新威餐廳

营业中

休息中

第一次黎...主要因為隔離間茶餐廳食過好多次。叫個伙記落個茶餐，佢叫我等陣，跟住去招呼左個新客，之後無理過我。坐我對面個男人遲黎過我差唔多食完，我先落到單。之後野食到，"飛"碟野食埋黎，結果碰到枱面杯水，倒濟左...我真係O左嘴。有啲嘢，真係不可一，不可再。。。

係附近做野，lunch同同事過黎食野。呢到唔會有等位派飛安排，要自己企係到搶位唔緊要！今日真係火滾！企係到d侍應拎餐拎湯拎熱野飲走黎走去，成條走廊企哂人都無位行！有個阿姐第一次大聲喝我地叫我地睇住都算！第二次又係喝！係喝呀！我地完全唔知佢去邊張枱，放低完d野我地話左佢2句，佢大大聲燥底咁妖我地話我地阻住佢！真係火都黎！咁差態度好趕客，平時幾多人都無用！老細應該改下樓面制度要有人派位改善下！免得d侍應大大聲燥底妖d下！簡下痴線！

在柴灣工作，平時中午都冇咩選擇，隨便一個快餐，醫飽個肚就算啦⋯⋯呢間餐廳嘅星洲炒米，都係我至愛之一首先呢間星洲炒米嘅份量夠大，兩個女仔食都夠⋯再加埋有埋海鮮火腿，配料豐富而且都幾好食，食咗好多次水準依然穩定⋯ 仲有個醬汁，真係非常之美味，一直令我念念不忘,好惹味⋯平時我都會時不時過嚟，特登食這個星洲炒米⋯ 再叫埋熱奶茶+$3，價錢合理

今日我和同事選擇左附近茶餐廳醫肚，這兒環境一般， 但這裏的套餐算是抵食，一個Set lunch 包括餐飲，湯品和主菜，約40蚊左右，如果中午想食很飽的朋友，這兒一定可以滿足您，因為這裏不論是炒粉麵飯，還是焗飯都真係好大碟，差不多是二人分量，十分夠飽。先提下中湯，跟一般味精湯不同，這裏的湯真材實料，是足料的老火湯，這亦是我們經常來光顧的原因之一。是日例湯是清補涼，味道唔錯，既可清熱亦可解暑，確實有心思。接著是咖哩海鮮炒飯， 炒飯很大碟，味道雖然普通，海鮮不夠多和新鮮，只有蝦和蟹柳，但畢竟是茶餐廳，要求不能太高，而且也很有鑊氣，咖哩味道亦香而不太辣，比起許多同類型的茶餐廳已經算不錯。最後要提的是餐飲， 我選了熱檸水， 檸水夠熱，唔會太酸，這個跟一般茶餐廳差唔多，沒有特別。至於衛生方面，這兒只屬一般，不過作為lunch time 醫肚的食店，這裏都是抵食之選。

大概系星期二左右吧，我自己一個人去咗食野，但系意想不到的是我竟然去到咗柴灣度，一間叫Sun Wai Kitchen的餐廳度自己點咗一個羊肉煲來補身，真系擔心自己食唔曬。講下嘅羊肉煲喇，羊肉煲其實都好大一個煲，裡面的食材都系多種多樣的，有丸仔、豆腐吖、羊肉吖等等，羊肉煲的湯底我自己試飲咗下，發覺湯底的味道裡面的羊肉的味道很濃，而且湯底應該系用咗不同的材料熬制而成的，絕對冇敷衍了事嘅態度，實打實的羊肉湯底。羊肉的話，而且已經煲到好夠火嘅喇，入口的時候完全冇嚡嘴或者咬不動的情況發生，雖然系煲嘅，但系羊肉異常地入味嚄，相信系實現已經有過處理嘅。羊肉丸的應該系手打的，因為感覺丸仔好彈牙，咬一啖就有好多汁液會湧出來，好正！連蔥段這些配料我都食咗，因為覺得味道太好喇，雖然自己一條友，卻食到個肚十分脹。裡面的豆腐好嫩，真系口感好嫩，簡直系無洗用咬就嚟融咁。生菜都系好新鮮的，系羊肉煲度煮下就已經好好味喇。

今日同左阿囡去左搵三妹，係三妹屋企打左幾粒鐘麻雀後，我地就落左樓下食晚餐行左一輪都係唔知食咩好下，最後就走左入呢間茶餐廳食飯坐低後就叫左幾款小菜第一款就係阿囡最愛食既椒鹽豆腐！呢度真係炸得唔曾，外脆內嫩，入口即溶，而且仲係熱騰騰，口感十足，加上炸得極香口的炸蒜下，味道尤佳！再黎有清淡少少既鮮魚湯泡雙蔬！個樣需要無咩特別，但食落就有好濃甜既鮮魚湯香，白菜也很爽甜，而草菇也很清香，夾在一起，啖啖鮮味，用黎送飯確係一流跟住就係三妹指名要叫既彩虹牛柳絲，講真個樣就真係唔太靚，不過味道就好好味，唔會太咸，而且牛肉都炒得仍係好鮮嫩，西芹同紅蘿蔔都很是爽口，夾在一起，口感豐富身為飯精既我就揀左籠仔蒸香蒜豬頸肉紅米飯～侍應拎到黎打開後香味四溢，豬頸肉食落都好鮮甜，食在口中仍食得出豬肉的鮮肉汁，而紅米飯就完全吸收晒豬肉的鮮甜及香蒜的惹味，每啖都又鮮又有濃郁飯香，美味十足！我地埋單時都係2百多，都好經濟下，都算抵食！！

今既去左搵阿姨食飯，係佢屋企樓下行左一個圈後，最終都係去左阿姨最鍾意既茶餐廳開飯 入到去發現都幾多位，所以都唔使等位 最岩我呢d唔鐘意排隊既人，坐低後就叫左幾樣食物 第一樣黎既就係椒鹽鮮魷 貌相唔錯，食落好夠味之餘又唔會太咸，炸粉適中，魷魚亦很新鮮彈牙，甚是野味，好吃~~之後就有阿姨最愛既海蝦炒蛋白，口感滑溜得像豆腐般輕柔細嫩，加埋切得細碎的海蝦粒下，就更覺鮮甜，確是送飯食的最佳之選！而為了能令腸胃更暢通下，就當然要叫碟菜食下先得！呢度既鮮魚湯浸雙蔬就係做得唔錯，湯味鮮香之餘，蔬菜也很細嫩爽甜，多食幾啖都唔會覺得好寡，反而愈食愈開胃，喉嚨仲好舒服添 身為飯筒的我就梗係要食飯，於是就叫左我同阿姨都鍾意食既鱆魚雞粒煲仔飯，侍應送到黎時熱辣辣，濃烈的飯香已經奪煲而出，細嚼之下味道濃郁而不過咸，飯底更有微焦的飯焦，加上嫩滑的雞件及充滿口感的鱆魚下，口感便極具層次，真的是美味非常~~食左咁多野後就當然要叫杯凍檸蜜黎潤潤喉嚨作結；今餐豐富之外，又可跟阿姨開懷暢談，理是人生一大享受呀

香港茶餐廳那麽多，總有一間在你屋企附近係茶餐廳選擇多之外，上菜也很快呢間可能好多人都無聼過，不過它比起連鎖型的茶餐廳更有人情味一進餐廳，服務員就很熱情打招呼，很有親切感環境還算清靜，不像是平時茶餐廳那麽嘈水煮魚——酸酸辣辣的，辣椒不算多，不過湯底陣陣辣味很野味肉質很嫩滑，就算是水煮肉質依然keep到鮮味魚是先油煎過後再水煮的，所以肉質很爽口普通的炒生菜卻是非常美味，正是越普通的東西越讓人感到窩心炒生菜也一樣，雖然味道平淡，但平淡中有家的味道 

今天到柴灣探朋友, 賀其新居入伙. 由於以前在MTR附近工作, 有時候會來到這屋苑午餐. 所以直接從MTR站行過來了. 本來計劃去酒樓午餐, 但朋友(新居入伙果位)想來這家. 看到午市套餐, 有好多款選擇. 全部配餐湯及餐飲. 但看到有隔離枱客人都點了籠仔飯, 好似几好味, 所以先點了這個. 朋友們另點2個午市套餐再加個魚腩煲. 有茶水洗餐具, 没有浮現油花, 衛生比高分.北菇滑雞蒸紅米飯 HKD 42 蒸籠真係好大, 上枱時熱辣辣, 看得見的蒸氣, 透出陣陣荷葉香及雞肉香味 (註:當日未食早餐) 面鋪有雞件及香菇, 配2條菜心. 香菇特有的香味, 薑片微微的香辣, 都是蒸雞的好朋友, 完全帶出了籠籠蒸雞的神髓. 這個紅米白米飯軟硬適中, 而雞件下方的飯粒, 完全吸收了雞汁的精華, 加上閃閃生光的雞油及荷葉香味 , 可是也没有變腍. 通常飯類蒸太耐, 好多時出現倒汗水回滲至飯粒處, 米飯會發脹而變得好腍好爛真係好想知廚房是以何方法來制作. 這個一籠蒸雞飯, 我額外添了2碗淨飯. 另外點的款式夏威夷豬扒焗飯 HKD 42 馬來咖哩牛肉飯 HKD 42 薑蔥魚腩煲 HKD 63 如今回想年

多得D Friends咁關照晨咁早叫咗去食早餐 因為一陣重要走去買水果 所以未到七點已經坐好叫好份早餐 叫咗份牛油多士加麥皮 齋啡 份多士冇乜好寫 多士夠熱OK的 牛油始終覺得帶咸味係好食D杯咖啡夠香 不過飲落口淡咗D 唔知係唔係唔夠瞓 覺得飲咗杯咖啡後特別醒神全場最矚目係個麥皮 夠香又滑 厚薄啱啱好 唔似有D茶餐廳水汪汪太稀 又或者杰撻撻好似漿糊咁 要煮一碗靚麥皮其實唔容易

新威茶餐廳係一間多元化既茶餐廳，入面可以搵到每個人鍾意食既野，而且會定期更新個餐牌。冬天會有煲仔飯食同籠仔蒸飯，味道一流。可以自攜海鮮，仲有糖水竟然可以媲美糖水店（腐竹糖水）

呢壇嘢加杯凍杯啡，夠膽收28蚊，個奄列煎到跟餐咁，但係佢已經係全份。早餐時間個個趕返工，佢仲扣起我張單唔落。同我一齊叫嘢食嘅人，佢都食緊，我張單仲放係單機等人照顧。以為幫水吧預時間，會做好得啲，點知出嚟份嘢我以為我食緊免費餐。你做街坊生意都唔係咁㗎 睇圖最實際…去圖叫一個火腿奄列，唔理會佢有幾細件，都無理由係一塊只得油光嘅蛋皮，包住幾條火腿絲啩而個薯餅都係炸到乾爭爭，一陣油味。所謂又貴又唔好食就係呢啲。

新威係岩岩開既時候都幾出名啲包，熱辣辣香噴噴，但今日再食個餐包，已經凍哂硬哂，唔似以前咁好食。早餐嗌左個公仔面，$27有兩個餸，有包有野飲，價錢都還算可以。復活節飯期間黎呢到都算幾多人，搵位就要靠自己黎，不過好彩搵到位，個場都坐爆哂。值得一讚既係香茅雞翼會同隻面分開上，唔會浸淋哂，但腸仔就太油啦，同埋凍左少少。但我媽媽嗌左香茅豬扒又冇另上，真係唔明點解。環境方面都算幾整潔，係人多既時候會迫啲，如果啲包有番以前既水準會更好。

講呢間茶記，真係不得不講句火滾！lahris朋友話呢間野幾年前進駐個屋苑，開頭都覺得夜晚小菜做得幾好，$48有糖水送，點知幾年間成日加價，做街坊生意都起勢加，食物又縮水，完全離譜，下次幫趁諗過先唔該而家小菜價唔係劃一，之前加到$52 都算，而家仲要扮高檔，一個蝦仁炒蛋搞到$58，蛋雖然正常但所謂蝦仁完全無味，何來值$58?!叫個菜煲，其他以前都係$52 既搞到貴哂，仲要唔跟飯，惟有得返呢個極頹海味菜煲，菜得兩大條，加埋極硬粉絲托到好似好多咁，下面擺幾塊椰菜又托住哂，成個煲都唔知有幾多菜! 所謂海味係蝦米同無味魷魚，不知所謂，相都廢事影（我真係無影到..）（唔係想人身攻擊...不過lahris嘅呀姨太勞氣）做侍應都唔該用下腦丫，好多姐姐都好醒扒，但呢間野真係唔得囉! 我地問個菜煲有乜菜，店員話「唔知呀..師傅俾乜就俾乜，不過你可以話唔要咩菜嘅...」lahris 再問「咁你個煲有咩菜可以俾我唔要呀? 」佢又話唔知，「師傅俾乜就俾乜」。對住呢啲人真係唔想講野..講得上可以嘅無呢個肉鬆茄子豆腐煲，茄子ok但豆腐完全無味又出哂水，同加價之前差好遠，偷工減料又加價真係好嬲！再講，普普通通白飯，朋

一大清早，家人一起幫襯這間餐廳。我們叫了雞扒蛋米和豬扒蛋河。先說雞扒蛋米：它提供的並不是雞扒，而是兩小件雞肉。那兩小件雞肉是炸的，十分油膩，吃一口便滿口是油。蛋是正常味道。米粉太硬了，要浸一段時間才適合進食。豬扒蛋河：豬扒是香茅味的，肉身很林，是鬆肉粉的功勞，但味道也不錯。河粉很滑，幼身，好吃！其實食物味道可以接受，可惜一位貌似經理／老闆的態度很差：－　我們吃了不夠４０分鐘，他便跟其他服務員說我們不是並監視著我們－　他刻意叫進來的客人站在我們的身旁，並對客人說：「他們快走了！」－　到我們離開，他還要多加一句難聽的說話我奉勸各位，如果趕時間要吃一個快餐，是可以的。如果想跟家人於週末享受一下，這裡一定不會是你們的選擇…