斑蘭

营业中

休息中

餐廳：斑蘭地點：尖沙咀圓方菜式：新加坡、馬來西亞餐牌：下午茶餐有唔同組合，Part A係前菜，Part B係主菜，Part C飲品。PartA+B$88，PartB+C$88，PartA+B+C$98，另收加一。仲可以加錢要甜品。平日都可以訂枱。香茅烤雞肉串燒香茅烤雞肉串燒一客兩串，用金屬叉拮住，食落啖啖肉，黃咖喱味香，跟有酸辣醬，令味道更好。伴有一粒桔仔俾你自己調味。新加坡大蝦喇沙摻摻新加坡大蝦喇沙摻摻有連殼蝦兩隻，蝦肉鮮甜，蝦頭有膏；連殼蜆4隻，雖然細細隻，不過好鮮甜嫩口。另有吸汁豆卜3件，爽口芽菜同紫洋蔥，面頭灑上脆脆。個喇沙湯好香滑，辣度剛好，梛汁又夠，好惹味。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。藍莓焦糖燉蛋 加$46 另加一藍莓焦糖燉蛋係一套碗碟上枱，賣相絕不馬虎。薄脆焦糖加埋下面冰凍滑溜燉蛋，面頭加上酸酸甜甜嘅藍莓醬同3粒藍莓，仲有兩條菜苗同食用花瓣。味道唔會太甜，酸酸甜甜，而口感又脆又滑，好正！今餐食物令人滿意，餐廳環境裝修不錯，好有東南亞風情，有好多卡位，座位有私隱度。服務員上菜快速，態度友善，果然係高級商場餐廳水準。𠍿錢黎講包

斑蘭今日要介紹喺圓方商場水區入面有一間新加坡菜餐廳叫「斑蘭」，一入到去每個店員都用好親切嘅笑容迎接每一位食客，會問你想坐邊度，我即刻講方便你哋就得，下午茶時段都算爆場，我等咗唔夠五分鐘就已經可以入座，佢哋有一個套餐價錢都算幾親民，就係A+B+C只需要$98，簡單嚟講即係小食+主食+飲品，而且味道都算好正宗新加坡菜味道，大家如果經過圓方商場不妨試下啦！1.自家製腐乳蛋黃醬單骨牛油雞翼（4件）+新加坡大蝦喇沙摻摻+即磨咖啡$98（9.5/10）首先小食我就揀咗單骨牛油雞翼，呢個雞翼炸得好脆身，見到「牛油」呢兩個字唔好以為好油，完全炸得唔油膩，單骨雞翼食落又方便，正！主食就揀咗新加坡大蝦喇沙摻摻，湯底好正宗，又濃又香，唔會太辣，配料有2隻肉質彈牙鮮甜大蝦、3舊吸哂湯底嘅豆卜同4隻蜆，份量都算多，超正！飲品就揀咗即磨咖啡，唔會好苦，仲有就係比食客自己落糖！2.香茅烤雞肉串燒（2串）+招牌無骨海南雞 配油香飯+桔仔話梅水$98（9/10）首先小食我就揀咗2串香茅烤雞肉串燒，雞肉串燒唔會燒到肉質乾柴，雞肉肉質嫩滑，但係有少少咸，如果味道調較返好少少就好正啦！主食就揀咗招牌無骨海南雞飯-配油香飯，仲

今日去做學校義工幫手睇住同學仔～參觀完之後我就冇跟車返去…走去呀哥公司附近約佢去食嘢🤩佢帶我食好西😃食物下午茶餐A+B+C=$98 😆腐乳蛋黃醬單骨牛油雞翼呢個真心推介！真係堅好食🤤脆脆嘅雞翼一點上腐乳醬～～少少咸又creamy嘅質感…幸福到暈🫶🏻我哋係share黎食～職員行過見到😅佢就好快俾多2隻碟我哋啲碟真係好靚💕炒貴刁有少辣～但好惹味！最欣賞係佢個腸仔，油份高又好Juicy！喇沙摻摻好足料！有2隻大蝦，4隻峴🫶🏻啲豆卜好入味～佢個辣同椰奶香非常之濃！水果冰茶呢個好好味～荔枝角紅茶！一路食麵一路要飲凍嘢😂青檸梳打串燒拼盤真係必食🔥荔枝燒帶子！好鮮甜😃好驚喜香茅雞串又好惹味黑毛豬腩肉嘅肉質鮮嫩～脂肪脆脆香口😆其他呢到嘅裝修都好打卡able~野又好食😋所以teatime都會坐full…不過個場夠大，我哋都係等咗5分鐘左右，非常之快！

今日有朋友生日，聽朋友介紹呢間新餐廳好好食，而且環境都好好，咁就一於嚟試吓啦。呢間餐廳嘅環境非常優雅同舒適，店內嘅氣氛令人感到放鬆。同朋友一齊黎呢度食飯，真係一個絕佳嘅選擇。當晚我哋點咗幾道特別嘅菜式，每一道都帶畀我哋唔同嘅驚喜。首先，登場嘅係「泰北青咖喱軟殼蟹」，呢道菜色香味俱全，咖喱嘅香料味道濃郁，但唔會過重，完美地襯托出蟹肉嘅鮮甜。軟殼蟹嘅外皮非常酥脆，咬落去嘅時候仲保持住蟹肉嘅鮮嫩，多重口感交融喺一齊，真係一大享受。接住上菜嘅係意大利飯，米粒煮得非常恰到好處，每一口都能夠感受到米粒嘅香氣同韌性。同時，飯中加咗啲海鮮配料，令到整道菜更加豐富同美味。嚴格來講，呢道菜無咩特別突出嘅地方，但係整體味道仍然令人滿意。我地仲點咗一道較為特別嘅「越式香茅烤豬頸肉」，呢道菜帶有濃郁嘅香茅味，豬頸肉煮得非常嫩滑，每一口都充滿咗香氣同汁液。配合啲蔬菜一齊食，令到味道更加豐富同立體。呢道菜嘅味道真係令人難以忘懷。呢間餐廳嘅每一道菜都非常出色，價格亦合理。無論係朋友聚會定係家庭聚餐，都係一個唔錯嘅選擇。如果你鍾意品嚐唔同風味嘅美食，呢度真係唔可以錯過呀，我下次都一定會再嚟食呀。

好耐冇去圓方 ...早幾日得閒去咗圓方逛吓 ~~見到呢間新加坡餐廳啲 tea set 幾啱食就入去食個 late lunch ~~Tea Set 選擇都幾多HK$88 可以揀一道小食 + 主食 / 主食 + 飲品想食得豐富點可以揀哂小食 + 主食 + 飲品 都只係 HK$98為食嘅儍媽梗係要哂小食 + 主食 + 飲品 (HK$98)先嚟杯清爽解渴嘅。青檸梳打小食揀了。自家製腐乳蛋黃醬單骨牛油雞翼 (4 件)單骨牛油雞翼炸至香脆，滿滿牛油香點少少自家製腐乳蛋黃醬更滋味主食揀了。檳城古法大蝦炒貴刁貴刁用了河粉搭配油麵，口感好豐富炒得乾身又夠穫氣，醬汁咸咸甜甜帶少少辣，開胃又惹味除了有兩隻串燒大蝦仲有魷魚、星加坡臘腸和芽菜份量和配料都好足 ~~好少見到藍莓焦糖燉蛋呢個配搭，又點多個甜品。藍莓焦糖燉蛋 (HK$46)薄脆焦糖加埋滑溜燉蛋和酸酸甜甜嘅藍莓醬估唔到呢個配搭都幾夾，入口不會好甜膩味道好豐富，幸福感滿滿嘅甜品 ~~** 以上分享是以我的口味、體質和情況作出分享及感受，一試 / 合用與否請自行決定

去完西九逛逛，當然會返ELEMENTS覓食。見到一間新式fusion 東南亞風味嘅餐廳，環境好，燈光明亮，裝修寬敞，就同朋友一齊試吓吧。✔️泰皇生蝦刺身🦐前菜揀左泰式生蝦，上菜已見色彩斑斕，擺盤用心。生蝦都算厚肉，新鮮爽口彈，配上特製的醬汁，味道酸甜辣香，帶來了一種清爽的享受。✔️ 越南傳統越南傳統炸春卷🫔經典的越南料理，泰卷包裹著各式新鮮蔬菜🥕，香料，肉類等，用新鮮生菜🥬包著泰卷再搭配特製的蘸醬，清爽香脆可口集於一身，充滿了滿足感和美味。✔️ 泰北街頭排骨山🤩超巨型既火山排骨，排骨炆到好腍，又有唔少軟骨，啖啖肉，搭配酸辣汁同芫茜，調味開胃又美味。 誠意推介比大家一定要試下呢個排骨山👍

圓方除咗名牌外，仲有親民價嘅餐廳。下午茶款式吸引，可自由配搭。多士香脆，很清新的餐前小食。只係普通炸雞翼，腐乳味蓋過鹹蛋味的醬料，唔太吸引。鳳爪惹味開胃，酸辣度啱啱好一窩份量都唔少，湯比較清，冇藥材味，勝在夠熱，排骨尚算稔。雞唔夠滑，醬汁普通，油飯亦唔夠香。餐廳食物雖然一般，但行商場，有多一個下午茶選擇都係好事。

今日約了朋友在圓方午間短聚，這間餐廳有正宗高質又抵食的東南亞下午茶A+B+C餐（$98）。環境舒適，氣氛悠閒，非常適合與好友輕鬆聚會。 🏅A小食讓人一試就愛上——酥脆的越南炸春卷、香濃腐乳蛋黃醬單骨雞翼，以及清新開胃的牛油果醬法包配番茄莎莎，每款都令人回味。 🏅B主食選擇也十分豐富，推薦娘惹傳統斑蘭椰漿飯，巴東牛肉醬汁濃郁，還有斑蘭米飯，配上脆皮雞卷，口感層次豐富；檳城古法大蝦炒貴刁炒得鑊氣十足，有大蝦、臘腸和魷魚圈，正宗馬來風味；而河內生牛肉湯河湯底鮮甜，牛肉軟嫩，完美還原越南風味。 🏅C飲品水果冰茶清爽解膩，即磨咖啡香醇濃郁，為這頓下午茶畫上完美句號。

搭完高鐵返嚟，唔想煮飯，直接喺圓方食嗰晚餐，誤打誤撞遇到呢一間幾高質嘅餐廳。「五色牛油果米紙捲」，擺盤精緻，透明米紙包裹著豐富食材，色彩絢麗。牛油果軟糯、蔬菜脆嫩，搭配得很不錯。一口下去，清爽的口感在口中散開，加上少許芒果汁點綴一下，甜甜地，不錯。「香煎帶子芒果莎莎配風乾西班牙火腿脆片」擺盤又是成個藝術品咁。帶子個頭飽滿，煎至恰到好處，外層微微金黃，內里幾鮮嫩。芒果莎莎酸甜開胃，加上飛魚子醬在口中爆開，增，好鮮甜。風乾西班牙火腿脆是畫龍點睛所在，咸香醇厚，個人好中意。「新加坡喇沙炒海鮮貓耳朵」，濃郁的醬汁色澤誘人。貓耳朵形狀的意粉好可愛，嚼勁十足，而已可以裹著喇沙醬的濃郁味道。蝦、魷魚、青口等海鮮新鮮彈牙，加上三文魚子和吸滿湯汁的豆腐包，整體感覺好豐富。斑蘭 (尖沙咀)尖沙咀柯士甸道西1號ELEMENTS圓方水區1樓1044-1045號舖

今日行九龍站圓方，見到Pandan Asian Fusion裏面裝修好靚好光猛，卡位坐得好舒服。有濕紙巾提供。兩個人叫咗個星洲香辣炒珍珠米 $198，裏面有鮮蝦，魷魚，洋蔥長豆等。飯粒炒得好分明，啲蔥炒得好香，份量都幾大，兩個人食就啱啱好。另外我一見個餐牌，就想食泰北街頭排骨山 $268，佢有得嗌小辣，都有兩三件好大件，每件都大過手掌，都幾多肉，調味剛剛好，上面有啲香菜所以拎過嚟嘅時候好香。肥瘦均勻，用手就最好食。

餐廳環境乾淨，坐得舒服。下午茶以質素及位於圓方來說算抵食。下午茶：A+B+C($98)A1:牛油雞翼（4件），冇乜特別，普普通通，令我有D失望。A2:香茅烤雞肉串燒（2串），推介👍🏼👍🏼👍🏼👍🏼好好味😋B1:娘惹傳統斑蘭椰漿飯（巴東牛肉、脆皮雞卷），個飯無乜特別，但巴東牛肉同脆皮雞卷，好好食👍🏼👍🏼👍🏼👍🏼👍🏼B2:無骨海南雞喇沙摻摻，雞好滑好味😋，但唔係好多件，喇沙正常味C1:熱桂圓紅棗茶C2:凍水果冰茶，正常甜品：藍莓焦糖燉蛋（$46）由於同menu照片有出入，賣相麻麻，味道正常，失望。

圓方fusion 菜新餐廳，同朋友睇完戲去試下檳城古法大蝦炒貴刁串燒鮮蝦搭配貴刁，醬汁微辣，風味獨特。河內慢煮牛腱心配秘製酸子汁牛腱心經過慢煮，肉質軟嫩，入口即化。秘製酸子汁的加入為菜品增添了一層清新的酸味，平衡了牛肉的油膩感。搭配一些新鮮的香草，整體風味更加豐富。五色牛油果米子卷米子卷色彩繽紛，使用了新鮮的牛油果和各類蔬菜，當中餡料中有沙葛，口感爽脆，健康又美味。米子外皮煙軔，包裹著豐富的內餡，口感清新，適合喜愛輕食的人士。每一口都能感受到不同食材的風味。

來到九龍站圓方除了兜兜逛逛shopping買名牌，還要好好對待自己的胃喔💓，吃吃美食😋就是必須的。想吃新馬菜式的朋友們，這次要介紹這家環境舒適，服務又周到的Panda Asian Fusion Bistro, 這是一家很有特色的🇸🇬🇲🇾新馬fusion 菜餐廳🍴點了幾款又有賣相又好吃喔，絕對是fusion 菜式的特色：1. 清萊原個菠蘿🍍海鮮焗義大利飯 $238 這個原個菠蘿🍍賣相已經超級搶眼，上面有蝦，青口，八爪魚🐙等海鮮，米飯是以risotto 作法，超有心思，再加上芝士🧀焗，味道真的超級棒，另外還有甜甜的菠蘿🍍搭配，可以邊吃飯邊吃菠蘿，感受到另一番風味呢😋2. 香芒天婦羅軟殼蟹紙米捲 $128 這邊賣相不得了，好像一幅畫一樣，軟殼蟹脆脆的夾上薄薄的紙米捲，沾上香芒汁，豐富口感超好吃。3. 新加坡🇸🇬鹹蛋黃魚皮 $108 這款魚皮也是我超級最愛，超滿的鹹蛋黃真的每一口都邪惡👿但每一口都愛了，狂吃不厭，小吃的話必吃之選💓

香港嘅商場各出奇謀，以吸引顧客人流：喺90年代，商場喜歡加入唔同嘅主題設計；00年代就引進唔少國際知名品牌；到今日，商場嘅餐廳選擇成為大眾焦點，除咗味道同名氣，菜式選擇都非常重要，令商場尤如成為聯合國。其中圓方就有各式各樣嘅國際菜式選擇，主打東南亞菜嘅斑蘭，價錢實惠，性價比高，出品充滿南洋風味，成為我哋嘅推介。街頭串燒食東南亞菜，小食又點少得串燒呢？越式香茅雞肉串嘅香茅味主導整個香味，雞肉嫩滑又入味；黑毛豬腩肉燒得焦香，逼出過多嘅油分，香而不膩！越式牛油果醬法包配蕃茄莎莎烘到香脆嘅法包上鋪滿牛油果醬同蕃茄莎莎，真係口感同層次嘅挑戰。牛油果醬非常香滑，非常足料重身，非常鮮甜；但加上酸酸甜甜嘅蕃茄莎莎，又可以減輕牛油果醬嘅油膩感，真係絕配。自家製腐乳蛋黃醬單骨牛油雞翼喜歡南洋菜，其實亦喜歡佢哋對於醬汁嘅新意。好似早幾年嘅人氣鹹蛋黃醬，而嚟到斑蘭就有自家製嘅腐乳蛋黃醬！腐乳作為常用嘅粵式醬汁，鹹香十足，而加入蛋黃醬後，令味道更平順，香滑而且非常creamy，配上啱啱炸好嘅單骨牛油雞翼，真係OMG地好味！越式雞絲扎肉湯河食咗幾個比較濃味嘅小食，主菜就揀咗相對清淡嘅越式雞絲扎肉湯河啦。估唔到下午

上月聖誕節前去行西九，晚餐就去圓方覓食，說實在，沒甚麼心水，逛著逛著見到斑蘭這家吃新加坡菜的，家人覺得幾合胃口，即使輪候約30分鐘也要來嚐嚐。老公二話不說要點二人餐SET B $888﹐因為有他至愛的大頭蝦﹗先是脆炸軟殼蟹青木瓜沙律，脆炸軟殼蟹一開二，炸得酥脆，加上青木瓜與醬汁，酸甜微辣又開胃。新加坡白胡椒肉骨茶(連油條)，足夠3人份量，有豬肚、一字骨、豆卜及原顆蒜頭，強勁的白胡椒味，辣勁十足，喝著喝著非常暖身。辣味蒜片羅勒炒越南大頭蝦，4隻大頭蝦用惹味料頭爆炒，惹味又入味，蝦肉爽口彈牙，蝦頭部份勁多甘香軟滑蝦膏，推介。檳城古法大蝦炒貴刁，除了兩串燒大蝦外，魷魚、臘腸比河粉還要多，炒貴刁微濕潤，原本已有少辣，故吃前只加幾滴青檸汁已經好夠味﹗吃完辣的，來個清涼香甜的鮮芒果布甸椰汁斑蘭粉做甜品，是明智的選擇。套餐同時配2杯餐酒或果茶，用作解辣或搭配美食也挺不錯﹗