斑蘭

营业中

休息中

放假約老友圓方嘆下午茶，餐廳環境寬敞，坐位舒適。我們點左兩份下午茶（A+B+C$98）。A.越南傳統春卷，外炸得脆，餡料肉醬好味，包生菜一齊食爽口。B.新加坡白胡椒肉骨茶配油香飯，肉骨茶湯底胡辣味香濃，排骨腍滑，豬肚、豆腐卜、原個蒜頭很入味，油條索左湯吃美味，油香飯香滑甘香。C.桂圓紅棗茶，味道清甜。另一個A.香茅烤雞肉串燒，雞肉嫩滑香茅味濃。B.招牌無骨海南雞配油香飯，無骨海南雞嫩滑可口，油飯好吃👍🏻C.桔仔話梅水，酸酸甜甜好飲。海鹽雪糕粟米脆脆$42，海鹽少少鹹、雪糕甜甜地、粟米片脆脆地、朱古力卷，多重口感很特別。藍莓焦糖燉蛋$46，燉蛋嫩滑，焦糖薄片好脆。

班蘭(東南亞餐廳)今日喺西九開會，開遲咗好多，攪到過咗食晏時間，卒之一個人去圓方搵嘢食。行過班蘭呢間東南亞餐廳見有幾多人食緊嘢，就入去搵啲嘢食吓。侍應送咗份餐牌俾我，原來2點後有下午茶餐，價錢又唔係好貴，就叫咗個套餐試吓。可以揀2個或者3個course，我見有啲餓，就揀咗3個course食。頭盤有泰式酸辣鳳瓜。鳳爪醃得酸酸辣辣，食落又唔係好腍，有咬口同好開胃，做頭盤開胃小食一流。跟住叫咗碗大蝦喇沙摻摻。通常啲喇沙係用油麵，因為係摻摻，所以加咗粉絲落去，有2種唔同嘅口感。其實摻摻喺馬拉話嚟講即係兩溝咁嘅意思。餸有新鮮大蝦，蜆同豆腐卜，加埋香濃嘅椰汁湯底，真係冇得輸，淨係飲佢嘅湯都好好味。至於飲品方面，我點咗杯桔仔話梅水。呢杯飲品幾特別，因為喺馬來西亞飲嘢，通常都係桔仔水，好小有加話梅，呢度加埋話梅就改良咗少少，因為話梅有糖醃製過，所以會冇咁酸，成件事唔同晒，大家可以試吓。呢度環境係開放式，雖然冇圍牆，但你唔會覺得嘈，同朋友嚟飲下午茶、傾吓偈都係一個唔錯嘅選擇。

下午茶沖入來。圓方泊車超抵。 $200 5個鐘✌🏻🤭愛吃斑斕愛綠色的我點了$98 加1 菜式 abc 餐A.牛油果🥑蕃茄他他娘惹傳統斑蘭椰槳飯（巴東牛肉，脆皮雞卷）個擺盤都幾吸引，牛肉同雞卷份量都好足，一個餐兩個人食都夠。加埋啲配菜同糖心蛋送飯都可以，食完仲有份牛油果🥑蕃茄他他已飽到暈！桂花紅棗茶甜度剛好，見人哋食肉骨茶都超大份，下次試吓先得！

今日過開嚟圓方睇戲，咁就睇之前簡簡單單食啲嘢， 搵到間東南亞菜，門面都幾靚，就試下呢間啦。 餐廳以孔雀為主題，營造熱帶雨林氛圍 清萊原個菠蘿海鮮焗意大利飯材料好豐富，有蝦、魷魚、青口、帶子 ，上面有芝士碎同埋拉絲芝士。成個飯都充滿椰香味，入面嘅菠蘿粒酸酸甜甜， 令人開胃。伴碟嘅燒菠蘿絕對不容忽視，表面微微燒焦，咬落去鮮甜多汁。 越式香茅烤豬頸肉：豬頸肉爽滑彈牙，表面焦香，配合埋蒜片，味道一流👍。 越式香茅雞肉串：雞肉鮮嫩多汁，有陣陣香茅味。 黑毛豬腩肉：豬腩肉唔會過多肥肉，油脂香氣十足，油脂入口仲保留住脂肪融化口中的香味，肉質柔嫩多汁，肉味濃郁美味。

圓方行完街再次探訪 “斑蘭”星馬泰菜裝潢精緻高級舒適，食超值下午茶好好味😍A：小食B：主菜C：飲品A+B+C $98A+B $88B+C $88B : 主食新加坡大蝦喇沙摻摻喇沙湯底香濃有少少辣又有椰香味，兩隻大蝦爽甜彈牙油麵加米粉簡直絕配，索晒啲湯勁好味😋河內生牛肉湯河牛肉清湯鮮甜生牛肉嫩滑河粉剛剛好不會太淋新加坡白胡椒肉骨茶配油香飯超大煲香濃白胡椒味湯，肉骨嫩滑夠淋，下午茶真的好超值A : 小食香茅烤雞肉串燒2串雞肉嫩滑好香香茅味，自家製腐乳咸蛋黃單骨雞翼又有驚喜咸蛋味雞翼炸得鬆脆腐乳醬好特別超正越式傳統炸春卷春卷熱辣辣脆卜卜包住新鮮爽口生菜好惹味C : 飲品桔仔話梅水酸酸甜甜好醒胃熱咖啡香濃又香滑

平日晚上到了尖沙咀Element 的Pandan Asian Fusion Bistro吃晚餐。餐廳裝修以白色為主，裝修優雅，開放式的設計令空間廣闊，整體感覺令人舒適。餐廳主打東南亞fusion菜，無論前菜、主食、意粉和小食都有，而且更有期間限定的菜式，選擇豐富。◽️香辣蒜片黑松露野菌意大利麵 $220用上野菌和蒜片炒成的意粉，意粉軟硬適中，幾有口感。整體味道偏辣，拌上黑松露醬後令味道層次豐富，幾好食。◽️ 新加坡喇沙炒海鮮貓耳朵 $220第一次嘗試貓耳朵，口感彈牙，感覺有點像硬身的通粉。而且十分掛汁，每一口都可以食到濃濃的喇沙醬，挺惹味。配菜亦足料，有蝦、青口、三文魚籽等

今日送FD到九龍站坐機場快線，睇到哩間鋪頭唔錯，咁試試。店鋪裝修得好型格，晚市都可以安排四人位置，坐得好闊落。晚市提供數款雙人套餐，不過FD仲有飛機餐可以食，今日求其叫幾款試試。越南傳統炸春卷，春卷即叫即整，送上來仲熱笠笠。春卷皮好薄同埋好脆口，內裡有胡蘿蔔豬肉等，點埋春卷汁一齊食好好味。仲搭配埋生菜，卷住春卷一齊食好新奇。黑毛豬腩肉（街頭串燒），燒烤逼出豬腩肉油脂，食落腩肉微帶焦香，又唔會覺得好油。搭配嘅醬汁酸甜香辣，同豬腩肉好夾。泰式街頭火山排骨，排骨比我同FD啲臉都要大。排骨睇落好瘦，其實都食到好多肉。醬汁落咗大量辣椒，食落真系有少少辣，不過辣得好過癮。同埋哩間調味落咗少少薄荷葉，食落有薄荷清香，唔錯。

今日又同朋友試新嘢，時間有啲尷尬仲有10分鐘就過午餐時間，2點就到下午茶，見到午餐餐牌幾好，又覺得下午茶好抵食A + B + C組合先至$98（A款小食5揀1 + B款主食8揀1 + C款飲品5揀1），問吓侍應哥哥可唔可以叫下午茶再加午餐，佢話唔可以，因為午餐個餐牌至到2:00就會停止供應，然後轉下午茶餐牌，所以我哋決定即刻入去坐低叫咗兩個午餐先，然後再等多10分鐘到2:00夠鐘再叫多三個下午茶（樣樣都想試吓，好彩我哋5個人可以揀多啲款）1）午餐：青咖喱脆炸軟殼蟹意大利飯：賣相好靚打卡一流，軟殼蟹香脆，青咖喱飯大家都覺得好好食，椰汁味香，我覺得濕身咗啲2）午餐：香辣金不換松露惹菌炒意大利麵（素）：係有少少辣嘅，黑松露都惹味，味道唔錯3）檳城古法大蝦炒貴刁：賣相OK，味道係可以嘅，但係食落似乾炒牛河，有兩隻蝦新鮮加返分4）巴東牛肉飯配脆皮雞卷：賣相一般，但係又幾好食喎，我鍾意呢個飯多啲好香5）無骨海南雞喇沙摻摻：好食好香，因為成枱都係嘢食，我哋放咗一陣間先食，都冇話浸到腍晒，份量都幾大5個人都有食到6）越南傳統炸春卷：一般正常嘅炸春卷7）牛油果醬法包配蕃茄莎莎：清清地都幾好，放到最後食個

係圓方睇完戲諗住係到食埋晚餐，搵到呢間食東南亞菜嘅餐廳。餐廳裝修好靚，座位之間都好闊落，有私隱度！打開餐牌見到呢到都幾多泰式fusion菜，叫左泰北青咖哩脆炸軟殼蟹意大利飯同新加坡喇沙炒海鮮貓耳朵。價錢就唔算平，2百幾蚊，但係圓方食都預左呢個價錢，而食物質素就對得起呢個價錢喇！個意大利飯嘅飯都幾腍身，每粒飯都包個青咖喱汁包住，食落辣辣地好開胃🤩軟殼蟹炸得好酥脆，加左金不換味道好突出，擺盤仲要好精緻，好岩打卡😂貓耳朵口感煙韌得黎又彈牙，幾鐘意個口感😍喇沙除左配麵食，估唔到配搭西式嘅貓耳朵都咁夾😋海鮮食材都好新鮮，有爽口彈牙嘅蝦、青口、魷魚，加埋日式嘅三文魚籽個口感更豐富美味🤤

今日同屋企人黎圓坊行街，喺Zara買完衫見到呢間東南亞野tea time抵食過dinner好多，而且裝修又好鬼靚呀，成間餐廳好岩打卡，充滿少女心，而且下午茶時間都見有唔少客。我地叫左3個set:1) 下午茶A+B+C巴東牛肉飯配脆皮雞卷水果冰茶泰式酸辣鳳爪巴東牛肉超入味又入味，脆皮雞卷好味一啲都唔馬虎，綠色椰漿飯如果椰醬味再濃郁啲就更加分。泰式無骨鳳爪做得好出色。2) 下午茶B+C新加坡大蝦喇沙摻摻越南傳統炸春卷新加坡大蝦喇沙摻湯底超級無敵濃郁，好香椰子味，蝦有兩隻好彈牙的。春卷沾上汁包住生菜食好正。3) 下午茶A+B檳城古法大蝦炒貴刁桔仔話梅水檳城古法大蝦炒貴刁炒得唔錯👍🏻，有辣椒粉可自行調較辣度。

Happy Friday諗住同朋友食餐好嘅，就去咗圓方搵嘢食，搵到呢一間東南亞fusion菜，就入去試下餐廳環境闊落舒適，枱與枱之間都好有空間，唔會聽到隔離枱講咩🍽️越南傳統炸春卷 $118春卷新鮮熱辣上菜，夠晒鬆脆，食落卜卜脆，而且餡料豐富，仲可以夾埋生菜食，再點埋甜酸醬，更加香口！🍽️泰式青檸蒸魷魚 $288平時蒸魚同明爐魚就食得多，今次試吓青檸魷魚，湯底鹹香帶微酸，好似唔辣嘅冬蔭公咁，夠晒開胃又惹味，就咁飲都好出色，而且魷魚夠晒彈牙唔會太韌，絕對係夏日必食之選！🍽️清萊原個菠蘿海鮮焗意大利飯 $238菠蘿飯入面有滿滿嘅海鮮，包括青口、蜆、蝦等等，意大利飯加入咗椰奶，食落夠晒Creamy，椰香味十足，再配埋新鮮嘅菠蘿，超香甜，仲有淡淡嘅蜜糖香。不過整體份量少左d~

今晚去左圓方食晚飯，Pandan - asian fusion bistro，食物環境都有水準，日後去圓方食飯多個選擇推介 意大利飯配泰北冬蔭功湯底 ⭐️⭐️⭐️⭐️⭐️慢煮牛肋骨⭐️⭐️⭐️乳酪果仁焗有機花菜⭐️⭐️⭐️⭐️⭐️

同朋友喺度買完野就嚟咗醫肚～呢度平日有Tea set供應，分為前菜小食、主食同飲品三大類，劃一收費可自由配搭～要齊三類選項都只係$98，cp值都算幾高！！前菜方面我地要左"香茅烤雞肉串燒"同埋"腐乳蛋黃醬單骨雞翼"兩款嘅雞肉都好嫩滑，特別係個單骨雞翼配埋腐乳蛋黃醬，味道層次都好豐富！！朋友要咗無骨海南雞喇沙～佢話湯底非常香濃，油麵加上米粉，兩款嘅面質各有不同，所以食落有多重口感而我就要咗"娘惹傳統班蘭椰漿飯"賣相非常吸引～椰漿飯食落帶有淡淡嘅班蘭香氣配料非常之多～既有嫩滑嘅雞卷，又有惹味嘅巴東牛肉，亦有脆花生同小魚脆脆，仲有半隻溏心蛋同清爽嘅酸蘿蔔青瓜tea set飲品我哋揀咗青檸梳打同水果冰茶最後我哋仲要咗一份"海鹽雪糕粟米脆脆"做甜品添

帶住🍗去完會展想搵嘢食 即刻諗起圓方餐廳環境華麗寬敞 職員對寵物友善不過晚市就較多人等位 但係食物質素絕對值得一試🍍泰北青咖喱酥脆軟殼蟹 伴煎檬粉 青咖喱食得多，斑蘭青色嘅咖喱真係第一次食，而且唔似平時食嘅質感咁稀，配煎檬粉食香脆惹味，而且軟殼蟹外脆內軟，咖喱味道就帶小辣🍍清萊原個菠蘿海鮮焗意大利飯等位期間，眼見每一枱食客都會order一個菠蘿飯，心諗有咩特別？點知原來佢係海鮮焗意大利飯，菠蘿面鋪滿海鮮加大量芝士，海鮮份量多到見唔到飯😂味道創新，而且材料新鮮，不過小妹就覺得偏甜，覺得泰式菠蘿炒飯味道更正🍍香芒天婦羅軟殼蟹米紙卷⭐️⭐️⭐️⭐️⭐️推薦依道色香味俱全嘅菜式，擺盤已經非常精美，卷内餡料有大量沙律菜、芒果配天婦羅軟殼蟹岩岩好balance唔油膩 ，最出色係醬汁用新鮮菠蘿肉打汁，食落酸酸甜甜非常開胃 ，配搭非常出色🤤 🍍燒黑毛豬腩肉串燒又唔食，如果平時較少見的黑毛豬腩肉，估唔到燒得咁香脆，豬腩肉油脂分布均勻，入口即溶，有驚喜🤩🍍藍色夏威夷(pineapple soda)

約咗朋友在圓方lunch …斑蘭是間新馬菜餐廳，裝修高質，座位之間闊落，坐得舒服！檳城古法大蝦炒貴刁…2隻大蝦，肉質ok ! 貴刁炒得惹味！娘惹傳統班蘭椰漿飯，配巴東牛肉脆皮雞卷…班蘭椰漿飯味道香濃，溏心蛋香滑……巴東牛肉肉味香濃，口感煙韌…而雞卷外層香脆肉嫩滑，整體不錯！小食點咗腐乳蛋黃醬單骨雞翼4隻…腐乳蛋黃醬分開上，我自己就喜沾腐乳蛋黃醬一齊食，因為好味道香濃啲🤭香茅烤雞肉串燒（2串）.. 味道也不錯啊