新惠和

营业中

休息中

新惠和, 西貢🍚難得嚟到#塔門 ，專登喺#OPENRICE SEARCH定有咩好食。我覺得塔門唔算好多嘢食選擇或者非常有特色，勝在地理位置特別少少，遠離城市，久唔久嚟下都幾好⛰今日嚟到呢一間餐廳出名嘅其實係佢個#海膽 炒飯，不過我一般般好海膽所以就叫左另一個炒飯試吓。食物一般，唔係非常驚喜。但飯都炒得幾香，色香味俱全，而且炒到粒粒分明同埋夠鑊氣，份量算大，價錢又合理。另外叫左碗墨魚丸🦑味道都唔錯幾彈牙同新鮮。嚟到塔門諗唔到食咩可以試吓👍🏽.📍#西貢 #塔門 海傍街3號地下 #HappiMuffinHongKong 🌟#HappiMuffin Rating: 7/10💰Price: $60-90 pp#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

塔門係最近一個比較熱門嘅郊遊地，更加有好多人喺嗰度露營🏕添！雖然佢無長洲、南丫島咁熱鬧，但就係佢嘅寧靜吸引到一班住喺市區嘅人黎～當然，無咁熱鬧就自然鋪頭、餐廳都少啲啦！塔門餐廳🍽只有幾間，而呢幾間都話自己嘅招牌係海膽炒飯🥘😹不過上網睇 新惠和 嘅嘢食係相對多啲海膽，所以今次黎到就試呢間！睇門面都知道開咗好耐下👇🏻呢度無正式嘅廚房，門面右手邊(下圖右)就係用黎煮嘢食👩‍🍳👩‍🍳中午時間黎醫肚，我地算黎得早，所以未有人😹揀咗個角落頭位無咁凍😹👇🏻再睇下👆🏻嘢飲牌同👇🏻狗仔招牌海報更加肯定佢開咗好耐啦～餐牌👆🏻👇🏻部分招牌嘢食就會有埋相😹唔洗多講，都係嗰幾樣，海膽炒飯、無冰凍奶茶、薑汁豆腐花～就係比佢個相吸引到，首先叫咗碗👇🏻薑汁豆腐花🥣同奶茶☕呢個豆腐花算係幾滑，凍得黎都幾軟幾棉🥰雖然未必及市區嗰啲老字號鋪，但呢度黎講係幾好架啦～不過個奶茶就比想像中甜，如果唔落咁多糖應該會好啲～而茶味都有嘅，但個人覺得甜味重過茶味～👇🏻招牌海膽炒飯🥘呢個就真係要比個讚佢👍🏻😹110蚊，真材實料幾多海膽，啖啖都多😹圖下深黃色嗰啲都係海膽！由於海膽係熟咗嘅，所以唔會好似平時咁咁淋，食落係會實啲，有咬口，啖啖都

海膽炒飯 $110 好大碟好香 夠2人食 而且係食飽既添炒飯炒得乾身 粒粒分明 味道80%醬油味20%海膽味海膽刺身其實好味過熟食 味道濃郁得多佢地以前用塔門海膽 依家聽聞用國內貨 有d可惜炒飯味道普通 風味搭夠 最有驚喜係無冰凍奶茶$28茶味奶味都平衡得好好 有茶味又有奶味 好多坊間茶餐廳都做唔到 佢哋既海膽雞蛋三文治 好多人都話比炒飯更好味海膽味道更出 亦無海膽炒飯咁大份 若一個人試 建議試吓三文治大家若有機會到塔門一遊 不妨品嘗比較一下

呢日係馬料水碼頭搭船去到離島塔門呼吸一下新鮮空氣，呢度除咗出名睇牛、露營之外，仲有海膽炒飯都吸引唔少人專登入嚟，係碼頭行入少少就有3間餐廳都有得食，我哋今日就揀咗最多人排隊既新惠和試下，因為限聚令關係，每張枱只可以坐2個人，所以都要有心理準備排超過半個鐘呀。海膽炒飯印象中好似冇乜食過熟咗嘅海膽，同新鮮海膽刺身係完全唔同味架！個炒飯炒得超級乾身，粒粒分明有咬口，入面夾雜好多海膽粒，雖然要成$110一碟，但份量都幾大，海膽粒甜甜地帶少許海鮮鮮味既aftertaste，又幾得意。蝦醬鮮魷炒烏冬呢度既麵可以揀河粉、米粉、烏冬或者蝦子麵，烏冬唔會炒到痴埋一pat，好乾爽，蝦醬味比較淡，要食多幾啖先食得出，主要以豉油味為主，鮮魷份量都唔少，好彈牙。薑汁無冰凍奶茶熱辣辣既天氣飲啲無冰既飲品就最爽，呢個奶茶好似講到好出名咁，不過飲落薑汁味唔係好飲得出，味道似純萃喝嘅奶茶。秘製鹹檸茶鹹鹹酸酸既咸檸茶消暑下火一流，鹹味突出，但都幾易入口。人均消費：$105推介指數（10分為滿分）：7分

好耐都冇去郊野行吓今次揀咗塔門黎個兩日一夜 露營之旅一落船就梗係去醫肚先啦冇冰既冰凍奶茶 遠近馳名就梗係要試吓啦果然冇加冰塊🧊奶味同茶味都好濃郁🥴🥴 我哋一支兩份share 啱啱好有兩杯叫左個海膽炒飯 好足料幾乎粒粒飯都有海膽😋 平視我唔會就咁食海膽 但係個炒飯炒到好香 所以我都食咗好多碗🤭🤭普通嘅炒菜我就唔影啦🙈 最後就梗係要叫個甜品 郊野先至會有嘅薑汁山水豆腐花啦🤩咁先至係完美嘅一餐🤭 食飽我哋就去拎露營嘅帳幕 紮營 至於晚餐就食左BBQ🤩

1/7假期點可以唔出去郊遊⋯⋯一於去塔門。兩年前黎塔門試過「新惠和」印象中好多人好迫好大油煙、當時order海胆炒飯、真係好一般、所以今趟諗住試其其他餐廳、點知下午3點左右附近餐廳話打烊、咁唯有去「新惠和」環境- 可能疫情下無乜人出街、無巳前咁迫、二人可以自己一張枱- 油煙無巳前咁勁服務- 有位成熟穩重既阿姐在門外、落力煮- 另一位年青貌美既侍應、好溫柔、落力招待客人、反應快食物- 今次order海胆煎旦三文治、蝦醬鮮魷炒麵、無冰凍奶茶- 海胆三文治好足料好多海胆、海胆好鮮甜蛋好香、好味過當年既海胆炒飯（今次無試唔知家下咩味道）- 蝦醬鮮魷炒麵、炒既時候巳聞到陣陣蝦醬味。大廚親自上菜、係耳邊同我地話可能呢件鮮魷有點喊、因為多左小小蝦醬其實都預左蝦醬會偏喊、的確對啖口味既我係有點喊、可以接受！炒麵有點油。鮮魷真係好新鮮- 無冰凍奶茶、一枝兩個人飲岩岩好、有茶味唔錯價錢- 小島價錢- 今趟性價比唔錯新惠和食物偏向茶記, 歎下午茶的好選擇下次有機會去塔門會早點開餐試下其他餐廳既海鮮。

同朋友一齊係塔門露營⛺️，之前去過塔門幾次已經覺得塔門既美食非常吸引。今次就揀左新惠和黎幫襯。order 左個海膽炒飯加蝦醬鮮炒麵，同埋去到必叫既凍樽裝奶茶。炒飯都食得出幾強既海膽味，炒飯鑊氣都好夠。炒麵既蝦醬味亦都唔會太過咸，反而係非常香口👍🏻👍🏻👍🏻而奶茶可稱得上係世界級，茶底好而唔會太甜。另外鍾意薑既朋友有興趣既都可以試下薑汁版本😋。 價錢方面當然會比市區貴少少啦，但係塔門黎講佢用既都係新鮮係海度捕獲既材料，性價比絕對係好👍🏻👍🏻

2/5海膽炒飯有點硬，要用力一點才能吃到海膽的味道，但整體當普通炒飯，還是有點鑊氣的。蝦醬魷魚炒麵，咸香，但吃久了會太咸，魷魚也不錯，彈牙不會難咬。海膽煎蛋相對上海膽味比較突出，有互相昇華的作用。(Google translate)The sea urchin fried rice is a bit hard. It takes a little harder to get the taste of sea urchin. Fried noodles with shrimp paste and squid, salty and fragrant, but it will be too salty after a long time, and the squid is also good. Sea urchin omelette is more prominent than Shanghai guts, with some sublimating each other

假期多人去塔門呼吸新鮮空氣，當然行完一大輪，個個都要揾好野食，雖然要排長龍先食到好野，但都好多人同我一樣唔介意排隊為求食好西叫左支無冰凍奶茶下火就耐心地等野食黎，雖然叫得兩款野食，其中墨魚丸好彈牙新鮮，而個炒飯炒成金黃色，十分香口，食飽飽就搭船出市區啦～

終於黎左塔門！想黎試個海膽炒飯好耐。個個area有好幾間餐廳，都係新xx見新惠和門口最多人就入左去。嗌左佢地推介既無冰凍奶茶，海膽炒飯同埋炸墨魚丸。炸墨魚丸都幾貴，成$80一碟，份量唔算好多。無冰凍奶茶真係好好飲，好香滑，好似珍珠奶茶個d奶茶。海膽炒飯就好香海膽味，但冇海膽既口感，係炒得好乾身，幾好食既，不過有d油。

今日襯好天嚟塔門拍下拖，一落船行一兩分鐘就會見到呢間餐廳。呢間餐廳最出名就係海膽炒飯同無冰凍奶茶。-海膽炒飯因為都知道呢個炒飯都係攞個噱頭，所以對佢唔會太高要求。炒飯來講都算唔錯，都炒得幾乾身下每粒飯都粒粒分明。但係啲海膽就真係好少同冇咩鮮味但又唔會臭，算係禁。 所以我覺得如果一場嚟到塔門都可以試吓打下卡🤣-無冰凍奶茶其實呢個就係只係將奶茶雪凍去🤣 不過啲奶茶係好飲嘅因為啲茶底好香。食完之後就係塔門四周圍行吓，由於今日真係好好天所以啲風景真係好靚😍

大食妹今日同朋友仔去咗塔門郊遊到咗晏晝時間, 見到新惠和嘅廚師炒飯都幾有架勢, 而且人龍都幾長, 一於羊群心理入咗去試下啦 餐廳環境有啲殘舊, 但大食妹個人比較重視嘢食嘅質素, 而非所在嘅環境黎到塔門梗係要食當地嘅名物-海膽炒飯同無冰凍奶茶啦<海膽炒飯>海膽炒飯嘅份量都幾多, 足夠兩個人食 米飯粒粒分明, 海膽冇想像中嘅乾達達, 反而係有啲半生熟, 食落幾清甜 但成110蚊 咁嘅份量, 就覺得有少少唔抵啦<薑汁無冰凍奶茶>因為當日原味無冰凍奶茶已經賣曬, 我哋唯有嗌咗杯薑味無冰凍奶茶第一啖入口嘅時候辣辣地, 但後勁係濃郁嘅奶茶香, 唔錯

入塔門行下輕鬆一下，呼吸新鮮空氣，享受下寧靜。.行完疊字兜返出黎見到當地名菜～海膽炒飯，當然要試下，可惜太遲去已經賣哂。唯有轉食其他。.叫左鮮魷公仔麵，豆腐花，蝦醬魷魚炒飯，豆腐花豆味濃但唔夠滑，有d 令人失望。鮮魷公仔麵好多魷魚，新鮮又大舊，正又抵食。蝦醬魷魚炒飯，濃濃蝦醬味，飯炒得乾身又夠獲氣，魷魚大大粒，熱騰騰新鮮炒起，香味四散。.由於人多所以自己寫單同埋等一段時間先有得食，如果趕船就好難試到。要預鬆時間先可以。

一直都知道塔門好出名呢個海膽炒飯，但係原來有好幾間茶餐廳都有做呢個炒飯，不過我都係跟左我OpenRice既rating去間餐廳嚟食，呢間的確冇令我失望。佢嘅海膽炒飯海膽嘅料唔算少，而且係真係整碎咗同啲飯一齊炒，而唔係炒完個飯再放兩片海膽係上面。一路食都會食到海膽嘅味，而佢個炒飯亦都做得好乾身，仲有少少飯焦。所以我覺得係幾唔錯嘅！另外我哋仲叫咗個椒鹽鮮魷魚，不過呢個就覺得麻麻地，佢落咗好多咖喱粉但係椒鹽味就反而冇乜。好似變咗咖喱炒魷魚咁

遊完塔門半日，欣賞完靚景之後，心情唔錯。臨走前搵地方醫肚，OR見呢間有塔門出名既海膽炒飯，就走去間餐廳，等左十分鐘左右就有位了。入到去，一張大枱share坐，坐左1+2+2+2人，都唔算逼。 但張枱「痴痴笠笠」，仲有一啲上手食完既飯粒。 呢啲算啦，即刻落單叫左碟海膽炒飯、蝦醬鮮魷炒麵同一枝豆漿。 等左五分鐘，枝豆漿就黎左，兩個字，好甜。跟住等呀等，等呀等，15分鐘、30分鐘、45分鐘、等左近一個鐘，終於忍唔住追單。問個抹枱既婆婆，佢話唔關佢事，叫自己出去門口追 (因為間野得門口有兩個爐，有個阿姐負責炒飯炒麵)。 追個阿姐，由於佢剛剛炒緊一鑊海膽炒飯，就隨手裝左碟俾我。 由於要趕船同埋已經浪費左一個鐘等待，見佢仲未炒麵，就同佢講唔要碟麵了。碟海膽炒飯，味道還可以，但份量偏細，一粒完整既海膽都見唔到，五分鐘左右就差唔多食完，點知佢碟炒麵突然可以咁快炒完拎過黎。咁算啦，佢都炒好就照食啦，點知鹹到痴線，本身落左唔少鹽、蝦醬又好鹹。最恐怖係，離開間餐廳之後，發覺洗碗既阿姐連枝裝奶茶/豆漿既膠樽都浸係啲碗碟到一齊洗。終於明白點解枝豆漿個樽蓋係冇封了🤮