文記車仔麵 (福榮街)

营业中

休息中

成日經過見到好多好多人排隊，已經係一條街３間鋪頭，點解仲可以咁多人排緊隊。望一望係車仔面，其實真係心諗可以有幾好食，車仔面應該都無乜太大高低？！個人朋友放假泥搵我食飯，諗緊食咩就諗起宜家排長龍既車仔面，梗係叫咁得閒既朋友仔去等位先！哈哈哈哈！！１２：３０去到，原來係排隊嗌送即煮跟住自己再搵個位坐嫁！朋友好似都係等左１５分鐘咋喎個日，其實入面都仲有好多位，唔知係咪因為個日星期五，大家都HAPPY FRIDAY無去食車仔面呢不過總之坐底左，見碗野其實唔係好多嫁咋。同朋友夾埋嗌左花膠，牛腩，蘿蔔，小花菇（即係細冬菇咁）同埋梗係有走唔甩既豬大腸。食落真係有驚喜喎牛腩好淋同入味，高質的！豬大腸，我平時都唔係太會嗌的，但試左又真係幾唔錯！我同朋友都各自清唒自己個碗，份量其實岩岩好（對女仔泥講），唔會太飽。不過其實深水埗車仔面泥講，都唔算平嫁LOL 但都值得一試試既！

超超超有名既車仔麵，永遠都咁多人幫襯，其實坐得就唔舒服架喇，不過為左碗麵，冇野可以阻擋到我，我揀左花膠、墨丸、牛根，湯底揀沙嗲，簡直係靈魂所在，調較得好惹味，其他車仔麵食唔到。

好朋友介紹這間位於深水埗的車仔麵，話說日日都排長龍，每款食物都色香味美，淋漓盡致。今天終於有機會一試，但都排了約四十五分鐘。一碗點了酸齋、雞中翼、秘製牛孖筋和辣魷魚，另一碗點了柱候牛腩、花膠和韮菜餃子，兩碗都是油麵底。每款餸的確香口惹味，而且份量也不少。雞中翼很入味，牛筋牛腩很腍，大大塊的花膠很滑，值得推薦給車仔麵粉絲們。至於油麵及湯底，和其他車仔麵店的不同，真的好好食。深水埗區有這間臥虎藏龍的車仔麵店，值得一讚👍。

晚上九点半我多到了，发现人好多呀，还是要等位，还好我就一个人，所以位置很快就到了，然后很拥挤，我不太喜欢拥挤！依然选的沙爹汁，可是菜品味道啥的没啥印象特别深刻的，还是喜欢任意点车仔面

瑞士雞翼腩肉粗麵😎$32文記雖然有好多人排隊，但整體感覺，我就覺得比較普通，味道不過不失。腩肉味道尚可，反而粗麵應該未夠熟，所以好硬😂雞翼就真係幾入味😉難怪係必食之選

是日中午一個人去到深水埗咁多間小店好西 諗咗好耐食咩毒毒一個人 決定食個車仔麵平日 十二半唔夠 等位等咗唔晒五分鐘次次食親車仔麵都好難揀餸因為樣樣都好想食😆😆最後揀咗：豬大腸、通菜、韮菜餃（本身叫西洋菜餃 但係冇）外食嚟講 我一定要有菜der🥦啲餸冇野好講，一個字 好食枱頭一排擺咗好多唔同既醬料自己調味我就加咗啲辣椒酒同醋最後麵就食唔晒，但係飲晒個湯 正餐廳既裝潢感覺好似日本既拉麵店，有別於一般車仔麵啲碗都幾靚果然 包裝係好重要啲位同拉麵店一樣係一字排開既，逼就唔多唔少都有啲架啦本時拍拖冇機會食呢啲難得一個人麻甩地食車仔麵，竟然遇到靚靚又好味既文記，感覺非常良好😎😎

深水埗呢間文記車仔麵真係好出名！次次黎都要排隊，不過好彩等嘅時間唔算長。每次嚟食都會叫瑞士雞翼，魚蛋朱紅油麵呢啲走唔甩㗎啦！特別推介好少人知道嘅就係文記車仔麵可以買麻油！麻而不辣！！！好啱啲鍾意食麻但係又唔食得辣嘅人！買返去打邊爐落幾滴都好正！！佢唔會放喺鋪頭出面嘅，要自己問！幾十蚊一支大大支！！平時喺屋企打邊爐落啲麻油再加少少豉油。真係好正！起碼出面暫時見唔到有先！所以每次食完我都會買一支麻油走！

成日聽到人哋講文記車仔麵好好食又排哂長龍，終於有機會試吓。我8點左右去，排咗大概20分鐘。地方好靚，但略嫌有小小逼。今次我叫咗豆卜，雞腎同韮菜餃，仲有馳名嘅瑞士雞翼，整體黎講都唔錯，瑞士雞翼好入味，最重要係價錢唔會因為名氣而貴咗，值得一試！

文記車仔麵辣度Spiciness: 🌶🌶🌶🌶 (out of 10)————————————今日喺荔枝角睇完好姊妹嘅歌唱表演終於順便可以嚟試下傳說中嘅文記車仔麵喇😍.叫咗玻璃魷魚、韮菜餃子、豬紅、蘿蔔米粉加勁辣辣汁🌶都唔錯嘅 但都係覺得榮記好食啲主要因為覺得湯底唔夠濃味但今日番到公司同文記專家@tiff 反映原來要加埋腩汁或者咖喱汁先會好食咁我下次一定要再去了😆😆😆..多謝Elaine 請客☝🏻

是日泡泡小子同泡泡姐去深水埗玩具街， 出發前先係文記食個車仔麵， 大約12:30到， 攞飛等叫位， 大約等13張飛， 大約等左15分鐘就有位比預期中快入到去安排位， 地方乾淨但坐位之間有點擠逼🙈先睇餐牌， 雙面設計，簡單清楚， 用水性筆畫， 其後可擦可循環再用叫左2碗麵， 但阿姐漏單， 同佢講返， 另外上餸泡泡小子食河粉： 豬大腸、小花菇、酸齋、牛膀、豬油渣+沙爹汁、腩汁。（但漏左豬油渣等後補）💕豬大腸：乾淨、入味💕小花菇：好正 ❣️真係食到冬菇味💕酸齋： 其中最愛車仔餸之一💕牛膀： 大大舊，好味💕河粉配合埋腩汁、沙爹❣️❣️泡泡姐： （泡泡小子試左d車仔餸😋）粗麵： 蘿蔔、雞中亦、韮菜餃、魷魚、柚皮+沙爹汁、腩汁 。（但漏左柚皮等後補）💕蘿蔔： 好好味❣️無渣、 夠淋、 入味👍💕雞中亦： 入味💕韮菜餃： 3大粒， 仲要係大大粒都好味💕魷魚： 辣口的， 不過不失後補的： 豬油渣、柚皮💕豬油渣： 無得輸❣️❣️脆卜卜， 唔覺膩， 浸左湯都無變淋（下次去要再食）💕柚皮： 正常， 不過不失大滿足😋😋😋車仔餸份量算多， 下次叫3-4隻餸就夠， 今次泡泡貪心叫左5隻餸🤤好飽

Finally visit the famous noodles shop!無諗過豬紅完全唔羶唔腥，食落好q彈有咬口。雞腳醃得非常之入味，啖啖都覺得係有豐富嘅骨膠原！仲有，唔係每度都有銀針粉架，食落chewy, 連湯一齊食好好味呢！

朋友推介這裏的車仔麵，今日去深水埗當然要試下，我叫了油麵腩汁，三餸有水魷，牛筋，豬手。水魷ok，其餘倆樣燘得唔夠淋；最弊係之後食完勁口渴，就知啲味精好重手...失望！

#LuBie深水埗🍜車仔麵（玻璃辣魷魚、瑞士雞中翼、韮菜餃 河粉）（🤤：8.5/10）跟餐加$10有咸檸7🔽呢間深水埗好出名既車仔麵，已經成兩年無黎食，鋪頭裝修左 比以前靚好多，呢間係最近街頭果間 無晒啲圓枱 感覺似日本既拉麵店。一入黎姐姐就俾左塊cardboard 我 用marker 去圈野食 落order。🔽點左幾樣呢度比較出名既餸，揀左河粉底 同腩汁湯底加少少秘製辣汁。玻璃辣魷魚帶微辣 做到脆既口感，一咬落去果下幾脆 之後就幾軟熟。韭菜餃有三大隻 裹面既餡都幾足 有好多韮菜 肉就相對較少 味道唔錯 係略嫌包得較散。 湯底方面都濃味且帶點清甜味 而且加左辣 辣勁十足 ，雖然加左腩汁 但就唔太覺有腩汁既味道，啲河粉吸收晒啲湯既味 食起上黎好正。🔽杯咸檸7 俾足一個咸檸檬仔 加入汽水後 篤爛佢，令杯汽水有滿滿咸檸味，呢杯野都幾唔錯。.📍文記車仔麵（第一分店）📍深水埗福榮街119號地下#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie

一條街3間鋪，就食左呢間最多人評論最多口碑嘅先啦~先講環境，比起另外兩間，佢係比較四四正正，不過入到去真係幾迫，空間感好少，坐得唔舒服。而且感覺上太多人等緊位，所以唔可以食得太慢。配料$8-12，麵底$8-9，湯底分腩汁、瑞士汁、清湯，可配辣汁、沙嗲等。每個位都整齊擺放好醬料、菜莆，呢方面都值得加下分嘅。唔算好貴。腩汁湯夠濃, 蘿蔔幾清甜，牛腩炆得好淋好入味，不過呢D係基本野姐。豬腸份量幾多下，乾淨唔韌；鳳爪還可以，唔算鬆散；韭菜餃可能浸得耐，一夾散哂。整體黎講，用料足，湯底入味，可以再戰。至於衛生方面要扣番分，真係幾多烏蠅，咁樣真係反胃架。

深水埗-文記車仔麵：蘿蔔牛肚米線+腩汁(hk$31)又黎到我去到深水埗都想食既文記車仔麵，今次到訪佢既新舖格局好似拉麵舖，雖然很逼但明亮整潔，牆上放滿各式醬料，經典車仔麵膠碗換上瓷碗，椅底還貼心地提供手袋籃比你擺袋，簡直係全面升級😆黎呢度一定要食佢既秘製辣汁，加埋通菜同索湯米粉簡直係無_敵！！！但我唔知痴左邊條根竟然剔漏左我既大愛辣汁，可能上天見憐，知我因為之前食得辣野多生左粒大暗瘡（哭），所以我唯有知天命食清d算啦... 雖然都唔甘心所以加左辣菜甫😆蘿蔔係佢十大推介之一，我認為當之無愧，清甜無渣軟硬適中。牛肚係金錢肚，軟淋入味，非常有水準。腩汁又是一絕，濃味不油膩。朋友點了牛膀和一堆內臟，個賣相都好得。其實我之前有一次在舊店食完係肚痛既，不過呢度既麵擁有足夠我再回頭比機會既滋味☺️