新星海鮮酒家 (已結業)

昨天是假期，通常假期都會同屋企人去飲茶，但因常常都係去那一兩間，感覺有點悶，家姐說想食些特別的點心，即跟平時係唔同既，我突然就話不如去屯門碼頭睇下啦.於是我地就嚟左呢度啦.嚟到都差唔多2:45分了，我地三個人，等左唔算好耐，20分鐘左右就有位了，這裏都幾大及有外面的，雖然係可以好快有位，但係天氣咁熱都唔會選擇外面位置，我們剛剛坐在近外面露台位置旁，因近門口及有太陽，所以都有點熱.食物方面真的是有一些點心跟我們平時食開的不同，所以就叫左一些，本來有一個炸蝦角好抵食但已賣晒了，還有一個狗不理也賣晒啦，我地就叫左:素菜卷-這個是用生菜包住些冬菇粉絲粒的，味道都幾好，清清地同埋真係特別的呀.海皇灌湯餃-一般啦,唔算好多料，個皮都幾薄的.煎薄撐-這個都幾好味，好薄及好香脆的，但係冇咩料菠菜餃-個皮好厚，所以有點淡，感覺d料唔夠多叉燒米粉-叫左廋叉燒，d叉燒真係好廋，都算大碗及多叉燒呀雞札-這個只食左少少芋頭，都好淋本來想叫腸粉的，但已過左時間冇得叫，所以叫左叉燒飽，叉燒飽熱辣辣都幾好味的，但係比較個皮比較粗，唔夠幼細，入面d叉燒都好味的.其實我坐近放碗櫃及茶的地方，但唔知點解，我覺得有陣"宿"味

早排與家人在這裡飲茶，有兩個事令我很深印象。首先，這裡因為地方比較細，搭枱搭得很嚴重。我們的中型枱為例，已搭了三四組茶客。對此安排，店方應考慮如何改善，否則，很難有意欲再次光顧。但，這裡的點心又真是比較精緻和有特色的。XO醬羅白糕和蝦餃也造得好。但我最喜愛的，就是這裡的「椰王荔茸焗布典」。焗布典在酒樓已買少見少，何況是用上椰王殼來焗製，就更少之有少。所以，就算座得較迫，也要來吃焗布典。

今日諗住同mammi & 細佬去呢間酒樓度飲早茶等位都唔係問題比左張枱係兩張枱之間既都唔緊要= =最差係呢張枱係超逼逼到諗住同隔離位個5..60歲既牙婆叫佢將佢張枱移過少少點知個5..60歲既牙婆自恃係熟客兇番我轉頭話係移唔到咖啦咁叻你幫我移lo就咁同佢抝左幾分鐘個waitress剩係睇又唔幫口之後忍唔住就換枱換左枱之後叫嘢食超耐lo有個牙伯嫌等得太耐走去鬧d waitressd waitress都剩係識黑面服務態度惡劣lo

上星期日同屋企人去完大澳,撘船入左屯門碼頭,諗住順便係度食埋晚飯先走,家姐話新星好抵,全單晚飯半價的,但唔知星期日有冇,我地就嚟左睇下及係度食啦.冇訂位,但未夠七點已話好滿要再安排先有,跟住見我地想走又話可以安排到,七點不算多人,我地五個人叫左幾個小菜.炒駝鳥肉-呢個好惹味呀,駝鳥肉都好淋入味呀南瓜芋頭煲-呢個都好味,雖然唔太夠淋,如果南瓜及芋頭可再淋身d就仲好呀,但有些椰汁一齊都好夾味呀,有些芹菜羅漢齋豆腐-一般味道啦,不過都有幾多料的,有雲耳,粟米芯,甘旬,雲耳等金銀蛋浸勝瓜-勝瓜都好滑好味呀,其它配料都多,有些咸蛋粒,肉碎,皮蛋,菇粒,味道都好鮮甜呀越夜越多人入坐,有些是打邊爐的,一些是晚餐,其實這裏的價錢都好抵食,有些孖寶之類也好抵,但係我地睇極張紙都唔明佢係點計,有點亂.其實選擇都算多的,味道都幾好的.可以一來呀.

因為在網上討論區看到有信用卡優惠，所以叫埋屋企人去食下。新星出名係流沙 包，火鍋約一年前在尖沙嘴试过， 贵而水准一般。 而家98蚊一位任食买四送一， 价钱ok，连汤底加一每人120倒。 点菜纸上可以点的有贵有平，贵货如蚌呀，带子片都有， 而且非常新鲜。 尤其是肥牛, 筫素很不錯, 一點沒有張貨就價. 店家給的份量也毫不吝惜,他们上菜是一大碟的, 而不是外面一小碟一小碟的上, 感覺很大堆頭. 任飲有兩三種汽水和一款啤酒可以選擇. 阿姐好忙但係招呼都ok這個優惠到4月30日便完了.

和朋友聚會，一大班人傾下計，最好都係食中餐，因為圓枱，方便d。屯門這間酒樓，間中都會嚟飲下茶，最鍾意係佢露台的無敵靚海景，不過，晚上都係揀番室內，涼下冷氣啦。叫了招牌產品，我最愛的水晶雞，因為佢係新鮮雞嚟既，仲有d美味之極既腎、心、腸、膶跟埋，正!!!阿媽話，而家好少會買新鮮雞架喇，又貴，又唔係度度都有得賣。係過時過節，屋企先會買隻新鮮雞食下，而主要，都係因為作拜神之用…..卥水拼盤，味道都幾好，不會太鹹，但又夠入味。紅腸同埋肉片都切得好薄、好薄，好刀功!!冇嚟一陣，又換左一d新既有營菜，今次揀左一個叫西施吐艷的有營菜。個名，好搞笑，如果冇相，完全唔知係乜內涵!!!有蛋白、番茄、菜仔，好清，好好味，個蛋白超滑，正正!!!又好味，又健康，我一向最支持!!!另外叫了條魚、炒多碟菜，同埋京都骨，都ok。最後，當然要食埋招牌流沙包，才叫圓滿結束啦!!!

難得的一天假期,與家人到新星樂聚天倫.今次的選擇:煎糯米雞,煎蝦米腸,柴魚花生粥,雞飽仔,百醬牛根,叉燒腸,馬蹄糕,鳳爪排骨飯.煎糯米雞,唯一好吃的東西,底部煎得有一點點焦,脆脆的.表面的雞蛋為糯米雞添上了一點點層次.煎蝦米腸,夠熱,煎得有一點點焦,脆脆的,但不香.柴魚花生粥,味精粥,濃濃的柴魚味,雞飽仔,包子不鬆軟,內裏的雞肉也不滑.百醬牛根,牛根不晶瑩通透,只是勉強用醬去把它蓋著.叉燒腸,叉燒腸內有翠玉瓜有一種怪怪的感覺,腸粉不滑.馬蹄糕很難吃,很不實在,也不熱.鳳爪排骨飯,飯裏沒有鳳爪排骨味,只得豉油味,一定是兩者分開蒸,最後才放在一起.p.s.想不到隔了一段時間沒有來,水準差了這麼多,可能是換了點心師傅.

因為病咗,所以早餐去咗飲茶,清清地.今次吃了叉燒餐包,金銀蛋瘦肉粥,叉燒腸粉,叉燒包,雞包仔,牛根,臘腸卷.叉燒餐包,已經成為每次必食皇牌,今次熱辣辣,仲好食,一個人吃了兩個.金銀蛋瘦肉粥,金銀蛋切得碎,容易入口.叉燒腸粉,今次的腸粉冇咁「un」,有改善.叉燒包,雞包仔,個包實冇失場,d汁滲咗入個包到,真係好正.牛根冇咗一排,而+又有返,軟硬度十分剛好,又入味,不過份量太少.臘腸卷,臘腸完全難食,太油,味道怪怪的.

因為爸爸想飲茶,所以又來了這裏食早餐.今次吃了金銀蛋瘦肉粥,懷舊馬拉糕,雞包仔,叉燒腸,叉燒餐包,鳳爪排骨飯.金銀蛋瘦肉粥,味精粥,粥底幾綿,足料.懷舊馬拉糕好似又細舊咗,夠鬆,夠軟,甜度適中.雞包仔,包搓得好,濕度剛好,入面既料好足,有少少汁滲咗入個包到,好味.叉燒腸,個腸粉太「un」,叉燒不俗.叉燒餐包,不用說,皇牌推介,蜜味十足,yummy!鳳爪排骨飯,材料的味道很淡,飯粒粒分明.

又係同家人嘆茶的日子，是日去了親戚家附近的新星。好在時間尚早，都唔算好多人，都唔使等好耐。一定要食流沙包，真係好流，果然係招牌，好滿足。蝦腸﹕很滑，蝦都唔少，亦好爽，正。叉燒包﹕普普通通，勝在夠熱。蒸排骨﹕好入味，不過排骨有少少肥，所以唔敢食太多。除左一般成日叫既點心，佢地出左新野，大賣健康。虫草花玉子豆腐﹕個樣好靚，好特別，係我最鍾意既玉子豆腐，好開心。節瓜甫﹕唔似點心，好似食餸咁，都幾得意，但老人家就幾啱食。紅棗糕﹕初時以為係凍食，點知係蒸既，好重紅棗味。我就麻麻地，因為對紅棗冇乜好感，但表妹就好欣賞，4舊食左2舊。勁!!!依家d後生女成日怕肥，所以都唔願同老人家飲茶，所以一路都好希望可以飲茶飲得健康d，等佢地0藉口......希望酒樓可以多d有益又好味的點心。

共6人食飯,我先到,坐低後啱啱叫完茶有個女WAITRESS已經係咁叫我叫咩大斑2味啦又話咩最後一條啦,之後我都好禮貌話唔使,等陣先啦無耐又行埋尼叫我叫個冬瓜盅,又係最後一盅咁話真係火都尼,o個時都係8:00pm,佢裏面食晚飯既都唔知有無十枱點會咁快無丫,如果係丫就執得啦之後我都費事理佢之後洗碗,嘩勁污漕,有幾隻痴哂野食又油後尾人齊後我地叫左以下食物SETD孖寶$158:冬瓜盅+燒鴨1隻大斑2味$148:蒸頭腩+炒斑球腰果雞丁$48海味雜菜煲$55咕嚕肉$55皮琶豆腐$55薑蔥焗桶蚝$98啱啱落完單,個冬瓜盅已經尼到快到丫冬瓜盅:完全同出面既爭十萬八千里,咩料都無,得幾舊蟹柳+1-2隻虾仔+幾粒蓮子,好似飲味精湯咁燒鴨:佢將D海鮮醬舖哂係鴨底,我諗係想用尼蓋住隻鴨既SO味,食左一舊,勁乾,一食都知雪鴨,無肉汁,無味+SO,勁難食大斑2味:炒球-收入百幾蚊,碟野全部都係炒瓜,得3-4舊細到鵪鶉既魚肉呢個真係好過份!!!咁都比得人;蒸頭腩:有尾係度既,個頭唔使講又係得個1-2舊,其他既都唔知咩尼桶蚝:5大隻,真係好大隻,不過我阿妹話好難食,D肉好似梅梅地其他既小食就不過不失啦總括來說:呢間野

今次是去飲茶,在屯門碼頭區來說,新星可算是高水準的酒樓,而且也能維持水準,so far so good.今次食了菜乾豬骨粥,蜜汁叉燒餐飽,懷舊馬拉糕,百醬金錢肚,翡翠叉燒腸,蝦蛟皇,叉燒飽,雞飽仔,山竹牛肉球,鳳爪排骨飯.菜乾豬骨粥是味精粥,一食入口就知,無話可說.蜜汁叉燒餐飽是每次必點,很好吃!叉燒是和叉燒飽的叉燒一樣,重點在於飽子,飽子厚薄適中,再加上一點點蜜汁吊味,perfect!懷舊馬拉糕鬆軟,但細件咗,冇以前咁大件.百醬金錢肚,中上,夠稔,但份量太少,一碟得4件.翡翠叉燒腸夠薄,夠軟,叉燒都是和叉燒飽的叉燒一樣.蝦蛟皇皮太厚,有兩件的蝦是梅的.叉燒飽,雞飽仔同一道理,只不過包的料不同,都算ok.山竹牛肉球夠新鮮,爽口.鳳爪排骨飯的排骨少咗,鳳爪都由一隻變半隻,但味道不錯,飽肚.

星期日入左屯門探朋友，佢帶左我黎呢度飲茶~整體服務都好好，點心質素都唔錯，唔怪之得我朋友成日都黎啦~-流沙包：熱辣辣好好味-炒飯：好夠鑊氣，D料都好足-鳳爪：無乜特別-炸魷魚鬚：即炸好新鮮，不過等得耐左少少星期日飲茶每人都係幾十蚊，抵呀~

我同家人於09年5月6日晚上8時許黎依間新星海鮮火煱酒家食火煱預早慶祝母親節,因這酒家要客人排隊取票入坐的,我們是排第三 (前面得兩個人),但當嗌票入坐既時候 (由101 開始嗌), 有一個沒有排隊取票既女士竟然可以早我們一票入坐, (我們是104), 這酒家有預留票給別人之嫌! 但門口火煱廣告牌寫左不設留坐, 這做法, 對我們及其他客人都不公平 !!! 離開結賬時, 我們查閱賬單 (賬單總計$251), 不知為何會收取"上枱小食"費用$8元, 我們沒有食任何"上枱小食", 而且門口廣告牌沒有列明會收取這費用, 我們找經理查問, 查明沒有給我們"上枱小食"後, 用筆係賬單上劃去$8價錢, 要我們先付錢 $251 先, 然後就退回現金$9, 又話因電腦問題不肯更正一張新單給我們 ! 我們覺得很兒戲 ! 咁這家酒家可以話客人食左石斑, 查明後就退回錢 如果客人沒有查明賬單, 咁這酒家便可以賺多左錢囉. 雖然我今次是$8元, 但唔希望這酒家係賬單上 !!! 我堅持要取回正確單據, 但而經理不斷拒絕, 我們覺得這家酒家既手法好有問題, 所以報警求助才取得正確單據 (賬單總計$242), 但收

放假, 同阿媽細佬一齊飲茶。蝴蝶村無酒樓, 附近惟一好D 既酒樓就係新星同二宜樓 (雖然其實係同一個集團, 無乜分別... 而且之前的虹橋好難食), 所以閒日都要等~半個鐘。洗碗, 油油地, 攪到手指好笠..... 叫左一個$78餐(有3個點心: 賽螃鳳眼餃, 波菜餃, 流沙飽 + 1個粉麵飯: 北菰雞陳村粉) + 金銀蒜蓉蒸鮮魷 $14.8 賽螃鳳眼餃, 波菜餃: 無乜特別, 我屋企飲親茶都係好多餃 流沙飽: 招牌點心, 一貫好食 金銀蒜蓉蒸鮮魷: 同二宜樓既分別之一, 因為二宜樓係無呢款點心既。不過今日無乜汁, 粉絲好乾 (精華黎架!!), 失望..... 北菰雞陳村粉: 都係唔夠汁, 有D 陳村粉無味, 不過都係幾薄幾滑既唔知點解要攞走個茶壺加水, 呢個唔係問題, 不過可唔可記得還番個壺俾我?