新星海鮮酒家 (已結業)

本身去開都係去宵夜打邊爐,但今次同屋企人去,梗係唔會咁夜食飯la~so今次係食晚飯...試一試佢既中菜...原本都諗住係最基本既菜...但一睇menu,佢做既都係比較新派既中菜...好似好特別咁...叫左5個菜...-砵酒鱔球酸甜汁配炸鱔球,唔油膩,魚味香,魚肉超彈,正~!!-金柚蜜汁脆雞因為有柚子既關係,有d甜,有d苦,鍾意食柚子既人,一定鍾意~但雞味唔夠~-南乳什菜煲好香南乳味,唔會太咸,d菜好入味-咸魚煎肉餅煎好一個個手掌咁大到既魚餅,好驚喜,超香咸魚味,煎得好香脆,值得一試~!-美極煎海蝦海蝦新鮮,蝦肉爽甜,外殼香脆,殼都食埋,+埋有美極既味道,好有層次!!超滿足,真係好有驚喜既一次...不過,最唔好就係成晚俾個超煩既啤酒妹嘈住哂,係咁冤人叫啤酒,都痴線既,最慘係連d waiter都幫佢冤埋一份,2個人係咁講,想唔叫都唔得~!!

原全因為呢個和風蜜汁燒鱔吸引左我去！有朋友食過話好好味，果然真係好好味...... !!!!好快就食晒 掛住食唔記得影相.... HAHAHA另外仲有呢個蒜泥白肉露筍卷！！！佢唔會有冷盤蒜泥白肉果隻感覺，但反而D 肉熱辣辣咁上枱仲好。D 露荀亦好新鮮，唔會有渣。至於賣相，我覺得好靚

之前惠顧過, 不過不失.昨日再去飲下午茶, 主要係貪方便, 因我去廣華等睇醫生. 講明唔搭位, 所以要等, 等到有位, 坐落不久, 有待應要求: 你地可唔可以坐埋一面, 我想加客入檯, 我話:我們有一個是幼兒(三歲), 可唔可以唔計茶錢. 佢話:兩歲以下才不收茶錢. 跟住走人.我以為佢知難而退, 點知竟然帶個客黎. 我憤而離座. 下次都唔幫趁啦, 太不合理了.

LUNCH到這裡飲茶，見有三文魚系列點心，覺得好新奇，便和友人一同點了幾款試試。當初還擔心三文魚會腥，誰不知味道不錯，果然有驚喜。

聽人講新星d 嘢都o.k, 又平, 咪一家去試吓囉, 點知.....碟碟都咸我落咗單, 約有15分鐘, d 餸不段送來, 我叫個女部長hold 住先, 因為張枱都放唔到, 點知個部長好似聾咗咁, 結果我哋d 餸要放在後面, 佢話因為我哋叫起菜, 所以咪一似個上, 真係好笑, 咁擺酒又唔會一次個搬哂出來. 我哋總共叫咗10餸一個湯燒鵝 :　又咸，　又肥 水晶鷄: 好咸 賽螃蟹: 比較o.k魚 湯 : 好咸白灼蝦：無難度菜：比較o.k老實講，　真係唔會再來，因為屋企人食完唔舒服

八點九去到已經有成棚人等緊位,好彩有訂位. 一到九點鐘就嗌飛入場,發覺就算去到先攞飛都唔會等好耐,因為裡面都有幾多吉檯,連續嗌好多張飛,成堆人湧上去.九點後打邊爐任食任飲,飲品方面除汽水外仲有涼茶; 我幾鍾意個涼茶,因為出奇地唔甜,我初初仲以為唔多唔少都會溝糖水...食物方面,牛肉OK但都幾"雪花"(肥); 海鮮都幾新鮮,海蝦唔錯; 我至愛的丸類則以流心蟹粉丸最掂. 墨魚丸都有但要點四寶丸先有; 另外有個唔知乜麻辣丸,食落得個辣字,無特別.食物種類同其他地方差唔多,以任食來講質素算唔錯. 我初初以為七十八蚊一位,但最後加埋花生加一等每位都要百一; 不過我們無執輸地玩了三粒鐘,加上張檯位置好正,算抵番啦...

據聞酒家正在搞晚上火鍋買一送一的優惠，這個推廣活動至5月底。新星和友輩去過數次，每次都是來吃任飲任食火鍋的，成人$78小童$48。我們一大兩小三人行，8點25分到達門外人龍如鯽；知客小姐說本月2號和3號是特別假期，進場時間由平時9點改為9點30分。這晚中式免費飲品沒有酸梅湯只有涼茶。我幫小朋友叫了涼茶，自己是美蓮達橙汁汽水及百事可樂。除軟性汽水罐裝飲品，新星也提供免費罐裝ICE啤酒。印象中任飲任食的餐單內容減少了種類，起碼沒有生蠔，可能是買一送一的成本問題。火鍋湯底是我喜愛的鴛鴦鍋，左邊是豆腐節瓜右邊是沙嗲。感覺沙嗲味比平常來的淡。我們前後三次共選了海蝦、美國肥牛、羊肉片、鮮滑雞片、象拔蚌、白螺片、鮮魷、墨魚仔、黃沙豬潤、豬肚、鱔片、脆鯇骨腩片、魚皮餃、水餃拼雲吞、流心蟹粉丸、麻辣丸、牛筋丸、金菇及炸枝竹。黑豬豚肉、四寶丸及生根則是點了沒有來。海蝦質素不錯，看似女主任的幫我入單還追討回漏單的海蝦，服務很好。由於火鍋料是必須灼熟來吃，評定出品便落在生料新鮮度及半製成品的製作質素。總的來說生料很新鮮，缺點出在半製成品上；如魚皮餃不滑，水餃不爽，雲吞皮厚肉多蝦少...食到11點30分結帳，女

本想打來訂位, 但原來六位以下不設訂座, 接線生臨收線前叮囑要七時前來, 否則可能不能沒位, 初時心想不會那麼誇張, 但六時半到達已見門口人流不絕, 未到七時已全層滿座, 在人人說要慳錢時這裡卻那麼旺場, 心裡不禁浮出多個問號?簡單的點選了沙嗲拼芫茜皮蛋湯底, 沙嗲不算太香濃味帶偏鹹, 而芫莤皮蛋裡皮蛋可不少, 伙計加湯時總是倒到滿滿的, 最怕就是這樣, 令兩面湯底過界生蠔 - 本地生蠔, 體積不太大, 淥後就更見細少, 但尚幸蠔味還算濃, 兼很新鮮豬潤 - 豬潤咬下帶甘香, 質感還很軟腍, 雖然膽固純偏高, 但火鍋有它份外滋味肥牛 - 最平$28那種, 以這價錢來說已可收貨雞子 - 雖是雪藏貨, 但外衣卜脆, 內裡粉嫩, 吃下一碟很快便清了餃子雙拼 - 記不起是什麼餃了, 但餃子每粒也很飽滿, 咬開一半肉汁還流出來, 算很不錯魚頭 - 來到時魚頭還連著, 叫伙計拿回廚房切開, 但回覆是"做不到", 那態度實在令人驚訝, 後來再請經理幫忙, 很快切好的魚頭便奉上. 那魚頭著實不差, 但伙計那態度卻實在令人不敢恭維蟹籽丸 - 只是普通街市貨色金菇, 油墨菜 - 菇菜類本人不太好, 但吃了

一星期來了三次，星期二是第三次，因為心思思又想食88蚊大石斑，今次比上次的更好。因為今次很早就來到(約六點四五)，所以不用等位，可以即時上去，非常開心。點菜時，灰衫打呔經理(？)講解一番，原來所賣的不是東星斑(雖然周圍的宣傳連枱面的PROMOTION牌都寫着東星斑)，而是西星斑，而且視乎來貨，有紅色的，也有褐色的。今次我們還點了什麼彩虹蒸蛋白。今次的星斑很大條，而且肉質比上一次更實淨，魚味也較出。師父蒸魚的功夫真是了得，又是剛剛熟，噤大條魚，而魚肉仍是滑溜的，犁利。我相信今晚的魚一定很新鮮，與上次相比，上次有70分，今次有95分，扣了5分，是因為鼓油仍是偏鹹。彩虹蒸蛋白也做得不錯，清清的，蒸蛋白面上有碎蝦、彩椒粒、南瓜蓉和杰杰的南瓜汁等，蛋白蒸得很滑，最可惜的是下了搶味的麻油，每啖清香的蛋白都隱隱地伴隨着那麻油味，我不太喜歡，其實這餸菜不落麻油會更好味，各方面會更協調。補記：九點鐘買一送一火鍋是一個人78元，加一及茶芥，每兩人收一人錢，另每枱一火鍋錢(約42至58元)。

上星期三才到這裡吃了一次晚餐，排了三四十分鐘隊，居然星期日晚上又發神經，再來新星一次！？原因是未試過她的九點鐘買一送一火鍋，而且上次排隊時得知最方便的取位秘技，現與大家分享。人數少的我們，不能電話BOOK位，只有排隊一法，如果想用最短時間來排隊等九點鐘火鍋的話，可以在八點二左右(如我們)到達，排二十分鐘隊，八點半開始派”FEI”(我們排第七八)，跟住就是自由時間，行一行MK，轉頭番黎，九點鐘有位，安排一流。(星期五要早D到來排隊，因為星期五晚最多人。)其實我們的COMBINATION是最不抵食的，三個人，只得一個免費，收兩個人錢，所以周圍的食客多數都是雙數的，抵食得多。最喜愛任點任吃是連飲的，有啤酒、汽水和酸梅湯等選擇。食物方面安排得很好，所點的食物用一個大碟盛着上枱，又省枱面，又美觀。食物選擇多，質素亦不差，當然要有J仔至愛的肥牛和我的鱔片，HONEY一般都是陪我們吃火鍋，少少委屈吧。我們叫了三轉食物(當然是愈叫愈少啦)，如有：肥牛、鱔片、魚雲、脆鯇片/腩、魚皮餃、炸魚皮、雲吞、水餃、鵝腸、豬肝、粟米、蝦、象拔蚌片、什麼螺片(似花枝片的) 、滑雞、不同的丸丸……可惜這裡沒有HONEY

得知$88元一條東星班的優惠到四月九日會完結，於是就即慶到新星享用。八時半入座，座無虛設，每枱都有一條東星，不得了。真係好大條，足有兩斤半重。侍應拍心口話九時前入單，保證有魚。兩個人，於是落咗一條東星，同埋一碟六瞉炒飯。條魚到咗，真係好大絛，條魚紅色有班點，貨真價實。魚手仲係伸直向天。(少少經驗分享，魚手即條魚游水時候，兩邊近魚腮的兩隻擺擺吓的魚手。如果魚在蒸之前已經昇天，蒸出來條魚的手，就會擺低；相反的話，魚手係會企直向天。唔信下次食魚時留意留意)食落，雖然係養的，但真正新鮮，火候剛好，蔥香肉滑。炒飯就只係一般，無太多配料，同埋比較濕；不過就不太油。整體來說，埋單連茶芥，共180元。兩個人根本食唔哂。以這個價錢，還有甚麼要求呢，收哂貨啦。一個字，抵！

是衝著$88 東星斑而去新星食飯~當東星斑一上, 真係唔講得笑好大條喔 師傅蒸得剛剛好...真係滑到估你唔倒!其他的小菜也不過不失另一驚喜是芒果布丁好有芒果味, 仲有粒粒果肉TIMP.S. 在等食時見到$78 任飲任食火煱買一送一仲要包埋茶介看來再去新星光顧的日子不遠已

昨晚家中沒煮飯，一家出外吃晚飯，終可一試新星的星班，星期三也要等位半個鐘。(如果排早一個的話，只是十五分鐘左右，aiiii！)有個waiter 靚仔兼後生過高皓正，很有禮貌，服務亦主動，值得讚賞。但全場的員工都做得很急，多番「打寫野」。東星班：大條，但肉不實淨，相信不是很新鮮的。師父功夫了得，蒸得剛剛熟。我不愛鼓油，覺得太鹹。水晶雞：有雞味，肉很滑，但不明為什麼要附上鹹湯汁來點雞，其實已很夠味，齋試那湯汁時，發覺很鹹，全家都沒用那汁吃雞。星洲海鮮炒麵：很的海鮮，主要是花枝，也有四五隻大蝦和三四件「山」蝴蚌(唔識打)。汁是酸辣的，味很濃，但麵太硬，不好吃。

比HK$88 東星吸引下去食, 要等位但係只係等一陣 , 15 分鐘左右la.枱枱指定動作 : 東星一條 , 4個人食條魚都仲有剩, 可想而知唔係細細條, 係真係大大條ga !!! 十個抵!四人食, 叫左東星+2個"魚送" (around HK$50-60) 埋單加埋一都係$322~~~

突然失去了寫「食評癮」，很久沒有落筆了....歡送好同事的晚飯，總共點了六個餸，重點推介：1. $88東星斑新星正值做東星推廣，差不多每枱食客都會點一條，$88真的超值！東班好中條，好肥美，肉質鮮甜，我們個個都愛不釋手，同事指如有蒸魚豉油更加一絕。$88真的超抵價，問職員推廣日期，好似推廣至9/4，大家萬勿錯過2.水晶鷄時時聽同事說新星的水晶鷄有多好味，今日終能一試。果然，新星的水晶鷄好有鮮鷄味，真的是用新鮮鷄製造，我本身不是愛鷄之人，但也很喜歡這道水晶鷄3.流沙包招牌偶有失手，去到新星一定食流沙包，不過今次的流沙包失準了，只是半流狀態，有點失望其他小菜都ok，這裡坐得很舒服，說得上是個和朋友相聚的好地方！ps:離開時見到出面有張海報寫著「任食火鍋一送一」，看了呆了一呆！「一送一」？去邊搵？找天一定要過來打邊爐！