新仙清湯腩咖哩專門店 (已結業)

今日食既係連續四年獲米芝蓮推薦既清湯牛腩店，唔洗等位，只有三，四枱客人，地方唔算大，裝修好有舊香港既感覺，價錢平民貼地。1.招牌清湯腩飯 $55美味指數 : ⭐️⭐️⭐️⭐️佢名就叫清湯，但我覺得似味精湯，牛腩都有牛肉味，肉質適中，唔會過淋又唔會過硬，非常有咬口，一碗大約有七，八塊牛腩，蘿蔔都有四，五舊。2.腩汁淋甜蘿白 $16美味指數 : ⭐️⭐️⭐️⭐️⭐️煮蘿蔔個湯底非常清甜，唔似有味精，同清湯腩個湯不一樣，令蘿蔔更加清甜，感覺非常健康，一碗大約七，八舊蘿蔔，讚讚👍🏻3.黑白胡椒煨牛尾 $34美味指數 : ⭐️⭐️⭐️汁會有少少辣，對少食辣既我都不大問題，辣既程度可以接受，重有濃濃既胡椒味，牛尾會有d牛羶味，每碟大約有七，八舊。環境 : ⭐️⭐️⭐️⭐️服務 : ⭐️⭐️⭐️價錢 : ⭐️⭐️⭐️⭐️⭐️美味 : ⭐️⭐️⭐️⭐️新仙清湯腩咖哩專門店 (油麻地)油麻地砵蘭街37號地舖

So many people said the this restaurant is famous for their beef brisket, so I was excited to try this place! I ordered the beef brisket with curry, but it really didn’t suit my taste 😕 The potatoes in the curry were soft, but beef brisket was really chewy. I didn’t like the taste of the curry either... to be honest with you, I don’t know if it’s supposed to taste like that or if mine was just bad 😰... Won’t be coming back for curry 😔

如果唔係一定要打足80字，真係只係得2個字，難食！如果要3個字，就係好難食！叫左個清湯牛腩河，牛腩無味、湯無味，唯獨河粉有味，臭味...同時叫左個咖哩牛腩飯，去連鎖快餐店算啦。失敗失敗...

上2星期食過附近的海南雞飯及咖哩, 今日專程再去品嚐另一家店的咖哩及清湯腩, 原來曾經是米芝蓮店呀! 內部裝飾懷舊, 擺放圓枱, 如同以前擺街的小敗檔, 感覺不錯.人流不算多, 到了午餐時段雖沒有爆滿, 但客人是一個接一個的進進出出. $16.- 先來白蘿蔔, 沒有根或渣 , 蘿蔔浸煮得夠入味, 不會一挾就爛溶溶的, 恰到好處, 湯也好味. $50.- 咖哩羊腩, 是印度式咖哩風味, 不會有紅色一層油在上面, 汁多羊腩份量一般, 有3-4嚿小薯仔, 味道濃郁, 香料味重, 可選大中小辣, 這次小辣未有甚麼辣味啊, 再食的話可以選中辣, 咖哩飯送飲品, 是餐來的, 這裡連熱鴛鴦都有, 厲害! $46.- 崩沙腩河粉 送白蘿蔔一嚿,  崩沙腩有咬口, 有腍, 有煙韌, 有瘦, 有少少肥膏, 整體算不錯, 河粉尚可, 但湯底不是白蘿蔔的湯底, 略厭味道不夠.

嗌左五寶米有牛腩、肚、根、脷、尾。每款大概二舊到四舊，推斷係隨機分派真實味道排序為脷>>>根>肚=尾>>>>>>>腩先呷一口湯，感覺雞粉/味精太重手，一啲都唔清。 湯有少少胡椒味，冇乜果種淆出黎既感覺食多兩啖，果斷狂加辣椒油。嗯，味道即刻好好多。牛脷好好食，軟淋得黎有牛脷果種口感，牛味重。其餘除左腩冇野值得講。都係湯果種味，唔太討好，要靠辣油助攻。主角腩就好野喇，可以話係我近年食過最難食既牛腩！最難食既有四舊，鞋過煲湯豬肉，唔入味，牛味亦欠奉。連肥腩都咁鞋真係要俾個服字佢。咁都有米痴蓮唔服唔得。唯一食左舊係肥既有根爽腩，唔鞋又有牛肥油香。老實講果舊係好食既，一啖砂糖三舊屎，好似人生寫照咁。埋單62, 抵唔抵食唔食得過見人見智。整體講我就唔會有再食既衝動。

剛剛入去叫了一碟咖哩三寶飯， 餸份量少但價錢貴成$62， 職員態度冷淡， 咖哩味道名過於實， 除了辣食不到層次，本來特登過嚟試一試，估唔到米芝蓮推介名過於實, 有點失望, 下次未必會返嚟再試

一人吃，点了个一人套餐。清汤腩的分量少到可怜。吃到一半，上汤生菜里发展一只苍蝇，服务员态度冷淡，没有表示任何抱歉。总之，差评，服务态度差评，分量差评，食物卫生，差评!!!!!!

平日嘅下午，做完嘢仲未食lunch，揀咗呢間試下(´▽｀)唔貴，都係二十幾三十蚊叫咗清湯牛利麵，清都ok，普通湯。牛利有小小鞋，過得去。叫咗一份芥蘭，唔算多，要15元。

其實做毒L一個更開心，閒逛油麻地聞到牛腩香，於是就入去食一個人的午餐！你地睇下我食得幾豐富，碟碟都大大碟，無偷工減料。如果一個人食lunch想食好少少可以試下呢間，食物都算多選擇。最欣賞係牛腩虾子撈麵，啲虾子多到瀉！！牛腩又淋又入味，其次到煎讓尖椒，刮左子唔會太辣同你地睇下啲魚肉係讓滿嫁！！唔似街邊三寶得一忽仔魚肉，最後係朱古力好濃但就甜左啲，各位鐘意飲朱古力既朋友不妨嗌少甜，炸雲呑無乜驚喜，但鐘意脆口野既朋友們都會岩食。

貴為米芝蓮推介餐廳，水準應該不用太差，午膳時間，人流沒有想像中多，反而有點兒冷冷清清的境況。午餐套餐的選擇非常多，有二十多款，有飯有麵，價錢由三十八元至六十二元不等，包一杯飲品。今次吃了金牌咖喱薯仔三寶飯、招牌清湯牛腩米和蜜汁燒雞扒飯。餐廳連續多年被米芝蓮推介餐牌－常餐供應時間為早上十一時至晚上六時。金牌咖喱薯仔三寶飯 －咖哩吃得出用上了多種香葉，味道突出，但不算辣，三寶分別為牛腩、牛肚和牛脷。招牌清湯牛腩米－牛腩肥瘦適中，牛味濃郁，湯底散發出陣陣的牛味。蜜汁燒雞扒飯－雞扒煎得香口，味濃，份量大。

This eatery is located in Yau Ma Tei Portland Street, famous for its beef brisket but also curry. It used to have a branch in Wanchai near my office but is now closed down. A small restaurant with a number of tables, the decoration is somewhat interesting with the walls reminiscent of the curtain gate door that is frequently seen for traditional stores in Hong Kong. Deciding to go for the famous dishes we ordered the Golden Curry Rice with Sliced Lamb, Signature Beef Brisket with Vermicelli, and

行過砵蘭街，如果你錯過呢間連續幾年攞到米之蓮嘅清湯腩，你就走寶了。門口嘅相、同埋獎牌加上報道，都係令人好想入去食個腩！標榜招牌咖喱，冇味精，唔試唔安樂！金牌咖喱牛腩河44元濃和入味既咖喱，加上清湯河粉。咖喱我叫左小辣，香濃有層次。無論用咖喱撈河粉，定係河粉撈咖喱，一樣啖啖滋味。牛腩不用多說，你都估到佢係非常之啖啖肉，以瘦肉為主但又煮到入曬味，所以又軟又好味。牛腩各部分的說明圖，你想要邊 part 就邊 part , 牛迷一定興奮滿足！蜂蜜薑汁薏米18元呢杯特飲非常推薦，薏米勁多，薑味温和，食完咖哩飲翻啖，涼浸浸！

位於油麻地的新仙清湯腩，是一間連續四年獲米芝蓮推介的餐廳。今天相約男朋友來吃晩餐，一齊食下地道美食吧。由於我太久沒吃茶記，所以很期待今天的晩餐。招牌清湯腩河$52(大)人生第二次吃清湯腩，二次都是吃新仙的牛腩哦。牛腩份量充足，一共數件，牛味適中，不會太濃太淡，質感偏軟實在，充滿嚼勁。湯頭清甜，想重口味一點便加上辣油吧。河粉幼身偏腍，可惜煮得有點過熟，較為散爛。咖喱豬扒包$24今晩吃地道港菜，豬仔包是必點的東西吧。豬仔包充滿懷舊麵包店的麵粉香，外脆鬆軟，淋上香濃的咖喱醬後，濃郁的咖喱香氣令人口水直流出，麵包吸收咖喱的味道，包控的我想安哥一份哦。豬扒肉質腍軟，脂肪部份超多，一口咬下去，有好多肥膏阿。

隨意在OpenRice 搵食，見有百多個like，以為唔差得去邊，點知.......第一次光顧就中伏！星期六的下午不多人，有一位沒有笑容的姐姐站在門外拉客，已覺得有點不妙。叫人招牌牛腩粉同招牌巴基斯坦咖哩羊肉飯。牛腩真的入口鞋口，肉有渣，完全不合格。咖哩只有咸味，有咖哩色，但無咖哩味。知果係盲試應該唔知係食緊巴基斯坦咖哩。個位著黑色衫嘅阿姐”黑口黑面”，掛住望著電視的賽馬。完全無誠意餐廳，唔好再講自己係米豬蓮推介。完全係近年最差嘅餐廳！！！

本人自問都係一名牛精，見到呢間前米豬蓮，就慕名去試食，以下食評純粹個人口味意見。先講環境，店舖都唔算細，就只有細枱，4人以上就要分枱坐，衛生方面都算唔錯。服務方面都幾好，態度友善同唔會一食完就逼人走（可能未到爆棚時間）。食物方面，佢個清湯牛腩麵有分大($52)/小($38)，叫左個小，份量同一般粉麵舖相若，甚至仲多少少，大食者就未必夠食，同埋可以叫肥腩等要求，尼到真係件件肥，同埋唔會有菜，得蔥同一大舊蘿蔔。湯底幾好，非常清，一d都唔渴喉，個人建議可以再加少少牛骨淆湯會更好。牛腩賣相非常好，但肉質絕對唔掂，肉比較鞋身，食落都幾硬，難咬得爛，食到痴晒牙，同埋牛味方面爭少少。（本人早前曾對灣仔某一麵店作出食評，果間麵店令我明白到好既牛腩就算咩位，都可以做到唔硬唔痴牙）蘿蔔清甜無渣，我一向不太食蘿蔔都覺得幾好食。喺專頁見到佢招牌菜炸鯪魚球，就叫左個蜆芥鯪魚球試下。首先個蜆芥汁完全不值一提。鯪魚球比較細粒小小都唔緊要，食落唔彈牙，每粒鯪魚肉料都爭少少，同埋食到有骨仔，好難理解佢話係招牌菜，可能佢另外個鯪魚餅會好少少。真心認為好多未拎過米豬蓮嘉許既牛腩麵店比佢更出色。其實米豬蓮真係試過晒所有店舖？