皮。反而呢幾樣餸都好好味，味道好夾。最後叫左瑞士雞翼，呢個值得一試，因為d 雞翼好入味。

每次到文記都大排長龍，深水埗已有分開的兩個舖，仍然很多人，好彩我多數是獨個兒去吃，一般不用等多個15 分鐘！餐牌是為自在點餐，備有水筆圏喜歡的食物，很環保，其編排井井有條！雞翼，蘿蔔是值得推薦，雞翼十分有肉，蘿蔔冇楂，另外陳皮魚蛋的陳皮味濃！另外，特別喜歡渴這裡的豆腐，很新鮮！雖然價錢都很貴，只是叫四餸已是50多元，叫埋飲品，要70 元左右！然而，每次都是要等！可見人氣爆燈！唯一缺點是這裡的座位十分窄，基本上，坐下來，動彈不得，我都怕動作大一點碰到旁邊的人！相信像我這樣的獨男就不太介意，但相信女士則不太喜歡這様的擠迫！