新仙清湯腩咖哩專門店 (已結業)

蘿蔔硬塊，牛腩又細又小，得四至五小件！Menu已經轉變好多，集中一、二人餐！可能已被有名氣人仕收購咗所以裝修及改咗。唔使再去！店內食客唔多，可能之前已經試過唔係以前的味道及價錢！

上深圳食過一次，發現原來呢間米芝蓮推介牛腩店係來自香港，所以返HK又要食下。現代裝修，座得舒適。牛腩口味變化原來可以有咁多，有養生藥膳、特調雙椒、麻辣、咖哩等口味，爽腩未到8點已sold out，真係手快有，手慢冇。極味特別腩品嘗雙人套餐$289都幾抵食，先上湯品清燉牛腩湯 x2，清湯不油膩帶淡淡牛味。前菜新仙六宫格有黑加倫子醬沙葛、醃蕃茄、麻辣雲耳、花生、秋葵、手拍青瓜，見到都好開胃。清湯坑腩，坑腩係牛肋骨部分，肉都帶肥肉，肥瘦適中，肉質嫩滑，蘿蔔也很甜，最愛原味！咖哩坑腩，仲有薯仔，好吃！雙椒即蕃茄底加籠椒和泡椒，唔太辣，味道濃郁，崩沙腩很彈牙，又有嚼勁，跟醬汁蠻配的！三色菜有菜心、生菜、芥蘭。米飯無限添加。蜂蜜薑汁薏米自製特飲(+$8)薑味香，有好多薏米，仲有薑粒，飲完好滋潤。熱奶茶好喝，有茶餐廳水準。

放工同老婆去了旺角街市買些過年食品，之後經過一間食牛腩的餐廳，老婆牛腩引起，所以入去坐低食個晚餐。餐牌全部都是牛腩類的食品，還有些小食及套餐，人均消費約$80-100，晚餐時間屬正常價錢。我們點了一個便宜版的二人餐及小食。二人餐都非常豐富，前菜至飲品都有齊。六小碟賣相都幾精緻，每樣少少可以試到唔同既味道。牛腩湯有蘿蔔香甜，尤其眼下是蘿蔔當造，味道比夏天更佳。我就最仲意食咖哩牛腩，有香料味道滲入牛腩內，非常惹味，但一定要跟飯。老婆就仲意食清湯腩，貪佢有蘿蔔清甜，又唔會蓋過牛肉味。最後一款就要了紅燒，味道都幾濃。還有三款蔬菜。

牛腩真係一款令人又愛又恨的食物，因為好食既可以做得鬆化，唔好食既真係咬到牙都甩，而這間位於油麻地的新仙清湯腩咖哩專門店，牛腩有幾個部位，而且煮法幾都有好幾款，每款都有不同的驚喜。兩個人叫了個二人餐，有前菜、燉牛腩湯、三款牛腩味道、無限米飯供應及甜品，便宜的$199，富貴版就可以揀爽腩、坑腩或崩沙腩，都係$289，價錢都唔算貴。六款前菜都係醃製過的蔬菜，味道酸甜開胃。清燉牛腩湯色澤都幾清淡，味道帶有淡淡的牛肉香，非常清甜。我們就揀了清湯、咖哩及蕃茄味道，各有特色，清湯有蘿蔔清甜，肉味較突出，咖哩就比較惹味，番茄就酸酸甜甜，送飯一流。牛腩炆至入口鬆化，肉味濃郁且無渣。非常滿足的牛腩宴。

米芝蓮星級食物向來都不會令人失望，是日與友人來到新仙清湯腩咖哩專門店，牛腩質素絕對是星級之選，而且提供的款式亦非常多，想不到簡單一間牛腩店，竟然可以做到如此驚喜😎😎餐牌上提供的食物選擇不算少，特別要提提牛腩烹調形式亦有多款，如咖哩、清湯、麻辣等😎😎午市套餐選擇亦非常多，價錢亦相宜，留意店內同時提供「雜菜」有營之選。友人與我決定點選三人餐，主要想同時試均多款牛腩菜式，另特別留意到有「六宮格」小食，雖未知具體款式，但已非常期待🤗1. 清湯牛腩🐂🐂清湯腩入口即融，非常軟腍，要讚讚清湯調味，微甜，帶點清香，牛腩肉帶點肥膏，友人連湯也大啖大啖吃下🤗🤗2. 紅燒牛腩🐂🐂紅燒牛腩採用花椒八角，味道類似柱候醬，而且帶點牛筋肉，味道相對濃郁。3. 咖哩牛腩🐂🐂仿間好多咖喱牛腩店咖喱汁不是自家調製，新仙則是由師傳特調，有另於日式咖喱汁，新仙咖喱汁帶點微辣及口感，除了咖哩味道外，客人可以品嚐到牛肉肉香，配上經典薯仔粒，新仙咖哩牛腩絕對色香味俱全😋😋😋4. 六宮格小食拼盤同步提供，包括檸檬汁番茄仔、醋香木耳、秋葵、果醬准山、花生及拍蒜青瓜☺️☺️特別推薦番茄仔，入口酸甜，作為前菜非常出色最後侍應傳來一壺牛肉清湯，

老公是牛腩痴，今天和他來到油麻地的「新仙清湯腩咖哩」食牛腩，讓他一飽口福，這間餐廳來頭不小，是2012-15連續4年榮獲米芝蓮推介的餐廳。我們叫了一個雙人套餐$298，有前菜、牛腩湯、三款口味的牛腩、兩碗白飯，油菜和飲品。先來6款前菜，有秋葵、淮山、雲耳、花生、青瓜……各有特色再來一人一壺牛腩湯，湯很清甜，有很香的牛肉味，直接飲或是撈飯都可以。青菜有菜心和生菜牛腩就由老公發板，他選了清湯腩、蕃茄腩和咖哩牛腩，由清食到濃。牛腩也可以選崩沙腩、爽腩或坑腩，每種部位都有不同口感。總括而言，牛腩的味道和質素不錯，但這個價錢，份量能多小小則更佳。

呢晚放工出去油麻地交收，順便搵個friend食晚飯。佢喺附近返工，話平日有時lunch會去食清湯腩，問我試唔試下。我見都肚餓喇，就乜都試下啦😂。舖面都幾光鮮，開頭入座時間尚早，所以未坐滿人，但過多陣直頭唔夠坐，要坐到上層，依刻先知原來有兩層咁大😱。朋友話第一次嚟食晚飯，不如試下二人餐，佢推介試下啲特別腩。我哋就要咗極味特別腩品嚐雙人套餐($289)。前菜係新仙六宮格，有鹽味花生🥜、蕃茄仔🍅、手拍青瓜🥒、木耳、秋葵同沙葛。沙葛係最特別，因為配上甜甜的莓醬；蕃茄仔剝咗皮浸白醋，比較酸🤪。另外，三色菜，即係有三格菜🥬，有生菜、菜芯同芥蘭。套餐仲有包清燉牛腩湯，估唔到係一人一壺，其實一壺兩份飲都夠，個壺幾精緻，配上個迷你碗仔，好有趣。湯品夠熱，估計個湯即係清湯腩個湯來，就咁飲鹹咗啲啲，配飯就好一點。主菜可以試哂三款特別腩，口味亦都可以揀三款。我哋要咗咖哩坑腩、蕃茄崩沙腩同清湯爽腩，個組合係店員隨機幫我哋搭嘅。另外，仲有兩碗白飯🍚，唔夠可以添！🍅蕃加味同埋崩沙腩分別係當中最好食，崩沙腩紋理分明，肉質夠淋。而蕃茄味就好濃，有啲似小炒茄汁蝦個汁，配飯一流。🍛咖哩坑腩都ok，咖哩汁應該係偏印度風嗰種，

二人套餐包括兩杯飲品，六色拼盤，三色菜同三色牛腩（$286）牛腩小巧的骰，三種味道我揀咗咖喱，清湯同雙椒，咖喱辣辣地都幾惹味，口味偏印度咖喱，而清湯個調味都幾清而牛腩味濃，佢另外仲有一壼牛腩清湯比你，直接飲或者撈飯都得，直接飲會好喊，所以建議撈飯食，咁係最好食，最後就係雙椒，雙椒雖然用辣椒整，但出奇地一啲都唔辣，係酸味，如果要形容我會話佢似酸嘅洋蔥汁或者似咕嚕肉汁，同咖喱一樣都係重口味之選。汁有好多，而白飯任添，用嚟撈飯確係唔錯。

新仙清湯腩咖喱專門店，想食牛腩就想起新仙。好多種套餐，因為好肚餓所以揀左極味特別腩品嘗雙人套餐（$289）。前菜有新仙六宮格及蔬菜，六宮格的淮山好爽脆，秋葵同貓耳朵都好味。清燉牛腩湯，非常清的湯頭，充滿牛肉香。套餐可以揀三種口味牛腩，同時有三種部位可以揀。清湯崩沙腩、麻辣爽腩、咖喱坑腩，由清到濃味都有，三種部位都有不同口感，最鍾意爽腩有脂肪及筋膜，有咬口！咖喱汁香濃好好撈飯！清湯腩清甜，麻辣味夠刺激！用心做牛腩，值得支持！

還記得去年夏天在上海旅行，吃了一餐很美味的清湯腩，還以為只能在上海才吃到，想不到香港也有，我是在說「新仙」清湯牛腩，香港終於有分店了。招牌牛腩必食，我們二人點了盡享雙人套餐，有前菜，三款牛腩口味，湯品，主食及飲品。前菜: 新仙六宮格，其實是涼拌小食，有花生、酸溜溜的車厘茄十分醒胃， 藍莓醬山藥相當爽脆，酸辣黑木耳，手拍黃瓜新鮮爽甜和蒜香秋葵，前菜拼盤健康十足。配上三色菜，即時令蔬菜也十分新鮮及脆綠，有芥蘭、生菜及菜芯，用清湯灼，使到蔬菜保持原味及新鮮。湯品: 清燉牛腩湯×2壺，先讚一下，湯是用小茶壺盛載，賣相跟上海的一樣，湯味清甜，牛腩味濃郁，味道超正！主菜: 新仙招牌牛腩組合，選了三款口道，1)清湯牛腩-牛腩腍嫩，沒有渣，牛香味撲鼻，食後感牛肉香留在口腔裡良久，而且蘿蔔吸引了牛腩的精華，勁好食。2)咖喱牛腩- 咖喱味很濃烈帶有牛腩的肉香，咖喱汁加在白飯一起食，不太辣，很不錯。3)番茄牛腩 - 番茄味比較酸幾開胃，但個人比較喜歡清湯牛腩多一點。主食是白飯可無限續添，愛吃飯的大胃王，一定很高興。另外特色小食也不錯，我喜歡酥炸鮮蝦雲吞，酥脆可口，不會太油膩，以及蜆芥鯪魚球夠彈牙，有魚肉香，

很久沒有來到這裏，發現店舖新裝修便進去一試。其他事也不想說了。我點了清湯腩套餐 - $50包飲品。他們也沒收我$15的伊麵附加費 ...期待已久的清湯腩到了。我見到這碗麵，立即拍照給我朋友看，他的回應是 "pitiful" ... 五塊那麼小的牛腩，應該是在其他小店吃不到那麼小&少的。我跟店員說牛腩小&少得可憐。店員說問店員現在的新鮮牛腩很貴，這個就是他們的分量。沒問題，留待這裏的讀者去評價好了 ...

今日下午諗住幫襯下啲清湯腩，下午茶冇餐都算，正價叫左個清湯腩米肥啲，碗野一上枱加埋得6粒牛腩，一啲都唔肥，食左舊腩鞋到爆，好心45蚊比啲人食既野啦，你可能會話45蚊想比啲咩你食，但價錢係你地mark既，唔關人事，最後成碗原封不動起身比錢走人，永遠唔會再幫襯，其實我唔介意比多小小，我叫肥啲你比啲柴皮我食，完全冇理個食客感受囉，一肚氣就有份如果唔係要打夠200字比評分，我會打兩個字，難食，3個字，好難食

我地點咗兩款牛腩，一款清湯牛腩，一款咖喱牛腩。清湯牛腩既牛腩都都好軟熟，味道唔錯，我不過下便嘅蘿蔔就有啲唔夠入味。而我個人比較喜歡咖喱牛腩，好野味，咖喱好香，份量都好多。總括嚟講都好食，中等價錢，值得一試。

今日在油麻地返學， 下午時候偶然經過 這間店舖 ，寫住米芝蓮推介， 就入去試試， 叫了一個清湯 牛脷麵+ 冰糖薑汁薏米熱飲， 牛脷麵還很少地方有得食 ， 而且 炆得幾淋， 味道清清地， 生麵都幾爽口， 不過杯薏米熱飲就淡了些， 薑味都很少， 真有點失望。這裡是一間很細小的店舖，裝修也有點懷舊式的， 這天是平日下午，只得幾個客人 ， 店員只顧在一旁 談天說地 ， 沒有理會客人 坐在這裏， 不知道假日 是否 會這樣呢?

去油麻地食宵夜，附近很多店都關了，經過一間懷舊風味的牛腩麵店舖，門口貼了很多米之蓮推介的貼紙，便走進去這間新仙清湯腩咖喱專門店，店內裝飾充滿香港70年代懷舊的味道，人不是很多，很快便有嘢食。招牌清湯腩河：牛腩的軟度還好，蘿蔔鮮甜，河粉很滑，但是湯底一般般，吃完之後很頸渴，而且量不夠大，食完不夠飽。總體而言，服務態度還好，味道普通，環境尚可，但份量比較少。倘若再肚餓的話，可選擇叫比較大碗的或點其他的食物！