文記車仔麵 (福榮街)

营业中

休息中

深水埗文記車仔麵預左要排隊是值得最正落單後搵位座就有姐姐送上檯每次樣樣都想食選擇困難症又出現必食玻璃魷魚（爽口入味）豬皮（爽滑淋入味）蘿蔔（甜淋無渣）紫菜（爽口）豬大腸（超正夠邪惡）美味酸齋（酸甜汁適當）湯底加上秘制辣汁配油麵全碗車仔麵配搭完美

傳說中最好食既車仔麵今日我都黎潮聖 排隊想試下傳說中最好食既車仔麵😂叫左4、5個餸 都大大碗既食得飽不過排左都半個鐘🥲都有啲攰味道都唔錯 👍🏻但我覺得佢排第二🤭

SSPO的人龍車仔麵店，曾經得到米芝連推介。環境非常之窄，出入不太方便，但食物卻好可取，有多種配料可供選擇，也有不少湯底及秘制醬汁可選。點了魚皮餃、魚肉及餃子及辣汁，每種食物的份量都好多，比起連鎖米線的食物種類多及美味，魚皮餃大大粒，沒腥味，肉汁又多。幼麵亦十分彈牙。麻辣腩汁好惹味，又辣又香，好刺激。

呢間真係無得頂，係我食過最好食嘅車仔麵，真心推介。個人必食之選，玻璃魷魚，蠔油冬菇，超好食韮菜餃，湯底都好好食，個辣汁非常配合。唯一係成日要排隊，服務態度都非常一般

香港最有特色嘅麵其中之一就係車仔麵，但而家想食都好食嘅車仔麵，就比較困難，咁深水埗文記呢間嘅車仔麵一直都好出名，成日都排晒長龍，所以今次特登過嚟試吓到底係唔係咁好食🤣🤣🤣咁今次我喺下午嘅時間過嚟就唔使等咁耐，試咗一個幼面+3個餸包括牛腩大腸同玻璃魷魚，牛腩就中規中矩啦，大腸太多油同脂肪，但玻璃魷魚就堅好食，咁同行友人就俾咗一隻雞翼我啦，個雞翼係瑞士汁雞翼嚟，真係堅好食。整體而言，味道係適合香港人嘅口味，湯底已經叫佢唔辣，但玻璃魷魚本身就辣，所以成個湯到少少辣，係堅好味

Queued for 30mins until I was able to order, went for beef brisket, pigs ears, chicken wings and tofu skin.Given the long queue and michelin guide ratings I expected more, paid close to $80 so wouldn’t say it was cheap either.Was a very average bowl of noodles, chicken wings were pretty decent- strong flavour, but felt everything else was average.

文記車仔麵 真係無得輸!點解可以連外賣都咁好食每次去都係要排隊先食到不過其實咁多人來講 都算快手今次10幾分鐘就有得食湯底一定要揀瑞士汁，雞翅，豬腸，通菜，同牛柏葉。每次都係必點！

依間嘢長期都多人排隊，同一條街有4間分店就知佢有幾好食🤣今次無叫車仔麵，叫咗其他試試佢😗如果食車仔麵大推佢嘅大腸同魷魚喔🤘🏻酸辣粉🍜 💰32 ❤️‍🔥9/10分🎀Foodpanda外賣💰41唔知自己落單有冇得自選麻、辣、酸嘅程度，喺app入面係可以嘅〰️我就揀咗走麻，微辣，多酸😝好多芫茜，正💥薯粉夠煙韌😋花生同肉碎都好香，酸菜夠酸，又爽口🤤湯底都好酸，辣度對我依啲食kfc脆辣雞係極限嘅人嚟講啱啱好🤩⚜️整體性價比 8/10分如果係自己買嘅話會有8.5分，32蚊已經少少貴，因為無餸得配料（肉碎對我嚟講唔係餸），41蚊就不了，唔係有男友俾錢唔會食嘅程度🤣（我真係好老實）

晚上宵夜時間仍然大排長龍，幸好朋友早到場排隊，才有機會一試。雞翼和大腸水準中上。西洋菜餃不過不失。以兩餸米線份量而論，定價合理。但雞翼定價稍貴。可以再食的一間店舖。

💛文記車仔麵·呢間我次次去深水埗都好想試 不過佢條龍實在太長 我地真係有少少驚 所以一路都無試🤣🤣今次夜晚放工黎呢邊買野見到佢個蛇餅得一排就決定食佢 雖然最後其實我地都等左20幾分鐘😂·招牌瑞士雞翼$15 l 美味酸齋$12 l 清甜蘿蔔$11 l 上湯花膠$15 l 玻璃辣魷魚$15 l 自製墨魚角$14 l 招牌自製韭菜餃$12因為佢所有餸係分開嗌嘅 加埋$11既麵底 所以都要$5x一碗車仔麵 所以都真係偏貴少少 不過佢配料嘅選擇係幾多既😈我自己覺得最有驚喜係佢個瑞士雞翼 佢呢個雞翼好大隻 煮都岩岩好 唔會話淋到霉曬 調味都唔會太鹹🐤之後個酸齋都好味 佢係索晒湯 質感好好🤤🤤蘿蔔都好甜無渣 個花膠都好大塊 不過佢呢個就唔算炆到好透 而且佢係就咁煮既 所以本身無咩味 我自己覺得任你點既花膠好味啲🫢😂魷魚就正正常常啦 之後我哋本身以為墨魚角係好似魚角嘅墨魚版 但係原來佢好似魚皮餃咁嘅 所以我個人冇咁鍾意🤣最後嗰韭菜餃就真係少少失望啦 佢呢個唔算好飽滿 而且個餡都無咩特別 食落比較普通🙈·#rbyeat#rby港式#rby💛#rby深水埗·📍深水埗福榮街121號地下📍深水埗福榮街123號

呢間車仔麵真係好誇張，好受歡迎。由一間開開下變咗一條街有成四間🫢不過車仔麵黎講，佢的確好好味😋基本上每一個餸都係有用心製造，唔係白烚。係呢度，你可以係APP任選湯底，粉面及餸菜，直接係APP付款。(得一間可以俾現金）我就叫咗幾個餸配米線。咖喱魷魚：用咗咖喱汁煮，煮到入晒味陳皮魚蛋：好重陳皮味，魚蛋軟硬適中豬油渣：味道香脆濃郁羅白：清甜，冇渣湯底：我揀咗瑞士汁&加辣，所以係甜甜地帶香辣飲品：甘蔗汁，非常清甜！如果想再食得濃味d，佢有大量調味料提供！ 仲有佢自家製嘅辣菜脯唔可以錯過 😁我自己就encore 咗好多次，我有朋友離開香港多年後回港第一時間都要食佢！ 可想而知佢既魅力有幾大 🤭

去開深水埗，一定要試試文記車仔麵，長期都見到有人排隊，不過就好快手，大約5分鍾就排到我。今次叫左玻璃魷魚，蘿蔔，韭菜餃最多人叫一定係玻璃魷魚，前面排個幾個都係有叫，份量多，魷魚彈牙，好味:）蘿蔔夠晒鮮甜，韭菜餃就一般般，佢地個秘製辣醬真係好惹味，令整個車仔麵味道昇華～覺得鍾意食辣既人一定要試試！

i wonder why this is so popular.i know the answer now, the high food quality.i hv heard this long time ago. man kee cart noodle.today sudden walk pass the area.looks at the stores around.u see 4 shop are in their same name.holy mother of god.no historical hk record can do this. managing the 4 store at the same street.they must have balls to do that.......same chef same kitchen, distrubute to 4 store manually. quality controlled. very nice.will be back.❤️ps, a little bit spicy.#food #likes #delici

都隔左好耐冇食車仔麵，次次來深水埗文記都必定排長龍，晚黑用男朋友都諗唔到食咩好，行到深水埗見到文記就說不如食文記啦，前面都有成二十人排緊。不過好彩都算快，等二十幾分鐘就可以輪到我地啦。好似上次一樣我就揀返蘿蔔，因為真係好軟好清甜，跟住就係陳皮魚蛋，好煙韌，好有陳皮味，次次去都必叫。而男朋友就揀左鳳爪同牛柏葉。昇華嘅就係加左佢嘅蘿蔔乾，真係一流，真係點食都唔厭。食完想再食。咁多人排隊係有道理嘅😋😋😋

約朋友去深水埗文記食車仔麵。鐘意文記每種材料都煮得非常入味，但就要預咗油膩，濃郁湯底加埋油麵，簡直係減肥嘅敵人。今次點咗魚條、蘿蔔、豬皮、豬紅、豬腸等，豬紅最好味，口感實在，蘿蔔魷魚都好入味，唯獨豬腸就過肥，少少遺憾。兩碗加埋150蚊，少貴。