新惠和

营业中

休息中

同大學同學相約嚟塔門島遠足，同學負責路線，我負責食物。一早就聽同事講呢一間嘅海膽炒飯好好食，我哋行完山雖然飽飽哋，都系即刻落嚟食。海膽炒飯果然名不虛傳，料足，咸淡都啱啱好。不過薑汁豆腐花令我大開眼界，我從嚟都未食到過咁滑嘅豆腐花，入口即化，行山嘅疲憊一掃而光！姨姨仲幫我哋叫咗快艇添！

炎炎夏日，一家大細去塔門郊遊，風和日麗，享受自然美景。但天氣十分酷熱，行到身水身汗，最正爽緊陣返杯冰凍既涼粉，豆腐花。豆腐花可以選擇落唔落薑汁，唔落可以選擇落黃糖，豆花豆味不濃，但十分嫩滑。涼粉十分清甜 解渴非常有效 又可清熱，同出面既涼粉比 呢度既比較琳。鹹檸茶都唔錯 好足料 澀澀地甘甘地 很地度。

好中意塔門呢個地方，好中意親近大自然上次黎塔門，已經食過新惠和，原先想食其他餐廳，但門口嗰幾間完全唔開，所以都係要黎食新惠和..ｰｰ海膽炒飯($98)，份量好大，兩個人share都冇問題，而且海膽好多,啖啖都食到，成個炒飯炒到粒粒分明，十分乾身。雖然呢度的服務十分麻麻，但呢個海膽炒飯又真係好食，抵佢咁串!

星期日假期，同另一半去塔門一日遊，早少少入去食完lunch先行揀左去依間試試食店人流一輪輪~之前全場滿坐..流量好快飲品有無冰凍奶茶($14/杯..$28/支)/薑汁無冰凍奶茶($15/杯..$30/支)好多人叫奶茶~唔想飲完奶茶成日搵洗手間+喉嚨有少少沙所以叫"秘製鹹檸茶"($15/支)~鹹檸味出..茶味唔澀甜度ok..飲完喉嚨舒服左d"海膽炒飯"($100)食材簡單..有蛋,海膽,蔥粒,白飯炒飯好香..海膽+蛋好match~有蛋味又帶海膽微甘味但飯粒炒得過乾~依家食唔到太乾口食物..所以間中用水送依個飯都可以自己炒炒..簡單得黎又香口原本我想試"海膽煎蛋"~另一半話好多人都食"炸墨魚丸"($70)咁是但啦! 點個試試囉我無睇過相~如果知"炸"既效果係咁..我寧願叫湯上"炸"同煎透少少無分別~"炸"既定義係有脆感..依個完全無墨魚丸口感結實中帶彈牙(午餐總消費:$185)行完山再返去食"薑汁豆腐花"($11)~口感好滑滑..好味另外再點"秘製鹹檸茶"(x2)(下午茶總消費:$41)

定期要來一來塔門, 一個香港難得較寧靜的地方。來到塔門的指定動作就是來新惠和, 海膽炒飯是我的至愛, 薑汁奶荼是他的至愛。海膽炒飯的海膽份量夠, 炒得不油, 一定要試。墨魚丸彈牙得很, 很香, 是我吃過最好吃的墨魚丸呢。他特別點了湯魚蛋, 一樣的彈牙。薑汁奶荼, 洽到好處的薑味, 獨特。

今天本計劃塔門一天遊,打算從馬料水塔8:30船, 海邊行下食完午餐後,下午再上山, 下午四時左右回程,,,可惜到中午已經落大雨, 要提早中午回程...出發前先係中大Canteen食早餐, 再行去碼頭塔船,到達後天色陰暗, 不過正因為咁,成程都唔晒, 幾舒服附近行左一轉, 冇上山, 好快又番番碼頭, 附近有3,4間餐廳, 菜式都差唔多, 想食海膽炒飯, 於是試下呢間~先叫一杯無冰凍奶茶同姜汁無冰凍奶茶, 奶茶同出面茶餐廳差唔多, 姜汁味奶茶比較好飲海膽炒飯份量夠2人食, 好香口唔錯, 但我未食過海膽, 唔係好食得出海膽係咩味XD仲有叫左個姜汁豆腐花, 姜汁味濃, 豆腐花夠滑, 十分推介

見天氣不錯，突登坐船來到塔門，一落船就見到幾間食店，諗住上完山返黎先食野，差不多行左兩個鐘，我地就出返去搵食啦！經過見到新惠和好似好多人幫襯，咁就入去試下啦！見到餐牌推介海膽炒飯，又聽到隔離枱order左，我地又叫一碟試下啦～另外叫左支奶茶邊行邊飲，忘了影相，奶茶唔太甜，都幾滑幾好飲

兩個新界妹為了海膽炒飯，造訪塔門。到了九月天氣漸有涼意，可是汗水還是會流過不停！就在與友人揮灑汗水後，狠狠的吃一頓！！當天是閒日，遊人不多，不用等位。店內氣氛寧靜，老闆娘不時與食客聊天，感覺親切。海膽炒飯 $98即叫即炒。作為招牌菜，味道當然沒有令我們失望！海贍大大粒，佈滿整碟飯！豆腐花炎炎夏日，消暑極品！回味非常！已經決定要相約更多朋友一起去吃！

難得郊遊黎到依度, 一定要試下出曬名既招牌菜店舖內係簡單木枱木椅叫左------蝦羔鮮魷炒飯$38無冰既凍奶茶 $24海膽炒飯 $80食後感:蝦羔鮮魷炒飯-----蝦羔味濃又香,鮮魷爽口幾新鮮, 整體味道口感幾好無冰既凍奶茶------膠樽入左無加冰既奶茶再雪，奶茶唔滑帶"鞋", 茶味好微海膽炒飯------最貴既炒飯，雖然相當足料，幾多海膽，但炒得太乾身, 令飯同配料帶硬, 食到牙痛再加上海膽帶點腥, 勉強地食幾啖總結:蝦羔鮮魷炒飯價錢相宜又好食

第一次入塔門，朋友介紹一定要試呢度嘅海膽炒飯！最初諗起平時食嘅海膽炒飯都冇咩特別，所以冇咩特別期望⋯一黎到咁啱唔駛等有位（到我地食完果陣出面排哂隊）二個人叫左海膽炒飯、炸墨魚丸、豆腐花同薑汁奶茶。海膽炒飯：好香好好味 未食過咁多海膽嘅炒飯，雖然$98一碟但絕對值得！同埋size都夠大。炸墨魚丸：魚旦入面加左墨魚，叫到幾多油下，個人覺得不吃也罷。豆腐花：我唔識分好同唔好嘅豆腐花，但佢呢個都幾滑。薑汁奶茶：奶茶加入左適當嘅薑汁味，我好鍾意，不過佢茶味就比一般奶茶淡。總括黎講呢度嘅野食都好好味，推介推介

第１次寫食評輾轉坐車坐船來到了充滿大自然與寧靜的塔門，經Openrice知道有家得去吃吃的食店。一下船就到了岸邊的新惠和，外面擺滿小食雪糕等等，是因為星期５，沒有人排隊，只有準備上船前來吃的客人在用餐。塔門的招牌狗狗真的會跟著人群走～在門口就看到了跟著人走的狗狗。眼看裡面放了幾個鐵圓檯子，尚算闊落，地上有一點點食物碎屑，沒傷大雅，這是漁村。店內海報，是剛才外面看見的狗狗的年輕照嗎？看看餐牌，一眼就能看得到店家的招牌「海膽炒飯」，還點了其他食物試試。跟食評一樣，老闆娘也是叫我們把要點的食物寫在紙上，因為兩個人忙東忙西顧不了，有時更要走出店外和應付買外食小食的客人。老闆娘空餘時間也會來「偷看」一下我們點什麼，先去做，所以沒有等很久食物就上檯嚕！先來了魚片麵和海膽炒飯以為是茶餐廳用的蛋麵，原來是出前一丁雞容味很家庭式的味道！麵沒有煮至發脹，剛好的軟硬度；魚片一般，略厭有吃到冷藏味。另外友人點了最基本的餐蛋麵，沒什麼特別。對我而言滿大碟的！老闆娘在上炒飯時還給我們三個小碗呢！但是對於男友來說可以吃完一整碟啊！！！（驚）大概女生覺得很大碟就是…平常沒事不會吃海鮮的我…看見聞著忍不住吃了人生第一口

今日晨咁早就搭船入去塔門, 好舒服的一天行完一個圈之後大約12點我地就到達新惠和喇姐姐先問我地飲咩, 之後放低疉紙比我地自己寫要咩食物, 然後就轉身去拎野飲比我地我叫左無冰薑味奶茶, $14。而友人就叫左咸檸檬茶第一啖飲落去係有淡淡既薑味既, 可惜茶味唔夠濃, 係特別但無左應有既茶香奶滑一場黎到, 又點可以唔叫個海膽炒飯先! 成個MENU最貴係佢, $80 一碟, 而其他炒飯只需$40如果唔係好肚餓其實可以叫佢個海膽煎蛋麵, $35。即叫即炒, 所以都等左約10分鐘到先上枱鑊氣十足, 海膽既份量都唔少, 每一啖都會有!除左海膽之外, 佢亦加入蛋同魚春落去一齊炒, 令到佢更香同有口感之不過我覺得個飯唔夠硬身, 所以無食落去一粒粒飯既感覺食完出到去發現外面已經大排長龍, 仲落起毛毛雨添, 好在我地早到咋

第一次到塔門 人人都說新惠和最出名海膽炒飯今次遠道而來當然要試下啦 留意只會開放到下午6時店外經常大排長龍 要給點耐性啦 店內可容納30多人左右適逢假日 人就更多啦 等了10-15分鐘便安排入座 1) 必叫: 無冰凍薑味奶茶 3.5/5 $20+其實是沒有加冰的奶茶 沖好後就立刻放入雪櫃冷藏 以支裝出售要試當然就試較少見的薑味奶茶啦 薑味不算太濃 淡淡的 幾特別飲過之後覺得無冰並非如此特別 但奶茶的確做得好 奶和茶的份量剛好不會過甜 茶味好濃 飲完仍會有茶香 出面其他奶茶不是太甜就是無味這裡的出品一定令人食指大動2) 五香肉丁炒飯 3/5這並非主打食物 不過味道都算不錯 啖啖肉丁 幾多料2個人食都食得好飽 幾入味 辣辣地 好開胃 飯炒得夠乾身比很多坊間的茶餐廳做得好3) 另一必叫: 海膽煎蛋面 3.5/5由於已叫了炒飯 所以今次挑戰面好了煎蛋好香 加上點點蔥花 味道好夠 而且不難發現海膽碎就鮮味而言 當然不算十分突出 但以這樣的價錢來說已是超值面比炒面應該更容易食得出海膽 畢竟煎蛋牢牢包住了海膽蛋和海膽味道好夾 至於面就是普通貨色 沒什麼彈性 好快就索水不過尚可接受 主角還是海膽 絕對

去塔門必然想起和光顧新惠和，因為它是塔門一間稍為大一點的和經常營業的食店，這次是我第二次來到塔門，自然第二次來到新惠和~今次同行的人數多了，食物也點多了，令我馬上有衝動寫一篇食評!無冰凍奶茶，顧名思義，是只雪藏而沒有加冰的凍奶茶，原意就是不想奶茶被溶掉的冰沖淡了，主意是很不錯，但其實我最在意的還是奶茶第一口的質感和味道，任憑味道保持不變，不好喝的就不好喝。奶茶令我有點失望，沒有特別的香滑，反而有點"鞋"，奶和茶的比例不恰當，是普通不過的奶茶。可能第一次來的時候正值炎夏，那時的那一杯感覺好一點。順帶一提，它有樽裝和杯裝選擇，但其實伙計還是會給你樽裝，她說一樽等於兩杯，哈哈。這兒的炒飯好處就是它會即叫即炒，起碼不會冷冰冰這個菠蘿牛肉炒飯，不過不失，我唯愛裏面的蔥花，令整個炒飯更香。這兒最有名也是最貴的炒飯，不過又真的相當足料，啖啖海膽，每一口都帶有焦香味，海膽帶點腥，但我是接受到的，不錯。相比海膽炒飯，我更愛蝦羔鮮魷炒飯，可能我真的太喜愛蝦羔吧!蝦羔味濃不在話下，鮮魷真的爽口又新鮮，值得推介炒公仔面立刻被其他炒飯比下去，感覺就像吃五香肉丁味的豬肉炒公仔面，加上生菜、微酸的荀，不是人人能接受

星期天, 難得他聽到我提出了多時的要求, 放下了車子, 搭船! 一大突破呀...從西貢放下車子, 搭船來到塔門, 船程不長, 對私家車出入的他來說已是人生極限。到達塔門, 藍天白雲, 風光真美, 天氣好的星期天, 到處都是遊人, 如果人可以少一點, 更好。牛牛們早已不怕遊人, 會走到他們身邊討食物, 可愛。塔門不大, 我們行了一圈, 就來到原點新惠和。下午三時多, 還有不長不短的人龍。看到人龍便掉頭走的他, 在我的安撫下都頂著頗熱的天氣站在人龍中出汗。喜歡海膽的我, 上次來過後便念念不忘它的海膽炒飯, 今次再來, 非叫不可。他想試試炸墨魚丸, 上碟香氣撲鼻, 入口彈牙, 還有原始的墨魚味, 不是出面的墨魚丸可比。本來沒期望的我, 竟然愛上了它。 他還要了這裡特有的薑味奶茶, 我的推介, 而喜歡薑味的他, 亦讚不絕口。塔門不是一個經常會來的地方, 但每一次來, 我一定到訪新惠和。