新小泰皇食府

营业中

休息中

趁住冇落雨入咗大嶼山行山，夜晚去咗melody Thai 食晚飯。老闆係泰國人，好好人，服務又好。佢介紹我地食爐魚，泰式皮蛋。起初以為爐魚，間間㤗菜都一樣冇乜特別。但今次呢一間真係非常之好味，佢最特別係自製嘅醬汁，配上魚一起吃，完全帶出魚嘅鮮味。個皮蛋好香脆，炸得不會太油，不過記住最好多人去吃，因餸菜份量也不少

今晚係第二次到東涌的呢間泰國餐廳食, 兩次都係行完山食. 再次都係到呢間偏遠的餐廳食, 當然係...好味啦. 不過, 今次有D不快, order 咗要等成粒鍾先有野食  ... 但知道係因為唔夠人手, 咁就原諒佢地啦! 不過, 服務都會扣分.豬頸內肉味道唔錯, 加埋個醬又幾夾.蝦沙律, 蝦爽口, 個醬少少辣, 可以接受.春卷皮厚咗D, 硬咗D.抄飯幾好味, 臘腸甜甜地, 幾得意.

行完大東山, 去番伯公坳諗住搭車出番東涌市中心, 點知幾等巴士的人龍不短, 巴士經過都滿座無停車.... 見有些途人選擇行番出去市中心... 諗諗下等又唔知要等幾耐, 最後決定試下邊行邊睇下有冇新界的士可以截下.原來由伯公坳行番出市中心都唔少野, 要成粒鐘呀.... 斷水斷糧.....又餓又渴又攰 !未去到市中心, 突然見到有食肆,二話不說走入去, 時間尚早有位, 所以直入!在村內.... 一坐底立即ORDER , 叫了飲品解渴, 再叫拼盆, 沙律同埋炒飯醫肚可能未算多人關係, 廚房都好快手, 野食好快就上檯 .柚子蝦沙律 ~ 沙律汁調得不錯, 不會太酸或太甜又唔會淡茂茂, 柚子粒粒飽滿好鮮甜 , 好JUICY !!! 蝦也很好!一路食一路有不少客人駕車光顧, 有堂食又有外賣, 有些沒有訂檯既晏咗少少已經無位. 原個菠蘿炒飯 ~ 睇落個樣都好唔錯, , 整個炒飯味道也可以, 可惜菠蘿粒粒好少, 數得出得幾粒 .....另外, 腰果若再炸耐少少會香口D . 見到朵紅蘿蔔花伴碟加分, 但唔知會否循環再用呢 口渴至極要整番D凍飲, 飲品味道適中泰式拼盆 ~ 炸得夠透夠香口, 不錯不錯 ; 不

因為地點在東涌的村裏，所以餐廳逢星期五、六、日都有專車於地鐵站對開接送，就在映灣園候車站旁（車程3-4分鐘）。因當晚下雨，室外沒有開放，因此室內滿座，好不熱鬧。我們先點了飲品：椰青 - 清甜，夠凍，爽！泰啤 - 用了特製保溫套，十分保冷，飲到尾都keep到冰凍。冬蔭公湯（小）- 有大約2.5碗，很濃香芧和其他香料味，辣度剛好，還有大約6-8粒鮮蝦，蝦肉鮮甜，滿足！沙嗲雞串燒 - 有5串，每串都大大件，醃得很入味，燒得香噴噴，肉質一點也不鞋口，沙嗲汁滿有花生醬，好香，不一會兒全部都給吃掉了。泰式海鮮乾咖哩 - 有魷魚、青口、蝦。海鮮好吃，但咖哩汁偏甜。蒜蓉包 - 面包烤得有點兒乾和硬，上面放了炒香了的蒜粒，但蒜味不太突出，可做得更好。這兒氣氛不錯，會再來光顧，斯望下次試試其他菜式。

一早已經plan好，同陳生去完水口灣掘蜆後去小泰皇食泰菜。本身唔係好識點入去， 因為餐廳同東涌地鐵站有一段距離，好彩，上咗巴士沿途右手邊一見到小泰皇，即刻按掣落車。掘蜆掘咗成日手軟腳軟，不過一諗起酸酸辣辣嘅冬陰功湯，精神為之一振啊哈哈！我呢個plan係咪唔錯呢？由於去到時只係六點幾未到食飯時間，一去到有好多吉位，可以選擇坐戶外及室內，坐戶外有蚊，就算佢喺我櫈底放咗蚊香同埋提供蚊怕水比我，我未開餐就「被開餐」啦。頂唔順，入番室內。冬陰功：好好飲，酸酸辣辣，好重檸檬葉及香茅嘅味道，略嫌大蝦煮得有點老，老到有點發白。椰青：食泰國菜又點少得椰青呢？就算係飲一啖冬陰功再飲一啖椰青，都覺得好配合。而且飲完仲可以刮椰青肉當甜品。雙重享受，正！蒜蓉包：蒜蓉包要襯熱食，加埋牛油好香好脆。由於平時鍾意食翠華奶油豬，呢個蒜蓉包啱哂我口味啊！ =)鳳爪沙律： 一個字「辣」， 陳生推介嘅鳳爪沙律，鳳爪已去骨，食落爽口彈牙。不過對我嚟講太辣，食咗一啖要即刻飲啖椰青先降到溫。牛肉炒河：點解會點河粉係曾經去過chatuchak食超QQ河粉，呢個牛肉炒河令我好失望。一放上枱，反哂光好油好油，味道唔突出。雞肉串燒：估唔到

為左唔想等位,所以book左6點半, 仲有車接, waiter 服務態度唔錯~記得3年前試過一次, 但當時係8點時後食, 人比較多, 等野食等左好耐, 所以blacklist左~今日同老爺奶奶食飯, 因為好多野都試過, 而佢地又like食泰國野, 所以就比多次機會佢~其實睇完食評都幾驚, 不過得一間, 唯有膽粗粗再試啦~結果都唔錯, 之後會再去食~今日試左 -柚子沙律-冬陰功-咸魚炒芥蘭-炸蝦餅-海鮮乾咖哩-蒜蓉包全部都好好味,椰青仲好新鮮tim, 以後又多個地方食飯了~

其實唔止一次去新小泰皇食飯, 不過一想食泰國菜就會唸起小泰皇, 因為佢地既出品好正宗, d海鮮都好新鮮, 老闆講佢地既海鮮係日日清唔會留過夜, 雖然聽落間間都係咁講, 不過食落就知係唔係啦, 不過真係好好味同好新鮮.之前去撞啱佢地一周年party, 我地幾條友係到食完飯之後係到飲野, 佢地仲請我地一齊玩, 我覺得佢地好熱情仲好nice. 今次我地又去食飯,佢地仲認得我地, 真係好記性, 佢地仲整左一個沙律比我地食, 真係好地道, 類似木瓜沙律但係有d米線係裡面, 味道又同木瓜沙律有d唔同, 好辣, 不過越辣越想食, 佢地介紹左一個炒辣蟹比我地, 味道有d似中國人既避風塘炒蟹, 不過當然泰式哩種既味道比較豐富d,而家唸起都想食 .仲有個辣椒膏炒蜆, 其實係花甲來既, 哩個真係要讚吓, 唔單止個汁好味唔會搶左蜆既鮮味, d蜆好甜好新鮮, 唔係養左幾日無鮮味果種. 我地叫左個蒜蓉飽來點個汁, 唔一定要叫咖哩來配先好食. 仲有佢地d甜品,我最鍾意係椰汁西米糕,唔太甜, 合我謂口.加埋飲品加一, 埋單五百幾蚊. 價錢合理. 環境幾舒適, 不過而家既天氣,座係室外可能有d飛蟻飛來飛去,有d怕.

去水口摸完蜆, 搭巴士出東涌, 又唔想係東涌大商場度開餐, 於是決定出到東涌見到食店就落車搵食.... 一轉出東涌就見到有兩間食肆. 唔理好唔好食平定貴, 去馬先算..一間係泰國菜, 有d客人, 一間係印度菜, 無咩客人, 所以我地就揀左泰國菜 - 新小泰皇, 因為呢度o既環境都好d, 有d情調, 同埋有d人氣, 個feel唔錯.由於得好似兩個人去serve, 等左一陣先落到單, 叫左個泰式柚子蝦沙律, 咖哩海鮮, 一客蒜茸包, 同一客芒果糯米飯(後加).佢唔單只落單要等, 上菜等得更誇張, 以為先會上個蒜茸包喇. 點知佢先上個沙律, 不過等左6-7分鐘... 叫沙律因為貪佢有d生果, 會清d.... 點知上檯只見一碟淋上醬油o既柚子肉加5-6只中蝦, 因為好多醬油, 所以食唔到d柚子味, 好彩係d醬油唔係好咸... 而d蝦都幾好, 因為夠爽, 仲可以食到d蝦味, 唔係d無味o既玻璃蝦... 等多10分鐘, 第二個菜到喇.. 但係仲未到蒜茸包... 而係主菜咖哩海鮮. 好少料呀... 好似得三只蝦, 一只魷魚, 同埋3只青口.. 係咁多, 不過就要成78蚊(好似係)... 好貴咁囉.

星期六喺東涌, 突然之間好想食泰國菜, 諗起東涌MTR站附近(近映灣園專車嗰個出口)有一堆食肆專車, 嗰度有間泰國菜館, 於是行過去睇下。車站有好多個招牌, 其中「新華都海鮮」亦都係成日去嘅, 今次就試下「小泰皇」啦~~ 打電話去, 係泰國女人聽, 不過就講廣東話, 佢話車站嗰度就有專車坐, 果然等左一陣就有架七人車, 車頭寫住餐廳名。司機提我地要戴安全帶, 幾有安全意識。去到「小泰皇」, 冇乜客人, 可以坐出面或入面, 今日天氣唔錯, 咁我地就坐出面。出面係一個露天茶座, 雖然簡簡單單冇乜裝修, 不過都幾舒服, 氣氛唔錯。侍應係泰國人, 好有禮貌, 有笑容。我地點左:1. 公車攬霸(泰式生蝦) ~~~$60 有十隻, 生蝦新鮮, 個汁正宗, 勾起我地喺泰國沙美島水上餐廳嘅美食回憶~2. 綠咖哩雞~~~~ 唔記得幾錢, 大約50 -60, 呢個咖哩好有驚喜, 個汁好正, 用嚟撈飯一流~~3. 椰汁雞湯(小) ~~~ $55 ~ 真係有椰汁同埋雞味, 唔似有D餐廳得個辣字4. 泰式炒金邊粉~~~ 都係唔記得幾錢~~ 金邊粉炒得幾靚, 有嚼口, 味道好有曼谷街頭小炒風味5. 兩個椰青~~完