新泉發潮州飯店

营业中

休息中

旺角區的「新泉發潮州飯店」一向是自己吃潮州打冷常去的地方，今年母親節，不用慶祝，又不想在繁忙時段和要慶祝母親節的人逼，便提早在下午五時多便吃晚餐。本想去砵蘭街的舊店，上網一看，原來六時才開門，幸好上海街這間我還是第一次去的新店下午四時便開門營業，正好讓我試試它。 新店十分光猛，地方整潔，比舊店好，不知是否因為時間太早，還是因為母親節，所以店內客人甚少，除了我與太太兩人之外，就只得兩檯似是大陸遊客的顧客在用餐。先來一瓶有視帝黎耀祥賣廣告，甚少見到，正做特價的「森堡啤酒」（$20），這啤酒酒精含量不高，才4.5%，味道清而不苦，甚為容易入口，對我來說，是合適的味道。 「鹵水鵝片」（$110）的鵝片份量不太多，底下的多是鹵水豆腐，鵝肉也粗糙，鹵水汁倒還不錯，不太鹹， 「韭菜豬紅」（$50）比鵝片為佳，韭菜多，豬紅多，口感也好，韭菜嫩而無渣，豬紅爽而入味，微辣的味道，刺激開胃。兩碟每次吃潮州打冷必吃的下酒菜式，一碗「潮州粥」（$10）、一碗「白飯」（$10），一支啤酒，成了今年母親節的晚餐，當然抵吃。不過店內後來的一對中年男女和他們的母親竟在這兒慶祝母親節，我想應該會覺得更加抵食呢！

那晚同朋友仔去旺角 shopping，晚上找地方醫肚，見到呢間潮州打冷野，因之前食過佢出品的打泠菜，水準唔錯，但好多人呀，要等位。終於等到，一心想叫D潮州傳統菜，點知個friend又話想食小菜多D，要我就下佢大小姐，無計叫D小菜吧。我要食韭菜豬紅，都好食，D豬紅無腥味，補血。生炒骨係炸到好脆身，但個汁太酸，甜味不足，生炒骨有雪味，不算好吃。魚香茄子一味汁多，無豆辨醬味，唔好食。干煸四季豆，味不夠，豆太硬，炒得唔香又不夠辣，做四川野，差D。以為凍魚~烏頭會好食啦，起碼潮州野，點知食材唔靚又出事，條魚泥味太重，魚肉太鞋，醃到鹹左都蓋唔到泥味，豆醬就好好味，可惜主角凍魚來貨太差。小菜真唔ok，下冷都係食真番正打冷菜。

前2日新年假期間天氣回暖，半夜1點左右，友人邀約我去*打冷*，立即答應🤣一坐低，即刻叫樽啤酒解渴🍻，叫了涼瓜炆倉魚，避風塘炒蜆，煎蠔餅，蒜蓉蒸蝦，小炒皇，滷水鵝頭頸😍😍全部都好鑊氣，又美味，配合埋啤酒，一流重點是鋪頭服務人員態度好，即使好繁忙，都盡量俾反應顧客，依家食*打冷*有d甘既親切的服務同食物質素，真心愈來愈少！已經光顧了第三次先寫食評，真心推薦重點推薦：煎蠔餅，小炒皇同滷水食物！ 入面有個侍應哥哥都幾靚仔架

這家飯店 哥我以經食了好幾年 。相比起外面 這家味道一點也不輸蝕。由其是服務.....環境整潔 氣氛好 笑容多 呢到既鹵水配搭可以好多種 隨你個人喜好春菜今日無點選 係因為買哂😭 真係好搶手。廚房既小炒好有鑊氣 我最鐘意就係個小炒王 椒鹽鮮魷 蠔仔粥(好鬼多蠔) 飯後甜品仲有反沙芋 好鬼正架 佢地有放薑 芋頭超粉 呢家店做得好出色最開心係每次介紹朋友黎食...我們都係飽到嘔 笑住走 。

一班朋友 收咗工， 想搵個地方飲下啤酒吹下水，打冷係 不二之選，黎過幾次食物嘅款式多而且每一樣都有驚喜，由六點食到十點接住咁食都停唔到口，重點係坐得舒服地方企理。 為食嘅朋友 今次買海鮮上門加工, 廚房只係收加工費， 但係質素 非常不俗特別係蒜蓉蒸 貴妃蚌 非常香口 而且時間剛剛好入口鮮甜嫩滑, 其他小炒菜式亦非常有鑊氣 ,推介小炒王 椒鹽九肚魚,炸魷魚等等都係傾偈送酒不二之選。飲飽食醉每人都係2百左右，係旺角呢個食物質素係十分超值。

今日同屋企人黎食飯 因為好早黎嘅關係，唔使等位入面嘅枱比較細張，我哋6個人坐有小小迫😂要大家親密啲！有位親友係依度熟客，今日就由佢點菜！蒜蓉粉絲蒜扇貝，無得輸！大大粒，好鮮味！蒜蓉粉絲餸飯簡直一流！潮州凍蟹 好多肉！蟹肉好鮮甜 乾扁四季豆 好有鑊氣 炒得香口 滷水鵝掌 花生同鵝掌都好入味 整體黎講 全部餸菜都好味道！不錯之選

香港朋友推薦 十足男子味的打冷店打冷這個用字，真的很特別 ，一進店裡 看到老闆正在切著大把大把的蔥花，就知道絕對是好料理，朋友說的十足男子味我也感受到了，這裡很像臺灣的海產熱炒店，是打屁喝酒下酒菜的好所在。菜單一來，有點迷思不知如何點，但朋友說了來打冷怎能不點滷水拼盤，裏頭猜測有的是墨魚片、 豬頭肉、豬肚,、腸頭等等，滷汁味道實在非常夠味下酒，在香港吃內臟也永遠不用擔心吃到不乾淨的怪味道 ，另外還點了豬皮蘿蔔、鹵水鵝片，以及一定要搭配蠔仔粥這裡的好味道，是我在回台灣後，真心在午夜夢迴時還會想再吃到的美味

係旺角通過諗唔到食咩就會黎呢度打冷. 地方係迫d, 夜晚多人就會好嘈，不過佢係朗豪坊格離真係好方便，平平地又好食.4個人食，叫左6樣野加啤酒.1. 蠔仔粥（細），4個人一人一碗岩岩好，潮州粥，湯唔鹹唔淡，蠔都足料，好食. 唔夠喉，下次要叫個大既.2. 鵝片，魯水味唔會搶左鵝片d味，鵝片夠新鮮，食落好香，又唔會太老，口感都唔錯，好食.3. 蠔餅，必食，足料，蠔仔好鮮甜4. 椒鹽鮮魷，外脆內爽，炸粉厚度適中，鮮魷新鮮又冇過熟，5. 豉椒炒蜆，呢個麻麻地，蜆冇嘜味，又有沙6. 雜菜煲，都係麻麻地，d菜太林麻麻果d下次唔食，一定會再黎食

店鋪都算就腳，近在朗豪坊的斜對面，門面看起來不太怎麼起眼，格局和擺放也算普普通通一般般，如果大家要去豪華裝飾，又要漂亮又乾淨，你一定會對這裡好失望。今次惠顧原因，係朋友介紹食物都算吾錯，所以今日家庭聚會就選擇這裡。這店還未開始點菜，就有點失望，原來店內沒有8-12人的大枱，我們只能用兩張小圓枱并埋坐，雖然有點擠迫，但要食舊式打冷店的風味，就要取捨其一除了打冷的食物外，還有其他小菜搭配，都算多選擇。滷水食品不能缺的有滷水鵝片、潮州三寶(鵝腸、生腸、尤魚)、鹵水豆腐等。鹵水鵝味道算突出，鵝片肉質鬆軟，味道很香，鵝腸爽口，蠔仔粥好好味，肉碎與𧐢仔比例得宜，湯底都好鮮甜，還加了些芫茜更香口。蠔餅煎炸得金黃，沒太多焦，蠔仔份量又不算有好多，幸好感覺不太多油食落也不油膩。大眼雞魚都係食潮州菜必食點之一的菜，條魚都算大條，食落都好鮮味，沒有雪味。至於小菜都算有水準，我們叫了穌炸大腸、魚香茄子煲、小炒皇、蜆介鯪魚球，椒鹽九肚魚、菠蘿咕嚕肉等。值得一讚就係蜆介鯪魚球，超好味，像乒乓球那麼大。整體來說，食物質素相當有水準，鑊氣十足價格亦親民

明明係對內臟極度抗拒, 但都係掙扎下放左舊豬大腸入口......發現, 咦, 又幾好食架喎, 肥肥地既感覺。(但心理障礙未克服)不過滷水未夠香呢《滷水大拼盤》 $90《蠔仔肉碎粥》 細$40; 大$80呢個係細的, 好吃喔潮州粥就係咁, 似湯飯多過粥。呢碗蠔仔份量都幾足, 而且好香胡椒味, 仲有淡淡芫荽香😊其實我唔食芫荽...係聞到都作嘔個隻。但呢碗粥芫荽味只是少少的點綴, 所以接受到。 如果我食芫荽, 應該係覺得香的, 配搭得幾好。但我唔食, 所以對我來說係一種美中不足😂只好避開芫荽碎。咕嚕蝦都好有鑊氣, 正喔~本是因為一壽司服務太差而轉場吃打冷, 但在這裡感覺更受尊重, 店員走前更和我們說了聲新年快樂

放工6點幾同老公想打冷嚟左新泉發，記得數年前幫襯過，不過無咩印象。時間尚早，只有一枱客唔使等。講下環境，d位幾濶落，唔會坐得好迫，冷氣夠涼，地方都乾淨企理。招呼我地既係一個後生既哥哥仔，講野有禮，都有推介下我地叫咩咁。兩個人叫左3個餸：墨魚，蠔餅同炒蜆；一個白飯，一個潮州粥；一罐汽水。墨魚：好味，彈牙，好入味，碟頭都唔細，而且放底既芽菜好好味。蠔餅：唔算大碟，唔知點解有少少偏濕（？），好在粒粒蠔仔都大大粒，都ok，但唔算必點菜色。避風塘炒蜆：哥哥仔侍應一上就話，你地好彩，今日d蜆好大隻好靚。一睇，又真係喎，隻隻都大，飽滿有肉，最難得無好多時食炒蜆既慘況：殻炒殻! 味道不錯好香蒜味，辣辣地，好好送飯，再嚟一定再叫。（相片唔好意思唔小心delete左，得返墨魚果張）兩個人三個餸飽到不得了，埋單23x, 我地都覺得味道不錯價錢合理，可以再嚟幫襯。

新泉發有兩間分店, 分別在上海街(新開分店)和砵蘭街(原有舊店). 十分攪嘢, 門牌號碼都是”98”號尾, 上海街498號和砵蘭街198號. 電話通知友人在店內食住等, 誰知一時大意, 講時, 掉轉了, 講錯: “上海街一九八”,.. 唔怪得之咁耐都未見佢出現啦…. 哈哈…哈哈…新舊鋪兩間咁近, 上網查一查, 照道理, 舊鋪應該水準好D, 但....係包拗頸囉, 所以, 一定係揀新鋪…大啤: 藍妹, 夠凍, 好滿意.韭菜豬紅, $45 合格貨色, 豬紅, 彈牙, 爽口, 夠熱, 韭菜, 略為老韌, 咬得頗用力, 都好, 練吓牙力…滷水鵝件, $90, 滷水味濃, 偏鹹, 味道比一般的濃, 鵝肉結實彈口, 肉質新鮮, 但脂肪層太厚(有些還厚過肉), 實在難以鵝肉與鵝皮一起入口, 失望…. 唔該老闆入貨時留意一吓啦…枝竹斑腩煲, 好似$70, 這是食過最難食的斑腩, 斑腩脆漿厚過裡面既斑腩, 與鵝肉一樣, 好結實, 但一點也不彈口, 以為食緊枝竹麵粉煲…..., 枝竹唔算太差, 但都係厚厚一舊, 入口完全沒有枝竹那種片片塊塊的層次感. 最好味就只有煲內的四舊”火腩”…. so sad……枝

話說夜晚同朋友係朗豪坊睇完午夜場，個肚都好鬼肚餓，夜晚兩三點都唔知邊到食，亂行就行到朗豪坊對出呢間打冷，見入面都算坐滿，照計就應該冇伏，咁女仔人家第一次食呢D都唔知叫乜，咁個呀姐叫好好心咁樣行埋黎推薦咗幾樣，聽到頭都暈，不過都食唔到咁多，所以求其叫咗個蠔仔粥，蠔餅，同埋鹵水拼盤，鹵水拼盤就真係唔錯，有紅腸，鵝腸，豆腐，魷魚，豬頭肉同大腸，好似仲有其他，鵝腸好唔錯，好脆XD，鹵水味好重，最重要系分量都唔少！！蠔餅可能我中意食軟熟D，呢到既蠔餅煎得太乾了，雖然話好脆，但係我覺得干過龍，不過如果係中意食脆既蠔餅既朋友，應該會中意食，因為我個FD食好多。呢個粥味道好唔錯，但系煲得唔夠綿，一開始唔知吊片系乜，後黎可愛既阿姐話系魷魚，話埋如果唔MIND可以加埋肉碎，整體而言值得推介！！

今晚約左班同學仔去旺角食飯  諗住飲下啤酒 吹下水 原本去新泉發係砵蘭街個間 但夜晚都幾多人跟住就行落一條街去左上海街新分店喇 都要等5 分鐘左右新鋪仲好過舊鋪 好乾淨又無咁迫 雖然格局同舊鋪都相似一坐底有個後生仔即刻執架生比你  落埋單 好有效率 我地四個人叫左六樣野 真係好正 得閒聚下舊 食下打冷 飲下啤酒個豬紅同魷魚拼盤真係幾出色! 如果你地黎一定要試下!凍凍地我地都無叫到白飯 叫左個蠔仔粥 暖下胃! 野食水準都不錯　好新鮮　總括黎講 我覺得新鋪同舊鋪野食質素都差不多 富有潮州風味但個人覺得新鋪有野好就係新裝修 服務好過舊鋪 !