新一派 味道 (已結業)

等位耐，冇問題，坐低你就知道點解要咁耐。第一，伙記十問九唔應，冇問題，叫幾個都唔彩既叫到應為止。好喇，前後叫人寫野叫左大約五分鐘。。。亞姐走到埋黎寫野，好似聽力有問題咁。。ok我講number好了。。叫左碗米線，加一碟炒野。。大約十分鐘後，開始有野飲，而碗米線都在大約十五分鐘後送到。。。朋友一路食，我一路等。。二十分鐘過後，我問亞姐，可唔可以幫手跟一跟碟炒野? 亞姐即時既反應唔係幫手跟，而係答番我。。等廿十分鐘係正常的。。。再等下吧。時間一分一秒地過去，由落單計等了三十分鐘了。。。又問亞姐。。。呢個時候亞姐終於拎起我張單黎睇。。。一睇，二。。先生。。原來頭先同事打錯單。。我而家幫你跟。。我心諗。。。已經講number比你聽。。。咁都錯。。。ok。。冇問題。。。你攪啦。。之後落黎既二十分鐘。。。兩個亞姐重覆又重覆拎我張單走入廚房又走番出黎。。。最後。。。足足一個鐘了。。。已到了忍無可忍的地步埋單走人。。。呢間野咁既服務其實真係唔係第一次。。只係我一向本住係人都有錯。。。比次機會下次可能會改善既心態再去幫襯。。。只係今次實在太離譜罷了。。。

*今晚想再來試下廚師既功夫,點選了籠仔蒸鳳爪排骨荷葉飯,加杯凍檸茶*一樣是'新一派',不過店內叉燒今天身份已不同,榮升為'功夫叉燒呀..先來凍檸茶,茶色偏淡,味道也淡,三片檸檬又勁酸 功夫很差(凍加$3)籠仔飯($47) 估不到賣相精緻,頂上灑有蔥花,而份量十足 合格有餘飯低 飯粒頗爛,但荷香味濃郁 算可以鳳爪 兩隻,味道一般 可以排骨 八大粒連軟骨上,口感爽滑惹味 幾滿意

今日行開將軍澳, 見到有間出名食"叉燒", 緊係去試下新嘢啦! 去到門口好多人, 諗住都有排等, 點知等咗都唔夠10分鍾就有位, 唔算等得耐! 間餐廳都好大, 荼餐廳格局, 主要係食小菜!二人叫咗"功夫黑胡椒叉燒"套餐 (配 "腩汁生菜", 雞汁蒸飯, 老火湯)($47), 價錢都ok! 另外叩咗一碗 "蠔仔粥" ($38)! 食物方面: 叉燒好正, 唔肥唔瘦, 不過唔夠黑胡椒味, 稍為遜色! "腩汁生菜"好味, 好過用蠔油! "雞汁蒸飯"不錯, 不會太肥膩, 好過食白飯! "老火湯"都好好味, 味濃, 一d都唔淡! "蠔仔粥"好多蠔仔呀, 好肥美, 味道唔錯! 不過有沙同殼但呢間餐廳嘅嘢食都唔錯, 會再去....

今日下午茶, 諗住去食下呢度個义燒煎蛋飯, 雖然比以往細碗左, 但味度真係唔錯, 姜油更係冇得頂(要問佢先會有, 有時佢地會唔比)己經唔係第一次, 好多次响呢度食飯都好唔開心, 但都抱住" 算啦~ 比次機會人啦~ 做人要大方D~" 但呢次終於都係忍唔住要POST上黎話比人知呢間野service有幾咁差!! 侍應生十問九唔應 (呢個情況己經持續左多年, 但依然係冇改善 !!) 坐低又冇人抺枱, 三吹四請先有人黎, 叫左野食碗飯都食完杯涷奶茶仲未黎, 一吹再吹終於都到, 但己經係半個鐘頭後既事. 諗住算啦飲完走人, 點知一飲落去發覺係冇甜味, 即刻叫佢換過! 又再過多十五分鐘(呢次快左d), 杯涷奶茶終於都到, 一飲落去又係冇甜 !! 跟住入去茶水部同佢講, 佢話換個杯比我, 我話唔駛啦, 心諗你換到黎比我我都食晚飯, 嘥氣 !! 我發覺呢間野d侍應做野真係好唔掂, d人做野慢, 個個黑口黑面, 成日落錯單, d 野飲成日都出到亂晒, 有次仲見倒佢地自己人同自己人哎交. 果個男既四眼侍應企响茶水部好似擺金飾咁擺d 野飲落個盆度, 動作慢到嘔茄 ! 大佬! 請你番黎decorate個盆呀

這裡的早餐有夠豐富的：（１）牛扒拼腸蛋：（腸蛋可另選兩款）不單芡汁咸，牛扒也很咸，除了很多的醃料，一點牛肉味也沒有。（２）火腿通粉：通粉口感很好，很爽口彈牙！（３）蒜蓉飽：好吃但不夠熱啊！（４）即磨咖啡：真的……未試過這麼難喝的即磨咖啡呀！

間野超大，但勁少人做野！男經理勁無禮貌，點黎點去啲客，一時東一時西，指示勁唔清楚！坐低無餐牌，問經理拎又俾說話我聽，叫野食又無人理。轉頭又話無沙律，轉第樣又漏單，等成半個鐘都未有！對面個人倒到成枱奶茶，叫左勁耐都無人理好心唔夠人做野就請人啦！不知所謂！

在領匯旗下商場的茶餐廳，這間尚算衛生介理，食物收費則見人見智茶餐廳格局光線明，食物快速送到，有大圓枱卡位，可以以八達通付款，無需布現金免找換拿破崙香香草焗海鮮 /$38配意粉 / 飯厚厚的芝士舖面，焗出來的芝士味頗香濃，賣相不錯芝士下層的蕃茄味鮮，兩者最匹配海鮮料有吉列蝦，蟹柳，(假)帶子，魚柳及雜菜等無奈價錢只收$38包飲品已無投訴，但質量不符(海鮮並不鮮)，我寧願收貴些只給我一塊真帶子真蟹肉或青口也好越式雞絲湯米線 /$29論午餐份量實屬不夠食，不過既是週末又遲了食過早餐，有借口可以找甜品店去了港式茶餐廳內有非港式食物的名稱並不出奇，越式雞絲米線起碼也要有似越式口味的湯或者薄荷葉作點綴吧，可是…一.雞絲不是雞肉拆肉絲而是雞扒切件二.我絶不介意有冬菇配料，但…我食過不少的越式湯粉應該沒有冬菇吧若名為雞扒湯米線我想會更明確，雞扒肉塊軟腍入味，米線餐包飲品一杯，價錢也合理奶茶雖不是茶香味濃，但奶與茶味平均檸檬茶

黎親新一派只會係食下午茶，同埋一定食【湖南牛肉湯米線】，其他時段真係未試過！【湖南牛肉】真係好好味，牛肉一ｄ都唔韌，必食！不過呢間野既服務態度真係唔係好好

很久沒有光顧此餐廳，因第一次光顧時有相當不愉快的經驗。今天與同事於坑囗開工，在下午茶時間約三點左右，再去了這裡光顧。一行入去發現人頭湧湧，不少人在等位，我覺得很奇怪，間舖明明咁大，卻有大半地方被圍起來不開放，以致好多人想幫襯都唔得。我和同事二人不想等位正想離去時，剛好有張細檯埋單，於是我地便就坐了。坐低約五，六分鐘都無人理我地，又無人執檯，叫極班伙記都係回應一句:等等先！好不容易有個黑囗黑面既部長埋黎寫單，我地叫完野食後，多囗問左一個剛好經過既中年女侍應，點解封住咁多地方唔開放，嘩！佢竟然好惡咁同我講:[ 我地咁少人做野，開咁多地方做乜呀？你做呀？]哈洽，真好笑，有人無生意做，有人有生意又唔願做，呢個世界真奇怪！講番食物，我再次點了個意式肉醬焗意粉茶餐，做得依然好出色，醬汁香濃又好味，連飲品不過22元兼免加一，好抵食！我同事就叫了一個魚蛋粉連飲品的茶餐，16元真係平到笑，佢話好好食喎！其實呢間餐廳今次係第二次幫襯，講真地方好乾淨舒適，食物水準真係唔錯，價錢也算ok，但係唔明點解d侍應及部長服務態度咁差，無禮貌既黑面餐廳，始終都係令人反感的！

朋友剛從北京回來, 雖是初三赤口但出來聚聚也無妨, 大家也是將軍澳之友, 所以飯局地點也順理成章在此, 雖現在很多食店也全年無休, 但要在仍是新正頭的時候, 找想吃或仍開門的也有點難度. 打了數個圈, 見門口相片很是吸引, 而同行朋友之前來過口碑不錯, 就嚐一嚐這新一派味道如何啫啫椰菜苗煲($68) - 來到時還滾熱的, 聽到那吱吱的響聲已覺吸引, 椰菜新鮮, 惹味菜一道桂花炒魚肚($59) - 魚肚份量下得多兼仍帶爽脆, 蛋炒得乾身但不會過老, 再加上柱榣絲灑上面, 令口感更見豐富火焰黑椒肥牛粒($62) - 送來時碟邊有小火焰的興著, 未知食味如何時, 那花巧的賣相已令人賞心, 牛肉粒肉質軟熟, 配上洋蔥等同焗本應更惹味, 但可是另一主角黑椒味淡淡的, 令這道菜失色一點和風沙律明蝦球($69) - 朋友猶疑了會才落單, 因怕芥末味會太重, 但經理明言只輕輕的, 蝦球被炸漿密封著, 外皮鬆脆一點油膩也沒有, 蝦肉爽脆, 而薄薄的沙律獻令這道菜更見醒胃啤酒選擇不多, 除了獅威外就只有另一不知名牌子, 加上白飯汽水等埋單$307, 一餐經濟實惠的小炒為這虎年打開飲食好的新一幕

同事自從上回見到我點的那碟印尼森巴海鮮炒飯，一直都希望來一來，名正言順的自己吃一整碟，由於本人喜愛吃不同的餐廳，但以坑口這個彈丸之地，順路要快方便吃午餐的已經是吃勻了，所以是日重臨此地，達成同事的心願。有同事點了嫩雞米線，沒有吃過就不多談了，除了印尼森巴海鮮炒飯外，另一位同事點了午市推介內的曼谷香茅豬扒拚太陽蛋飯，而我點了老干媽涼瓜牛肉飯，要了杯凍檸茶就成了，由於對以上的三款食物有吃過，也再此逐項談談吧。先來是試了同事的豬扒蛋飯，也真的不消三分鐘就有得吃，一看其樣子，真的不明白為何跟香茅及曼谷能扯上什麼關係，蛋真的是很靚仔的太陽蛋，蛋黃半生熟而蛋白非常嫩滑，豬扒已經是淋上了些如燒汁的東西，沒有任何的香茅味，但豬扒很明顯是事先煎過的肉眼根，因為吃起來很爽口有點彈牙的，是意想不到的味美。同事期望已久的印尼森巴海鮮炒飯跟上回我自己吃的賣相一模一樣，但在旁邊沒有了蝦片，而所謂的海鮮，跟上回一樣，又是那些雪藏帶子粒、日式魚蛋、蝦仁及魷魚等，粒粒也切得細細，吃起來腍腍的，真的寧可它加雞肉好過，吃起來會比較正路，另一主角當然是臘腸，吃起來甜甜的，而且非常腍身，加上濃味的印尼森巴醬，其實就是印尼人的辣

得閒又同屋企人黎食下午茶黎到餐廳到約3點, 可能係星期六的關係, 人就坐滿餐廳, 我一到餐廳先問左有無下午茶先; 其實我平時都食開, 不過D種優惠, 無論去到邊餐廳食野都好, 點都要問問; 問一句無野; 唔問入到去先發現無, 走又唔係, 唔走又唔係!第一次黎D間餐廳要裸’飛仔’等位, 不過好快就到我地!我嗱嗱聲叫左個餐肉旦撈公仔麵, 唔知點解, 我就係幾鍾意食D個餐, 仲有杯野飲, 不過我加錢要左杯玄米綠茶JELLY冰冰另外我地叫左個叉燒米線加一杯奶茶; 同埋魚旦魚片河加杯奶茶都OK, 味道唔錯; 埋單HK75

本人與家人一行五人於本年二月二十七日晚上大約八時三十分到將軍澳厚德邨厚德商場一間叫 " 新一派 "之餐廳食飯，當時沒有位，於是侍應便給我一張紙仔說要等位，我也只好在門外等位，但在我等位之時段( 約二十多分鐘 )，我看到不段有一些顧客卻不用等位，行入餐廳問侍應有沒有位，該侍應便立即給他們坐位，我想這些應該是熟客！但是不是熟客就不用排隊？這時我真的很不滿，但我也按著不滿的心情，問侍應為何那些人客不用排隊便有坐位，她沒有回覆我的問題，只冷漠哋同我講 : 有張四人o既細枱，咁你要唔要吖？因為我一家五人怕會坐得太迫所以沒有要這張四人枱，而我亦只好再繼續等，幸好再等了五分鐘便有一張大一點的圓枱給我們，但也足足等了三十分鐘了，於是我們便立即入坐和叫餸，和我們落單的一名大約四十多歲穿恤衫西褲的職員，我想他應該是該餐廳的主任，當我點了第一味餸之後，這位主任己開始不耐煩哋對我說 : 講啦！！繼續啦！！我只好快快的點了其餘三味餸，這位主任亦一聲不發便行開了！一會我們想再加多二味餸，但也不敢再找那位男主任，所以便找了一位約二十多幾歲的男侍應，我和他說想加一杯凍奶茶，他只回答我一句 ：冇呀，只有汔水，於是我問

10年1月21日（星期四）晚，是晚女友來我家吃飯，原本家父提議去「椰林閣」，但我想替我家的大姐姐補祝生日飯，想吃得好一些，就轉了去這裡。雖然這店祇是高級茶記，不過相信是集團式經營，無論是裝修、食物和服務也相對地好一些。五個人點了四個小菜，分別是玉子豆腐魚腩煲、臘味o者o者芥蘭煲、宮廷醬燒骨和火焰豆豉雞。凡惠顧晚飯的，皆奉送例湯，雖然不知是晚例湯是甚麼和見到是“大鑊湯”，但喝不到有味精，總算是叫做有交代；玉子豆腐魚腩煲的玉子煎得很香口，魚腩啖啖肉，夠鑊氣；跟著的臘味o者o者芥蘭煲，芥蘭不算新鮮卻仍很翠綠，臘味粒份量恰好；宮廷醬燒骨即是西檸汁金沙骨，可惜“宮廷醬”甜味多於酸味，不算很醒胃；火焰豆豉雞送到上檯部長才點火，完全滿足了視覺的享受，豆豉的味道夠濃和惹味，雞肉亦很滑，雖然份量不算多。吃完晚飯後女友不用花心思去找甜品吃，因為我早在下午時份，特意去九龍城買了人氣甜品Tony Wong的蛋糕給女友，作為是晚的飯後甜品。

一入到去門口, 位到未搵d火就黎喇, 問我地幾多位, 我咪答佢2位law, 個侍應唔係帶我地去搵位o架播, 係求其指我地去圓枱坐, o禁你問乜野我地幾多位o者, 茶餐廳自己搵位咪得law都算啦~~叫個侍應黎落單啦~~好似趕時間o禁, o益左個印尼海鮮炒飯, 問佢有冇忌薕湯啦~一句得埋黎話冇, o禁咪問佢有野湯, 佢話得中湯, 我心諗o禁大間餐廳忌薕湯都冇, 有冇攪錯呀, o禁我咪唔要湯叫奶茶law, 個侍應一聽完就o係千分一秒ge時間轉身就走喇播, 有冇o禁趕時間呀, 點幾鐘食飯時間都就黎完啦, 扮咩忙o者~個飯黎到個賣相都ok ge, 不過應該係落左好多老抽law, 勁深色, 個餐牌寫住係辣ge, 但係食完都係一個普通ge海鮮炒飯一d都唔辣, 個飯仲大到好似俾地盤叔叔食o禁, 食幾餐都得, 食到飽都仲剩底3分2個飯, o禁咪諗住唔到浪費啦, 俾個外賣盒拎走去啦~叫經理埋黎俾個外賣盒, 佢話要叫"一蚊", 都算啦, 而家好多餐應都要加一蚊o架喇, o禁咪話ok啦, 佢即刻驚死我地改口唔要個外賣o禁, 拿拿林攞張單去加返"一蚊", 攞左黎之後, 真係覺得好飽連杯奶茶都飲唔落, 咪諗住叫佢