新星海鮮酒家 (已結業)

任飲任食火鍋唔洗再等到9:00 至有真係今個冬季嘅天大喜訊！我全家人都好喜歡打邊爐，但我一直都好少參與，因為我唔想等到咁夜至食，咁對身體好唔健康。新星火鍋質素真係高，好過晒全香港所有任飲任食火鍋。雖然佢都唔係最平果間，但係我就寧願食好野。2家人共9個人，叫左2個鍋，一個係最普通的沙嗲鍋，另一鍋係豬骨鍋新星火鍋嘅特色係一盤過，第一圈order 果啲都會放埋一盤。見到張相，肥牛其實好少好少咁，但其實啲盤野入面仲有好多肥牛，頭頭尾尾足足 order 左4次，每次都比一大碟我地。9個人當中，有4個係細路，其他大人齋食肥牛都返本，特別五豐行最近又話要加價，肥牛又貴左~~~~額外叫的：$28 炸響鈴 -- 非常脆口，拖手即食超讚！$48 桂花蚌 -- 非常新鮮，爽口又清潔，鮮味十足！$28 珊瑚蚌 -- 下次未必會再叫，唔係唔好味，而係炒小菜會好味啲。$28 鮑魚片 -- 超正！叫左2碟，仲新鮮過平時去 板x 食果啲壽司$48 黑松丸 -- 墨魚丸夠彈牙，不過食唔出加左黑松入去之後有啲乜野分別 任食之中最令我難忘的係佢地啲蝦，全部都仲識郁的，仲有白螺片同象拔蚌都係任食。啤酒blue ice 仲有百

不知所謂, 餓住一肚氣出黎... 打邊爐諗住續碟計可以坐耐D傾下計, 落左1X 碟野, 十多分鐘黎得3碟, $28 碟 右少右唔新鮮, 湯底$50 右貴右怪... 都算啦, 食得開開心心無所謂. 點知其他點既野再等左 成半個鐘都未黎, 同個男部長催過無理到!! 第2次同個女侍應催, 佢先CHECK 到落單果個人無落到其他野, 仲要無落到紙既另一面既野!!? 話新人唔熟手, 算, 再落, 過左1X分鐘仲未有??? 都成9點, (9點後任食任坐) 火都黎! 其他檯同任食果D右唔見係咁... 同個女高級部長嘈左一陣, 先見佢係果個所謂收銀到羅張紙入單!!!!! 有無搞錯, 點開門做生意架! 走人啦, 只肯扣左茶$同$10 啤酒$, 仲要比只係碌食左3碟蚊子野 既湯底$...臨走仲話請食糖水, 無野MA, 留多一秒都唔想, Black List la. 好彩之後去打冷都OK, 右抵食!

之前過去新星打邊爐，今晚約了好友打邊爐，1800時才開始所以唔多人，我同好友都常約去任飲任食打邊爐! (因為好友話喜歡酒平及多野食) 坐左約半小時就開始多人了。我叫咗脆鯇骨腩片x3，魚皮餃，雲吞，象拔蚌片，螺片，海蝦x2，羊肉片x2，雞肉，腐皮，肥牛x3，鵝腸，娃娃菜等等由於時間尚早所以叫的食物及啤酒都不用等多久就到了，但叫湯底就另外收費(我叫左豬軟骨栗米鍋$58)，食材是一大盤送齊來所以看起來都幾有份量。我覺得其食物大部份都是ok的食材，肥牛、羊肉片、雞肉、豚肉都是鮮貨，至於海產也不錯都是鮮貨，但切得薄了點份量也小了點吧。我比較喜歡肥牛、羊肉片、雲吞、脆鯇骨腩片。

太快啦, 太心急啦...一見有大閘蟹就即刻衝去食...可惜未係時候耶~新星大閘蟹 ($88 / 一皇一后)聽落好吸引, 於是呢日就啦啦淋拉埋男友仔去試...結果..... (........)雖然好鮮味, 膏亦好香甜, 不過真係細隻到....無朋友.... =.=都係等遲 D 先再食過~其他小菜 ok 既, 味道唔錯...

零晨12點半出返旺角食野(*新星*),(打邊爐)+(大閘蟹)= 一肚氣雖然我知任食d服務唔好,不過都唔好咁過份,我張枱要乜無乜,人地張枱乜都有例如,5個人要個出前一丁唔過份,我無人地枱有...叫左4次單2次漏單,其中一張單叫左10幾樣野得3樣野黎,真係(火都黎!)最後當然揾經理(製)祺~~好彩大閘蟹叫好食d~~大閘蟹公$68蚊隻零晨12點半出返旺角食野(*新星*),(打邊爐)+(大閘蟹)= 一肚氣!!一去到搵位,樓下果位啊姐話好多野食都賣曬(因為係任食),咁我望下張紙,都唔係好多同埋我平時都好小叫,所以都無乜特別,同埋最重要係有大閘蟹食,之後坐底,我地都好餓,畫紙畫左都有十幾樣,都黎左8樣到,問傳菜果位呀姐,係未出曬,佢話厨房出,叫我地無果d再畫紙,(其實都預左任食係咁,不過都唔好甘離譜),但都有好多無黎,無芝士腸,烏冬,出前一丁,瓜,冬瓜,貢丸...都唔記得重有d乜,依d唔係佢話一早無果d羅~~ 之得再畫紙畀呀姐入單,等左好耐,好彩d大閘蟹到有得食,途中,有位朋友無食蟹,佢為有食爐裡面d野,但爐乜都無,再叫呀姐問,佢話出緊....再等....我再問....佢先去睇,oh~~原來

平時貪平去x興(後來發現呢間好過同埋平過x興)果啲任食，次次唔係肚痛就發火，新星我真係唔識，可能因為佢九龍區冇乜分店但食落又好得喎~~~~先講價錢，平均$110一個，有啤酒飲，我同我啲fd 飲左至少2打，雖然只係藍冰，但點都好過啲屋村大陸cheap cheap 啤酒飲到你想嘔任食火鍋成日比少啲野人，呢間都有呢個問題，但食左幾個小時都只係miss 左1次魚皮同埋芝士丸，講真我覺得可以接受喎另外仲加錢叫左其他野食~~~ 加埋都只係$114咋.......肥牛份量好多，而且肉質都算係唔錯，叫左4round，4round都份量十足，單單係呢一點好多既飲食火煱已經比唔上湯底係沙嗲，啲沙嗲絕對係煲出來，唔係滾水溝啲沙茶醬入去扮晒野，所以食好耐都keep 住有沙嗲味......仲有係圖2 既墨魚滑，佢地既墨魚滑好彈，不過味就唔算係一等一...... 不過114有咁多野食..... 仲想點......

　晚上是小學聚會，所以決定去酒樓任食火鍋，早前已預先訂位，訂了九點，十多人。　先不說食物，談談服務。我們八時多去到，服務生說於九時可準時入座，好吧我們就等一下。當九時我們上前問她何時可以入座，因為大家都等得不太耐煩，有些站得太累(入面的座位都被人搶光光了)，有些肚子很餓，有些又有不同的問題，但那時已經九時十分左右了，服務生竟然回答：「我們正在整理房間。」這不是兩個問題嗎？首先服務生當初說可以九時入座，但最后延誤了。其次的是，我們早已訂位，不應該早已留座嗎？最后，大約九時半才可入座，入座的更不是什麼房間，而是一張被置於角落的小桌子。　至於食物方面，當初朋友叫了肥牛20碟，大家都呆了，更令人目瞪口呆的是本以為會有很多的肥牛於桌面上吧？怎料最后奉上的只有一大碟，心在想：到底一碟有多少肥牛呢？芝心丸這是我個人非常喜歡的丸子，我很喜歡熱騰騰的芝心丸一咬下口裡面的都湧出來的感覺。肥牛與一般沒什麼大的分別，多是雪藏的。水餃放下去火鍋任它滾呀滾，怎料一撈起時已只看到一堆「殘骸」了還有啤酒可樂任飲吧，至於其他的都不多說了，盛惠107元，九時后入座，加上這樣的水準，一百元實在不太值得

尋日(9-9-2010 Thur)男友話佢老闆突然叫全公司去食飯,男友叫埋我,咁好啦.去到,佢o地o係一間房裡面打o緊麻雀,我同男友就坐埋一邊,但枱上面冇花生,我o地問女侍應有冇花生食?佢答有,就拎o左兩兜大大兜o既,o黎,我畀一兜佢另一個老闆,我同男友就食一兜.到8:30pm,佢o地唔打,可以開始食飯喇,一圍枱坐o左17個人,坐定定後,上o黎o既第一道菜係:1. 乳豬皮好脆,個個都讚.2. 大蝦烏冬攪咩o野?第二樣已經咁飽肚o既o野,烏冬好滑,好難夾,蝦o既都算OK.3. 珊瑚(虫邦)炒翠肉瓜一般呢,唔夠惹味.4. 炸蟹鉗大大隻,裡面有啲馬蹄粒,蟹肉唔係好多.5. 魚翅翅係一排排,但係近皮o既位,所以食到近骨o既口感,唉!6. 清蒸唔知咩斑都可以,只係過o左少少火,開始’o鞋’.7. 炸子雞都幾細隻,當佢一隻好肥o既鴿吧.皮脆o既,但唔太夠味.8. 應該係海鮮炒飯見有蝦,叉燒粒,因為我都飽喇,所以冇食.9. 紅豆流沙包紅豆餡都有流沙?我o地個個都好小心食,因驚燙口嘛.我逐啲逐啲食,男友女同事L話食到有奶黃味,但我就食唔出啦.呢個紅豆唔太甜,流沙就唔係太流沙,不過都OK o既.10.

從未試過去新星食任食邊爐,今晚原本約了好友食晚餐但因為佢趕不切到,所以改咗打邊爐8:40分己經有好多人等位中~~我們還以為要很晚才能有位進入,幸好9:10左右己被安排入座(平時好少咁夜食晚架...haha)我好期待呢餐任飲任食打邊爐! (因為好友說過這兒食物新鮮又有海鮮食wor!!)叫咗水餃,雲吞,牛筋丸,象韧蚌,蟹柳,芝士腸,海蝦,青口,羊肉片,雞肉,腐皮,生根,肥牛,wo絲等等水餃不錯,又大隻又好味~牛筋丸~ 亦很好丫, 真係有牛味及牛丸有口感羊肉片~ 唔錯,夠瘦丫雲吞~ 不是鮮蝦雲吞而是菜肉丸雲吞ar 細細粒,容易食丫我不會介紹太多食物出來,只需要講比大家知,這兒的食物新鮮不錯,可以放心order ~ 至於不好之處就是,態度服務不好,舉手好耐無人理~ (連manager 見到都當我吔透明丫)飲品係竹庶芧根,不錯,不太甜~

炎炎夏日真係唔係幾明白我d 朋友仲乜想去打邊爐唔緊要，我呢d 義氣仔女一定隨時侯命點解咁講？因為呢間新星有會員卡就有4送1優惠加埋我，岩岩好4個 一叫就係醉雞窩底先，d 酒香味真係好濃，連隔離既客人都話好大陣酒味。d 雞亦真係浸過左d 雞入面一段時間因此好入味！！！呢個雞窩要78蚊，但計返都可以接受，因為佢連左半隻雞咁上之後我地都有叫雞件，浸返入d 酒，但係已經唔可以咁入味了所以更加證明佢d 雞並唔係求其切一隻比你就話係醉雞.........第一圈點既火鍋料都係普通野多，肥牛、蝦、金菇、什丸之類雖然都係平時都可以食開既火鍋料，但感覺上佢地既火鍋料真係好新鮮的確令我對呢間酒樓改觀。可能大家都認為，車，食呢d 咁既火鍋料，我唔好去街市買？其實係因為我朋友當中有人皮膚敏感，唔食得海鮮，所以只係叫左海蝦呢間新星象拔蚌、青口、脆魚腩等貴d 既火鍋料全部都係免費的！！！！仲要任坐唔嬲，唔會限住我地坐幾耐啤酒又係任飲唔嬲~~~~~~ very good!!!!!由於有買4送1，每人$100 都唔洗，認真優惠。

之前食過莊飯同過同學黎打邊爐, 價錢同食物質素都ok!今次再去係預祝父親節, 點知食到1肚氣! 叫左1800既餐, 乜都唔包, 冇野飲未計加一果d,開頭d野食黎得超快, 食都食唔切,1樣未食另1樣就上, 食得好趕咁, 佢又成日想收左d碟!食到差唔多最尾果陣仲差1碟雞未到, 開頭打算休息1下,點知1等等左半個鐘..無啦啦有個高瘦部長走過黎話雞賣晒, 介唔介意轉其他野,我地話轉燒味拼盤都ok..點知唔夠5分鐘, 突然見到佢遮遮掩掩, 用個盤遮住碟野上左隔離台..係1隻雞!!!!!!!!!!!!!!!!!!!!!!!!!!!!!!!!!!!!!! 又話雞已經賣晒, 點解隔離台會有雞上嫁呢?!?!?!?!因為我地係2樓第1台客, 冇可能人地有我地冇,於是我台既人就同個部長理論. 仲驚動到主任黎調停,佢地1句道歉既說話都冇, 不斷賴話係"內部錯誤",真係好離譜!!!!!!!!!後來主任話10分鐘內叫其他分店送隻雞黎(值得留意既係附近根本冇新星分店!!!!)都冇咩人敢食喇, 因為隔離台既雞係鴛鴦色..總括黎講, 食物都ok, 但咁既態度同處理手法真係好有問題!!!

一家人開開心心慶祝母親大人生日, 媽媽之前來過說好, 於是又再來這裡幫襯~一去到就給我們一張放於茶櫃前面的枱, 明明時侯還早有很多吉枱嘛, 要求搬枱好像不太情願...叫了冬瓜盅, 水晶雞, 蝦球西蘭花, 瑤柱帶子賽螃蟹, 百花釀豆腐, 支竹大膳火腩煲, 壽包。冬瓜盅 賣相幾好, 配料足, 湯底清甜, 但瑤柱味濃些就更加好, 吃到最後冬瓜肉好像雪糕球畢出來, 瓜肉爽口, 我喜歡這種口感~水晶雞 完全是一隻瘦雞, 我見猶憐。只看賣相已經不吸引, 入口亦沒甚雞味, 那個汁根本就是鹽水, 這與水晶有什麼關係的呢???蝦球西蘭花 這個最好, 蝦肉爽口有蝦味, 當然是泡過油的, 份量亦不少, 食得很滿足!瑤柱帶子賽螃蟹 蛋白算滑身, 不會煮得過了火位, 帶子so so 啦, 不過與蛋白齊吃味道又幾夾, 點醋撈飯吃一流! (但賽螃蟹看似清清淡淡, 其實用了大量油去烹煮, 這樣才可以將蛋白炒到光澤滑身不鞋口)百花釀豆腐 這個豆腐不太滑, 蒸得過了火位, 上面的蝦肉是放上去而不是釀落去, 吃時骨肉分離, 獻汁味道如水, 不好吃!支竹大膳火腩煲 支竹很硬, 好像已經放置了很久的... 大膳份量少得出奇,

同朋友約左係旺角食飯, 但係大家又未諗到食乜.咁就食火煱啦, 朋友介紹左間新星海鮮酒家.我地叫左個鴛鴦湯底..個沙嗲湯底唔夠味...牛肉,肉丸味道一般,唔夠鮮味,同普通海鮮酒家差唔多.但價錢貴出面三份一左右,侍應既服務好似返左大陸咁.叫左野食一係遲遲都未黎, 一係就黎錯,十蚊三罐啤酒,佢就拎左二罐黎,唔提d侍應佢都唔知自己少左罐..埋單每人一百六十到,呢個價錢其實係其他地方可以食到d更好既野..走個時門口勁多人排隊,原來九點半後有任食,價錢好平我既建議係九點半後諗唔到去邊度食野,同朋友黎呢度食野都ok ga~

今晚又到大家聚會時間~好耐冇食過打邊爐啦!! 因為真係好驚肥...但難得一次...今晚就破戒..打邊爐~朋友揀左黎lee 間新星...之前我黎過食晚飯小菜...但就未打過邊爐~今日就試到啦!!我地一早6點幾7點上到去都冇咩人...大概8點到就開始多人啦!!佢地俾左張邊邊位既大枱我地...但佢地就仲set up緊成鬼日都開住度後門..d熱氣係咁攻入黎...好disgusting囉~仲要成日關佢又開...你開一陣都話丫..係一路開住唔知做咩~又唔係拎野入黎word 冷氣走晒...攪到我地0個個位好熱呀!!就算之後冇開度門..d冷氣都唔夠囉~好熱!! (千祈唔好坐邊位既枱)但抵讚既係...佢地first round 既火鍋料..真係好堅...好大兜囉!!但之後就勁漏單...d伙記又唔合作...成日都唔理我地...仲要成日都聽錯野...講7-up...佢就聽到可樂...講可樂...就聽到啤酒0個d...好誇張!!都唔係好明點解咁多人推介lee 度...講平可能都ok既...but要平過佢..好食過佢既...仲有好多囉~

同事升職，請我地吃個飽魚撈飯 lunch，14個人一人一碗，何其壯觀......開頭以為係d 用來蒸燒賣既鮑魚，點知原來都好大隻，同事吹水話有隻mouse 咁大其實又冇咁誇，不過都大過張8達通咁喇鮑魚大唔大隻唔係最緊要，好唔好味至緊要。我喜歡佢d 飯底係日本米，好似食壽司咁唔會覺得自己在乾吞白飯，而係一粒粒幼細既米，而佢果個鮑汁亦好濃，其實真係好好食。同事話呢味鮑魚飯係佢地既「拳頭產品」我屋企附近都有新星，但從來都唔知佢係拳頭產品.....原來新加上去.....不過冇左我最喜歡吃既蝦味骨 .... >O< ......叉燒腸好滑，d 叉燒亦超大粒，真係皮薄函靚 另外仲叫左好多點心，不過掛住食...冇影相