文記車仔麵 (福榮街)

营业中

休息中

呢間都算係我幾鍾意食嘅車仔麵不過每次去都好似打仗咁唔使搵位住，去到排隊嗌嘢食先然後就會有姐姐安排位置俾你又真係嗌咗嘢食，唔會冇位個喎好神奇，我唔係好明點解咁樣可以操作到😂不過我喜歡佢嘅湯底豬皮好夠入味豬腸雖然都仲係感覺清潔得唔太乾淨不過我喜歡佢好惹味，唯有自己咬走佢😂老公嗌嘅魷魚同孫齋都幾好食我哋仲另外叫左碟菜西洋菜腩汁nice 喎好少何有西洋菜，幾正呢度仲有好多醬汁可以自己落仲有辣菜譜添😆😆

星期一阿女放假，同左佢出深水埗。佢話想食車仔麵，我地就去左世一文記。N年前食過，果陣仲係紙仔落單，而家變成自己手機落單。手機落單冇問題，揀完一輪想俾錢，又要登入或註冊。我用訪客模式俾錢，㩒入去後冇野顯示，疑似hang 機，要我從頭揀過哂！我同店員講：「我叫2碗麵者，人手落單得嗎？」佢話你唔手機落單唔俾錢，入面點整俾你？然後行開。而家唔係我唔俾錢，係你system 問題好冇？知你多人食，做生意就唔可以flexible 一啲嗎？

已經唔係第一次食文記車仔麵，有個好鐘意食文記既朋友當佢飯堂咁，今日又去食啦😆每次去都一定要排隊，已經避開咗lunch hour都係咁多人，人氣真係有增無減！啲餸選擇算係多，今次叫左雞中翼、陳皮魚蛋、鯪魚肉、小花菇。🍗雞中翼係每次必叫既，淨係睇色水就知煮得好入味，啲軟骨好易咬甩，無雪藏味👍🏻小花菇都係我必叫既餸，無個浸臭菇味，細細粒，好吸湯汁好惹味。陳皮魚蛋同鯪魚肉係朋友介紹，覺得普通，唔係太出色。最緊要都係要加辣，叫左小辣，另外建議加埋花椒油，勁香👍🏻

吾會再去文記食車仔麵，今日入到鋪頭已聞到一浸味，初頭諗住少少算啦因為都幾想食，但坐底之後發覺係一陣臭味都幾嚴重，係一種內裡發出嘅嗅味，應該清潔上有問題。仲有，叫了杯鹹檸七，個鹹檸檬完全無切，咁點有味呢🙄，真係無下次。差差差差差差差👎👎

福榮街真係好多又平又好食既餐廳🥹 今次黎到米芝蓮推介既文記車仔麵 條龍長到傻 多人幫襯到連開幾間舖位👀 真心感激其他朋友早到 天氣咁熱都排咗好耐 我先可以試下🥲 ✨ 辣魷魚+花膠+蘿蔔+銀針粉💲 53（15+15+11+12）文記無論餸定麵類選擇都好多🥹見到有好耐無食過既銀針粉同瀨粉就即刻揀咗🤍 如果選擇困難 可以參考下舖頭列出黎既必食推介～辣魷魚令到成碗湯都變辣 如果好似我咁唔食得辣要留意喇～但係口感彈牙 辣辣地好過癮🫶🏻 花膠好大塊 但係我覺得無咩特別👀 蘿蔔好甜 無筋～✨ 酸齋+韭菜餃+牛孖筋+瀨粉💲 52（12+13+15+12）我平時唔食酸齋 但係我覺得都唔錯 唔會過甜/酸 質感唔錯～ 韭菜餃餡好食 但係皮偏厚 係正常既餃😗 牛孖筋都係正常好食既牛孖筋😹✨ 鮮榨蔗汁💲 +10 （單點💲 18）偏甜 但係解辣🤣✨ 洛神花茶💲 +10 （單點💲 18）我覺得好飲過蔗汁～🫶🏻文記車仔麵唔算係最平既車仔麵 但係我覺得價錢都算合理 值得一試🤍雖然我覺得車仔麵本身已經夠味 但係鋪頭檯面擺咗好多醬料比大家使用 幾特別～

☞ 深水埗 文記車仔麵 ☜———————————————每次去都見到好多人排隊，食完覺得都唔錯嘅，個好似有啲過分吹捧😵‍💫———————————————◊ 油麵+玻璃辣魷魚+柱候牛腩+腩汁+沙嗲汁 ◊魷魚唔夠爽口彈牙，但係牛腩炆得幾淋幾香。湯底唔算好濃😣美味程度: ㊣㊣㊣/5◊ 蕃薯粉+南乳豬手+美味酸齋+腩汁+秘製辣汁 ◊好少見車仔麵有蕃薯粉。豬手炆得好淋，但話冇乜南乳味，酸齋彈牙，而且都幾厚實🤪美味程度: ㊣㊣㊣.5/5◊ 惹味韭菜豬紅蘿蔔大腸-大 ◊最正嘅竟然係呢個，豬紅唔會腥，蘿蔔清甜，大腸冇臭味😋美味程度: ㊣㊣㊣㊣/5———————————————📍:文記車仔麵深水埗福榮街121號地下#為食豬在深水埗 #深水埗美食#foodblog #車仔麵 #香港美食 #香港餐廳

第一次排隊去食個料 餸 同個麵又真係幾好食既👍🏻👍🏻👍🏻但大熱天時要排4-5個字真係有少少卻步間唔時去食真心好ok🤣🤣🤣整體野食好味👍🏻👍🏻

今日喺高鐵站接表妹表弟然後就去文記車仔麵店米芝蓮餐廳！深水埗有四間店都係同一條街大家可以睇下邊條隊比較短才排隊，原來個位置都唔算太逼，點完食物就可以坐低等佢送過嚟排隊時間大概20分鐘價錢方面個人認為性價比非常高同埋係平過同幹其他食物！！面底都只需12蚊，一個餸大約十多元左右！算是窮人恩物至於食物質素中規中矩，比較大驚喜嘅係豬手👍，性價比非常高有兩大嚿（15元）味道真係比較入味非常推薦！咖喱四寶👍算係唔係太辣豬皮魚蛋，豬紅同蘿蔔，呢個餸亦都非常出色，建議可以點一份！我哋仲食咗豬大腸牛腩👍都係正常味道豬大腸亦都同外面唔同，比較有咬口！人生點都必定要嚟食一次,近嘅話要多啲嚟食

其實門口也有寫十大推介的車仔面餸跟著叫就沒錯了當然其他餸也好吃我叫了辣魷魚 瑞士汁雞翼 酸齋 糖心蛋 窄菜 腩汁總括依然我應為很好吃！糖心蛋沒有流心 但很入味 也好吃豬紅蘿蔔也好吃(任加辣菜圃)-💰50 hkd

玻璃魷魚，花菇，蘿蔔豬紅，d野食好好食，不過好辣，排隊耐，自動落單俾錢方便。重點：但係落單後，等20分鐘先有野食，等到同女朋友鬧交 ，負評！鬧完交寫緊負評補飛！不建議情侶共餐😤😤😤😠

深水埗出名米芝蓮車仔麵最鍾意食瑞士雞翼雞翼裏面重好嫩滑，好香，好美味瑞士雞翼必食👍👍👍👍👍我好鍾意佢個瑞士汁魷魚都非常唔錯魷魚好爽脆👍👍👍👍我通常叫菜底小冬菇都好味小冬菇蠔好香👍👍👍👍牛腩都不錯基本上所有車仔麵嘅餸都幾好味湯底好惹味員工服務以車仔麵嚟講都算不錯通常都要排隊所以我唔趕時間先至食因為我唔鍾意等位置好方便地鐵站附近價錢比平時啲車仔麵貴少少因為出名所以貴少少都係正常

開始進入舖時，想重溫二年前味道質素。可惜大出意外，又第一班質素跌到第五班。由剛叫玻璃尤魚開始就知道中伏，唔知道大廚放了多少斤鹽。加上一碗湯油拌麵，要增肥請喝多點，點解跟之前的餸質素及服務相差一大截，換了老闆？！以後都不會再來🤮失望！

-每次黎依間車仔麵都要排隊，而且係同一條街一共開左4間鋪，你就知道佢有幾多人食😋🤤首先排隊買麵，買完先會安排座位比你🤣🤣🥢玻璃辣魷魚+瑞士雞翼+牛柏葉+油麵+秘製辣汁車仔麵既賣相麻麻地，好有舊香港特色🤣🤣記得加埋辣菜脯。魷魚好有咬口同彈牙，但唔入味，可能係因為個湯浸住左，所以冇咩味。雖然，個湯底係秘製辣汁(小辣)，但係後尾越食越辣，最後先發現係個玻璃魷魚個汁令到個湯底好辣，所以唔食得辣既朋友仔要注意啦❗❗❗牛柏葉乾淨爽口，唔會好韌😋😋瑞士汁雞翼好入味，連雞肉入邊都甜甜地🤤🤤強烈推介❗最後其實我係叫幼麵但係姐姐聽錯左油麵，所以order既時候要大聲d🤣🥢韭菜餃+魚肉+八爪魚腐皮卷+銀針粉+腩汁韭菜餃好香好香，但個皮就比較厚🤣魚肉入面肉嘅比例比較多，咬落去完全唔粉，有咬口，好好食😋八爪魚腐皮卷就普通D，可以叫其他野試🤣🤣🥢玻璃辣魷魚外賣左個玻璃辣魷魚返屋企食，發現個魷魚冇左個湯浸住，D辣味真係會辣到噴火，陣味好刺激😍而且好似食唔停口咁，好正😍🤤評分：味道：⭐️⭐️⭐️環境：⭐️⭐️整體：⭐️⭐️⭐️————————————————————————

深水埗文記一向都出名，有一晚夜晚好肚餓，決定去文記食宵夜😜夜晚11點幾去到，都仲有10幾個人排緊隊，果然係人流不斷👍🏻趁排隊嘅時候睇吓Menu，瑞士汁雞翼、手打魚肉、牛筋腩、花膠等等都係必食推介⭐️📍手打魚肉陳皮魚蛋粗麵手打魚肉其實係鯪魚肉，形狀不一睇得出真係手打，味道有少少似係生菜魚肉入邊嘅魚肉，好好味，一啲都唔腥，而且口感彈牙！陳皮魚蛋細細粒，充滿陳皮香！食完一粒又一粒🤪我鍾意食有口感嘅麵所以叫咗粗麵，粗麵唔會過淋，好食！📍瑞士雞翼牛腩韭菜油麵瑞士汁雞翼果然名不虛傳，瑞士汁味濃郁好入味，不過略甜，雞翼雖然得兩隻但頗大隻，肉質嫩滑，唔會醃過龍🌟呢度嘅牛腩就只會比牛腩唔會帶有任何牛筋，牛腩肥瘦適中，唔會太鞋，啖啖腩汁好入味！韭菜確實俾得好慷慨😂原來配上車仔麵好好食🤪雖然食完有點口渴，但一定會再嚟文記食！

深水埗文記車仔麵預左要排隊是值得最正落單後搵位座就有姐姐送上檯每次樣樣都想食選擇困難症又出現必食玻璃魷魚（爽口入味）豬皮（爽滑淋入味）蘿蔔（甜淋無渣）紫菜（爽口）豬大腸（超正夠邪惡）美味酸齋（酸甜汁適當）湯底加上秘制辣汁配油麵全碗車仔麵配搭完美