影片
港铁湾仔站 C 出口, 步行约3分钟; 門口由謝菲道進入
继续阅读
附加资料
多間獨立房間
营业时间
*最後截單時間:23:30
星期一至日
全日休息
以上资料只供参考，请与餐厅确认详情
相关文章
打邊爐真係無分咩季節，一年4季你想打就隨時可以打😋 適逢朋友生日，我地作為朋友緊係要賀一賀佢啦，順便大家可以烚下烚下🥘🥘依間係雞煲邊爐放題，朋友之前食過，強烈推薦👍👍黎試下咩料子😎😎睇下係咪真係感好食先？？佢價錢方面分左三個類別，有平有貴豐儉由人，睇下自己鐘意食肉多d定海鮮多d🥢🦀🦞我多由於女仔比較多，叫左海鮮類別。。侍應首先會拎左煲雞煲出黎，在我地面前炒炒炒😉嘩，慢慢滲左d香味出黎😋炒完食落去勁入味同好濃，仲有少🌶️tim, 我地 encore左多次先再打邊爐。。而邊爐裡面有隻好Q既湯底公仔，最啱打卡😂同埋佢各方面既海鮮同肉類都好新鮮，侍應既態度都好nice, 值得再去😍
继续阅读
行完山肚餓去食，雞煲叫咗大辣，一上台已經覺得煲野好乾無咩汁食落去麻又唔麻，辣又唔辣...... 已經叫大辣完全無料到...... 送啲油炸鬼放落去又乾又硬一啲都唔脆......之後食曬啲雞諗住叫佢放湯落去，點知佢竟然成個煲收走咗....... 換過新煲湯底打邊爐(正常係留返舊嗰個雞煲，之後加湯落去再打邊爐）。湯底一係清湯一係南瓜湯，叫咗南瓜湯完全冇味...好似清湯咁又冇南瓜嘅甜味，湯底隻色似南瓜囉煲完啲配料上曬色係咪加咗色素扮南瓜湯？火鍋配料方面，我哋叫咗海鮮餐，送嗰款海鮮尚算新鮮，牛小排都唔算肥，但之後任食嗰啲配料質素一般，成日走單(一定會漏幾樣野）送過黎又慢(上幾轉都夠鐘）配料你寫數量係冇用，佢係睇人頭...... 八點前離座原來要人哋比現金先有優惠...... 正常都碌卡啦，搞到要落街撳錢，好在最後比我PayMe，無下次啦，咁岩灣仔見搵唔到邊間有任食先黎試下
继续阅读
3047 浏览
最近Openrice 訂位有得抽獎又有得儲飛行里數，中利節前同家人做節，揀左打邊爐又可以一枱坐多過四人，最後book左【新南苑私房菜火鍋鷄煲】位於灣仔內街的商廈內，地點一點也不起眼。出電梯已經是火鍋店，不見門牌。【新南苑】裝潢年青又有心思，完全跟老土的名字不相對。牆身有色彩繽紛的彩畫，吊燈用上舊玻璃瓶做成，型！另外，這裡有幾間獨立房間，每間房間都以學校為題，例如電腦室、體育室、實驗室……等。當日客人不多，小編被安排坐在房間內，有私隱又有電視，正！新南苑名字似曾相識……看看餐紙上印有關於新南苑私房的小背景，果然新南苑是以前觀塘仁愛圍很旺的食肆，但因為重建而結業，輾轉間再於旺角及灣仔開店。不過從以前打冷小炒店變成現在的火鍋鷄煲。【新南苑】雞煲兼火鍋放題，有三個套餐: 海鮮餐 $308、牛魔王餐 $318 及至尊餐(即是海鮮、牛魔王）$468。五、六、日、假期每位加再20元。入座起計算三小時，價錢合理。【新南苑】飲品有涼茶、汽水、果汁等自取任飲。另外, 火鍋醤油款式多，方便客人自取。先吃雞煲後火鍋，這個雞煲配以芫茜、紫洋蔥、蒜頭、蔥、辣椒等香料輕輕炒過，之後按店員指示會三分鐘攪一攪，重複三次，加入油炸鬼便可以品嚐。揭開蓋香味撲鼻，醬汁夠濃稠。辣度更可選大中小辣，小編揀了小辣，但入口帶點麻香，越食越辣。雞件大且肉多，雞皮位會肥一點，以任食而言，味道不錯，雞煲控追加了二次。以為油炸鬼是噱頭，不過這個油炸鬼又硬又乾……零作用。 大部分都是食完雞煲加入湯用來打邊爐，小編就不太接受，因為又濃味又油又辣，不太適合小朋友。幸好，【新南苑】湯底有六款，包括免費的蟹鍋花甲湯、牛乳、花膠雞湯、沙嗲、鴛鴦(麻辣及南瓜)，及 +$128的鮮茄龍蝦湯。小編蟹鍋花甲湯底，因為見到評語上的圖片，被這個用南瓜湯做成的小熊吸引，非常可愛。另外蟹鍋花甲湯底裡面有隻蟹、花甲、粟米、蕃茄，單看材料覺得值回票價。不過，好睇真係唔代表好味。這個湯雖然有海鮮但又不算太有鮮味。南瓜小熊又不太有南瓜味。牛魔王餐包括本地手切牛頸脊、黑毛和牛肉眼、肥牛心片、安格斯牛小排。呈上的牛肉好大盤，初初以為只是同一款牛肉，實際應該有黑毛和牛肉眼、肥牛心片、安格斯牛小排，但圖片每款牛肉肥瘦肉紋都有所不同，跟實物有大不同。 呈上的牛肉好大盤，以為牛肉只有表面兩層，但實際有差不多六層，份量太多，食不完做成浪費。正因為這個牛肉太大盤，其他火鍋配料也沒有點太多。另外，牛肉雖然好大盤，只是質素一般，小編覺得質素比份量更加重要。小編可以回味是這這個非任食的本地手切牛頸脊，一看已經見到與大大盤牛有分別。口感腍身，脂肪不多，入口有牛肉味，質素不錯。火鍋配料有四十多款，款式普普普通通，例如豚肉、羊肉卷、丸類、雲吞水餃、麵食、蔬菜類……等。還有一些要加錢的火鍋配料，牛肉及海鮮。如果想食海鮮可以加$點。牛肉份量超級多，食不完。幸好第一轉的火鍋料只是order 了幾款。不過火鍋料真係麻麻。豚肉及羊肉卷……雪到好硬，羊羶味重，豚肉冇味，好差！雲吞及魚皮餃……正常。最後，甜品每人一份，自家製牛乳布甸有牛奶味，質地不會太死實，味道不錯。
继续阅读
特登早啲黎食個early dinner，驚喜 - 「新南苑私房菜火鍋鷄煲」依間雞煲邊爐放題係朋友推介，朋友再幫手book埋，所以我諗都冇諗睇都冇睇就決定左食依間。book左17:45，我同兩個豬朋一行三人17:00就到，好彩侍應叔叔都俾我地坐住等。依度唔係好大，坐得都ok舒服。呢度嘅餐大致上分三種（夜晚八點前離坐）：牛魔王餐$278，海鮮餐$278同埋至尊餐$438，星期六日公眾假期前夕就加到$20。我哋三個人都係叫咗海鮮餐。一開始，侍應就比咗半隻雞嘅雞煲你自己慢慢炒，我地叫咗小辣，ok香但唔辣，炒嘅途中加埋油炸鬼，但由於個雞煲都幾乾身，所以啲油炸鬼都唔會點入味，啲雞算正常味，我哋總共叫咗兩次。食完個雞煲，如果喺其他餐廳，通常就會加啲水就轉做打邊爐，但依度佢另外比個湯底你👍我哋今次叫咗個蟹窩花甲湯底，湯底都幾清幾幾淡，當然你淥完d肉/海鮮之後，越煲越耐就會變咸，臨尾我都飲到幾啖，係南瓜海鮮湯嘅味，幾好飲。依個海鮮餐包每人1份海鮮：有大蝦、聖子、生蠔、帶子、大蜆，同埋一舊唔知咩魚。隻蝦好大隻，成隻手掌咁大，肉質爽有蝦味，正。就算你係出邊超市買呢啲size嘅蝦，我諗都起碼$20一隻，痴線，真係落足本。另外依度仲包一碟新鮮牛肩頸肉。嘩，依碟肉真係好好食，佢切得唔會太薄，加上唔多唔少嘅肥肉，淥10零20秒，再連埋胡麻醬+蔥+芫荽一齊食🤤啲牛肉嘅油同埋肉嘅香味，真係冇得輸。我真係想encore，一碟散叫$68，真係好抵。諗返起我lunch box 自己整嘅肥牛，係超市買都要賣$138磅，真係冇得比。其餘任叫嘅火鍋配料都正正常常：魚皮、海蝦、龍躉片都幾好食，值得叫兩三round。不過食到依度我都飽飽地，唔係食得太多。由5:30食到8:00，兩個半鐘，其實時間都只係啱啱好，因為自己炒雞煲同埋食雞煲，一次都差唔多用20幾30分鐘。有機會我都會再嚟，多謝朋友推介🤞Mcmug綜合評分：8/10，絕對值得一試再試。
继续阅读
一年四季打邊爐食雞煲對我嚟講完全冇問題嘅😆原來灣仔有間樓上任食雞煲及火鍋店，係朋友帶我去先知咋！諗住weekday去食會少人啲，真係估唔到咁多人呀！晚市提供任食放題，雞煲+火鍋套餐有牛魔王、海鮮、同埋至尊餐餐俾你揀。價錢當然唔係款款同價啦。我哋叫咗「牛魔王」餐，成人星期一至四正價時段每人收取HKD318 (另加一）。點了餐後先上雞煲，可以無限添加直到你想打邊爐為止😆第一round嘅雞煲已經好大份，我哋唔敢encore，怕食唔落火鍋呀！要食好味嘅雞煲記住跟足侍應同你講解嘅「雞煲4部曲」做。雞件滑溜以及用多種香料+調味料醃製，惹味到食唔停口😋😋 油條要留到最後嘅步驟先好落，太早放落雞煲就淋晒唔好味～ 食完雞煲同侍應講聲，佢哋好快手咁換個新鍋俾你打邊爐。自選湯底有多款，我哋揀咗「新鮮蟹窩花甲湯底」，有新鮮蟹+花甲呢啲海鮮滾起嘅湯底應該好正。▫️「牛魔王餐」有美國SRF黑毛和牛肉眼、美國肥牛、紐西蘭羊肉卷、安格斯牛小排，全部都係限時內任食。每一款肉類我哋都試過，覺得黑毛和牛肉眼特別正👍🏻除咗肉類仲有超過30款配料都係任食！食完真係捧住個肚走呀。▫️甜品 - 北海道3.6牛乳奶凍 (每人一杯，呢個唔係任食嘅😆)▫️飲品 - 有汽水、菊花茶、烏龍茶、馬蹄爽等任飲。自己去雪櫃拎就得喇。晚市放題有180分鐘任你食，侍應上菜好快手所以絕對有足夠時間㗎！
继续阅读