新祥興茶餐廳 (已結業)

早上，約了朋友在跑馬地早餐，在時間緊迫之下，我沒有多想地方，就手地選擇了這一家叫《新祥興》的茶餐廳。這茶餐廳同對面的《祥興》應該有一點關係，不過我也不想多管了，老闆是誰不重要，最重要是把我的早餐吃好。我先到，而且說好了先到先食，那我就不客氣地食住等，立即點下一個公仔麵餐自己 enjoy。是日的公仔麵餐，有叉燒，有煎蛋，有腸仔，帶有雞精湯底的味道，濃濃香香的麵食，惟是麵煮得太腍，其他都是合乎水準的食品。不過，要說是好食的老味道，我又覺得坊間有好多茶餐廳做得好過佢。奶茶，多奶香滑，可是我卻嫌奶味太重，影響了茶味。這《新祥興》同《祥興》一樣，是當地的一家老店，但是日我登門拜訪，從裝修到食物，一點舊味都感覺不到，這店是老，但給我的感覺就是似老非老。

先講食物，後講八啩事，煎蛋沙嗲牛肉麵，煎蛋微微脹起，漏黃兼有脆邊，煎得剛好，沙嗲味淡，牛肉醃得不太過，尚有牛肉的咬口，但份量太少，有些少碎菜和葱花伴隨，用大光麵品種，微微偏軟，但個個口味不同，難說好壞，再後加了一份油占多，薄多士，果占勁多，奶茶夠濃，但有些微微苦的味道門口見牌寫住：下午茶時段由2-7pm, 當時6:20分，入去，我都禮貌問一問 "還有下午茶嗎？", 侍應望一望時鐘，等了兩秒後答："還有", 待我叫完後 便隨即抽起下午茶menu, 但當時只是6:30, 不是到7pm 嗎，為甚麼不寫"到6:30"?呢？，無論如何，員工們都十分友善和禮貌

好小在跑馬地吃午餐，今日難得在跑馬地，去了新祥興吃，我叫了一個特餐，老公叫了一個干炒牛河，特餐牛油多士給了一個驚喜，牛油多士是烘底的，仲要即烘，好脆!個雪菜肉絲面都足料，仲要煎雙旦加多一塊火腿，絕對係誠意之作。價錢都係$30! 下次經過跑馬地一定會再去!

12-7-2009同朋友一心想食昌記的油砂厚多, 點知佢(又)無開檔, 結果死死氣嚟到呢間冰室搞掂.先嚟 share 食的奶油多: 烘得幾靚, 食落熱辣辣又鬆脆, 煉奶夠多, 牛油就唔多夠.凍奶茶 ($13): 夠凍, 但冰唔多, 幾好; 飲落稍甜, 但夠晒香滑, 唔錯.朋友貪得意叫了凍羅漢果茶 ($16), 我覺得稍甜, 佢就飲到面有難色...五香肉丁麵 ($17): 麵底用福麵, 淥得稍腍; 肉丁喺底, 味道甜多過辣; 碗嘢又唔多夠熱, 麻麻哋好食.朋友食餐肉腸仔麵: 伙計阿叔 offer 腸仔可以「煎」, 當然話好, 但 end up 都無煎到嘅 -_-" 味道大路, 亦唔夠熱, 唔怪得朋友食唔晒...每人放低約 $39, 唔多滿意, 好在有下場 -- 鳳輝臺/ 山村道食布甸!

數日前吃過祥興,這次試試新祥興,看openrice見這店評價較高.打了一小時squash,只想找地方歇歇,喝點東西.這裏的餐雖較祥興的選擇多,但離晚飯時間不足2小時,還是要點輕食好.凍奶茶($13) - 比祥興的好喝,茶味雖不太濃,但也可接受,甜度高了點,下次能叫少甜.茶走($12) - 比凍奶茶出色,茶味香濃且甜味剛好.波蘿油($6) - 從來都不是波蘿包的fans,何況是波蘿油.賣相看來不錯,且是微暖的,牛油半溶,粉絲們應該喜歡.火腿餐包($8) - 火腿只有一片,很可憐.餐包暖暖的,甜甜的,十分好吃.這裏還有很多不同的包點款式,如蕃茄牛肉包,波蘿油夾蛋.還有在天后吃過,以為只此一家的滷水牛肉三文治,下次必試的目標.茶餐廳在香港可算是打出了一個名堂.不論年齡,都喜歡到茶餐廳,嘆奶茶,吃蛋撻.期望茶餐廳文化可以發揚光大.

曾經是跑馬地的常客, 小時候零錢不多時, 當然係去最平宜的茶餐廳新祥興是我一直以來光顧的, 但後來離開跑馬地後, 便沒有再重來. 一別已是五年了......是日再來, 又是吃常餐, 貪其多野食, 依家重有多重配搭. 今次叫左餐肉煎蛋, 火腿通, 菠蘿包同奶茶男友叫左吞魚治, 沙爹牛米都係奶茶多年來吃後不得不承認其實食物水準是一般茶餐廳貨色, 但是感情分搭夠, 冇辦法......和老伙計談天, 知道大概今年十一月因不能負擔昂貴的租金而要結業了, 要集體回憶就要早點了.

跑馬地．．．一個陌生架地方為著要填滿肚架空虛，所以走入了一間外面古舊架茶餐廳叫了午餐，粟米石斑飯。竟然約一點多，粟米汁、咖哩雞、牛全部賣晒．．．粟米汁都真係幾好食，但石斑就咸o左少少～～$34午餐，大眾化價錢。

晨早同老公去食早餐, 叫左蛋牛菠蘿包, 熱奶茶, 豬扒米蛋牛菠蘿包…怪怪的, 又甜又鹹, 根本唔MATCH, D味好似分開食噤!豬扒米–淡淡的, 豬扒無味, 又係雪扒奶茶偏苦試過就算, 無下次! 而且價錢都幾貴!

習慣每星期光顧, 通常都是吃麵餐, 其實他們的咖哩豬扒飯都很好吃。豬扒可叫伙計剪開, 方便進食；咖哩汁及豬扒都可口, 送飯一流, 吃麵不飽的人的另一選擇。不過,飯不包飲品要另加錢。

叫了熱奶茶兩杯（$11@）、餐肉麵（$16）和豬扒腸仔蛋麵（$28）各一。豬扒醃得不錯，薄薄的一片，很入味，還切成兩半，方便食用。其他食物，沒有難度。唯一感到可惜的，是那備受讚賞的熱奶茶，也跟一般茶餐廳的沒有什麽分別，埋單一共$66，頗貴。

由於之前食0個碗雲吞麵只夠我「攝牙罅」, 0黎了呢度食2nd lunch 填肚, 順便飲絲襪奶茶. 見有菠蘿蛋牛包, 但又唔想食牛肉, 叫了個菠蘿蛋包試試.熱奶茶($9) 又香又滑, 好好飲, 仲有靚靚「黑白淡奶」杯載住, 飲得開心=P 菠蘿蛋包($12) 賣相麻麻, 初初見個包扁tat tat, 層皮又好似好濕/黏, 都有d 擔心, 但食落層皮算幾脆, 個包又熱軟熟, 而中間的蛋係炒蛋, 食落唔係咁滑但有好濃烈蛋香, 幾好食!環境up dup, 衛生情況非常麻麻, 真係夠晒「懷舊」@_@" 招呼幾好喎, 阿叔好得意又好人!上0黎Openrice 先知呢間d 口碑比隔0黎鋪好咁多??? 乜唔係同一間0黎0架咩, 點解差咁遠的?

每到星期日一定會同男友一齊出去食早餐,呢間係選擇之一。它的食物很一般,就算上次食埋蛋撻都係中上,唔係話真係好正。但係佢的奶茶同鴛鴦真係好得。上星期日男友食左個粟米石斑飯,唔知係唔係第一次入去食飯,真係好失望。粟米汁只得個咸字,而個石斑又好鯹,真係唔係好得。下次去真係唔可以食飯

常餐多士已經冇以前咁厚咁好食，不過依然幾好~唉~

見到大家講到都幾好, 咪試吓囉!um...一般, 好一般, 杯凍檸茶仲唔係好得, d茶味唔係好夠. 雪菜肉絲米粉, 我估係招牌貨, 但都係好一般. 旦治都好似舊式茶餐廳咁, 厚厚的一份, 都ok. 但整體感覺太殘舊了.

早幾日寫過呢間茶餐廳食評, 當時覺得味道冇乜特別, 但見其他食評家讚不絕口, 於是決定再去幫襯多次。今次依舊係食茶餐, 炸菜肉絲米粉加吞拿魚治加凍檸茶, 飲品味道依然係麻麻, 米粉一般冇乜特別, 但值得一讚係個吞拿魚治, 麵包口感好好, 整體味道都唔錯! 自從食完呢件三文治之後, 我呢幾日都愛上左呢個茶餐, 主要都係為左呢件三文治而叫, 大家真係值得去試下。我問個度d員工隔離間祥興係咪同一老細, 原來佢話已經分左家, 各自獨立去做, 唔怪之得呢間咁多人讚, 隔離個間咁多人彈啦!