新森林焗之專門店 (已結業)

今日約埋朋友聚會，去了旺角新森林焗之專門店食返個下午茶，下午茶時間2:30-6:00pm ，相比其他餐廳下午茶時間較長，就算傾傾下計，都仲有時間可以加追下午茶小食。這裡的森森之特飲好似好吸引，跟餐+$8就可以，立即叫左杯芒之戀人試一試，有好重乳酸味同芒果十分配合。我們一行5人order 了小食炸雞翼，糯米釀雞翼，招牌蒜蓉包，奶油脆豬，芝士焗西蘭花，又點了甜品蘋果批，藍莓芝士餅，蛋白檸檬批，鹹同甜都有得選擇，岩晒同朋友一齊聚餐。先講一講這裡的糯米釀雞翼，糯米口感十足，外脆內軟的口感，值得一試！追加甜品蛋糕亦有4款選擇，蘋果批，藍莓芝士餅，蛋白檸檬批，各有特色，3款cake都唔算太甜，蘋果批上面有很足量的蘋果，酸酸甜甜，餅底又唔會太厚，食埋甜品感覺滿足。埋單大約$40-50 ，就可以試晒多款小食與甜品之下午茶時光，價錢十分大眾化，是聚會之選。

去到旺角搵吓有乜嘢餐廳可以舒舒服服坐低食下午茶，經過見到一間叫做新森林焗之專門店，就入去試吓。首先就order左啲小食，包括雞翼、蒜蓉包、奶油豬、糯米雞翼同埋餃子等等。特別欣賞佢啲糯米雞翼，雞翼炸到外脆內軟，入面嘅糯米質感好軟熟，而且味道非常入味，值得一試。另外餃子都煎得好有鑊氣，一啲都唔覺得油膩，而且入面嘅內餡好足料，有好多豬肉碎。除此之外，我哋仲叫咗檸檬批同埋蘋果批作為餐後甜品，同樣地都係外脆內軟，蘋果批有好香濃嘅蘋果味道，而且唔算太甜。飲品熱菜蜜同埋華田都沖得非常濃郁，特別係熱華田，好有奶味，飲落去非常暖胃同埋Creamy。最後埋單每人都只係＄40左右，就可以嘆一個咁豐富嘅下午茶，價錢合理，性價比高嘅一間餐廳。

意想不到的新森林焗之專門店以前係旺角返工成日食新森林個lunch set！(都成四年前lu)！之後出黎想再黎又冇左…今日行過見到原來搬左黎女人街另一邊街！更係入去食個lunch口味一下啦！估唔到佢地個餐牌轉變左好多！(好多餐廳個菜單十年如一日架ma…)焗飯仍然係佢地主打！最驚喜係佢地竟然加入左素食餐單！一晚到即刻叫黎試下先！爸爸叫左個$46芝士蕃茄焗素牛肉飯，加配$8配埋餐湯羅宋湯同蒜蓉包！我就叫左個芝士黑椒素牛扒焗飯$48！我地都飯熱檸檬水！叫完之後大約五分鐘就上齊野食喇！同以往一樣咁快手！抵讚！餐湯羅宋湯同蒜蓉包！羅宋湯裡面好足料！有紅蘿蔔、椰菜、蕃茄！一大堆！湯底夠熱！蒜蓉包微脆食落口散發香濃蒜蓉味！正正！芝士蕃茄焗素牛肉飯 ，爸爸話個素牛肉超級迫真！完全唔覺得自己唔係食緊肉！芝士蕃茄醬非常香濃！之後食到停唔到口！芝士黑椒素牛扒焗飯 ！對我黎講個黑椒有少少強勁！爸爸食就覺得好惹味！牛扒有四大塊！真係好足料！食落好似食緊漢皇扒咁！但又唔係真肉！食完都唔會咁有罪疚感！總括：環境舒服，唔會好迫！食物品質良好！上菜快！係旺角呢個價錢！呢個質素！抵讚！我會再來的！

新森林的焗飯和鐵板一向出名，今次來到餐廳，見到有新推出的火鍋，決定叫一個火鍋暖下胃。餐廳環境舒適，七點鐘餐廳已人頭湧湧。鯛魚濃湯海鮮鍋份量剛好，海鮮種類豐富有海蝦、青口、魷魚和扇貝，還有少見的水耕豆苗。鯛魚湯與味道海鮮吸收了魚湯的精華格外鮮甜。烏冬彈牙份量足，與海鮮湯的味道非常夾。友人點了蒜蓉焗龍蝦牛柳。龍蝦惹味嫩滑，牛嫩入口即溶，鐵板的熱力令蒜茸香味濃郁。焗飯還是保持一貫水準。凍咖啡香濃，而且上面有朱古力粉令味道更佳。韓式柚子梳打清甜大杯。值得一讚的是員工服務周到，會細心詢問顧客火鍋的温度是否足夠。新森林的食物質素不錯，價錢大眾化，難怪成為街坊熱選食堂。

位於旺角女人街既呢間食店提供既食物好多元化 有焗飯 扒餐 湯鍋 拉麵 但座位位置較窄 餐廳環境較嘈安格斯肥牛帆立貝雜菜湯鍋 好有驚喜 肥牛肉質嫩滑 沒有太多脂肪 帆立貝大大粒 又唔un 2隻蝦 餃子 都好好味 湯底豬骨湯 味道剛好 不會太鹹 伴上彈牙讚崎烏冬 認真一流 炸深海鱈魚扒伴流心牛漢堡脆皮腸 原個鐵扒上 鐵扒夠熱辣辣 但因為太熱 熱到啲食物濃底 流心牛漢堡一切開 芝士即刻流出黎 香味四溢 漢堡嫩滑 鱈魚扒稍嫌沒有肉地 肉質較「孩」 脆皮腸不容多說 都是一般脆皮腸的味道 炸薯角炸得過火 沒有薯蓉 好像只是在吃薯皮 蜂蜜水很有驚喜 味道甜而潤喉 熱奶茶沒有特別餐牌：

因為某種原因要食一段時間素，昨天午餐時周圍望下邊間有素食，係女人街中見到這裹有素食選，焗飯都好似幾好，入去睇下食乜，點咗個芝士黑椒牛扒焗飯，味道都幾好味，以後食素又多一間選擇，正。

今次來到連鎖店新森林焗之專門店並非吃焗飯，而是試試它們的冬日濃湯之選。新森林也是掋食的良心之選，不收加一已很吸引了。蕃茄魚湯海鮮鍋 ($74) 是火鍋形式，材料很豐富，有菇、蝦、青口、帆立貝、魷魚、和很多厚身入味的魚肚。可惜湯底的蕃茄味不太重。我還選了配稻庭烏冬，烏冬果然爽滑彈牙，是信心的保證。寶寶的鯛魚濃湯海鮮鍋 ($72) 跟我的也很相似，但他選了泡飯。我平身也很喜歡吃泡飯，每口飯也很入味，非常好味道。跟餐也包括飲品。餐湯同餐包則是羅宋湯和蒜蓉包 (+$8)釀糯米雞翼 (+$15) 也很特别，脆口的雞翼裡面是釀得滿滿的糯米，口感特别。黃帝蟹棒肉蟹籽凱撒沙律 (+15) 是必叫之選，不但份量大，而且還很足料。脆卜卜的蟹籽鋪得滿滿的，蟹棒份量也豪不吝嗇，性價比很高唷。最後還想吃點甜的，但又不想叫芝士蛋糕那種太 heavy 的食物，所以便點了客奶油豬 (+8) 來 share。奶油豬是即叫即烘的，所以鬆脆無比，拿上手也覺得很熱。吃了那麼多也只是$100一位，確實掋食！

早前係臉書見到新森林有火鍋套餐好似幾抵食 新年後一直都在忙冇同過家人吃飯 星期五晚又凍凍地 決定帶兩老去屋企對面新森林吃火鍋🍲鍋類選擇比一般連鎖快餐店多除了鍋類，焗飯都係新森林既主打 於是就叫左2個火鍋(安格斯肥牛帆立貝雜菜湯鍋 & 鯛魚濃湯海鮮鍋) + 1個芝士海鮮焗飯🍚另外加錢叫左小食豚肉餃子，同埋蟹棒蟹杍沙律~先黎既係沙律同小食，餃子大大粒加$10既蟹棒蟹杍沙律亦很足料！味道不錯海鮮焗飯面上鋪滿芝士，有兩大塊魚柳，蝦，魷魚同帆立貝，足料！白汁不會太膩，佐飯好好食！兩個火鍋份量適中，肥牛帆立貝鍋🍲餡料滿滿的，跟餐揀左泡飯，泡飯吸收晒湯底既精華，充滿牛肉味🐮一定夠哂飽鯛魚濃湯海鮮鍋配鳥冬🍲鮮魚湯煲出黎的味道鍋裡有3-4舊大魚肚，仲有青口，帆立貝，同埋蝦🦐鳥冬煙韌彈牙七十零蚊既價錢，如此足料，非常收貨係飲品杯身發現，原來餐廳支持樂苗行動，同埋會每月舉辦探訪老人義工活動，是難得的良心企業

位於橫街小巷的新森林，出名大件夾抵食，除左焗飯，可以試下一人火鍋。【價錢】雖然每款食材不多，但種類多，以70蚊來講算是超值。【環境】裝修光鮮，十分潔淨， 牆壁的logo與餐廳名很有電影感。餐紙很漂亮，值得一讚【湯底】這五款火鍋有半數以上都是海鮮鍋，食材豐富，有青口、帆立貝、蝦、花膠等等。我地點了三個湯底，分別是鯛魚、蕃茄、安格斯肥牛。鯛魚湯魚味濃烈，如果是魚湯愛好者一定好喜歡，蕃茄魚湯不過不失，只是有點清淡。安格斯肥牛湯底味濃，和吉野家牛汁差不多，我十分喜歡，差不多飲晒^^青口配鯛魚湯，很鮮味濃湯肥牛魚肚很吸湯味【飲品】賣相不錯，特飲會加入水果及椰果，感覺超值。總括來講值得推介給朋友 或者會再會這款平民海鮮鍋如果食評有用，請俾like，請關注，魔法小神童家薯^^        

原來好多餐廳都有火鍋食，不一定到酒樓的😌同朋友經過旺角想食火鍋，見到依間新森森專門店有不同海鮮鍋，即刻入左去試！價錢都只是$60-70，仲配埋烏冬/泡飯！安格斯肥牛帆立貝雜菜鍋 $72我揀左泡飯，湯鍋已預先煮好，邊加熱邊食，暖笠笠肥牛份量都不少其他配料都幾豐富，有兩隻豬肉餃子、魷魚、西蘭花、豆腐。個湯好濃肉汁味，配埋個飯食好夾蕃茄魚湯海鮮鍋 $74友人想食清淡啲，就揀左魚湯配烏冬試左啖，都幾鮮甜唔係味精感覺配料有蝦、青口、魚肚等個魚肚好大件，而且好彈牙芝麻醬雜菜沙律 $10平時食個沙律都五六十蚊，估唔到依到只需$10，份量和質素也不錯好抵食支持樂苗行動紐約芝士、藍莓芝士餅 $15跟餐只需加$15就可以食埋甜品，實在太方便又抵食平平地都有不錯的選擇下次來可以試試焗飯

一行三人嚟試吓個一人火鍋！每人叫一個可以試哂幾個味叫咗鯛魚濃湯，蕃茄魚湯同安格斯牛，因為自己最近喉嚨痛但又想打邊爐，所以我揀咗個清清地嘅蕃茄魚湯海鮮鍋，蕃茄味唔算好濃，但魚湯味好正，好鮮甜！每個火鍋都會配泡飯或者烏冬，我自己揀咗烏冬，佢一嚟到我就將全部烏冬放入火鍋入面，熱辣辣食先好味，個人覺得烏冬配魚湯好夾，但如果你係揀安格斯牛嘅話建議你揀泡飯，牛湯好濃，配飯應該可以食多碗重點係嗰兩大嚿魚肚，本人好鍾意食魚肚，好大嚿，咬一啖再索吓啲汁，然後再咬再索！好正！仲有兩嚿花膠隱藏咗係入面，同埋嚿菇唔知點解可以咁大嚿呢幅嘢好鍾意，勁鍾意藍色同哈哈笑，咁啱坐係幅嘢隔離，就影吓佢先！叫咗杯特飲，巨峰提子粒粒梳打，唔算太甜，同行朋友話啱啱好，但自己喜愛甜味多啲！下次我會試埋荔枝，荔枝同巨峰提子好難揀，唯有下次再試！順利一提，大概7點去到，唔算話好多人，本身坐個4人位，後尾佢見我地叫火鍋轉咗個6人位比我地，話打邊爐可以多啲位鬆動啲，期間都好主動拎紙巾比幫我地換個爐啲火，服務都唔錯！食到7點半左右開始都坐滿哂人，果然早啲嚟好啲😂

去到旺角唔知食咩好，晚上6半左右經過呢間野。 見佢靜靜地無咩人...就入去試下啦!!餐牌上面好多野食揀...有選擇困難既我諗左好耐先決定到囉XD終於決定左食D熱辣辣既野暖下身，就叫左呢個【安格斯肥牛帆立貝雜菜湯鍋】有得配飯或鳥冬架!!湯底重牛味...超濃郁好正，牛肉都超多...帆立貝都好大粒!!但我竟然忘-記-了-走-蔥...我覺得蔥量太多了-..-  **所以不吃多蔥既朋友注意叫走蔥**最後野飲環節，叫左杯青蘋果梳打，甜度剛剛好~最怕太甜既野飲了!!食到咁上下....成間餐廳都坐滿人!好彩今日早D到咋...晚餐時段要早少少到！唔係就要排隊了!!

難食到忍唔住寫食評仲要好難打夠200字。一開始叫完餐就俾把刀我，但把刀兩邊都好污穢，仲要有一邊有啲乾左嘅蕃茄汁，好啦我唔用刀嘅今日8度我明白啲野食會凍，我見左白汁海鮮加蕃茄汁豬排。但我食左一半大約三分鐘到就凍哂。味道真係係一般以下，如果一般係大快活焗豬明明叫焗飯但係係整好哂之後加熱，我都冇所謂，但加熱都唔夠耐係點。好心你講到你sell焗飯，但連焗飯都做唔好係點。個焗飯仲劣過大學canteen焗飯。最尾個吖姐仲要俾coupon俾我話下次用，我差啲想同佢講不了，一次都就夠。

點好了晚餐後，先送來飲品，普通的茶走因為看到慈善廣告而變得不普通了，原來這間餐廳有支持慈善 +1分再來是芝士焗豬扒飯，因為我是非常愛吃蕃茄醬焗豬扒飯的，一般看到了餐牌有這項都不作他選了，新森林的焗豬扒飯在旺角區能賣這個價錢就不能要求太多了，算是不過不失，填飽了肚仔