新羅寶韓國餐廳 (利舞臺廣場)

营业中

休息中

好好味，生牛肉&牛肋骨是會另人回未的嗰隻好味。唯一要彈就喺service囉，大部份waiter & waitress唔識中文，又慢吞吞。一定要訂枱!

男友仔忙於工作,所以決定要食好d,所以試左呢間兩人叫左: 燒牛--好味!!好香牛味,唔好睇小佢薄薄一片咁,幾有咬口,good! 燒牛肋骨--都係好好味0既!!腌得好好,有肉汁,不過同其他餐館相比,呢度既牛肋骨就好似細碟d 海鮮餅--係男友仔既同事極力推介,本人就覺得只屬一般呢度既氣氛係好正宗既,大部分都係韓國人做侍應,其中有d會唔識英文,所以有d語言不通,而且當晚唔算多人, 但唔知點解叫極都叫唔到人,服務麻麻;食物方面,烤肉類唔錯,不過份量略少,而前菜就只有5碟,當中有3碟係唔同種類0既泡菜,相比起莊園金羅寶就差d啦,無論食物定係服務,整體0既感覺一般,應該唔會再黎lu

一年一度的生日和朋友來這裡吃晚飯環境和服務都不錯果然是出名的韓國料理一坐下已經聞到很香的味道~* 點了一個course b (veggi) 最欣賞還是前菜和雜菜炒粉絲另外點了一個豬肉(忘了名字) 有一系列配菜和皮包來吃的不過豬肉很肥看到已不敢吃又點了海鮮燒餅這個最好味

久不久會去新羅寶，話哂韓星來港都嚟呢度唔會差得去邊，但原來都係睇你叫咩食(><)叫了平常的牛肋骨，味道冇得彈啦，跟著叫了個石頭鍋飯有果實的，太硬唔係好啱香港人口味。有個湯大大個石鍋，送的，係韓式麵豉湯，好鹹。跟著係我地點的魚鍋，雖然已經好辣但完全蓋不到腥味呀！完全入不到口，清晰的見到魚腸都冇劏到，有Ｄ倒胃口。同香港人待應反應，沒有表示，有Ｄ失望。又唔會以後都唔再去食，但都係叫番Ｄ烤肉算數了。

媽咪生日，揀了食韓燒，一行八人坐了張長枱，兩個爐。叫了蠔餅和一個六人餐，份量足夠，前菜亦很多碟，八個人都食唔哂。涼伴粉皮-粉皮形狀如年糕，淋的，感覺幾得意白灼豬肉生菜包-將豬肉和醬汁一同用生菜包，不過不失海鮮煎餅-和蠔餅相比，個人比較喜歡海鮮煎餅，有蝦﹑魷魚等等烤銀雪魚-賣相一般，但食落好淋特級牛排骨-很香口，好味雞肉和帶子-帶子比想像大，雞肉無咩特別牛肉煱麵-因為唔夠人手，放了牛肉好耐都無人理，牛肉縮到太少，而麵就幾好生果盤和麥芽米水-好清甜各樣都ok，只是服務員太少，上菜比較慢。9折後，埋單$1,440。

2個人到韓燒, 點菜真的有點困難, 太多又吃不完, 這次一定要找一點新奇未吃過的~~ 蠔仔煎餅, 以鐵板盛上, 蠔仔的份量多而且都不算太細, 不過雪藏的, 没蠔味, 加了蔥在內以作辟腥味之用, 但蔥的味道太強, 一客5片煎得少少脆的, 略微油多了點另叫了一客韓式牛肉牛肚鍋, waiter小姐說這是傳統的韓國菜式, 一大鍋上可供3-4人, 份量大得有點嚇人, 鍋肉有牛肉(牛味勁重, 但吃到尾段時會很un), 牛肚(由於煮了半, 自行再煮, 味道不夠入味), 娃娃菜, 豆腐(口感如百福的), 年糕(很快腍很入味, 不錯不錯, 吃了很多), 湯底有一點點辣, 煮得久了牛肉汁會很濃很杰, 而且汁又好像不太夠, 但煮牛肚又須時, 如果多一點汁便好了食完之後感到由頭髮到身上, 都散發牛肉的味道, 好羶………….

星期六上堂前去食lunch，因通常韓國餐廳lunch set 都無得自己燒既，要另外叫，但呢度有喎，所以覺得幾抵。我地嗌咗牛肋骨同雞肉，都幾好食，仲有生菜比你可以包住食。service都好，甘短時間都有幫我地換爐。另外有一張枱寫住免費試食，有南爪溶(難食)同一盆類似salad(幾好食)。個set可以choose豆腐鍋/海鮮鍋/雜錦飯，我叫左豆腐鍋，黎左先知係辣既，所以最後我既另一半就讓左佢既雜錦飯比我食，ok嫁！

日前到銅鑼灣的新羅寶吃韓燒, 牛肉眼和牛都不俗, 燒蝦不及鹽燒好吃。值得一提的是有種韓國天菊酒, 酸中帶甜, 十分特別。不過我已將店內最後一瓶喝了, 不知還會不會入貨呢?

因為要farewell韓國的同事，去左呢間餐廳食lunch~由於我地多人，同埋有韓國人在場，所以溝通冇問題之餘，叫既野食都係最地道既Kimchi就ok啦，我叫左個肉的鐵版野，都幾好味。另一位同事叫左個牛排骨煲，好清甜……不過個人蔘雞煲就唔好味，一d人蔘味都冇之餘，連雞味都唔多覺……最好味既係佢既冷麵，夠冰凍之餘仲係酸酸甜甜，d麵仲好有口感﹗值得一試﹗不過service就唔好囉。明明reserve左間房(我地有十幾人)，去到又話冇，仲要我地分開兩張table~ 仲有d waitress唔係太有禮貌囉，次次上菜都"own"開我地……加水既frequency都唔太夠……所以加加埋埋只可以話係不過不失囉

今次叫了兩樣野;1.牛肉湯飯$85~牛肉係厚切件,在一個石頭鍋內,入面仲有麵線添,還有一碗白飯.個湯奶白色,但無嘜味道的,全靠自己落的料醬.2.自製牛肉麵鍋$115~麵有靵度,但牛肉可能過度灼熟,妤鞋.

呢間韓燒都算係我去過以o黎最好食o既韓燒喇.... 完全唔似d 任食o既韓燒咁.. 求求其其比d 肉o黎"責" 飽你個肚.. 但係呢間就比較貴.. 份量都唔多o羅..2個人一坐低.. 就order 左2人套餐A:1) 7 碟前菜: 有蘿白絲, 芽菜, 波菜, 蝦米仔, 爽蓮藕, 2 款泡菜, 一個辣, 一個唔辣... 我覺得款款都好食喎! 唔係求求其其咁整o羅..2) 什菜炒粉絲: 有冬茹, 菜一齊去炒o既粉絲, 味道o岩o岩好.. 好食!3) 美國特級牛肉: 呢個我比佢99 分呀.. 真係好好食呀.. 好有咬口..唔hei.. 有香濃o既牛肉味.. 唔駛點醬汁已經夠唒味.. 生生地或者膿膿地食都好好食呀!! 如果份量再多d 就拿100 分喇..哈哈!! =)4) 豬肉: 薄薄地o既豬肉燒都好好食呀.. 又係唔駛點醬都夠唒味!5) 石頭飯: 好多料o既石頭飯呀.. 食落口惑豐富.. 好好食呀!6) 生果拼盆: 只不過係幾片西瓜.. 蜜瓜同哈蜜瓜.. 不說也罷7) 糖水都好好飲呀.. 我唔記得左個名.. 但係裡面有薏米.. 好清潤呀!呢個2人套餐真係飽到傻呀.. 雖然燒o既份量唔多(牛肉

次次用膳時間來都唔會爆,佢地真係要檢討吓啦.雖然新羅寶係名牌子,味道亦無問題,但真係貴咗d囉.Side dish得七款,細碟都係其次,其他韓國餐廳一定唔只得七款囉,唔掂---燒牛肋骨$115 二條, 味道都ok,但明洞屋會好食d.而且佢無俾醬我哋點.燒羊肉$95 100g, 切得都幾薄的,味道一般啦.冷湯麵$88, 麵質好好,夠"煙靭".<<不過我認為佢地lunch menu都抵的.>>

服務真有問題, 部份waitress好似新來一樣, 最離譜喺嗰位韓國女manager, 我們order咗牛肉, 蝦, 雞, 魷魚, 我要求她幫我把魷魚剪開, 佢話先食其它, 最後至食魷魚, 因為這是次序(味道較濃), 後來(大概20分鐘)我再要求把魷魚剪開, 她仍然不理, 還用極不禮貌的語氣話我們還未食完其它食物, 其實我想問, 我有否選擇權利, 韓式鐵板燒真的有次序嗎? 我一定唔會再去.牛肉非常一般.

一路食一路思緒好混亂明明上次去果間x羅寶尐韓燒明明好大碟架喎點解今次細得咁緊要既呢仲騙左四個朋友仔過海黎食真係唔好意思喇唔通果間係金羅寶???我真係唔多記得添今次叫左燒既韓國牛柳同埋普通既豬同雞每樣一人得兩三件當然唔夠飽啦但係燒出黎又真係好鮮甜食得出唔係普通野喎最得意就係唔知點解檯面無油其實到宜家我地都唔知究竟係咪真係用果舊牛脂肪黎做油架喎全場又得兩個姐姐幫客人燒肉真係等得佢地黎又辛苦晒佢地喇要留意多數侍應既中文水平唔高記得要用英文另加牛排骨窩我覺得要睇一間韓國料理既質素呢道菜都可以算係指標今次肉質軟滑做得唔錯不過個汁唔夠濃拌飯唔夠味另外海鮮葱餅一般啦送既kimchi份量好少如果要食既要俾40蚊份…後尾送既麥芽糖水都唔多識欣賞食出黎又唔係好貴不過要飲茶飲飽囉真係攪到我愛恨交纏唔知俾個咩grade佢好不過之前係既莊園正宗尐又抵食尐囉Anyway 多謝各位對性別與性格既獨特見解真係要睇返金枝玉葉先得咯

今年隊波成績不錯，成班波友的聖誕聚會及慶功大會，好在今次輪到我主持，如不是又係食自助餐。十八人，在聖誕節期間為方便訂檯及拿房，就安排了吃韓國菜。來這裡因為地點就腳，泊車及散水都較為方便。店方安排了間有電視的房，一張長檯上擺著三個韓烤爐，大家排排坐，幾適合聚會。叫了不少的東西，有幾款烤肉、烤餅、石頭飯、鍋等等，食完又叫，叫完再清，都食左好多野。前菜是例牌的八碟十款，這裡的泡菜夠鮮夠辣，論味道不算最好，不過都添了幾次；幾款烤肉先到，例牌一定以牛肋骨做膽，拖雞肉、羊肉、排骨及魷魚。烤牛肋骨仍然出色，醃得入味肉質又軟腍，用高麗菜包著吃更見滋味；其他以魷魚較合口味，魷魚肉厚身又幾新鮮，具口感又鮮甜，烤起上來又香氣四溢，都食得過；小吃方面，叫了辣醬炒年糕，這個不是在餐牌的菜色，除了年糕，還有地道的韓式小吃魚片，用上銀杏、菘子等去炒，加上米糕煙煙韌韌的，味道不錯，頭尾都叫了三碟；綠豆蓉煎餅煎得幾香又夠乾，都不錯，不過一客六小件，不太夠分；海鮮煎餅就大大個，夠晒分，可惜味道一般，叫了兩大個，最後也有剩下來的；什錦石頭飯及海鮮石頭飯各要了兩個，相比之下，是什錦﹝圖示﹞好吃得多，配料豐富飯又乾身好味，但當